Category: ચોમાસું

 

અહેવાલ – લાભુજી ઠાકોર ( માંડલ )

અમદાવાદ જિલ્લાના માંડલ તાલુકાના દાલોદ ગામમાં છેલ્લા કેટલાય સમયથી પીવાના પાણીની તંગીનો મુદ્દો ચરચામાં રહ્યો છે. ગામના લોકો પીવાના શુદ્ધ પાણી માટે દૂરદૂર સુધી ભટકાતા હતા અને પાણી પુરવઠો અનિયમિત હોવાને કારણે દૈનિક જીવન પ્રભાવિત થતું હતું. ગ્રામજનોની રજૂઆત બાદ ગામમાં નવી બોરવેલ મંજૂર કરવામાં આવી હતી.

આ બોર માટે લોક ફાળાની રકમ રૂપિયા 2,43,391/- નો ચેક જિલ્લા પંચાયત અમદાવાદ દ્વારા ફાળવવામાં આવ્યો હતો. આ ચેક આજે વિરમગામ ખાતે આવેલ ગુજરાત પાણી પુરવઠા અને ગટર વ્યવસ્થા બોર્ડના નાયબ કાર્યપાલક ઇજનેર ની કચેરી, જાહેર આરોગ્ય યાંત્રિક પેટા વિભાગમાં ઉપ સરપંચ કિશન સિંધવ દ્વારા રૂબરૂ હાજરી આપી સત્તાવાર રીતે જમા કરવામાં આવ્યો હતો.

 ચેક જમા થતાં હવે આગળની ટેકનિકલ પ્રક્રિયા, 

પાઈપલાઈન અને બોરવેલ ના કાર્યને ઝડપથી આગળ ધપાવવામાં આવશે તેવી માહિતી ગ્રામ પંચાયત દ્વારા આપવામાં આવી છે.

 કામ ટૂંક સમયમાં શરૂ થાય એની શક્યતા વ્યક્ત કરવામાં આવી છે.

ઉપ સરપંચ કિશન સિંધવે જણાવ્યું કે—

“દાલોદ ગામ પાણીની તંગીનો સામનો કરી રહ્યું હતું. લોક ફાળો જમા થતાં હવે બોરનું કામ ઝડપથી શરૂ થશે અને થોડા સમયમાં ગ્રામજનોને શુદ્ધ અને પૂરતું પીવાનું પાણી મળશે.”

સ્થાનિક લોકો પણ આ કામ શરૂ થવાની રાહ જોઈ રહ્યા છે. ગામના રહેવાસીઓએ જણાવ્યું કે બોરવેલ કાર્ય પૂર્ણ થતાં જ પાણી માટે દૈનિક પરેશાનીમાં ઘટાડો થશે અને ઉનાળાની ઋતમાં ખાસ રાહત મળશે.

પંચાયતનો સ્ટાફ અને અધિકારીઓએ આ કામગીરીને ઝડપ અપાશે તેવો વિશ્વાસ વ્યક્ત કર્યો છે. કામગીરી પૂર્ણ થાય બાદ ગામમાં પાણી પુરવઠાની સ્થિર અને સુદ્રઢ વ્યવસ્થા ઉભી થશે.

કડી…

શહેરના અનેક વિસ્તારોમાં મોડી રાત સુધી ચાલુ રહે છે ચા-નાસ્તાની લારીઓ, પેટ્રોલિંગ દરમિયાન લાઇટો બંધ કરી છુપાય જાય છે સંચાલકો

   કડી શહેરમાં છેલ્લા કેટલાક સમયથી રાત્રીના સમયે ચા અને નાસ્તાની લારીઓ બિલાડીના ટોપની જેમ ફૂટી નીકળેલી જોવા મળી રહી છે.આ લારીઓ મોડી રાત સુધી ચાલુ રહે છે, જેના કારણે શહેરના શાંતિપ્રિય નાગરિકોમાં અસંતોષ અને ચિંતાનું વાતાવરણ જોવા મળી રહ્યું છે.

સ્થાનિક નાગરિકોના જણાવ્યા અનુસાર, રાત્રીના સમયે ચા-નાસ્તાની લારીઓ આસપાસ કેટલાક અસામાજિક તત્વો ભેગા થઈ અડ્ડા જમાવીને બેઠા રહે છે.આ જગ્યાઓ પર રાત્રિભોજન બાદ યુવકોના ટોળાં લાંબા સમય સુધી બેસીને ગપસપ કરતા હોય છે, કેટલાક સ્થળોએ નશીલા પદાર્થોનો ઉપયોગ થતો હોવાની પણ ચર્ચા શહેરમાં ચાલી રહી છે. 

   કયા વિસ્તારોમાં છે આવી લારીઓ?

  મુખ્યત્વે ભાગ્યોદય હોસ્પિટલ, કસ્બા વિસ્તાર, શેફાલી ચોકડી, કરણનગર રોડ ફાટક, તેમજ નાની કડી જકાતનાકા વિસ્તાર સહિત મોટા ભાગના વિસ્તારોમાં મોટી સંખ્યામાં આવી લારીઓ રાત્રીના ૧૨ વાગ્યા બાદ પણ કાર્યરત જોવા મળે છે.આ લારીઓ શહેરના કેટલાક ભાગોમાં “નાઇટ સ્પોટ” તરીકે લોકપ્રિય બની રહી છે, પરંતુ તેના કારણે શાંતિ અને સુરક્ષાનો પ્રશ્ન ઊભો થયો છે.

 પોલીસ આવે તો લાઇટો બંધ, જાય એટલે પછી ફરી ચાલુ

   સ્થાનિક લોકો કહે છે કે જ્યારે પોલીસ પેટ્રોલિંગ માટે આ વિસ્તારોમાં ફરતી હોય છે ત્યારે લારીઓ ના સંચાલકો લાઇટો બંધ કરી અંધારામાં છુપાઈ જાય છે.જ્યારે પોલીસ આગળ વધી જાય છે ત્યારે તરત જ લારીઓ ફરી શરૂ કરી દેવામાં આવે છે.આ રીતે ચોર પગ થી ચાલી રહેલા ધંધાને કારણે પોલીસની કામગીરી ઉપર અસર થાય છે.

 ઝઘડા અને તંગદિલી ના બનાવો પણ સર્જાયા

   મોડી રાત સુધી ચાલતી આ લારીઓ અને આસપાસ ભેગા થતી ટોળકીઓ ના કારણે અનેક વખત ઝઘડાઓ અને તંગદિલી ના બનાવો પણ સર્જાઈ ચૂક્યા છે.નાગરિકોએ જણાવ્યા પ્રમાણે નાના મનદુઃખ થી શરૂ થતા ઝઘડા ઘણી વખત મોટા ઝઘડાના રૂપમાં ફેરવાય છે.આથી વિસ્તારના રહેવાસીઓએ પોલીસ પાસે તાત્કાલિક કાર્યવાહી કરવાની માંગ કરી છે.

નાગરિકોની માંગ – “શહેરમાં કાયદો અને શાંતિ જળવાઈ રહે એ જરૂરી”

   શહેરના સમાજસેવકો અને વેપારી વર્ગે જણાવ્યું કે રાત્રીના સમયમાં આવા અડ્ડાઓ ફક્ત કાયદો તોડવાની પ્રેરણા આપે છે,પરંતુ સાથે સાથે શહેરના યુવાનો માટે ખોટો ઉદાહરણ પણ પૂરું પાડે છે.નાગરિકોની માંગ છે કે પોલીસ તાત્કાલિક રીતે અનધિકૃત લારીઓ સામે પગલાં ભરે અને રાત્રિ ૧૧ વાગ્યા બાદ કોઈ પણ પ્રકારની ઇમરજન્સી સિવાયની ચા-નાસ્તાની લારીઓ ચાલુ ન રહે તે માટે કડક સૂચનાઓ જાહેર કરે.

 “સમાચાર ડાયરી”નો અભિપ્રાય

   શહેરની શાંતિ અને સુરક્ષા જાળવવી એ દરેક નાગરિક અને પ્રશાસનની સંયુક્ત જવાબદારી છે.જો આવા અસમાજિક તત્વો રાત્રીના અડ્ડા જમાવી રહ્યા છે, તો તે શહેરના વાતાવરણ માટે ખતરનાક છે.પોલીસે જો કડક પગલાં નહીં ભરે તો આવનારા સમયમાં કડી જેવા શાંતિપ્રિય શહેરોમાં અશાંતિ ફેલાઈ શકે છે.

કડી પોલીસને હવે કાર્યવાહી કરવી જરૂરી છે –

જેથી શહેરમાં શાંતિ, સુરક્ષા અને નિયમનો કડક અમલ જળવાઈ રહે.

ગરીબોના હકના અનાજ પર દુકાનદારોનો તરાપ – લોકોમાં ભારે આક્રોશ

મહેસાણા જિલ્લાના જોટાણા તાલુકામાં સસ્તા અનાજની દુકાનોમાં છેતરપિંડીના બનાવો સામે આવ્યા બાદ સમગ્ર તાલુકામાં ચકચાર મચી ગઈ છે. સરકારની ગરીબ કલ્યાણ યોજનામાંથી મળતું અનાજ પૂરું મળતું નથી અને દુકાનદારો લાભાર્થીઓને ઓછું વજન આપતા હોવાના આક્ષેપો સામે આવ્યા છે.

 સરકારી યોજનાઓ હેઠળ ગરીબોની સહાય — પરંતુ કાગળ ઉપર જ ?

  પંડિત દીનદયાળ સસ્તા અનાજ યોજનાનો હેતુ ગરીબ પરિવારોને ન્યાયી દરે અનાજ ઉપલબ્ધ કરાવવાનો છે. પરંતુ જોટાણા તાલુકાની અનેક દુકાનોમાં આ યોજના માત્ર કાગળ ઉપર જ ચાલતી હોવાનું બહાર આવ્યું છે.

  સ્થાનિક રહેવાસીઓનું કહેવું છે કે દુકાનદારો સરકારી નિયમ મુજબ પૂરું વજન આપતા નથી. કોઈ લાભાર્થીએ ફરિયાદ કરવાનો પ્રયાસ કરે તો તેમને “ગોડાઉનમાંથી ઓછું મળ્યું” અથવા “સરકાર પાસેથી સપ્લાય અટક્યો” જેવા બહાનાં આપી ટાળી દેવામાં આવે છે.

કાળાબજારમાં વેચાતું બચેલું અનાજ

   લાભાર્થીઓના જણાવ્યા મુજબ બચેલું અનાજ કાળાબજારમાં ઉંચા ભાવમાં વેચવામાં આવે છે. કેટલાક દુકાનદારો રાજકીય પીઠબળ ધરાવતા હોવાને કારણે તેઓ સામે કાર્યવાહી થતી નથી.

સ્થાનિક સૂત્રોના જણાવ્યા મુજબ પુરવઠા વિભાગના કેટલાક કર્મચારીઓ પણ આ ગેરરીતિમાં સામેલ હોવાની ચર્ચા ચાલી રહી છે. લોકોનું માનવું છે કે દુકાનદારો અધિકારીઓને ભાગ આપીને તપાસથી બચી જાય છે.

જોટાણા તાલુકાની આર્થિક સ્થિતિ

 જોટાણા તાલુકો મહેસાણા જિલ્લાના અંતરિયાળ અને અવિકસિત વિસ્તારોમાં નો એક ગણાય છે. અહીંના મોટાભાગના લોકો કૃષિ મજૂરી અને નાના ધંધા પર આધાર રાખે છે. આ પરિસ્થિતિમાં ગરીબ પરિવારો માટે સરકાર દ્વારા આપવામાં આવતું સસ્તું અનાજ જીવનરેખા સમાન છે.

  આવી છેતરપિંડીના કિસ્સાઓ માત્ર અનાજની ચોરી નથી, પરંતુ ગરીબીની વચ્ચે જીવી રહેલા પરિવારોની આશા પર ઘા સમાન છે.

 લોક માંગ..

નિષ્પક્ષ તપાસ અને કડક કાર્યવાહી

   આ મુદ્દે સ્થાનિક લોકો મામલતદાર, જિલ્લા પુરવઠા અધિકારી અને જિલ્લા કલેક્ટર ને સુઑમોટો લઈ તપાસ કરવાની માંગ કરી છે. લોકોની સ્પષ્ટ માંગ છે કે વિજિલન્સ વિભાગ દ્વારા તપાસ હાથ ધરવામાં આવે અને દોષિત દુકાનદારોને કડક સજા મળે.

  સામાજિક સંસ્થાઓએ ચેતવણી આપી છે કે જો તાત્કાલિક કાર્યવાહી નહીં થાય, તો તેઓ જિલ્લા સ્તર થી ગાંધીનગર સુધી આંદોલન ચલાવશે.

સરકારની ગરીબ કલ્યાણ યોજનાઓની અસરકારકતા પર પ્રશ્નચિહ્ન

  આ ઘટના એ પ્રશ્ન ઉભો કરે છે કે શું ગરીબ કલ્યાણ યોજનાઓ ખરેખર જરૂરિયાતમંદો સુધી પહોંચી રહી છે?સરકાર વર્ષ દરમિયાન અબજો રૂપિયાનો ખર્ચ કરે છે, પરંતુ તંત્રના મધ્યમ સ્તરે થતી ગેરરીતિઓને કારણે ગરીબોને પૂરતો લાભ મળતો નથી.

  સામાજિક કાર્યકરોનું માનવું છે કે દરેક રાશન દુકાન પર ડિજિટલ વજનકાંટો અને CCTV ફરજિયાત કરવાથી આ પ્રકારની છેતરપિંડી રોકી શકાય.

 લોકો શું કહે છે ..

“દુકાનદારોને પૂરતું કમિશન મળે છે છતાં ગરીબોને છેતરે છે, આ અતિ દુઃખદ છે. સરકારએ તાત્કાલિક તપાસ કરવી જોઈએ.”

— સ્થાનિક નાગરિક, જોટાણા તાલુકા

“બચેલું અનાજ કાળાબજારમાં જાય છે, અને તપાસ થાય ત્યારે કાગળ પર બધું બરાબર દેખાડે છે. હવે પારદર્શક વ્યવસ્થા લાવવી જ જોઈએ.”

— સામાજિક કાર્યકર

 સણસણતો પ્રશ્ન…

   ગરીબોના હિત માટે બનાવાયેલી યોજનાઓમાં જો આ રીતે ગેરરીતિ ચાલતી રહેશે, તો શું ખરેખર “સબકા સાથ, સબકા વિકાસ” શક્ય બનશે?

  જોટાણા તાલુકાની આ ઘટના તંત્રને ચેતવણીરૂપ છે કે જો પારદર્શકતા અને જવાબદારી વધારવામાં નહીં આવે, તો આ પ્રકારની છેતરપિંડી આખી યોજના પર કલંક સમાન બનશે.

 

આવનારા સમયમાં કયા રાજકીય નેતા પોતાનો હોદ્દો અને રુઆબ નો ઉપયોગ કરી પોતાના રોટલા શેકે છે અને કોણ ફસાયું હતું રૂપસુંદરીમાં અને કેવો માર પડ્યો હતો તેની વિગતવાર માહિતી આવશે સામે.