samachardiary24x7.in

Category: ગુનો

  • દારૂના દૂષણ ને દૂર કરો :– બહુચરાજી ના રૂપપુરા ગામને દારૂના દૂષણમાંથી છોડાવવા ગ્રામજનો મેદાને

    બહુચરાજી તાલુકાના રૂપપુરા ગામમાં દારૂનું દૂષણ દૂર કરવા ગ્રામજનોએ મોરચો માંડ્યો છે

     

     

     

    રૂપપુરા ગામની દેશી દારૂ ની ભઠ્ઠીઓ ઉપર થી આસજોલ, કરણપુરા, ધનપુરા,ચડાસણા,ઈન્દ્રપ,મરતોલી,રાંતેજ સહિતના ગામોમાં દારૂ થાય છે સપ્લાય..

     

     

     

     

    શક્તિપીઠ બહુચરાજી તાલુકાના કેટલાક ગામડાઓમાં દેશી વિદેશી દારૂનું દૂષણ વધી રહ્યું છે.ગુજરાતમાં દારૂબંધી ફક્ત કાગળ ઉપર હોવાનું અને બહુચરાજી તાલુકામાં ધમધોકાર દારૂ વેચાઈ રહ્યો હોવાનું અને પીવાઈ રહ્યો હોવાનું ગ્રામજનોના હોબાળા બાદ વધુ એક વખત સામે આવ્યું છે.રૂપપુરા સહિતના ગામડાઓમાં દારૂ તેમજ જુગાર ની પ્રવૃતિઓએ માઝા મૂકી છે અને દારૂના રવાડે ચડી ગયેલા લોકો નાની ઉમરમાં મોતના ભેટતા હોય છે જેથી નાની ઉમરના લોકોના મૃત્યુ આંકમાં વધારો,ચોરી સહિતની અસમાજિક પ્રવૃતિઓમાં વધારો થયો છે તેવામાં રૂપપુરા ગ્રામજનોએ બહુચરાજી મામલતદાર અને પોલીસ સ્ટેશન ખાતે દારૂ જુગાર નુ દૂષણ દૂર કરવા આવેદનપત્ર આપી મોરચો માંડ્યો છે.

     

    ગ્રામજનોએ આપેલા આવેદનપત્રમાં જણાવ્યું છે કે રૂપપુરા ગામમાં વર્ષો થી દેશી દારૂ તથા જુગાર ની પ્રવૃતિઓ થી રૂપપુરા – લીલાપુરા ગામમાં કેટલીય બહેનો નાની ઉમરમાં વિધવા થઈ છે અને તેમના સંતાનો ના શિક્ષણ ઉપર ખરાબ અસર પડી રહી છે.અસામાજિક તત્વો સરકારી પ્રાથમિક શાળા ની મિલકતને નુકશાન પહોંચાડે છે ગામમાં શાંતિ ડહોળે છે જેથી આવા તત્વો ઉપર અંકુશ લગાવવો જરૂરી છે.દીકરીઓ ને અસમાજિક તત્વોના ડર થી અભ્યાસ કરવો મુશ્કેલ બન્યો છે અને રૂપપુરા ગામની દેશી દારૂની ભઠ્ઠીઓ વાળા આસજોલ, કરણપુરા,ધનપુરા,ઈન્દ્રપ,મરતોલી અને રાંતેજ સહિતના વિસ્તારોમાં નજીકની કંપનીઓમાં ખુલ્લેઆમ દારૂનું સપ્લાય કરી રહ્યા છે.

     

     

     

     

     

    દારૂના દૂષણ સામે ગ્રામજનો તો જાગ્યા પરંતુ પોલીસ ક્યારે જાગશે તે એક મોટો સવાલ ???

    ગાંધીના ગુજરાતમાં દારૂબંધી છે પરંતુ તે ફક્ત કાગળ ઉપર છે.દારૂબંધી નુ પાલન કરાવનાર પોલીસ જ હપ્તરાજમાં રાચી દારૂના વેચાણ અને પીવા ઉપર અંકુશ નહીં મૂકતા ખુલ્લેઆમ દારૂ વેચાઈ રહ્યો છે અને પીવાઈ રહ્યો હોવાની હકીકત સ્પષ્ટ છે.દારૂના દૂષણ સામે હવે ગ્રામજનો એ મોરચો માંડી અવાજ ઉઠાવ્યો છે પરંતુ પોલીસ તંત્ર ક્યારે જાગશે તે એક મોટો સવાલ તંત્ર સામે પેદા થઈ રહ્યો છે.

  • સરકારી તંત્રનો વધુ એક છબરડો આવ્યો સામે :– પાલજ માં બિન હરીફ સભ્યની દરખાસ્ત કરનાર ની સહી ખોટી

    મહેસાણા 

    ઉમેદવારે ફોર્મ ભર્યું ત્યારે દરખાસ્ત કરનાર સાથે નહોતા 

    મહેસાણા જિલ્લા કલેકટરને કરાઈ લેખિત રજૂઆત 

     

       

     

     

     

    ગ્રામ પંચાયતની ચૂંટણીમાં સભ્યતરે અવનવા છબરડા પ્રકાશમાં આવી રહ્યા છે ત્યારે મહેસાણાના પાલજ ગામે યોજાયેલી વોર્ડ નંબર 7ના બિન હરીફ બનેલ સભ્યની દરખાસ્ત કરનાર વ્યક્તિએ સહી કરી જ ન હોવાનો મુદ્દો ઉઠ્યો છે. ગામના યુવાને જિલ્લા કલેકટરને આ સંબંધે લેખિત ફરિયાદ આપી છે. 

        પાલજ ગામના જયેશકુમાર બળદેવભાઈ રબારીએ મહેસાણા જિલ્લા કલેકટરને આપેલા લેખિતે ચર્ચાઓ જગાવી છે. જેમાં તાજેતરમાં આયોજિત ગ્રામ પંચાયતની ચૂંટણીમાં તેમના પાલેજ ગામે વોર્ડ નંબર ચારના ઉમેદવાર આનંદીબેન અમૃતભાઈ પટેલ વોર્ડ નંબર સાતમાં સભ્ય તરીકે ઉમેદવારી નોંધાવી હતી અને તે સમયે તેઓએ ફોર્મમાં દરખાસ્ત કરનાર તરીકે ગામના ગોપાલજી સોનાજી ઠાકોરને રાખેલા. પરંતુ આ ગોપાલજી ઠાકોરે દરખાસ્ત કરનાર તરીકે સહી કરી જ નથી અને તે ઉપજાવી કાઢેલ છે તેમજ ખોટી સહી ઉમેદવારના પતિ પાસે કરાવેલ હોવાનો ઉલ્લેખ લેખિતમાં કર્યો છે. 

       આ ઉપરાંત જયેશભાઈ રબારીએ એવો પણ આક્ષેપ કર્યો છે કે, સભ્યપદની ચૂંટણીમાં દરખાસ્ત કરનાર ઠાકોર ગોપાલજી સોનાજી જાણતા જ નથી અને તેમને દરખાસ્ત ફોર્મમાં સહી પણ કરેલ નથી સદર સભ્ય સામે કોઈ ઉમેદવારે ફોર્મ ભરેલ ન હોવાથી તેમને બિનહરીફ સભ્ય તરીકે જાહેર કરવામાં આવેલ છે. ચૂંટણી અધિનિયમની જોગવાઈ મુજબ જ્યારે સભ્ય કે ઉમેદવાર ફોર્મ ભરે ત્યારે દરખાસ્ત કરનાર સાથે હોવો જોઈએ પરંતુ આ કામના સભ્યએ સદર ગોપાલજી સોનાજી ઠાકોરને સાથે રાખેલ નથી કે તેઓને કોઈપણ પ્રકારની જાણ પણ કરેલ નથી અને ખોટા દસ્તાવેજ ઉપર સહી કરી દરખાસ્ત કરેલ અને ફોર્મ ભરેલ હોય ઘટતી કાર્યવાહી કરવી તેવો ઉલ્લેખ કરેલ છે.

  • FRAUD WITH BANK :- બેંકે ગોલ્ડ લોન માટે વેલ્યુઅર રાખેલા સોનીએ જ લોકો સાથે મળી બેંકનું કરોડો નું કરી નાખ્યું

    કડી તાલુકાના મેડા આદરજ ગામમાં આવેલી બેન્ક ઓફ ઈન્ડિયા દ્વારા ગોલ્ડ લોનના વેલ્યુઅર તરીકે રાખેલા સોની અને બનાવતી (નકલી) સોના ઉપર લોન લેનાર 37 લોકો સામે રૂ.4.54 કરોડ ની છેતરપિંડી ની ફરિયાદ નોંધાવતા હડકંપ મચી જવા પામ્યો છે.

     

     

     

     

    બેંકો લોકોને ગોલ્ડ લોન આપતી હોય છે જેમાં બેંક લોન લેનાર પાસેથી ગોલ્ડ(સોનું) લેતી હોય છે અને તેને બેંકે રાખેલા ગોલ્ડ વેલ્યુઅર સોની પાસે ચકાસણી કરાવી તેનું પ્રમાણપત્ર મેળવી તેના આધારે લોકોને સોના ઉપર લોન (ગોલ્ડ લોન) આપતી હોય છે પરંતુ અહીં તો બેંકે રાખેલા સોની એ જ લોકો સાથે મળી બેંક ને નકલી દાગીના(સોનુ)પધરાવી બેંક સાથે કરોડો ની છેતરપિંડી કરી દીધી જ્યારે બેંક ના ધ્યાને આ વાત આવી ત્યારે બેંકે ગોલ્ડ વેલ્યુઅર તરીકે રાખેલા થોળ ના સોની સહિત લોન લઈ બેંક સાથે છેતરપિંડી કરનાર 37 જેટલા લોકો સામે ગુનો નોંધતા પંથકમાં હડકંપ મચી જવા પામ્યો છે.વિગતમાં જોવા જઈએ તો મહેસાણા જિલ્લાના કડી તાલુકાના મેડા આદરજ ગામમાં બેંક ઓફ ઈન્ડિયાની શાખા આવેલી છે.બેંક ઓફ ઈન્ડિયા દ્વારા સોના સામે લોન (ગોલ્ડ લોન) લોકોને આપવામાં આવે છે.પરંતુ બેંક ઓફ ઈન્ડિયા ની મેડા આદરજ શાખા દ્વારા ગોલ્ડ લોન માટે નિમણૂક કરેલા થોળ ગામના સોની મૌલિક દિનેશભાઈ એ કાવતરું રચી આજુબાજુના ગામના લોકોને વિશ્વાસમાં લઈ 37 જેટલા લોન ધારકો પાસે બનાવતી દાગીના ગીરવે મુકાવી તે સાચા હોવાની પ્રમાણપત્ર આપી બેંક સાથે રૂ.4.54 કરોડ ની છેતરપિંડી કરી હોવાનું બેન્ક ના જાણમાં આવતા બેન્કની ઝોનલ ઓફિસના ચીફ મેનેજરે ફરિયાદ નોંધાવતા પંથકમાં હડકંપ મચી જવા પામ્યો છે.

     

        બેંક દ્વારા નિમણૂક કરાયેલા સોનીએ મેડા આદરજ ગામની આસપાસ ના ગામો જેવા કે ઝાલોડા,થોળ, મુલસણ, વડાવી , કણઝરી,આંબલીયારા, રાઁચરડા સહિતના ગામોમાંથી ગોલ્ડ લોન મેળવવા ઈચ્છતા અરજદારો પાસે ગોલ્ડ લોન ના નામે બનાવટી સોનાના દાગીના ગીરવે મુકાવી બનાવટી દાગીના નું સાચા તરીકે વેલ્યુએશન પ્રમાણપત્ર આપી રૂ.4.54 કરોડ ની છેતરપિંડી આચરી હતી.

     

    કેવી રીતે બહાર પડ્યું ભોપાળું

     

    બેંક દ્વારા 11 એપ્રિલના રોજ એનપીએ ખાતેદાર મેડા આદરજ ગામના ઠાકોર મગનજી શંભુજી અને તેમની પત્ની કૃષ્ણા બેન દ્વારા ગીરવે મુકાયેલા સોનાના દાગીનાની હરાજી કરી લોનની રકમ વસૂલાતની કાર્યવાહી કરાઈ હતી જેમાં બેંક ની લીગલ ટીમ સામે લોન સામે મુકાયેલા દાગીના નકલી હોવાનું સામે આવતા બેંકના લીગલ પેનલ ના કર્મીઓ ચોંકી ઉઠ્યા હતાં અને વેલ્યુઅર મૌલિન દિનેશભાઈ સોની દ્વારા આપવામાં આવેલ પ્રમાપત્રો વાળા સોનાની ચકાસણી કરાતા તેમાં 37 જેલ લોકોને નકલી સોના સામે લોન અપાવવામાં વેલ્યુઅર સોની દ્વારા ભાગ ભજવી રૂ.4.54 કરોડ ની છેતરપિંડી કરી છે જે મામલે બેંકના ઉચ્ચ અધિકારીઓએ વેલ્યુઅર થોળ ના મૌલીન સોની સહિત 37 જેટલા લોન ધારકો સામે બાવલું પોલીસ સ્ટેશનમાં ફરિયાદ નોંધાવતા વિસ્તારમાં હડકંપ મચી જવા પામ્યો છે.બાવલું પીઆઈ એસ.આર.ચૌધરીની તપાસમાં ચોંકાવનારી વિગતો બહાર આવેતો નવાઈ નહીં

    બેંકે આટલા ઇસમો સામે નોંધાવી ફરિયાદ..

     

    -મૌલિક દિનેશભાઈ સોની રહે થોળ, કડી 

    -મગનજી શંભુજી ઠાકોર રહે મેડા આદરજ, કડી 

    -કનુજી જોઈતાજી ઠાકોર રહે કડી 

    -ક્રિષ્નાબેન મગનજી ઠાકોર રહે મેડા આદરજ, કડી 

     -સુજલ ભાઈ રાયમલભાઈ દેસાઈ રહે માલુસણા, કલોલ 

    -ધરમશી ધુળાજી ઠાકોર રહે કડી  

     -ભાવેશજી મણકાજી ઠાકોર રહે થોળ,કડી 

    -રતનજી મંગાજી ઠાકોર રહે થોળ કડી

     -હરેશકુમાર જગદેવજી ઠાકોર રહે બાવલુ,કડી 

    -અનિકેત અમૃતભાઈ રાવળ રહે નદાણ, કડી 

     -અતુલ કુમાર વિષ્ણુસિંહ ઠાકોર રહે નદાણ,કડી 

    -પ્રતાપજી ડાયાજી ઠાકોર રહે વડાવી, કડી 

    -નટવરજી ઈશ્વરજી ઠાકોર રહે બાવલુ,કડી 

     -અર્જુન જયંતીજી ઠાકોર રહે કડી 

    -વિક્રમજી ભીખાજી ઠાકોર રહે વડાવી કડી

     -વિજય ગાભાજી ઠાકોર રહે કડી

    -રાહુલ કુમાર રમેશભાઈ રાવળ રહે કણઝરી, કડી 

    -દીપકજી હમુજી ઠાકોર રહે થોળ, કડી 

    -વિપુલ ગણપતજી ઠાકોર રહે ઝાલોડા, કડી 

    -અક્ષય રોહિતભાઈ રાવળ રહે થોળ, કડી 

    -વિશાલ વિક્રમજી ઠાકોર રહે ઝાલોડા, કડી 

    -નટુજી રામાજી ઠાકોર રહે થોળ, કડી

    -વાસંતીબેન નટુજી ઠાકોર રહે થોળ,કડી

    -રેશમા દશરથજી ઠાકોર રહે થોળ, કડી 

    -શૈલેષ ગાભાજી ઠાકોર રહે થોળ, કડી 

    -ચેતન બાબુજી ઠાકોર રહે થોળ, કડી

    -રાજેશ અમરસંગ ઠાકોર રહે આંબલીયારા, કડી 

    -ગફુરજી બાબુજી ઠાકોર રહે થોળ, કડી 

    -રોહિતજી જીવણજી ઠાકોર રહે થોળ, કડી 

    -પીન્ટુજી અમૃતજી ઠાકોર રહે થોળ, કડી 

    -દિનેશ મુકાજી ઠાકોર રહે કણઝરી, કડી 

    -સુનિલ ગિરીશજી ઠાકોર રહે થોળ, કડી

    -અલ્પેશ સતિષજી ઠાકોર રહે રાચરડા, કલોલ 

    -સંજય રૂમાલજી ઠાકોર રહે ઝાલોડા, કડી 

    -સુશીલ પ્રયાગભાઈ ચંદ્રવંશી રહે થોળ, કડી

    -વિશાલ જગાનંદભાઈ ઉપાધ્યાય રહે થોળ, કડી

    -અજયજી રૂમાલજી ઠાકોર રહે ઝાલોડા, કડી 

    -પીન્ટુજી જયંતીજી ઠાકોર રહે ઝાલોડા, કડી

  • Save Life Earn Money :- અકસ્માતમાં જીવ બચાવનાર ને મળશે રૂ .25 હજાર

    હવે તમે જ્યારે રોડ ઉપર અકસ્માતમાં જુઓ તો તમે તેને હોસ્પિટલ પહોંચાડજો તેનો જીવ બચાવજો સરકાર તમને આપશે રૂ.25000 ઇનામ

     

     

    ઘણા લોકો અકસ્માતમાં મૃત્યુ પામે છે તેનું કારણ છે અકસ્માતનો ભોગ બનનાર ને સમયસર સારવાર નથી મળતી.લોકો જ્યારે અકસ્માત થાય ત્યારે ઘાયલ વ્યક્તિને સારવાર અર્થે પહોંચાડવા માટે વિચાર કરતા હોય છે તેનું કારણ છે ઘાયલ વ્યક્તિને હોસ્પિટલ પહોંચાડનાર સરકારી કામકાજ ના ચક્કરો માં ફસાવા નથી માગતો અને ઘાયલ વ્યક્તિને સમયસર સારવાર નથી મળતી અને અકસ્માતમાં માં ઘાયલ વ્યક્તિ મૃત્યુ પામે છે પરંતુ હવે મહેસાણામાં ઘાયલ વ્યક્તિને સમયસર સારવાર મળી રહેશે અને તેનો જીવ બચી જશે તેનું કારણ છે સરકારની નીતિ.હવે અકસ્માતમાં જીવ બચાવનાર વ્યક્તિ રાહવીર તરીકે ઓળખાશે.રોડ અકસ્માતમાં અકસ્માત થયા પછીનો 1 કલાક ગોલ્ડન અવર(કલાક) તરીકે ઓળખાય છે જેમાં વ્યક્તિને સમયસર સારવાર મળી રહે તો તેનો જીવ બચાવી શકાય છે.આ 1 કલાકના સમયગાળા દરમ્યાન અકસ્માતમાં ઇજાગ્રસ્ત વ્યક્તિને જો કોઈ વ્યક્તિ હોસ્પિટલ પહોંચાડશે તેને હવે ઇનામ મળશે.આ માટે જિલ્લા સ્તરે 5 સભ્યોની સમિતિ બનશે જેમાં જિલ્લા કલેક્ટર,જિલ્લા પોલીસ વડા(એસપી),જિલ્લા આરોગ્ય અધિકારી,CDMO અને RTO ના અધિકારી નો સમાવેશ થશે.અકસ્માત બાદ સ્થાનિક પોલીસ અધિકારીના અભિપ્રાયબાદ જીવ બચાવનાર વ્યક્તિને રાહવીર તરીકે જાહેર કરી તેને રોકડ ઇનામ અને પ્રમાણપત્ર આપવામાં આવશે જેનાથી અન્ય લોકો પણ પ્રેરણા લઈ શકે.

  • Land grabbing:- તલોદર ગ્રામ પંચાયત ના સરપંચે લેન્ડ ગ્રેબિંગ ની ફરિયાદ દાખલ કરી.

    ભરૂચ 

     

         ઝઘડિયા જીઆઇડીસી ની કોહલર કંપની ના ડિરેક્ટરો તથા મેનેજર સામે તલોદરા ગ્રુપ ગ્રામ પંચાયતના સરપંચ દ્વારા લેન્ડ ગ્રેબિંગ ની ફરિયાદ દાખલ કરી જમીન નો કબજો પરત મેળવવા કોર્ટમાં દાવો કરવામાં આવ્યો

    લેન્ડ ગ્રેબિગ મુજબ કાર્યવાહી કરવા કંપનીના તમામ ડિરેક્ટરો અને મેનેજર સહિત તમામ સામે જીલ્લા કલેકટર ફરિયાદ દાખલ કરવા અરજી આપવામાં આવી 

    કોહલર કંપની દ્વારા ગેરકાયદેસર રીતે તલોદરા ગ્રુપ ગ્રામ પંચાયતની જમીન પર કબજો કરી દિવાલ બનાવી દેવામાં આવી હોવાનો સરપંચે આક્ષેપ કર્યો

     ઝઘડિયા તાલુકાની તલોદરા ગ્રામ પંચાયત દ્વારા પંચાયતની જમીન ઉપર કોહલર ઈન્ડિયા કોર્પોરેશન પ્રાઇવેટ લિમિટેડ કંપની દ્વારા બિન અધિકૃત કબજો કરતા તમામ ડિરેક્ટરો અને મૅનેજર સામે ભરૂચ કલેકટર સમક્ષ લેન્ડ ગ્રેબીગ ની ફરિયાદ દાખલ કરી, તેમજ ઝઘડિયા કોર્ટમાં કંપની પાસે થી જમીન પર ગેરકાયદેસર કરેલ કબજો પરત લેવા દાવો દાખલ કર્યો, બનાવની વિગત એવી છે કે ભરૂચ જિલ્લાના ઝઘડિયા જીઆઇડીસીમાં આવેલ કોહલર ઈન્ડિયા કોર્પોરેશન પ્રાઇવેટ લિમિટેડ કંપની દ્વારા તલોદરા ગૃપ ગ્રામ પંચાયતની જમીન જે સંપાદન પણ થઇ નથી તેમ છતાં મનસ્વી રીતે ગેરકાયદેસર રીતે બિન અધિકૃત કબજો કરી કમ્પાઉન્ડ વોલ બનાવી દેવામાં આવી હોવાનો આક્ષેપ કરવામાં આવ્યો છે, તલોદરા ગૃપ ગ્રામ પંચાયત દ્વારા અવારનવાર કંપનીને તેમજ જવાબદાર રેવેન્યૂ અધિકારીઓને જમીનનો કબજો પરત મેળવવાની ઘણી રજૂઆતો કરી હતી પરંતુ અત્યાર સુધી કોઈ પરિણામ‌ આવ્યું નથી, જેથી તલોદરા ગૃપ ગ્રામ પંચાયત દ્વારા વડોદરાના એડવોકેટ રાકેશ ડી પરમાર ને વકીલ તરીકે નિમેલા અને તેઓના મારફતે અને સલાહ મુજબ કોહલર ઈન્ડિયા કોર્પોરેશન પ્રાઇવેટ લિમિટેડ કંપની ઝઘડિયાના તમામ ડિરેક્ટરો અને મેનેજર સામે ભરૂચ કલેકટર સમક્ષ લેન્ડ ગ્રેબીગ ની ફરિયાદ દાખલ કરી હતી તેમજ ઝઘડિયા કોર્ટમાં કોહલર કંપની દ્વારા ગેરકાયદેસર કબજો પરત લેવા દાવો દાખલ કર્યો હતો, તલોદરા ગ્રુપ ગ્રામ પંચાયતના સરપંચ અને વકીલ દ્વારા એવું જણાવવામાં આવ્યું હતું કે આવી મોટી કંપનીઓ દ્વારા અધિકારીઓના મેળાપીપણામાં સરકારી જમીન ઉપર બિન અધિકૃત કબજો કરતા હોય છે તેવા ઘણા બનાવો બને છે અને જીઆઇડીસી માં તેનો દાખલો બેસે તે માટે આ કાર્યવાહી કરવાની ફરજ પડી છે અને આવી ઘટનાઓ કંપનીઓ સામે માટે લાલબત્તી સમાન છે તેમ જણાવ્યું હતું.

  • Pre monsoon activity fail:- ઘેડ પંથક ની નદીઓ સાફ સફાઈ વિનાની

    જૂનાગઢ…

    જૂનાગઢ જિલ્લામાં માંગરોળ ના ઘેડ પંથકમાં પ્રિ મોન્સુન કામગીરી ફક્ત કાગળ ઉપર થઈ રહી હોવાના આક્ષેપ થઈ રહ્યા છે અને ગ્રાન્ટ ના કરોડો રૂપિયા ચાઉં થઈ ગયા હોવાની ચર્ચા અત્યારે ચાલી રહી છે.

         માંગરોળ ના ઘેડ પંથકમાં પ્રિ મોન્સુન કામગીરી માટે સરકાર દ્વારા કરોડો ની ગ્રાન્ટ ફાળવી હોવાની ચર્ચા ચાલી રહી છે જેની બીજી બાજુ ઘેડ પંથકની નદીઓ ની સાફ સફાઈ થઈ ના હોવાથી પ્રિ મોન્સુન કામગીરી ફક્ત કાગળ ઉપર જ થઈ હોય તેવા આક્ષેપ થઈ રહ્યા છે.હાલ વરસાદ ના કારણે ઓઝત નદીમાં પાણી આવતા નદી છલકાઈ હતી અને આ પાણીથી પાકમાં નુકશાન ન થાય તે માટે માંગરોળ તાલુકાના ઘોડાદર ગામે હાલ નદીમાંથી કચરો કાઢવાની કામગીરી હાથ ધરવામાં આવી રહી છે.પરંતુ અત્યારે હાલ જે સાફ કરવાની પ્રક્રિયા ચાલી રહી છે તો સરકારના પ્રિ મોન્સુન ની કામગીરીમાં નદી સાફ કરવામાં નહોતી આવી કે શું તેવા અનેક સવાલો અત્યારે હાલ ઊભા થઈ રહ્યા છે.

       એક તરફ ઘેડ પંથકમાં પાણી ભરાઈ ના રહે તે માટે સરકાર દ્વારા કરોડોની ગ્રાન્ટ ફાળવવામાં આવી છે તેવી વાતો કરવામાં આવે છે ત્યારે બીજી બાજુ નદીમાં પાણી આવ્યા બાદ સફાઈ કરતા જોવા મળે તો શું પ્રિ મોન્સુન કામગીરી થઈ છે પછી તે ફક્ત કાગળ ઉપર જ થઈ છે તેવા અનેક સવાલ લોકોના મનમાં ઉઠી રહ્યા છે.

  • વીજ કરંટ થી મોત – એક જ ઘરના ત્રણ વ્યક્તિઓ નું મોત

    બનાસકાંઠા….

     

      બનાસકાંઠા જિલ્લાના વાવ તાલુકામાં ગોઝારી ઘટના સામે આવી છે.વીજ કરંટ લાગતા એક જ પરીવાર ના ત્રણ વ્યક્તિઓએ જીવ ગુમાવતા પરીવાર શોકમાં ગરકાવ થઈ ગયો છે.

       વાવ તાલુકાના ધરાદર ગામમાં વીજ કરંટ લાગતા એક જ પરિવારના ત્રણ વ્યક્તિઓના મોત નિપજ્યા પંથકમાં અરેરાટી વ્યાપી ગઇ છે.ખેડૂત પરિવાર રોજિંદા સામાન્ય કામ માટે ખેતરમાં ગયો હતો ત્યારે ઘટના ઘટી હતી.ખેતરમાં કામ અર્થે ગયેલા પુત્ર અને માતા પિતા ને વીજ કરંટ લાગતા પરિવારના ત્રણેય વ્યક્તિઓના ઘટના સ્થળે કરૂણ મોત નીપજ્યા હતા.પ્રાથમિક તારણમાં જ્યારે પરિવાર ના સભ્યો ખેતરમાં ગયા હતા ત્યારે ત્યાં વીજલાઇન માં ફોલ્ટ થયો હોવો જોઈએ જેથી અચાનક કરંટ ફેલાયો અને કામ કરતા માતા પિતા અને પુત્ર ત્રણેય વ્યક્તિઓને વીજ કરંટ લાગ્યો હતો.ત્રણેય મૃતકો ના મૃતદેહ ને વાવ રેફરલ હોસ્પિટલ ખાતે પીએમ અર્થે ખસેડ્યા હતા.

       એકીસાથે એક જ પરિવારના ત્રણ સભ્યો ના મોત થતા પરિવાર તેમજ ગામ સહિત પંથકમાં શોકનો માહોલ જોવા મળી રહ્યો છે.

  • અમેરિકામાં ગુજરાતીના સોના ચાંદીના શોરૂમમાં લૂંટારૂઓ ત્રાટકયા :- સીસીટીવી માં 12 લૂંટારૂઓએ એક જ મિનિટમાં આખો શોરૂમ ખાલી કર્યો હોવાનું કેદ

    અમેરિકામાં ભારતીયો સહિત અન્ય દેશો ના નાગરિકો ઉપર હુમલાની ઘટના વધતી જાય છે સાથે સાથે અમેરિકાના ગુંડાઓ ગુજરાતીઓને પણ મોટી સંખ્યામાં ટાર્ગેટ કરી રહ્યા હોવા દેખાય આવે છે ત્યારે અમેરિકાના કેલિફોર્નિયા માં જ્વેલરી શોરૂમ માં ધોળા દિવસે લૂંટ થઈ હોવાનું સામે આવ્યું છે જેમાં એકી સાથે ત્રાટકેલા 12 જેટલા લૂંટારૂઓએ માત્ર 1 જ મિનિટમાં આખો શોરૂમ ખાલી કરી દીધો હોવાનું ત્યાં લાગેલા સીસીટીવી કેમેરામાં સ્પષ્ટ દેખાઈ આવે છે.આવા પ્રકાર ની લૂંટ થી અમેરિકામાં રહેતા ગુજરાતી પરીવાર માં ભયનો માહોલ જોવા મળી રહ્યો છે.

     

    અમેરિકામાં દિવસે ને દિવસે ક્રાઈમ રેટમાં વધારો જોવા મળી રહ્યો છે.સ્થાનિક ફોક્સ 11 ન્યૂઝ ના અહેવાલ ના પ્રમાણે 1 જુલાઈના રોજ સાઉથ કેલિફોર્નિયાના આર્ટેસિયાના બે એરિયામાં આવેલા અંબર જ્વેલર્સ માં લૂંટ ની ઘટના બની હતી.બનાવની વિગત અનુસાર બપોરના 4 વાગ્યા ના આસપાસ સ્ટોર ની લોખંડ ની જાળી સાથે કાર અથડાઈ હતી જેથી સ્ટોર નો દરવાજો તૂટી ગયો હતો.દરવાજો તૂટી જતા કાર તરતજ બહાર નીકળી ગઈ હતી અને એકાએક અંદાજે 12 જેટલા લૂંટારુઓ બુકાની પહેરી સ્ટોરમાં ઘૂસી આવ્યા હતા .આ ઘટનામાં સ્ટોરની એક વ્યક્તિ ઘાયલ થઈ હતી.

     

    સ્ટોરમાં ઘૂસેલા ધાડપાડુઓ એ સ્ટોરમાં રહેલા કાચના કેબિનેટ હથોળી થી તોડી ને સાથે લાવેલા પ્લાસ્ટિક ના કોથળામાં સોનાના ઘરેણા તથા ઘડિયાળો ભરી અને ફક્ત એક જ મિનિટમાં સ્ટોર ખાલી કરી ભાગી છૂટ્યા હતા.સ્ટોરમાં લૂંટ કરવા લૂંટારુઓ ચાર થી પાંચ કાર લઈને આવ્યા હતા અને તમામ કારની નંબર પ્લેટ પણ ગાયબ હતી.ગુજરાતીઓના કહેવા પામે આ એક આયોજનબધ્ધ લૂંટ હતી જેમાં લૂંટારૂઓએ પ્રથમ બે કાર દ્વારા સ્ટોર વાળી સ્ટ્રીટ ને બ્લોક કરી દીધી હતી ત્યારબાદ લૂંટ ચલાવી હતી.લૂંટારૂઓએ લૂંટ કરતા આજુબાજુની દુકાનોમાં પણ ભયનો માહોલ છવાઈ ગયો હતો અને બધાએ પોતપોતાની દુકાન બંધ કરી દીધી હતી.સ્થાનિક ગુજરાતી ના કહેવા પ્રમાણે આ પ્રકારના ગુના અમેરિકામાં કોમન થઈ ગયા છે અને આરોપીઓ પણ પકડાતા નથી અને પકડાય તો પણ કડક સજા થતી

    નથી.

  • કડીમાં જૂની અદાવતમાં ખેલાયો ખૂની ખેલ :– એક્ટિવા લઈને જતા યુવકને પીક અપ ડાલા થી ટક્કર મારી ચાર ઈસમો ધારિયા જેવા હથિયાર થી તૂટી પડ્યા

    કડી શહેર માં વધુ એક લોહિયાળ જંગ ખેલાયો છે.અંગત જૂની અદાવતમાં ખેલાયેલા ખુની ખેલમાં એક્ટિવા લઈ જઈ રહેલા યુવકને કડી જાસલપુર રોડ ઉપર ટક્કર મારી પાડી દઈ ચાર ઈસમોએ લોખંડ ના ધારિયા જેવા હથિયાર થી હુમલો કરતા યુવકને ગંભીર ઇજાઓ પહોંચી છે.ઈજાગ્રસ્ત યુવકને સારવાર અર્થે અમદાવાદ ની ખાનગી હોસ્પિટલમાં દાખલ કરવામાં આવ્યો છે.

    કડી શહેરના જાસલપુર રોડ ઉપર આવેલી ખ્વાજા પાર્ક સોસાયટીમાં રહેતા બશીરભાઈ નાગોરી ને કડી ના પાડાપોળ માં રહેતા અહેમદભાઈ ઘાંચી સાથે મકાન બાબતે છેલ્લા ઘણા સમય થી અદાવત ચાલી રહી છે.ગત વર્ષે એપ્રિલ મહિનામાં પણ બશીરભાઈ ને અહેમદભાઈ ઘાંચી નુ ઉપરાણું લઈને આવેલા ઇદ્રીશ ભાઈ સાથે ઝઘડો થયેલો હતો અને એમાં બશીરભાઈએ અહેમદભાઈ ના બનેવી ઇદ્રીશ ભાઈ સામે કડી પોલીસ સ્ટેશનમાં ગુનો નોંધાવ્યો હતો.ગુરુવાર ના રોજ સવારના સમયે પોતાના ઘેર થી તેઓ જાસલપુર રોડ ઉપર આવેલી દરગાહની બાજુમાં લાકડાના વાડામાં ગયા હતા ત્યાંથી બશીરભાઈ એક્ટિવા લઈને કુંડાળ ચોકડી ઉપર આવેલ વિક્રમ સર્વિસ સ્ટેશન પાસે પાણી ભરવા નીકળ્યા હતા ત્યારે જાસલપુર રોડ ઉપર આવેલ માલગુરુ મંદિર ની સામે કડી ના પાડાપોળ માં રહેતા અહેમદભાઈ ઘાંચી , મહેબૂબ ઘાંચી,આયન ઘાંચી,અશરફ ઘાંચી સફેદ કલર નું પીક અપ ડાલુ ફૂલ ઝડપે લઈને આવી બશીરભાઈ ના એક્ટિવા ને ટક્કર મારી રોડ ઉપર પછાડ્યા હતા.

     

    પીક અપ ડાલા થી ટક્કર મારતા બશીરભાઈ નીચે પટકાતા ડાલા માં બેસેલ અહેમદભાઈ ઘાંચી,તેમનો દીકરો અયાન ઘાંચી હાથમાં ધારિયું લઈ આવી પહોંચ્યા હતા ત્યારબાદ ડાલા માંથી અહેમદઘાંચી નો બીજો દીકરો મહેબૂબ પણ આવી પહોંચ્યો હતો અને તેમણે બશીરભાઈ ને તે મારા બનેવી ઇદ્રીશ ને માર્યો છે એટલે આજે તને પતાવી દેવાનો છે કહી બશીરભાઈ ઉપર લોખંડ ના ધારિયા થી હુમલો કરતા બશીરભાઈ ના માથાના ભાગે તેમજ હાથના ભાગે ગંભીર ઇજાઓ પહોંચી હતી જ્યારે હાથમાં ધારિયું વાગતા આંગળીઓ કપાઈ ગઈ હતી અને હાથ પણ કપાઈ ને લબડી પડ્યો હતો.

     

     બસીરને માથાના ભાગે તેમ જ હાથના ભાગે ગંભીર ઇજાઓ પહોંચી હતી અને લોહી લુહાણ થઈ જતા હુમલાખોરો ત્યાંથી પીકપ ડાલુ લઈ ભાગી છૂટ્યા હતા. જ્યાં બસેરીને જે બાદ માલુમ થયું હતું કે, બે દિવસથી અશરફ તેની રેખી કરી રહ્યો હતો અને બધા જ તેના સમાચાર અહેમદને કહેતો હતો રેકી કરી હુમલો કરવામાં આવેલો હતો બસેર ઉપર જ્યાં રોડ ઉપર લોહી લુહાણ હાલતમાં બસીર પડી રહ્યો હતો જેમાં એક રીક્ષા ચાલક આવી પહોંચ્યો હતો અને તેને ભાગ્યોદય હોસ્પિટલ સારવાર માટે ખસેડવામાં આવેલો હતો અને તેના પરિવારજનોને જાણ કરવામાં આવેલી હતી જ્યાં વધુ સારવાર માટે તેને અમદાવાદ કેદી હોસ્પિટલમાં રીફર કરી દાખલ કરવામાં આવેલો હતો ઘટનાને લઇ કડી પોલીસે ચાર વિરોધ ગુનો દાખલ કરી કાર્યવાહી કરી

     

    હતી.

  • સહકારી મંડળીના મંત્રી ની કપડાની થેલીમાંથી કડી પટેલભુવન પાસે રૂ.50000 ગઠિયો તફડાવી ગયો

    કડી શહેરમાં અચરાસણ ડેરી ના મંત્રી ડેરી ના પગાર ના રૂપિયા ઉઠાવી જઈ રહ્યા હતા ત્યારે પટેલ ભુવન પાસે અજાણ્યો ગઠિયો કપડાની થેલી ફાડીને થેલી માં રહેલા 50,000 રૂપિયા ઉઠાવી જવાની ઘટના સામે આવતા કડી પોલીસ એકશનમાં આવી ગઈ છે.

     

    કડી તાલુકાના અચરાસણ ગામમાં આવેલી દૂધ ઉત્પાદક સહકારી મંડળીમાં મંત્રી તરીકે સેવા આપતા લક્ષ્મણજી ઠાકોર ગુરુવાર ના રોજ ગામના દિપકજી ને સાથે લઈ મોટરસાયકલ ઉપર કડી શહેરના પીર બોરડી ઢાળ ઉપર આવેલ મહેસાણા ડિસ્ટ્રીક્ટ બેંકમાં ડેરીનો પગાર લેવા આવ્યા હતા જ્યાં લક્ષ્મણજી ઠાકોરે ચેક દ્વારા રૂ.1,52,200 ઉપાડી બેંકમાં થોડી વાર બેઠા હતા ત્યારબાદ તેમની સાથેના દીપક જી ને બજારમાં કામ હોવાથી તેઓ બાઇક લઈને જતા લક્ષ્મણજી ઠાકોરે તેમની જોડેના પૈસા કપડાની થેલીમાં મૂકી ચાલીને ગાંધીચોક આવ્યા ત્યાં આવીને તેમણે દિપકજી ને ફોન કરી પટેલભુવન કરિયાણા ની દુકાન પાસે આવવાનું કહી તેઓ ચાલતા ચાલતા પટેલભુવન પહોંચ્યા હતા.પટેલભુવન પાસે દીપકને મળતા દીપકે પૈસા તેને આપી દેવા જણાવતા લક્ષ્મણજી ઠાકોરે થેલી દીપકને આપતા પૈસા ભરેલી કપડાં ની તૂટેલી હાલતમાં જોતા તેમણે અંદર રાખેલા પૈસા ગણતા અજાણ્યો ઇસમ પૈસા ભરેલી થેલી તોડી રુ.50000 જેટલી રકમ તફડાવી ગયો હોવાનું માલૂમ પડતા તેઓ તત્કાલિક કડી પોલીસ સ્ટેશન પહોંચી ગયા હતા અને ત્યાં પહોંચી અધિકારીને સંપૂર્ણ વિગતો જણાવતા પોલીસે ગુનો દાખલ કરી અજાણ્યા ઇસમને ઝડપી પાડવા ચક્રો ગતિમાન કરી સીસીટીવી ફૂટેજ સહિત ની વિગતો મેળવવા કાર્યવાહી હાથ ધરી હતી.