Category: ગુનો

રિપોર્ટર:- રાજભા સોલંકી (માંડલ)

એક સમયના રાજાશાહી ગૌરવ અને ઐતિહાસિક ઓળખનું પ્રતિક ગણાતો માંડલનો ગઢનો દરવાજો આજે ગંદકી, બેદરકારી અને તંત્રની નિષ્ક્રિયતાનો જીવતો પુરાવો બની ગયો છે. ઐતિહાસિક ધરોહર તરીકે ઓળખાતું આ સ્થળ હાલ કચરાના ઢગલા, ઝાડઝાંખર, ગટરના દુર્ગંધભર્યા માહોલ અને બિનજવાબદાર વહીવટના કારણે નર્કાગારમાં ફેરવાઈ ગયું છે. સૌથી ગંભીર બાબત એ છે કે આ ગંદકી કોઈ અંતરિયાળ વિસ્તારમાં નહીં પરંતુ ગ્રામ પંચાયત, સિવિલ કોર્ટ અને શાળાની વચ્ચે વર્ષોથી યથાવત્ જોવા મળી રહી છે.

સ્થાનિક નાગરિકોનો આક્ષેપ છે કે અનેક રજૂઆતો છતાં જવાબદાર તંત્ર માત્ર દેખાવડી સફાઈ અને કાગળ પરના અભિયાનોથી સંતોષ માની રહ્યું છે, જ્યારે હકીકતમાં ઐતિહાસિક સ્મારકની આસપાસનું દૃશ્ય સ્વચ્છતા અભિયાનના દાવાઓને ખુલ્લો પડકાર ફેંકી રહ્યું છે. લોકોમાં એવો પણ રોષ જોવા મળી રહ્યો છે કે જ્યાં સરકાર વારસા સંવર્ધન અને પર્યટન વિકાસની મોટી મોટી જાહેરાતો કરે છે, ત્યાં માંડલની ધરોહર ગંદકીમાં સડી રહી છે.

ઐતિહાસિક ગૌરવ ઉપર ગંદકીનું સામ્રાજ્ય

માંડલના ગઢના ચોક પાસે આવેલ ઐતિહાસિક દરવાજો રાજવી સમયની સ્થાપત્ય કળા અને નગરના ઇતિહાસની ઓળખ તરીકે માનવામાં આવે છે. દરવાજાની બાજુમાં ઉભેલું લાલ પથ્થરનું સ્મારક રાષ્ટ્રીય પ્રતિકોથી સુશોભિત છે, જેમાં કમળ, મોર, સિંહ અને અશોકચક્રની કોતરણી કરવામાં આવી છે. સ્મારક ઉપર કંડારાયેલ ઐતિહાસિક લખાણ આજે ધૂળ, કાઈ અને અવગણનાના કારણે લગભગ અદૃશ્ય બની ગયું છે.

પરંતુ આ ઐતિહાસિક સ્મારકની આજુબાજુનું દૃશ્ય અત્યંત ચોંકાવનારું છે. કચરાના ઢગલાઓ વચ્ચે ઝેરી દુર્ગંધ ફેલાઈ રહી છે. બાવળ, જંગલી ઝાડીઓ અને ગંદકીના કારણે આખો વિસ્તાર બેદરકારીનો અડ્ડો બની ગયો છે. સ્થાનિકોના કહેવા મુજબ વર્ષોથી સ્મારક વિસ્તારની યોગ્ય સફાઈ કરવામાં આવી નથી. માત્ર રસ્તાની ઉપરછલ્લી સફાઈ કરીને જવાબદારી પૂર્ણ કરાઈ રહી છે.

કોર્ટ, કચેરી અને શાળા વચ્ચે જ ગંદકીનું સામ્રાજ્ય

આ વિસ્તાર સામાન્ય નહીં પરંતુ માંડલના સૌથી વ્યસ્ત વિસ્તારોમાંનો એક ગણાય છે. ગ્રામ પંચાયત કચેરી, સિવિલ કોર્ટ, શાળા અને મુખ્ય માર્ગની વચ્ચે જ આ ગંદકી વર્ષોથી ફેલાયેલી હોવા છતાં કોઈ અધિકારીને સ્થિતિ સુધારવાની જરૂરિયાત અનુભવાતી નથી.

કોર્ટમાં આવતા વકીલો, અરજદારો અને ગ્રામજનોને દરરોજ અસહ્ય દુર્ગંધનો સામનો કરવો પડે છે. બીજી તરફ, નજીકમાં આવેલી શાળાના બાળકો માટે પણ આ પરિસ્થિતિ આરોગ્ય માટે જોખમી બની રહી છે. સ્થાનિકોનો સવાલ છે કે જ્યારે સરકારી કચેરીઓની બાજુમાં જ આવી દુર્દશા હોય ત્યારે ગામના અન્ય વિસ્તારોની હાલત કેટલી ભયંકર હશે?

“સ્વચ્છતા અભિયાન” માત્ર બેનર પૂરતું?

સ્થાનિકોમાં એવો આક્ષેપ પણ ઉઠી રહ્યો છે કે સ્વચ્છતા અભિયાન હવે માત્ર ફોટોશૂટ અને બેનર પૂરતું સીમિત બની ગયું છે. ગ્રામ પંચાયત દ્વારા સફાઈ પાછળ ખર્ચ બતાવવામાં આવે છે, પરંતુ વાસ્તવિક સ્થિતિ કંઈક અલગ જ ચિત્ર રજૂ કરે છે. લોકોનું કહેવું છે કે જો જવાબદાર તંત્ર ઈમાનદારીથી કામગીરી કરતું હોત તો ઐતિહાસિક ધરોહર પાસે વર્ષોથી કચરાના ઢગલા ન જમાતા.

સ્થાનિકો અનુસાર રાત્રિના સમયે કેટલાક લોકો દ્વારા ખુલ્લેઆમ કચરો ફેંકવામાં આવે છે, પરંતુ તેને રોકવા માટે કોઈ સીસીટીવી, દંડાત્મક કાર્યવાહી કે દેખરેખ વ્યવસ્થા ઉભી કરવામાં આવી નથી. પરિણામે આખો વિસ્તાર ધીમે ધીમે ગંદકીના કબજામાં જતો રહ્યો છે.

વારસાના જતનમાં ઘોર બેદરકારી?

વારસા સંરક્ષણના દાવાઓ વચ્ચે માંડલની આ સ્થિતિ ગંભીર પ્રશ્નો ઉભા કરી રહી છે. ઐતિહાસિક સ્મારકો માત્ર પથ્થરની ઇમારતો નથી, પરંતુ તે એક નગરની ઓળખ અને સાંસ્કૃતિક વારસાની જીવંત નિશાની હોય છે. છતાં અહીં સંવર્ધન, રંગરોગાન, માહિતી બોર્ડ, લાઇટિંગ કે સુરક્ષા જેવી કોઈ સુવિધા જોવા મળતી નથી.

સ્થાનિકોમાં એવી પણ માંગ ઉઠી છે કે આ સ્મારકને હેરિટેજ તરીકે વિકસાવવામાં આવે, આસપાસ હરિયાળી અને બેસવાની વ્યવસ્થા ઉભી કરવામાં આવે તેમજ નિયમિત સફાઈ માટે જવાબદાર અધિકારીઓ નક્કી કરવામાં આવે.

લોકોની માંગ : તાત્કાલિક કાર્યવાહી કરો

નાગરિકોએ તંત્ર સમક્ષ કેટલીક તાત્કાલિક માંગણીઓ મૂકી છે :

સ્મારક અને ગઢના દરવાજા આસપાસ તાત્કાલિક સંપૂર્ણ સફાઈ

કચરાના ઢગલા અને ઝાડઝાંખર દૂર કરવાની કાર્યવાહી

નિયમિત સફાઈ માટે કાયમી વ્યવસ્થા

સ્મારકનું રંગરોગાન અને સંવર્ધન

કચરો ફેંકનારાઓ સામે દંડાત્મક કાર્યવાહી

હેરિટેજ સ્થળ તરીકે વિકાસ યોજના જાહેર કરવી

ચોતરફ સુરક્ષા જાળી અને લાઇટિંગ વ્યવસ્થા ઉભી કરવી

હવે પ્રશ્ન માત્ર સફાઈનો નહીં, સંસ્કૃતિના જતનનો

માંડલની આ સ્થિતિ માત્ર ગંદકીનો મુદ્દો નથી, પરંતુ ઐતિહાસિક વારસાના અપમાનનો પ્રશ્ન બની ગયો છે. વર્ષોથી બેદરકારીનો ભોગ બનેલી આ ધરોહર આજે તંત્રની નિષ્ફળતા સામે મૌન સાક્ષી બની ઉભી છે. હવે જોવાનું રહ્યું કે જવાબદાર અધિકારીઓ માત્ર કાગળ ઉપરની કામગીરીથી સંતોષ માનશે કે પછી ખરેખર ધરોહરના

 

ઝડપી કાર્યવાહી, ટેકનિકલ સર્વેલન્સ અને કડક અમલથી ગુનેગારોમાં ડર – નાગરિકોમાં વિશ્વાસ વધ્યો

 

કડી શહેરમાં છેલ્લા કેટલાક વર્ષોથી વધતા ગુનાઓને કારણે નાગરિકોમાં ભય અને અસુરક્ષાની લાગણી વધી રહી હતી. પરંતુ તાજેતરમાં કડી પોલીસ સ્ટેશનમાં પીઆઇ એ. એલ. રબારીની નિમણૂક બાદ પરિસ્થિતિમાં નોંધપાત્ર ફેરફાર જોવા મળી રહ્યો છે. પોલીસની કામગીરીમાં ઝડપ, પારદર્શિતા અને કડકતા આવતાં હવે કડી શહેર ધીમે ધીમે “ક્રાઈમ ફ્રી શહેર” બનવા તરફ આગળ વધી રહ્યું છે.

આ પરિવર્તન માત્ર શબ્દોમાં નહીં પરંતુ જમીન પર સ્પષ્ટ રીતે દેખાઈ રહ્યું છે. નીચે મુદ્દાસર રીતે સમજીએ કે કેવી રીતે કડી પોલીસ અને પીઆઇ રબારીની ટીમ શહેરમાં કાયદો-વ્યવસ્થા મજબૂત બનાવી રહી છે:

1. ગણતરીના કલાકોમાં ગુનાઓનો ભેદ ઉકેલવાની ક્ષમતા

તાજેતરના બનાવોમાં કડી પોલીસે ગૌ તસ્કરી, ચેન સ્નેચિંગ ,હત્યા અને મારામારી જેવા કેસોમાં ઝડપી કાર્યવાહી કરી.ગુનો નોંધાયા બાદ તરત જ ટીમ એક્ટિવ થઈ જાય છે.મુખ્ય આરોપીઓને કલાકોમાં જ ટ્રેસ કરીને ધરપકડ કરવામાં આવે છે.આ કારણે ગુનેગારોમાં “બચી જવાની શક્યતા ઓછી” એવી માનસિકતા ઉભી થઈ છે

 2. ટેકનિકલ સર્વેલન્સ અને ઇન્ટેલિજન્સ નેટવર્ક મજબૂત

CCTV કેમેરા, મોબાઈલ લોકેશન અને સર્વેલન્સનો વ્યાપક ઉપયોગ,શંકાસ્પદ લોકો અને હિસ્ટ્રીશીટરો પર સતત નજર,ગુનાહિત પ્રવૃત્તિઓમાં સંડોવાયેલા ગેંગ પર ખાસ વોચ,શહેરમાં ઇન્ટેલિજન્સ સિસ્ટમ વધુ સક્રિય બની

 3. ગૌ તસ્કરી અને સંગઠિત ગુનાઓ પર સીધી કાર્યવાહી

ગૌ તસ્કરીના કેસમાં મુખ્ય આરોપી ઝડપાયો અને ગેંગનો ભેદ ખૂલ્યો,નકલી નંબર પ્લેટ જેવા મોડસ ઓપરંડીનો ખુલાસો,ફરાર આરોપીઓને ઝડપી પાડવા સતત રેડ,સંગઠિત ગુનાઓ સામે “ઝીરો ટોલરન્સ” નીતિ

 4. ચેન સ્નેચિંગ અને સ્ટ્રીટ ક્રાઈમમાં ઘટાડો

અગાઉ વારંવાર બનતા ચેન સ્નેચિંગના બનાવોમાં ઘટાડો,પેટ્રોલિંગ વધારવાથી રોડ પર પોલીસની હાજરી વધુ,સંવેદનશીલ વિસ્તારોમાં ખાસ નજર,મહિલાઓમાં સુરક્ષાની ભાવના મજબૂત

 5. હિસ્ટ્રીશીટર અને લુખ્ખા તત્વો પર કડક સકંજો

જુના ગુનેગારોની યાદી તૈયાર કરીને સતત મોનિટરિંગ,ગેરકાયદેસર પ્રવૃત્તિઓમાં ફરી પ્રવેશ કરતા તાત્કાલિક કાર્યવાહી,દારૂ, જુગાર અને અન્ય અસામાજિક પ્રવૃત્તિઓ પર છાપા,“ગુનો કરવો છે તો કડી છોડો” જેવો સંદેશ સ્પષ્ટ

 6. પોલીસની પ્રતિષ્ઠા અને નાગરિક વિશ્વાસમાં વધારો

લોકો હવે પોલીસને માહિતી આપવા આગળ આવી રહ્યા છે,ફરિયાદ નોંધવામાં સરળતા અને ઝડપી રિસ્પોન્સ,સોશિયલ મીડિયા અને જાહેર સંવાદ દ્વારા કનેક્ટિવિટી,“ફ્રેન્ડલી પણ સ્ટ્રિક્ટ પોલીસ”નો અભિગમ

7. ટ્રાફિક અને જાહેર શિસ્તમાં સુધારો

બ્લેક ફિલ્મ, ફેન્સી નંબર પ્લેટ અને બેફામ વાહનચાલકો સામે કાર્યવાહી,ટ્રાફિક નિયમોનું કડક પાલન કરાવવાનો પ્રયાસ,અકસ્માતોની સંખ્યા ઘટાડવા માટે અભિયાન,જાહેર માર્ગો પર શિસ્ત અને સુરક્ષા બંનેમાં વધારો

8. ટીમ વર્ક અને લીડરશિપનો અસરકારક પ્રભાવ

પીઆઇ એ. એલ. રબારીની લીડરશિપ હેઠળ ટીમ વધુ સક્રિય,દરેક કેસમાં વ્યક્તિગત રસ લઈને તપાસ,સ્ટાફને પ્રોત્સાહન અને જવાબદારી બંને,“ઝડપ + ચોકસાઈ” સાથે કામગીરી

 9. કાયદાનો ભય – ગુનેગારોમાં સ્પષ્ટ સંદેશ

પોલીસની સતત કાર્યવાહીથી ગુનેગારોમાં ભયનો માહોલ,શહેરમાં ગુનાઓ કરવાની હિંમત ઘટી,“કાયદો સખત છે અને તરત લાગુ પડે છે” એવો મેસેજ

 10. “ક્રાઈમ ફ્રી કડી” તરફ સ્પષ્ટ દિશા

સતત કડક કામગીરી ચાલુ રહેશે તો ગુનાઓમાં મોટો ઘટાડો શક્ય

નાગરિકો અને પોલીસ વચ્ચે સહકાર વધે તો પરિણામ વધુ મજબૂત

કડી શહેરને સુરક્ષિત અને શાંતિપૂર્ણ બનાવવાનો લક્ષ્ય

અંત……

કડી પોલીસ દ્વારા અપનાવવામાં આવેલ આ કડક અને અસરકારક અભિગમને જોતા કહી શકાય કે શહેર હવે સાચા અર્થમાં પરિવર્તનની દિશામાં આગળ વધી રહ્યું છે. પીઆઇ એ. એલ. રબારીની લીડરશિપ હેઠળ પોલીસ માત્ર ગુનાઓને કાબૂમાં રાખતી નથી, પરંતુ ગુનાઓને જન્મ લેતા અટકાવવાની દિશામાં પણ કાર્યરત છે.

જો આ જ ગતિ અને નિષ્ઠા યથાવત્ રહેશે, તો નજીકના ભવિષ્યમાં “ક્રાઈમ ફ્રી કડી” માત્ર કલ્પના નહીં, પરંતુ હકીકત બની શકે છે.

રિપોર્ટર: પ્રદીપ ઠાકોર ( બહુચરાજી )

મહેસાણા જિલ્લાના યાત્રાધામ બહુચરાજી નજીક સર્જાયેલો તાજો માર્ગ અકસ્માત માત્ર એક સામાન્ય ઘટના નથી, પરંતુ બેદરકારી, બેફામ ઝડપ અને તંત્રની નાકામી નો કાળો ચહેરો ખુલ્લો પાડતો કિસ્સો છે. ઔદ્યોગિક વિકાસ સાથે ગતિ પકડતા બહુચરાજી પંથકમાં હવે રોડ પર “ફરતું મોત” લોકો માટે રોજિંદો ભય બની ગયું છે.

તાજેતરમાં “જય માતાજી ટ્રાવેલ્સ” ની લક્ઝરી બસના ચાલકની બેદરકારીના કારણે જલિયાણ ધામ નજીક ગમખ્વાર અકસ્માત સર્જાયો. આરોપ છે કે બસ બેફામ ઝડપે દોડતી હતી અને અચાનક રસ્તા વચ્ચે ઊભી રહી જતા પાછળથી આવી રહેલી કાર સીધી બસમાં ઘૂસી ગઈ.

ચકનાચૂર દ્રશ્ય — જીવતા બચ્યા એ ચમત્કાર

ટક્કર એટલી ભયાનક હતી કે કારનો આગળનો ભાગ સંપૂર્ણપણે નાશ પામ્યો. દરવાજો બસમાં ઘૂસી ગયો અને પળવારમાં જ આખી કાર કબાટમાં ફેરવાઈ ગઈ.

સ્થળ પર હાજર લોકોના શબ્દોમાં:

“આ અકસ્માત નહોતો, આ તો મોતનો જીવતો ખેલ હતો.”

માત્ર થોડા સેકન્ડનો ફરક હતો — નહિ તો આ ઘટના બહુ મોટી જાનહાનિમાં ફેરવાઈ શકતી હતી.

બે ઈજાગ્રસ્તોની હાલત ગંભીર

અકસ્માતમાં ઘાયલ બે વ્યક્તિઓને તાત્કાલિક સીતાપુર સ્થિત ઝાયડસ હોસ્પિટલમાં ખસેડવામાં આવ્યા છે.હાલ તેઓ મૃત્યુ સામે જંગ લડી રહ્યા છે અને તેમની સ્થિતિ ચિંતાજનક હોવાનું જાણવા મળી રહ્યું છે.

 “આ પહેલો કેસ નથી” — લોકોમાં ઉગ્ર રોષ

સ્થાનિકોમાં ભારે રોષ છે, કારણ કે “જય માતાજી ટ્રાવેલ્સ” સામે આ પ્રથમ ફરિયાદ નથી. અગાઉ પણ અનેક વખત આ ટ્રાવેલ્સ વિવાદોમાં આવી ચૂકી છે, છતાં કોઈ કડક કાર્યવાહી થતી નથી — એવો આક્ષેપ લોકો કરી રહ્યા છે.

લોકોમાં ચાલી રહેલી ચર્ચા મુજબ:

બસો બેફામ ઝડપે દોડાવવામાં આવે છે

ડ્રાઇવિંગમાં ઘોર બેદરકારી રાખવામાં આવે છે

મુસાફરોની સુરક્ષા સાથે રમખાણ થાય છે

ઓવરલોડિંગથી નિયમોનો ભંગ થાય છે

બસોમાં સેફટી સુવિધાઓનો અભાવ છે

છતાં પણ સવાલ એ જ છે — તંત્ર મૌન કેમ છે?

રાજકીય શેહ-શરમ કે નાણાનો પ્રભાવ?

સ્થાનિકોમાં ચર્ચા છે કે ટ્રાવેલ્સ સંચાલકો સામે અગાઉના કેસોમાં રાજકીય શેહ-શરમ અને નાણાકીય પ્રભાવના કારણે કોઈ ઠોસ કાર્યવાહી થઈ નથી.જો આ સત્ય છે, તો આ માત્ર કાયદાનો ભંગ નહીં, પરંતુ જનતાના જીવ સાથેનો સીધો ખેલ છે.

જવાબદારી માત્ર ડ્રાઇવર સુધી સીમિત નથી

આ અકસ્માત સાબિત કરે છે કે માત્ર ચાલકને દોષી ઠેરવી દેવું પૂરતું નથી.ટ્રાવેલ્સ કંપની અને સંબંધિત સરકારી તંત્ર — બંને સમાન રીતે જવાબદાર છે.જો સમયસર કડક કાર્યવાહી કરવામાં આવી હોત, તો આ અકસ્માત સહેલાઈથી ટાળી શકાયો હોત.

હવે તો જાગો! — તંત્ર માટે ખુલ્લી ચેતવણી

બહુચરાજી પોલીસ, જિલ્લા પોલીસ વડા અને આરટીઓ વિભાગ માટે આ ઘટના સ્પષ્ટ ચેતવણી છે.

લોકો હવે સીધી માંગ કરી રહ્યા છે:

આવી બેદરકાર ટ્રાવેલ્સ કંપનીઓને તરત બ્લેકલિસ્ટ કરવી

લાયસન્સ રદ કરવું

કડક ટ્રાફિક ચેકિંગ અમલમાં મૂકવું

જવાબદારો સામે ફોજદારી કાર્યવાહી કરવી

અંતિમ સવાલ

આ અકસ્માત માત્ર એક ઘટના નથી

આ એ સવાલ છે જે દરેક નાગરિક પૂછે છે:

 શું તંત્ર કોઈના મોતની રાહ જોઈ રહ્યું છે?

જો હજુ પણ પગલાં નહીં લેવાય, તો આવનારા સમયમાં આવા “રોડ પર ફરતા મોત” અનેક નિર્દોષ જીવોને ભોગ બનતા રાખશે.

જોરાજી એ જોર અજમાવ્યું અને હ્યુમન સોર્સની માસ્ટરીથી લાખો રૂપિયાનો દારૂ ઝડપાયો

LCBની ત્રાટકતી કાર્યવાહી, બુટલેગર ફરાર પણ દારૂનો જથ્થો પોલીસના કબજામાં

મહેસાણા જિલ્લામાં પ્રોહિબિશન કાયદો હોવા છતાં ગેરકાયદે વિદેશી દારૂના ધંધા ચલાવતા બૂટલેગરો માટે હવે લોકલ ક્રાઈમ બ્રાન્ચ (LCB)નો ડર સતત વધતો જાય છે. ખાસ કરીને LCBના પોલીસ કર્મી જોરાજીનું નામ છેલ્લા સમયથી બૂટલેગરોમાં ભયનું કારણ બન્યું છે. તેમની હ્યુમન સોર્સ નેટવર્કની માસ્ટરીના કારણે વધુ એક વખત લાખો રૂપિયાનો વિદેશી દારૂ ઝડપાયો છે.

ઉચ્ચ કક્ષાએથી મહેસાણા જિલ્લામાં પ્રોહિબિશન પ્રવૃતિઓ સામે કડક કાર્યવાહી કરવાની સૂચના મળતા જ LCB એક્ટિવ બની ગઈ હતી. જિલ્લામાં ગેરકાયદે દારૂના વેપાર પર નજર રાખવા માટે ગુપ્ત બાતમીઓ એકત્ર કરવાની કામગીરી તેજ કરવામાં આવી હતી.

હ્યુમન સોર્સથી મળેલી ચોક્કસ બાતમી

માહિતી મુજબ LCBનો સ્ટાફ પેટ્રોલિંગમાં હતો ત્યારે ASI મહેન્દ્રકુમાર અને પોલીસ કર્મી જોરાજીને સંયુક્ત રીતે એક મહત્વની બાતમી મળી હતી. બાતમી મુજબ બાવલુ પોલીસ સ્ટેશનની હદમાં આવેલા વરખડીયા ગામનો અજયજી ગાભાજી ઠાકોર ગેરકાયદે વિદેશી દારૂનો વેપાર ચલાવે છે.

બાતમીમાં વધુમાં જણાવાયું હતું કે આરોપીએ વિદેશી દારૂનો જથ્થો પોતાની સફેદ કલરની ક્રેટા કારમાં ભર્યો છે અને વરખડીયા ગામના ભરવાડ વાસના ગેટ નજીક ગાડી પાર્ક કરી રાખી છે.

પોલીસનું ઝડપી ઓપરેશન

બાતમી મળતા જ LCBની ટીમે તરત જ કાર્યવાહી ગોઠવી હતી. બાવલુ પોલીસ સ્ટેશનના વાઘરોડા આઉટ પોસ્ટના હેડ કોન્સ્ટેબલ રાકેશકુમાર અને પોલીસ કર્મી વિજયભાઈને સ્થળને કોર્ડન કરવા સૂચના આપવામાં આવી હતી.ત્યારબાદ LCBની ટીમ કડીથી સીધી બાતમીવાળી જગ્યાએ પહોંચી હતી અને શંકાસ્પદ ક્રેટા કારને ઘેરી તપાસ હાથ ધરી હતી.

કારમાંથી લાખોનો દારૂ બહાર

પોલીસે ક્રેટા કારની તપાસ કરતા અંદરથી વિદેશી દારૂની 30 પેટીઓ તેમજ છૂટક દારૂની બોટલો મળી આવી હતી. તપાસ દરમિયાન કુલ રૂ. 3,17,660 જેટલો વિદેશી દારૂ મળી આવ્યો હતો.પોલીસે દારૂ સાથે ક્રેટા કાર પણ જપ્ત કરી હતી. બંને મળી કુલ રૂ. 8,17,660 જેટલો મુદ્દામાલ કબ્જે કરવામાં આવ્યો હતો.

બુટલેગર ફરાર

પોલીસે દારૂનો જથ્થો ઝડપી પાડ્યો હોવા છતાં મુખ્ય આરોપી અજયજી ગાભાજી ઠાકોર પોલીસની ઝપટમાં આવતાં પહેલાં જ સ્થળ પરથી ફરાર થઈ ગયો હતો. હાલ પોલીસ દ્વારા તેની શોધખોળ હાથ ધરવામાં આવી છે.

જોરાજીનું નેટવર્ક ફરી કામે આવ્યું

પોલીસ સૂત્રો મુજબ LCBના પોલીસ કર્મી જોરાજી દ્વારા તૈયાર કરાયેલ હ્યુમન સોર્સ નેટવર્ક આ કાર્યવાહીમાં મહત્વપૂર્ણ સાબિત થયું છે. તેમની પાસે મળતી ચોક્કસ બાતમીઓના કારણે છેલ્લા સમયમાં ગેરકાયદે દારૂના અનેક જથ્થા ઝડપી પાડવામાં સફળતા મળી રહી છે.

બૂટલેગરો માટે ચેતવણી

ગુજરાતમાં પ્રોહિબિશન કાયદો હોવા છતાં ગેરકાયદે દારૂના વેપારના કિસ્સા સમયાંતરે સામે આવે છે. પરંતુ મહેસાણા જિલ્લામાં પોલીસ દ્વારા સતત થઈ રહેલી કાર્યવાહીએ બૂટલેગરોમાં ચિંતા વધારી છે.

  LCBની આ કાર્યવાહી પછી સ્પષ્ટ સંદેશો આપવામાં આવ્યો છે કે ગેરકાયદે દારૂના ધંધા ચલાવનારાઓ પર પોલીસની નજર સતત છે અને કોઈને પણ કાયદાની પકડથી બચવું સરળ નહીં રહે.