samachardiary24x7.in

Category: ટેક્નોલોજી

  • એસ.ટી.ના કર્મચારીની 30 વર્ષની નિષ્ઠાપૂર્વકની સેવાને સલામ: બેચરાજીમાં વિદાય સન્માન સમારોહ યોજાયો

    રિપોર્ટર: રાજભા સોલંકી

    ગુજરાત રાજ્ય માર્ગ વાહનવ્યવહાર નિગમ (એસ.ટી.)ના મહેસાણા વિભાગ હેઠળ બેચરાજી ડેપોમાં એ.ટી.આઈ. તરીકે ફરજ બજાવતા ઈસ્માઈલભાઈ અલ્લારખા ડોગા 30 વર્ષની નિષ્ઠાપૂર્વક અને પ્રામાણિક સેવા પૂર્ણ કરીને તા. 30 જૂન, 2026ના રોજ વયમર્યાદાને કારણે નિવૃત્ત થયા હતા. તેમની લાંબી અને સમર્પિત સેવાના સન્માનરૂપે તા. 1 જુલાઈ, 2026ના રોજ બેચરાજી ખાતે ભવ્ય વિદાય સન્માન સમારોહનું આયોજન કરવામાં આવ્યું હતું.

    બેચરાજીના શંખલપુર રોડ સ્થિત ઉમિયા વાડી ખાતે યોજાયેલા આ કાર્યક્રમમાં એસ.ટી. મહેસાણા વિભાગના વિભાગીય નિયામક કિરીટભાઈ એસ. ચૌધરી અધ્યક્ષસ્થાને ઉપસ્થિત રહ્યા હતા. કાર્યક્રમનું આયોજન બેચરાજી ડેપોના મેનેજર ગુંજનભાઈ પંચાલના માર્ગદર્શન હેઠળ કરવામાં આવ્યું હતું.

    સમારોહમાં બેચરાજીના ધારાસભ્ય ડો. સુખાજી ઠાકોર, પૂર્વ ગૃહ રાજ્યમંત્રી રજનીભાઈ પટેલ, તાલુકા મહામંત્રી લક્ષ્મણસિંહ સોલંકી, જિલ્લા કિસાન મોરચાના મંત્રી ગોવિંદસિંહ સોલંકી, દેલપુરાના પૂર્વ સરપંચ વિષ્ણુભા પૃથ્વીરાજ સોલંકી, ભારતીય મજદૂર સંઘના પ્રદેશ મહામંત્રી મુકેશભાઈ પટેલ સહિત વિવિધ ક્ષેત્રના આગેવાનો, એસ.ટી.ના અધિકારીઓ, કર્મચારીઓ અને શુભેચ્છકોએ હાજરી આપી હતી.

    વક્તાઓએ ઈસ્માઈલભાઈ ડોગાની 30 વર્ષની નિષ્ઠાપૂર્વકની સેવાઓને બિરદાવી તેમના પ્રામાણિક સ્વભાવ, ફરજનિષ્ઠા અને મુસાફર સેવામાં આપેલા યોગદાનની પ્રશંસા કરી હતી. ઉપસ્થિત મહાનુભાવોએ તેમને શાલ, પુષ્પગુચ્છ અને સ્મૃતિચિહ્ન અર્પણ કરીને સન્માનિત કર્યા હતા.

    કાર્યક્રમમાં પરિવારજનો, સહકર્મીઓ અને શુભેચ્છકોએ ભાવુક વાતાવરણ વચ્ચે ઈસ્માઈલભાઈને નિવૃત્ત જીવન માટે શુભકામનાઓ પાઠવી હતી. કાર્યક્રમના અંતે ઉપસ્થિત સૌ માટે ભોજન પ્રસાદનું આયોજન પણ કરવામાં આવ્યું હતું.

  • WhatsAppનું મોટું અપડેટ: હવે મોબાઈલ નંબર વગર થશે ચેટ, આવી રહ્યું છે Username ફીચર

    WhatsAppનું સૌથી મોટું પ્રાઇવસી અપડેટ
    મેટાની માલિકીના WhatsAppએ યુઝર્સ માટે એક મોટું પ્રાઇવસી અપડેટ જાહેર કર્યું છે. હવે નવા લોકો સાથે વાતચીત કરવા માટે મોબાઈલ નંબર શેર કરવાની ફરજ નહીં રહે. કંપની Username ફીચર લાવી રહી છે, જેના દ્વારા યુઝર્સ માત્ર પોતાના યુનિક યુઝરનેમથી જ ચેટ શરૂ કરી શકશે.
    હવે નંબર નહીં, માત્ર Usernameથી થશે ચેટ
    WhatsAppના નવા અપડેટ બાદ કોઈ નવી વ્યક્તિ સાથે વાત કરવા માટે મોબાઈલ નંબર આપવાની જરૂર નહીં પડે. જો તમે Username સેટ કર્યું હશે તો સામેની વ્યક્તિ તમારો નંબર જોઈ શકશે નહીં અને માત્ર Username દ્વારા જ તમને મેસેજ કરી શકશે.
    ધીમે-ધીમે બધા યુઝર્સને મળશે ફીચર
    કંપનીએ 29 જૂનથી Username Reservation શરૂ કરી દીધું છે. જોકે આ ફીચર એકસાથે બધા દેશોમાં ઉપલબ્ધ નહીં થાય. આગામી કેટલાક મહિનાઓમાં તબક્કાવાર Rollout કરવામાં આવશે. જ્યારે ફીચર તમારા વિસ્તારમાં આવશે ત્યારે WhatsApp દ્વારા Notification પણ આપવામાં આવશે.
    મોટા ગ્રુપ અને નવા કોન્ટેક્ટમાં મળશે વધુ પ્રાઇવસી
    આ ફીચર ખાસ કરીને એવા યુઝર્સ માટે ઉપયોગી બનશે જેઓ નવા લોકો સાથે સંપર્કમાં આવે છે. જેમ કે:
    • મોટા WhatsApp ગ્રુપ
    • નેટવર્કિંગ ઇવેન્ટ
    • સ્કૂલ અને કોલેજ ગ્રુપ
    • સોસાયટી અથવા પડોશી ગ્રુપ
    • બિઝનેસ અને પ્રોફેશનલ સંપર્ક
    આવા કિસ્સામાં તમારો મોબાઈલ નંબર ખાનગી રહેશે.
    Username બનાવવાના નિયમો
    WhatsApp મુજબ Username માટે કેટલાક નિયમો નક્કી કરવામાં આવ્યા છે.
    • 3થી 35 અક્ષરો સુધીનો Username
    • a-z નાના અંગ્રેજી અક્ષરો
    • 0થી 9 સુધીના અંકો
    • Dot (.)
    • Underscore (_)
    દરેક Username સંપૂર્ણપણે Unique હશે અને જરૂર પડે ત્યારે તેને બદલવાની સુવિધા પણ મળશે.
    શું નંબર સંપૂર્ણપણે છુપાઈ જશે?
    નહીં. WhatsApp એકાઉન્ટ બનાવવા માટે મોબાઈલ નંબર પહેલાની જેમ ફરજિયાત રહેશે.
    જો કોઈ વ્યક્તિ પાસે પહેલેથી તમારો નંબર સેવ હશે તો તેને બધું પહેલાની જેમ જ દેખાશે. પરંતુ જે લોકો પહેલીવાર તમારો સંપર્ક કરશે તેમને માત્ર Username જ દેખાશે.
    Username Keyથી મળશે વધુ સુરક્ષા
    WhatsApp એક નવું સુરક્ષા ફીચર પણ લાવી રહ્યું છે જેને Username Key કહેવામાં આવશે.
    જો યુઝર આ ફીચર ચાલુ કરશે તો પહેલીવાર મેસેજ મોકલનાર વ્યક્તિએ Username Key દાખલ કરવી પડશે. ત્યારબાદ જ ચેટ શરૂ થઈ શકશે. આથી Spam અને અનિચ્છનીય મેસેજમાં ઘટાડો થશે.
    Instagram અને Facebook જેવું જ Username રાખી શકાશે
    Metaએ જણાવ્યું છે કે જ્યાં શક્ય હશે ત્યાં Instagram અને Facebook પર જે Username હશે તે જ WhatsApp પર પણ રાખી શકાશે. મોટી કંપનીઓ, બ્રાન્ડ્સ અને જાણીતા લોકોના Username પહેલેથી Reserved રાખવામાં આવશે જેથી Fake Account બનાવીને છેતરપિંડી ન થઈ શકે.
    જૂની Chats અને Groups પર કોઈ અસર નહીં
    WhatsAppએ સ્પષ્ટ કર્યું છે કે હાલની Chats, Contacts, Groups, End-to-End Encryption, Block અને Report જેવા તમામ ફીચર્સ પહેલાની જેમ જ કામ કરશે. નવા Username ફીચરની અસર માત્ર નવા સંપર્કો અને Privacy સુધી મર્યાદિત રહેશે.
    યુઝર્સને શું મળશે સૌથી મોટો ફાયદો?
    નવા અપડેટ બાદ મોબાઈલ નંબર શેર કર્યા વગર નવા લોકો સાથે સંપર્ક કરવો સરળ બનશે. Privacy વધુ મજબૂત બનશે, Spam ઘટશે અને Creators, Businesses તથા Professionals માટે તમામ Meta પ્લેટફોર્મ પર એકસરખી Digital Identity જાળવવી સરળ બનશે.

  • એપલ-ટેસ્લાના સિક્રેટ ડોક્યુમેન્ટ્સ સહિત 2 લાખથી વધુ ફાઇલો હેકર્સે જાહેર કરી

    ટાટા ઇલેક્ટ્રોનિક્સ પર મોટો સાયબર હુમલો

    ટાટા ગ્રુપની કંપની ટાટા ઇલેક્ટ્રોનિક્સને લઈને મોટો સાયબર સુરક્ષા ભંગ સામે આવ્યો છે. હેકર્સે કંપનીનો સંવેદનશીલ ડેટા ચોરીને ડાર્ક વેબ પર લીક કર્યો હોવાનો દાવો કરવામાં આવ્યો છે. અહેવાલો અનુસાર, 630GB જેટલો ડેટા અને 2 લાખથી વધુ ફાઇલો હેકર્સના હાથે લાગ્યા છે, જેમાં એપલ અને ટેસ્લા જેવા વૈશ્વિક ટેક જાયન્ટ્સ સાથે જોડાયેલા દસ્તાવેજો પણ સામેલ છે.

    ‘વર્લ્ડ લીક્સ’ ગ્રુપે લીધી જવાબદારી

    સાયબર સિક્યોરિટી નિષ્ણાતોના જણાવ્યા મુજબ ‘વર્લ્ડ લીક્સ’ નામના રેન્સમવેર ગ્રુપે આ ડેટા લીકની જવાબદારી સ્વીકારી છે. આ ગ્રુપ અગાઉ પણ અનેક આંતરરાષ્ટ્રીય કંપનીઓ પર સાયબર હુમલાના દાવા કરી ચૂક્યું છે. ડાર્ક વેબ પર પ્રકાશિત માહિતી મુજબ લીક થયેલા ડેટામાં હજારો ફોલ્ડર્સ અને દસ્તાવેજો સામેલ છે.

    એપલ અને ટેસ્લાના સિક્રેટ ડોક્યુમેન્ટ્સ પણ સામેલ

    લીક થયેલા ડેટામાં એપલના કમ્પોનન્ટ ડિઝાઇન, મટીરીયલ સ્પેસિફિકેશન અને ક્વોલિટી ઇન્સ્પેક્શન સંબંધિત દસ્તાવેજો હોવાનું સામે આવ્યું છે. આ ઉપરાંત ટેસ્લાના કેટલાક પ્રોજેક્ટ્સ સાથે જોડાયેલા ટેક્નિકલ દસ્તાવેજો અને ‘ટ્રેડ સિક્રેટ’ તરીકે ચિહ્નિત ફાઇલો પણ લીક થઈ હોવાનો દાવો કરવામાં આવ્યો છે.

    કર્મચારીઓની વ્યક્તિગત માહિતી પણ જાહેર થઈ

    સાયબર સુરક્ષા સંશોધકોના જણાવ્યા અનુસાર, ડેટામાં વર્ષો જૂના ઇમેઇલ્સ, ઇવેન્ટ લોગ્સ તેમજ કેટલાક કર્મચારીઓના પાસપોર્ટ અને અન્ય દસ્તાવેજોની નકલો પણ સામેલ છે. આ માહિતી ડાર્ક વેબ પર ઘણા દિવસોથી ઉપલબ્ધ હોવાનું પણ નિષ્ણાતોએ જણાવ્યું છે.

    ટાટા ઇલેક્ટ્રોનિક્સનું નિવેદન

    ટાટા ઇલેક્ટ્રોનિક્સે ઘટનાની પુષ્ટિ કરતા જણાવ્યું છે કે કંપની આ મામલાની ગંભીરતાથી તપાસ કરી રહી છે.કંપનીએ સ્પષ્ટ કર્યું છે કે આ ઘટનાની તેમના દૈનિક બિઝનેસ ઓપરેશન્સ પર કોઈ અસર થઈ નથી અને તમામ કામગીરી સામાન્ય રીતે ચાલુ છે.

    ખંડણીની માંગણી થયાની ચર્ચા

    કેટલાક અહેવાલો મુજબ સાયબર હુમલા બાદ કંપનીને ખંડણી માટે સંપર્ક કરવામાં આવ્યો હોવાનું કહેવાય છે. જોકે ટાટા ઇલેક્ટ્રોનિક્સે આ મુદ્દે કોઈ સત્તાવાર ટિપ્પણી કરી નથી. એપલ પણ આ સમગ્ર મામલાની આંતરિક તપાસ કરી રહ્યું હોવાનું જણાવવામાં આવે છે.

    હોસુર પ્લાન્ટ સંબંધિત ફાઇલો પણ લીક

    લીક થયેલા ડેટામાં તમિલનાડુના હોસુર સ્થિત ટાટાના આઇફોન મેન્યુફેક્ચરિંગ પ્લાન્ટ સાથે જોડાયેલી ફાઇલો પણ હોવાનું કહેવાય છે. ઉલ્લેખનીય છે કે ભારતમાં ઉત્પાદિત થનારા કુલ આઇફોનમાં ટાટા ઇલેક્ટ્રોનિક્સનો હિસ્સો અંદાજે 33 ટકા જેટલો છે.

    ડાર્ક વેબ શું છે?

    ડાર્ક વેબ ઇન્ટરનેટનો એવો ભાગ છે જે સામાન્ય સર્ચ એન્જિન દ્વારા દેખાતો નથી. તેને ઍક્સેસ કરવા માટે ખાસ બ્રાઉઝર અને નેટવર્કની જરૂર પડે છે. ઘણા કિસ્સાઓમાં ચોરાયેલો ડેટા, ગેરકાયદેસર વ્યવહારો અને સાયબર ગુનાઓ સાથે સંબંધિત પ્રવૃત્તિઓ માટે ડાર્ક વેબનો ઉપયોગ થતો હોય છે.

    રેન્સમવેર એટેક શું છે?

    રેન્સમવેર એટેકમાં હેકર્સ કોઈ કંપની અથવા વ્યક્તિના ડેટા પર કબજો મેળવી તેને જાહેર કરવાની અથવા બ્લોક કરવાની ધમકી આપે છે અને બદલામાં ખંડણીની માંગ કરે છે. તાજેતરના વર્ષોમાં વિશ્વભરમાં આવા હુમલાઓમાં નોંધપાત્ર વધારો જોવા મળ્યો છે.

  • સતલાસણા ના ભાણવાસ ડેરીમાં દાદાગીરીનો દૂધિયો વિસ્ફોટ! પશુપાલકોએ રસ્તા પર ઢોળ્યું દૂધ, તંત્ર સામે ઉઠ્યા સવાલો

    અહેવાલ : મૂળજીભાઈ ગોસાઈ (સતલાસણા)

    મહેસાણા જિલ્લાના સતલાસણા તાલુકાના ભાણવાસ ગામમાં સ્થાનિક દૂધ ડેરીના વહીવટને લઈને લાંબા સમયથી ચાલી રહેલો અસંતોષ હવે ખુલ્લા વિરોધમાં ફેરવાયો છે. ડેરીના સંચાલન અને વહીવટ સામે નારાજ થયેલા પશુપાલકોએ ડેરી આગળ દૂધ ઢોળી વિરોધ નોંધાવતા સમગ્ર વિસ્તારમાં આ ઘટનાની ચર્ચા શરૂ થઈ છે.

    મળતી માહિતી મુજબ છેલ્લા ચાર દિવસથી ભાણવાસ ગામના અનેક પશુપાલકોનું દૂધ સ્થાનિક ડેરી દ્વારા સ્વીકારવામાં આવતું ન હોવાનું આક્ષેપ કરવામાં આવ્યો છે. જેના કારણે દરરોજ અંદાજે 300 થી 400 લીટર દૂધ વેચાણ વગર રહી જતું હોવાની સ્થિતિ સર્જાઈ હતી. પશુપાલકોનું કહેવું છે કે દૂધ ન સ્વીકારાતા તેમને ભારે આર્થિક નુકસાન સહન કરવું પડી રહ્યું છે.

    પશુપાલકોના જણાવ્યા અનુસાર, દૂધ ઉત્પાદન તેમનો મુખ્ય વ્યવસાય અને આવકનો સ્ત્રોત છે. આવી સ્થિતિમાં ડેરી દ્વારા દૂધ લેવામાં ઇનકાર કરાતા તેઓ મુશ્કેલીમાં મુકાઈ ગયા છે. પરિણામે કેટલાક પશુપાલકોને ખાનગી વાહનો ભાડે કરીને અન્ય સ્થળે દૂધ મોકલવાની ફરજ પડી હતી. જોકે વધતા ખર્ચ અને મુશ્કેલીઓના કારણે આખરે પશુપાલકોએ ડેરી સામે જોરદાર વિરોધ પ્રદર્શન કરવાનો નિર્ણય લીધો હતો.

    વિરોધ દરમિયાન રોષે ભરાયેલા પશુપાલકોએ ડેરી આગળ દૂધ ઢોળી પોતાનો આક્રોશ વ્યક્ત કર્યો હતો. ડેરી આગળ દૂધની નદીઓ વહેતી જોવા મળતા સમગ્ર ઘટનાએ લોકોનું ધ્યાન ખેંચ્યું હતું. પશુપાલકોનું કહેવું છે કે તેમની વારંવારની રજૂઆતો છતાં ડેરીના જવાબદારો દ્વારા કોઈ યોગ્ય ઉકેલ લાવવામાં આવ્યો નથી.

    વિવાદનું મુખ્ય કારણ ડેરીના સંચાલન અને વહીવટી વ્યવસ્થા હોવાનું પણ પશુપાલકો જણાવી રહ્યા છે. પશુપાલકોના આક્ષેપ મુજબ છેલ્લા લગભગ 40 વર્ષથી ડેરીના સભાસદો અને પ્રમુખપદમાં કોઈ નોંધપાત્ર ફેરફાર થયો નથી. નિયમો મુજબ નિશ્ચિત સમયગાળાએ ચૂંટણી અને વહીવટી ફેરબદલ થવા જોઈએ, પરંતુ ભાણવાસ ડેરીમાં આ પ્રક્રિયા યોગ્ય રીતે અમલમાં મૂકવામાં આવતી નથી તેવો ગંભીર આક્ષેપ કરવામાં આવ્યો છે.

    પશુપાલકોના જણાવ્યા અનુસાર તાજેતરમાં યોજાયેલી ડેરીની બેઠકમાં કેટલાક સભ્યોએ આ મુદ્દો ઉઠાવી વહીવટી પારદર્શિતા અને નિયમિત ચૂંટણી અંગે પ્રશ્નો પૂછ્યા હતા. આ દરમિયાન વાતાવરણ ગરમાયું હતું અને રજૂઆત કરનારા કેટલાક લોકોને બેઠકમાંથી બહાર કાઢી મૂકવામાં આવ્યા હોવાના પણ આક્ષેપો કરવામાં આવ્યા છે.

    ઘટનાને પગલે ગામમાં ડેરીના વહીવટ સામે અસંતોષનો માહોલ જોવા મળી રહ્યો છે. પશુપાલકોનું કહેવું છે કે ડેરી જેવી સહકારી સંસ્થાઓ ખેડૂતો અને પશુપાલકોના હિત માટે કાર્ય કરતી હોય છે, પરંતુ જો તેમની સમસ્યાઓ સાંભળવામાં નહીં આવે તો સહકારી માળખા પર જ પ્રશ્નો ઉભા થાય છે.

    હાલ પશુપાલકો દ્વારા સમગ્ર મામલે ઉચ્ચ કક્ષાના સહકારી વિભાગના અધિકારીઓ તેમજ જિલ્લા તંત્ર સમક્ષ રજૂઆત કરવાની તૈયારી દર્શાવવામાં આવી છે. સાથે જ ડેરીના વહીવટ, સભાસદોની પ્રક્રિયા અને ચૂંટણી વ્યવસ્થાની નિષ્પક્ષ તપાસ કરવામાં આવે તેવી માંગ પણ ઉઠી છે.

    ભાણવાસ ગામમાં સર્જાયેલા આ વિવાદ બાદ હવે તંત્ર શું કાર્યવાહી કરે છે અને પશુપાલકોની સમસ્યાનો શું ઉકેલ આવે છે તેના પર સૌની નજર મંડાઈ છે. ગામના પશુપાલકોનું સ્પષ્ટ કહેવું છે કે તેમની સાથે ન્યાય થાય અને દૂધ સ્વીકારવાની પ્રક્રિયા તાત્કાલિક પુનઃ શરૂ કરવામાં આવે તે જરૂરી છે, નહીં તો આગામી દિવસોમાં વધુ ઉગ્ર આંદોલનની ચીમકી પણ ઉચ્ચારવામાં આવી રહી છે.

  • મેસ્કોટ ઇંડસ્ટ્રિયલ પાર્કની ‘Haitian Huayuan India Pvt Ltd’ કંપનીમાં પર્યાવરણ દિવસની ભવ્ય ઉજવણી: ૨૦૦થી વધુ વૃક્ષો વાવી પ્રકૃતિની રક્ષાનો સંકલ્પ લેવાયો

    પર્યાવરણ પ્રત્યે ની જવાબદારી સમજી ભવ્ય ઉજવણી કરતી HAITIAN HUAYUAN INDIA PVT LTD ના કર્મચારીઓ

    SAMACHAR DIARY 24X7, કડી: આજે સમગ્ર વિશ્વમાં ‘વિશ્વ પર્યાવરણ દિવસ’ની ઉજવણી કરવામાં આવી રહી છે, ત્યારે ઔદ્યોગિક ક્ષેત્રે પણ પર્યાવરણની જાળવણી માટે અદભુત જાગૃતિ જોવા મળી છે.

    મેસ્કોટ ઇંડસ્ટ્રિયલ પાર્ક ખાતે આવેલી પ્રખ્યાત કંપની હૈતિયાંન હુયાઉયાન ઇંડિયા પ્રાઇવેટ લિમિટેડ દ્વારા આજે પર્યાવરણ દિવસ નિમિત્તે એક ભવ્ય વૃક્ષારોપણ કાર્યક્રમનું આયોજન કરવામાં આવ્યું હતું.

    ૨૦૦થી વધુ વૃક્ષોનું વાવેતર અને જાણવણી:

    કંપની દ્વારા પર્યાવરણની સુરક્ષા અને ગ્રીન કવર વધારવાના ઉદ્દેશ્ય સાથે પરિસરમાં ૨૦૦ થી પણ વધારે વૃક્ષોનું વાવેતર કરવામાં આવ્યું હતું.

    વૃક્ષારોપણની સાથે સાથે દરેક કર્મચારીઓએ પર્યાવરણને બચાવવા અને પ્રકૃતિનું જતન કરવા માટે સામૂહિક પહેલ કરી હતી.

     

     

     

     

     

     

     

     

     

    ટોચના અધિકારીઓની પ્રેરક ઉપસ્થિતિ:

    આ ગરિમાપૂર્ણ કાર્યક્રમની ઉજવણી કંપનીના ઉચ્ચ અધિકારી શ્રી લી મીન સાહેબ,ઝોંગ સાહેબ, પૂજાબેન જયસ્વાલ તથા કંપનીના સલામતી અધિકારી (Safety Officer) વિકાસભાઈ પટેલની પ્રેરક ઉપસ્થિતિમાં કરવામાં આવી હતી.

    આ અવસરે સમગ્ર કંપની પરિવાર અને કર્મચારીઓએ સાથે મળીને પ્રકૃતિ રક્ષાના આ યજ્ઞમાં પોતાનું યોગદાન આપ્યું હતું.

    વૃક્ષારોપણ કાર્યક્રમ નો અનેરો ઉત્સાહ

    આગામી સમયમાં પણ જાગૃતિ અભિયાન ચાલુ રહેશે:

    આ ખાસ દિવસે કંપનીના મુખ્ય અધિકારી શ્રી પૂજાબેન જયસ્વાલ અને સેફ્ટી વિભાગના અધિકારી શ્રી વિકાસભાઈ પટેલે પર્યાવરણ પ્રત્યેની પોતાની પ્રતિબદ્ધતા દોહરાવી હતી.

    તેમણે સત્તાવાર જાહેરાત કરી હતી કે, કંપની આગામી સમયમાં પણ પર્યાવરણની જાગૃતિ ફેલાવવા માટે સતત નવા-નવા કાર્યક્રમોનું આયોજન કરતી રહેશે, જેથી સમાજમાં પ્રકૃતિ પ્રત્યે સકારાત્મક સંદેશ આપી શકાય.

    #WorldEnvironmentDay #EnvironmentFriendly
    #Kadi
    #Kadinews
    #MascotIndustrialPark #HaitianHuayuan #TreePlantation #SamacharDiary24X7 #GujaratiNews

  • ગુજરાતની નવી STI નીતિથી લઈને AI ક્રાંતિ સુધી: ટેક દુનિયામાં 5 મોટા ફેરફાર, નોકરીઓ અને ટેક્નોલોજીનું ભવિષ્ય બદલાશે

    ગુજરાત સરકારની નવી STI નીતિ 2026-31 જાહેર

    ગુજરાત સરકાર દ્વારા નવી વિજ્ઞાન, ટેક્નોલોજી અને ઇનોવેશન નીતિ જાહેર કરવામાં આવી છે. આ નીતિનો મુખ્ય ઉદ્દેશ રાજ્યને વૈશ્વિક જ્ઞાન અને સંશોધન કેન્દ્ર તરીકે વિકસાવવાનો છે. નીતિ હેઠળ ₹1000 કરોડનું વિશેષ ઇનોવેશન ફંડ બનાવવામાં આવશે, જેનો ઉપયોગ કૃત્રિમ બુદ્ધિમત્તા, સેમિકન્ડક્ટર, ક્વોન્ટમ ટેક્નોલોજી અને 6G જેવા ભવિષ્યના ક્ષેત્રોમાં સંશોધન માટે થશે.

    એક લાખ સંશોધન નિષ્ણાતો તૈયાર કરવાનો લક્ષ્યાંક

    આગામી પાંચ વર્ષમાં રાજ્યમાં એક લાખથી વધુ ઉચ્ચ કૌશલ્ય ધરાવતા સંશોધનકારો તૈયાર કરવાની યોજના બનાવવામાં આવી છે. નવી ફેલોશિપ યોજનાઓ દ્વારા યુવાનો અને મહિલા સંશોધકોને પ્રોત્સાહન આપવામાં આવશે. સાથે સાથે રાજ્યમાં સંશોધન અને ઇનોવેશન ક્લસ્ટર્સ ઉભા કરવામાં આવશે.

    BSNL અને Jio વચ્ચે સસ્તા પ્લાન્સની સ્પર્ધા

    ટેલિકોમ ક્ષેત્રમાં વધતી સ્પર્ધા વચ્ચે BSNL અને Jio ગ્રાહકોને અલગ-અલગ સુવિધાઓ સાથે આકર્ષી રહ્યા છે. BSNLનો ₹51નો પ્લાન ઓછા ખર્ચે ડેટા વાપરતા ગ્રાહકો માટે ઉપયોગી સાબિત થઈ રહ્યો છે, જ્યારે Jio પોતાના પ્લાન્સમાં અનલિમિટેડ કોલિંગ અને વિવિધ ડિજિટલ સેવાઓ સાથે યુવા વર્ગને ટાર્ગેટ કરી રહ્યું છે.

    Apple લાવ્યું નવી પેઢીના AI ફીચર્સ

    Apple દ્વારા નવા અપડેટમાં બેટરી પરફોર્મન્સ સુધારવા સાથે એક ખાસ સુવિધા ઉમેરવામાં આવી છે. હવે ફોનમાં ચાલતા વીડિયો માટે રિયલ ટાઈમ સબટાઇટલ્સ આપમેળે જનરેટ થઈ શકશે. આ સમગ્ર પ્રક્રિયા ફોનમાં જ થશે, જેના કારણે વપરાશકર્તાનો ડેટા વધુ સુરક્ષિત રહેશે.

    Google Drive બનશે વધુ સ્માર્ટ

    Google Driveમાં હવે એક સાથે અનેક પાનાં સ્કેન કરવાની સુવિધા આપવામાં આવી છે. સાથે જ નવી AI ટેક્નોલોજી ધૂંધળા દસ્તાવેજોને વધુ સ્પષ્ટ બનાવી શકશે. જેના કારણે ઓફિસ અને દસ્તાવેજ સંચાલનનું કામ વધુ સરળ બનશે.

    AIના કારણે બદલાઈ રહ્યું છે જૉબ માર્કેટ

    નવી ટેક્નોલોજી સાથે નોકરીઓનું સ્વરૂપ પણ ઝડપથી બદલાઈ રહ્યું છે. સામાન્ય ડેટા એન્ટ્રી, રૂટિન કોડિંગ અને ટેમ્પલેટ આધારિત કામોની માંગમાં ઘટાડો જોવા મળી રહ્યો છે. બીજી તરફ AI ટૂલ્સનો અસરકારક ઉપયોગ, સર્જનાત્મકતા અને નવીન વિચારસરણી ધરાવતા લોકો માટે તકો વધી રહી છે.

    ટેક્નોલોજીનું ભવિષ્ય વધુ ઝડપથી બદલાશે

    ગુજરાતની નવી નીતિ, વૈશ્વિક AI વિકાસ, સ્માર્ટ ઉપકરણો અને ડિજિટલ સેવાઓના નવા અપડેટ્સ એ સ્પષ્ટ સંકેત આપે છે કે આગામી વર્ષોમાં ટેક્નોલોજી દરેક ક્ષેત્રમાં વધુ પ્રભાવશાળી બનવાની છે. જે લોકો સમયસર નવી કુશળતાઓ શીખશે તેઓ જ ભવિષ્યની તકોનો વધુ લાભ મેળવી શકશે.

  • વોટ્સએપ, ફેસબુક અને ઇન્સ્ટાગ્રામ માટે હવે ચૂકવવા પડશે પૈસા? મેટાએ લોન્ચ કર્યા નવા પ્લસ પ્લાન

    વોટ્સએપ, ફેસબુક અને ઇન્સ્ટાગ્રામ હવે બનશે પેઇડ? મેટાએ લોન્ચ કર્યા નવા ‘પ્લસ’ પ્લાન
    મેટા કંપનીએ તેના લોકપ્રિય સોશિયલ મીડિયા પ્લેટફોર્મ્સ વોટ્સએપ, ફેસબુક અને ઇન્સ્ટાગ્રામ માટે નવા સબ્સ્ક્રિપ્શન આધારિત ‘પ્લસ’ પ્લાન રજૂ કર્યા છે. આ નવા પ્લાન અંતર્ગત યુઝર્સને વિશેષ સુવિધાઓ, વધારાના કસ્ટમાઇઝેશન વિકલ્પો અને પ્રીમિયમ ફીચર્સ આપવામાં આવશે. કંપનીએ આ પગલાને જાહેરાત આધારિત કમાણી સિવાય નવી આવક ઊભી કરવાની રણનીતિ તરીકે રજૂ કર્યું છે.મેટાના જણાવ્યા મુજબ નવા ‘પ્લસ’ પ્લાન હાલના ‘મેટા વેરિફાઇડ’ પ્લાનથી અલગ રહેશે. એટલે કે વેરિફાઇડ સેવા યથાવત રહેશે અને તેની સાથે નવા પ્રીમિયમ ફીચર્સ પણ ઉપલબ્ધ થશે. હાલ કંપનીએ વૈશ્વિક સ્તરે આ યોજનાઓની જાહેરાત કરી છે, પરંતુ ભારતમાં લોન્ચિંગની તારીખ જાહેર કરવામાં આવી નથી.ભારત મેટા માટે વિશ્વના સૌથી મોટા યુઝર બેઝ ધરાવતા બજારોમાંનું એક હોવાથી કંપની અહીં તબક્કાવાર રીતે સેવા શરૂ કરી શકે છે.
    ઇન્સ્ટાગ્રામ અને ફેસબુક પ્લસમાં મળશે ખાસ ફીચર્સ
    નવા પ્લસ વર્ઝનમાં ખાસ કરીને ક્રિએટર્સ અને સોશિયલ મીડિયા યુઝર્સને ધ્યાનમાં રાખીને અનેક નવા વિકલ્પો ઉમેરવામાં આવ્યા છે.યુઝર્સ હવે અલગ અલગ લોકો માટે અલગ અલગ યાદીઓ બનાવી શકશે અને નક્કી કરી શકશે કે કઈ પોસ્ટ કે સ્ટોરી કોને દેખાડવી. અત્યાર સુધી માત્ર ‘ક્લોઝ ફ્રેન્ડ્સ’ની એક જ યાદી બનાવવાની સુવિધા હતી.સ્ટોરી હવે 24 કલાક બાદ આપમેળે ગાયબ નહીં થાય. યુઝર્સ પોતાની પસંદગી મુજબ સ્ટોરી વધુ સમય સુધી પ્રોફાઇલ પર રાખી શકશે. ઉપરાંત અઠવાડિયામાં એક વખત પોતાની સ્ટોરીને ‘સ્પોટલાઇટ’ કરી વધુ લોકોને દેખાડી શકશે. નવું ફીચર એવું પણ હશે કે યુઝર્સ બીજાની સ્ટોરી જોઈ શકશે પરંતુ તેમનું નામ જોનારાઓની યાદીમાં નહીં દેખાય. સાથે જ પોતાની સ્ટોરી કોણે જોઈ તે સર્ચ કરવાની સુવિધા પણ મળશે. પ્રોફાઇલ અપડેટ કરવા માટે હવે નવી પોસ્ટનું નોટિફિકેશન જવું જરૂરી નહીં રહે. યુઝર્સ સીધા ફોટા અને વીડિયો પ્રોફાઇલ અથવા હાઇલાઇટ્સમાં સેવ કરી શકશે.આ ઉપરાંત નવા ફોન્ટ્સ, તરતા ‘સુપર હાર્ટ’ રિએક્શન અને કસ્ટમ એપ આઇકોન્સ જેવી સુવિધાઓ પણ મળશે.
    વોટ્સએપ પ્લસમાં શું ખાસ?
    વોટ્સએપ પ્લસ સંપૂર્ણપણે વ્યક્તિગત અનુભવ અને મેસેજિંગને ધ્યાનમાં રાખીને બનાવવામાં આવ્યું છે. તેમાં એપ થીમ્સ, કસ્ટમ રિંગટોન્સ, વધારાની પિન ચેટ્સ, લિસ્ટ કસ્ટમાઇઝેશન અને પ્રીમિયમ સ્ટીકર્સ જેવી સુવિધાઓ મળશે.
    મેટા એઆઈ માટે પણ અલગ પ્લાન
    મેટા હાલમાં કૃત્રિમ બુદ્ધિમત્તા આધારિત બે નવા પ્લાનનું પરીક્ષણ કરી રહી છે.મેટા વન પ્લસ – દર મહિને આશરે 770 રૂપિયા
    મેટા વન પ્રીમિયમ – દર મહિને આશરે 1900 રૂપિયાપ્રીમિયમ પ્લાનમાં વધુ શક્તિશાળી વિશ્લેષણ ક્ષમતા, વધુ સારી ઇમેજ જનરેશન અને અદ્યતન વીડિયો સર્જન સુવિધાઓ મળશે.
    ક્રિએટર્સ અને બિઝનેસ માટે મોંઘા પ્લાન
    મેટાએ ક્રિએટર્સ અને વ્યવસાયિક યુઝર્સ માટે પણ અલગ યોજનાઓ રજૂ કરી છે.મેટા વન એસેન્શિયલ પ્લાનમાં વેરિફાઇડ બેજ, નકલી એકાઉન્ટ્સ સામે સુરક્ષા અને તમામ સોશિયલ મીડિયા લિંક્સને એક જગ્યાએ જોડવાની સુવિધા મળશે.મેટા વન એડવાન્સ પ્લાનમાં ફેસબુક ફીડમાં વધુ દેખાવ, સર્ચ પરિણામોમાં ઉપર સ્થાન, રીલ્સ પર વિશેષ ફોલો બટન અને આપમેળે ફોલો આમંત્રણ મોકલવાની સુવિધા મળશે.આ પ્લાનમાં વ્યવસાયિક વિશ્લેષણ સાધનો, પોસ્ટ શેડ્યૂલિંગ અને પાસવર્ડ શેર કર્યા વિના ટીમને એક્સેસ આપવાની સુવિધા પણ ઉપલબ્ધ રહેશે.
    સોશિયલ મીડિયા કંપનીઓ હવે પૈસા શા માટે વસૂલશે?
    વર્ષો સુધી ફેસબુક, ઇન્સ્ટાગ્રામ અને વોટ્સએપ સંપૂર્ણપણે મફત રહ્યા કારણ કે કંપનીઓ જાહેરાતો અને યુઝર ડેટામાંથી મોટી કમાણી કરતી હતી. પરંતુ હવે નવા યુઝર્સની સંખ્યા ધીમી પડી રહી છે અને વિશ્વભરમાં પ્રાઇવસી નિયમો કડક બનતા જાહેરાતની આવક પર અસર પડી રહી છે.આ જ કારણ છે કે મેટા હવે એલોન મસ્કના ‘એક્સ’ પ્લેટફોર્મની જેમ સીધા યુઝર્સ પાસેથી સબ્સ્ક્રિપ્શન ફી દ્વારા આવક વધારવા તરફ આગળ વધી રહી છે.

  • ‘Glassworm’ બોટનેટનો ખાત્મો, હવે AIથી બદલાઈ રહ્યું છે ગ્લોબલ માર્કેટિંગ મોડલ

    મોટો સાયબર વિજય: ‘ગ્લાસવોર્મ’ બોટનેટ હુમલો નેસ્તનાબૂદ
    સાયબર સુરક્ષા ક્ષેત્રમાં આ વર્ષની સૌથી મોટી સફળતા સામે આવી છે. ગૂગલ, ક્રાઉડસ્ટ્રાઈક અને શેડોસર્વર ફાઉન્ડેશને મળીને ખતરનાક ‘ગ્લાસવોર્મ’ બોટનેટ નેટવર્કને સંપૂર્ણ રીતે નેસ્તનાબૂદ કરી દીધું છે. આ માલવેર ખાસ કરીને સોફ્ટવેર ડેવલપરોને નિશાન બનાવતું હતું અને માઈક્રોસોફ્ટ વી એસ કોડ તથા ઓપનવીએસએક્સ માર્કેટપ્લેસમાં નકલી એક્સટેન્શન દ્વારા હુમલા કરવામાં આવતા હતા.
    આ બોટનેટ ઓક્ટોબર 2025થી સક્રિય હતું અને ડેવલપરોના ગિટહબ ખાતા, લોગિન માહિતી તથા ક્રિપ્ટોકરન્સી વોલેટની માહિતી ચોરી કરતું હતું. માત્ર માર્ચ મહિનામાં જ 400થી વધુ સોફ્ટવેર ફાઈલો આ હુમલાથી અસરગ્રસ્ત બની હતી.
    ગ્લાસવોર્મ બોટનેટને શોધવું મુશ્કેલ હતું કારણ કે તે સોલાના બ્લોકચેન, બિટટોરેન્ટ નેટવર્ક, ગૂગલ કેલેન્ડર અને વીપીએસ સર્વર જેવી ચાર અલગ અલગ ડિજિટલ ચેનલ પર છુપાયેલું હતું. સુરક્ષા એજન્સીઓએ ચારેય ચેનલ પર એકસાથે કાર્યવાહી કરીને આખું નેટવર્ક બંધ કરી દીધું છે. તપાસમાં રશિયન મૂળના હેકરોની સંડોવણીની આશંકા વ્યક્ત થઈ રહી છે.
    ભારતમાં કૃત્રિમ બુદ્ધિમત્તા કેન્દ્રોનો દબદબો, જાહેરાત એજન્સીઓ માટે ખતરો
    વિશ્વભરની મોટી કંપનીઓ હવે પરંપરાગત જાહેરાત એજન્સીઓની જગ્યાએ ભારતમાં આવેલા તેમના વૈશ્વિક ક્ષમતા કેન્દ્રોમાં કૃત્રિમ બુદ્ધિમત્તા આધારિત સાધનોનો ઉપયોગ કરી રહી છે. ટાર્ગેટ, કિમ્બર્લી-ક્લાર્ક અને જેસીપેની જેવી કંપનીઓ હવે વીડિયો જાહેરાતો, સામાજિક મીડિયા અભિયાન અને ડિજિટલ માર્કેટિંગ માટે આંતરિક કૃત્રિમ બુદ્ધિમત્તા પ્લેટફોર્મ પર નિર્ભર બની રહી છે.
    બેંગલુરુ ટેક સમિટ દરમિયાન કિમ્બર્લી-ક્લાર્કના અધિકારીએ જણાવ્યું કે જે સામગ્રી તૈયાર કરવામાં અગાઉ 24 દિવસ લાગતા હતા તે હવે માત્ર 2 કલાકમાં પૂર્ણ થઈ જાય છે.
    આ સાધનો માત્ર ફોટા અને વીડિયો બનાવતા નથી, પરંતુ જાહેરાત અભિયાનનું વિશ્લેષણ, યોગ્ય પ્રભાવકોની પસંદગી અને લેખન કાર્યમાં પણ મદદ કરી રહ્યા છે. આ બદલાવને કારણે જાહેરાત એજન્સીઓ પર ભારે દબાણ ઊભું થયું છે અને માર્કેટિંગ બજેટનો મોટો હિસ્સો હવે કૃત્રિમ બુદ્ધિમત્તા માળખામાં રોકાઈ રહ્યો છે.
    ભારતના અવકાશ અને સંરક્ષણ ક્ષેત્રમાં ખાનગી કંપનીઓનો દબદબો
    ભારતની ખાનગી અવકાશ અને સંરક્ષણ ઉદ્યોગ હવે વૈશ્વિક સ્તરે ઝડપથી આગળ વધી રહી છે. ઝેન ટેક્નોલોજીઝે ભારતનું પહેલું કૃત્રિમ બુદ્ધિમત્તા આધારિત ડ્રોન વિરોધી સુરક્ષા તંત્ર રજૂ કર્યું છે. આ સિસ્ટમ દુશ્મનના ડ્રોનને તરત ઓળખી, ટ્રેક કરી અને નિષ્ક્રિય કરી શકે છે.
    બીજી તરફ સ્પેસ ટેક સ્ટાર્ટઅપ પિક્સેલ અને સર્વમ એઆઈએ ‘ધ પાથફાઈન્ડર’ નામના ભારતના પહેલા ઓર્બિટલ ડેટા સેન્ટર સેટેલાઇટની જાહેરાત કરી છે. આ સેટેલાઇટ અવકાશમાં જ કૃત્રિમ બુદ્ધિમત્તા મોડલને તાલીમ આપવાની ક્ષમતા ધરાવશે.
    આ ઉપરાંત સ્કાયરૂટ એરોસ્પેસ ભારતની પહેલી અવકાશ ટેક યુનિકોર્ન કંપની બની છે જ્યારે અગ્નિકુલ કોસ્મોસે ત્રિ-આયામી પ્રિન્ટેડ રોકેટ એન્જિનનું સફળ પરીક્ષણ પૂર્ણ કર્યું છે.
    યુટ્યુબનો નવો નિયમ: કૃત્રિમ બુદ્ધિમત્તાથી બનેલા વીડિયોને હવે આપમેળે લેબલ મળશે
    યુટ્યુબે કૃત્રિમ બુદ્ધિમત્તાથી બનાવાયેલા વીડિયો અને ડીપફેક સામે કડક નીતિ લાગુ કરવાની જાહેરાત કરી છે. અત્યાર સુધી વિડિયો બનાવનારને જાતે જાહેર કરવું પડતું હતું કે વીડિયોમાં કૃત્રિમ બુદ્ધિમત્તાનો ઉપયોગ થયો છે કે નહીં, પરંતુ હવે યુટ્યુબ પોતાની શોધ પ્રણાલી દ્વારા આપમેળે લેબલ લગાવશે.
    જો કોઈ વાસ્તવિક દેખાતો કૃત્રિમ બુદ્ધિમત્તા વીડિયો અપલોડ કરવામાં આવશે તો તેના પર ‘કૃત્રિમ બુદ્ધિમત્તાથી બનાવાયેલ’ એવું લેબલ દેખાશે. લાંબા વીડિયોમાં આ લેબલ વીડિયો પ્લેયરની નીચે અને શોર્ટ વીડિયોમાં ઉપરની બાજુ દેખાશે.
    યુટ્યુબના પોતાના સાધનો દ્વારા બનાવાયેલા વીડિયોમાં આ લેબલ કાયમી રહેશે અને તેને દૂર કરી શકાશે નહીં. જોકે કંપનીએ સ્પષ્ટ કર્યું છે કે આ નિયમથી કમાણી અથવા વીડિયો પહોંચ પર કોઈ નકારાત્મક અસર નહીં થાય.
    સેમસંગે ભારતમાં લોન્ચ કર્યા 72 નવા કૃત્રિમ બુદ્ધિમત્તા ટીવી
    સેમસંગે ભારતમાં તેની નવી 2026 વિઝન કૃત્રિમ બુદ્ધિમત્તા ટીવી શ્રેણી લોન્ચ કરી છે. કંપનીએ કુલ 72 નવા મોડલ રજૂ કર્યા છે જેમાં માઇક્રો આરજીબી, ઓલેડ અને નિયો ક્યુએલઈડી ડિસ્પ્લે ટેકનોલોજીનો સમાવેશ થાય છે.
    આ ટીવીમાં કૃત્રિમ બુદ્ધિમત્તા અપસ્કેલિંગ ટેકનોલોજી છે જે સામાન્ય સામગ્રીને 4K અને 8K ગુણવત્તામાં રૂપાંતરિત કરી શકે છે. સૌથી ખાસ સુવિધા વિઝન એઆઈ કમ્પેનિયન છે જેમાં બિક્સબી, પર્પ્લેક્સિટી અને માઇક્રોસોફ્ટ કોપાઈલટને એકસાથે જોડવામાં આવ્યા છે.
    વપરાશકર્તાઓ હવે ટીવી પર જ પ્રશ્નો પૂછી શકશે, દસ્તાવેજોનું વિશ્લેષણ કરી શકશે અને સ્માર્ટ ઘરેલુ ઉપકરણોને નિયંત્રિત કરી શકશે. સેમસંગનું કહેવું છે કે આ શ્રેણી ઘરેલુ મનોરંજનનો અનુભવ નવી ઊંચાઈએ લઈ જશે.