samachardiary24x7.in

Category: જીવનશૈલી

  • કડીમાં ઝોલા છાપ ડોક્ટરોનો આતંક — ડિગ્રી વિના દવા આપતા તબીબો સામે આરોગ્ય તંત્ર સુતેલું! નવા તાલુકા હેલ્થ ઓફિસર ડો. બ્રિજેશ પ્રજાપતિની કસોટી – શું તંત્ર ખરેખર પગલાં લેશે?

    કડી…..

         કડી શહેર તથા તાલુકાના ગામડાઓમાં “ઝોલા છાપ” ડોક્ટરોનો ધંધો ધડાધડ ચાલે છે. પૂરતી મેડિકલ ડિગ્રી વિના એલોપથી દવાઓ આપતા આ લોકો ગામડાંના ગરીબ લોકોના આરોગ્ય સાથે સીધી રમત કરી રહ્યા છે. પરંતુ આરોગ્ય વિભાગ હજુ પણ કુંભકર્ણની નિંદ્રામાં મસ્ત છે.

     અંદાજિત આંકડા – કેટલી ક્લિનિક્સ બિનરજીસ્ટર્ડ?

           સ્થાનિક સ્તરે મળેલી માહિતી અનુસાર કડી શહેર તથા આસપાસના ગામોમાં મળીને આશરે ૬૦થી વધુ બિનરજીસ્ટર્ડ “ક્લિનિક” અથવા દવા દુકાનો ચાલી રહી છે.આમાંથી મોટાભાગના તબીબો પાસે કોઈ મેડિકલ ડિગ્રી નથી – ફક્ત અગાઉ કોઈ હોસ્પિટલ કે પેથોલોજી લેબમાં કામ કરીને “અનુભવ” મેળવી પોતાને ડોક્ટર કહે છે.

          અંદાજ મુજબ દરરોજ ૩૦૦ થી ૪૦૦ દર્દીઓ આવા ઝોલા છાપ તબીબો પાસે સારવાર લે છે – કારણ કે લોકો પાસે સસ્તું અને નજીક વિકલ્પ અન્યત્ર નથી.

     આરોગ્ય તંત્રની ઉદાસીનતા

    તાલુકા આરોગ્ય વિભાગ પાસે પૂરતી ટીમ અને સત્તા હોવા છતાં અત્યાર સુધી કોઈ મોટી કાર્યવાહી હાથ ધરવામાં આવી નથી.

    સ્થાનિક લોકોના મતે, દરેકને આ ક્લિનિક્સની ખબર છે, પરંતુ “રાજકીય દબાણ” અને “સ્થાનિક ઓળખાણ” અને અધિકારી ને મળતા માલના કારણે તંત્ર ચુપ છે.

        તાજેતરમાં જ નિમણૂક થયેલા તાલુકા હેલ્થ ઓફિસર ડો. બ્રિજેશ પ્રજાપતિ સામે હવે સૌથી મોટો પડકાર આ ઝોલા છાપ તબીબોની ગેરકાયદેસર પ્રેક્ટિસ પર રોક લગાવવાનો છે.

     લોકોનો અભિપ્રાય 

    રાજેશ પટેલ (નોકરી, કડી): “આ ડોક્ટરો રૂ. ૫૦-૧૦૦માં ઈન્જેક્શન આપી દે છે. ક્યારેક દવા ખોટી પડે તો દર્દી બેભાન થઈ જાય. છતાં કોઈ તપાસ આવતી નથી.”

     

    હિરાબેન ઠાકોર (ગ્રામીણ મહિલાઃ): “હોસ્પિટલ દૂર છે, અમને ગામમાં દવા આપતા હોવાથી આપણે ત્યાં જ જઈએ. પરંતુ એક વાર ખોટી દવા ખાઈને મારા દીકરાને ચક્કર આવ્યા હતા.”

    વિજયસિંહ (સામાજિક કાર્યકર): “આ મામલામાં આરોગ્ય વિભાગ જો કાર્યવાહી નહીં કરે તો અમે કલેક્ટર સુધી રજૂઆત કરીશું.”

    ( તમામ નામની ગુપ્તતા જાળવવા માટે ઓળખ છુપાવવામાં આવી છે )

    શું કહે છે કાયદો..

     

    Indian Medical Council Act, 1956 અને Clinical Establishments (Registration and Regulation) Act, 2010 મુજબ 

    ➡️ કોઈપણ વ્યક્તિ માન્ય મેડિકલ ડિગ્રી વિના એલોપથી દવા આપી શકતો નથી.

    ➡️ બિનરજીસ્ટર્ડ ક્લિનિક ચલાવવી ગુનો ગણાય છે.

    ➡️ દંડ સાથે ૩ વર્ષ સુધીની જેલ સજા થઈ શકે છે.

      તાલુકા હેલ્થ ઓફિસર, જિલ્લા હેલ્થ ઓફિસર તથા પોલીસ તંત્રને આવા કેસોમાં કાર્યવાહી કરવાનો કાયદાકીય અધિકાર છે.

     અંતિમ વાત

    કડીની આ સ્થિતિ એ સ્પષ્ટ કરે છે કે ગરીબ અને મધ્યવર્ગીય લોકોની “સસ્તી સારવાર”ની જરૂરિયાતને બહાનાં બનાવી અણધાર્યા જોખમો ઉઠાવવામાં આવી રહ્યા છે.

    હવે તંત્ર સામે સૌથી મોટો પ્રશ્ન એ છે 

    શું નવા તાલુકા હેલ્થ ઓફિસર ડો. બ્રિજેશ પ્રજાપતિ ખરેખર મેદાનમાં ઉતરી પગલાં લેશે, કે પછી અગાઉની જેમ જ કાર્યવાહી ફાઈલો પુરતી રહેશે?

  • 🇮🇳 અતલનગરમાં રાષ્ટ્રીય સ્વયંસેવક સંઘની ભવ્ય વિજયાદશમી રેલી 🚩

    સ્થળ: અતલનગર, કચ્છ

    રિપોર્ટર: હિમાંશુ પટેલ

    કચ્છ જિલ્લાના અટલ બિહારી બાજપેયીના નામ પરથી ઓળખાતા અટલનગર ગામે આજે વિજયાદશમીના પાવન અવસરે રાષ્ટ્રીય સ્વયંસેવક સંઘ (RSS) દ્વારા ભવ્ય રેલી અને સાંસ્કૃતિક કાર્યક્રમનું આયોજન કરવામાં આવ્યું.

    ગામમાં રાષ્ટ્રપ્રેમની લહેર સાથે યુવાનો, બાળકો અને વરિષ્ઠ નાગરિકોએ ઉત્સાહભેર ભાગ લીધો. દર વર્ષની જેમ આ વર્ષે પણ રેલીમાં મોટી સંખ્યામાં ગ્રામજનો જોડાયા અને દેશભક્તિનો માહોલ સર્જાયો.

    🕉️ સંઘની પરંપરા અને કાર્યક્રમ

    સંઘના પ્રધાનએ જણાવ્યું કે વિજયાદશમીનો દિવસ શક્તિ અને શિસ્તનું પ્રતિક છે. આ અવસરે રાષ્ટ્રપ્રેમ, એકતા અને સેવા ભાવના જગાવવા માટે રેલીનું આયોજન કરવામાં આવે છે.

    રેલી બાદ શસ્ત્રપૂજન, રાષ્ટ્રગીત અને સંસ્કૃતિક કાર્યક્રમો યોજાયા, જેમાં વિદ્યાર્થીઓએ દેશભક્તિના ગીતો અને નૃત્ય રજૂ કર્યા.

    🌾 અટલનગરનું ગ્રામજીવન

    અતલનગર ગામમાં લગભગ 90 ટકા આયર સમાજના લોકો વસે છે અને મોટાભાગે ખેતી સાથે સંકળાયેલા છે. ગામના લોકો સંઘના કાર્યક્રમો સાથે વર્ષોથી જોડાયેલા છે. આ કાર્યક્રમ માત્ર ધાર્મિક નહીં પરંતુ સામાજિક એકતા અને સંસ્કૃતિનો ઉત્સવ તરીકે પણ ઉજવાય છે.

    📖 રાષ્ટ્રીય સ્વયંસેવક સંઘનો ઉદ્દેશ

    રાષ્ટ્રીય સ્વયંસેવક સંઘ (RSS) એક સામાજિક અને સાંસ્કૃતિક સંસ્થા છે, જેનો મુખ્ય ઉદ્દેશ રાષ્ટ્રની એકતા, શિસ્ત અને સેવાભાવનું સંવર્ધન કરવાનો છે. સંઘ સમગ્ર ભારતમાં શાખાઓ ચલાવી યુવાઓમાં નૈતિકતા, સેવા અને સંસ્કારનું સંસ્કારણ કરે છે.

    📸 સમાપન

    રેલી દરમિયાન ઉત્સાહભેર લોકોમાં રાષ્ટ્રપ્રેમની લાગણી છલકાઈ. ગામમાં કાર્યક્રમ બાદ લોકો એકબીજાને શુભેચ્છા પાઠવી વિજયાદશમીનો આનંદ મનાવ્યો.

  • કડી,જોટાણા સહિતના વિસ્તારોમાં ઝોલા છાપ તબીબોનો રાફડો ફાટ્યો :– પૂરતી ડિગ્રી વિના સારવાર,દર્દીઓના જીવ સાથે ખેલ

    મહેસાણા…

       મહેસાણા જિલ્લાના કડી, બહુચરાજી, જોટાણા સહિતના તાલુકાઓમાં આરોગ્ય ક્ષેત્રનો ચોંકાવનારો મુદ્દો પ્રકાશમાં આવ્યો છે. અહીં અનેક સ્થળોએ જેમ કે નાના ગામડાઓમાં,શહેરની સોસાયટી ની પાસે આવેલી દુકાનોમાં તથા નાના નાના ગલી મહોલ્લામાં એવા લોકો દર્દીઓને સારવાર આપતા જોવા મળી રહ્યા છે જેમણે M.B.B.S. ની ડિગ્રી નથી હોતી, છતાં તેઓ પોતાને “તબીબ” કહીને એલોપથી દવાઓ લખતા, ઇન્જેક્શન આપતા તથા બોટલ ચડાવતાં જોવા મળે છે.

          ડિગ્રી વિના એલોપથી પ્રેક્ટિસ

    અમારી તપાસમાં ખુલ્યું છે કે આવા તબીબો મોટાભાગે કોઈ પણ ડિગ્રી ધરાવતા નથી અથવા **B.A.M.S. (આયુર્વેદ) અથવા B.H.M.S. (હોમિયોપથી)**ની ડિગ્રી ધરાવે છે. કાયદા પ્રમાણે તેમને પોતાના ક્ષેત્ર સુધી મર્યાદિત રહેવું જોઈએ, પરંતુ તેઓ એલોપથી દવાઓની પ્રેક્ટિસ કરી રહ્યા છે.આથી તેઓ નાગરિકોના આરોગ્યને જોખમમાં મૂકે છે.

      દર્દીઓ પર ખતરનાક અસર

    યોગ્ય જ્ઞાન વગર દવાઓ આપવાથી દર્દીઓને ગંભીર સાઇડ ઈફેક્ટ્સ થાય છે.

    ખોટી સારવારથી દર્દીની હાલત બગડવાની ઘટનાઓ પણ જોવા મળે છે.

    બોટલ ચડાવવાની આડમાં અયોગ્ય રીતે રૂપિયા વસૂલવાની ફરિયાદો સામે આવી રહી છે.

          કાયદેસર કાર્યવાહી શક્ય

          કાયદો આવા ઝોલા છાપ તબીબો સામે કડક છે:

    1. Indian Medical Council Act / NMC Act – માત્ર M.B.B.S. અને રજીસ્ટર્ડ ડોક્ટરોને જ એલોપથી પ્રેક્ટિસનો અધિકાર છે.

    2. Drugs and Cosmetics Act – ગેરકાયદેસર દવા આપનાર સામે ફોજદારી કેસ થઈ શકે છે.

    3. Indian Penal Code (IPC) – બેદરકારીથી મોત કે છેતરપિંડીના કેસમાં 304A અને 420 જેવી કલમો લાગુ થઈ શકે છે.

    4. Consumer Protection Act – દર્દી કે તેમના પરિવારજનોએ થયેલા નુકસાન બદલ સીધી ફરિયાદ કરી શકે છે.

                    ફરિયાદ ક્યાં કરવી?

    ગુજરાત મેડિકલ કાઉન્સિલ (GMC) – https://www.gmcgujarat.org પર ઓનલાઇન ફરિયાદ કરી શકાય છે.

    National Medical Commission (NMC), ન્યુ દિલ્હી – https://www.nmc.org.in પર રજૂઆત કરી શકાય છે.

    જિલ્લા આરોગ્ય અધિકારી (CDHO/CMO) – મહેસાણા જિલ્લા આરોગ્ય કાર્યાલયમાં લેખિત અરજી.

    પોલીસ સ્ટેશન – અનધિકૃત પ્રેક્ટિસ ગુનાહિત કૃત્ય હોવાથી FIR નોંધાવી શકાય છે.

    કન્ઝ્યુમર ફોરમ – ખોટી સારવારથી આર્થિક કે શારીરિક નુકસાન થયું હોય તો કેસ કરી શકાય છે.

                નાગરિકોની માંગ

    જિલ્લાના નાગરિકો હવે આવા નકલી તબીબો સામે કડક પગલા લેવાની માંગ ઉઠાવી રહ્યા છે. આરોગ્ય સેવાઓમાં પારદર્શિતા લાવવા માટે આરોગ્ય વિભાગ, પોલીસ અને મેડિકલ કાઉન્સિલને એકસાથે કાર્યવાહી કરવી જરૂરી છે.

    ✦ તારણ…

        “ઝોલા છાપ” તબીબોની ગેરકાયદેસર પ્રેક્ટિસ માત્ર કાયદાની વિરુદ્ધ નથી પરંતુ દર્દીઓના જીવ સાથે સીધી રમખાણ છે.

      મહેસાણા જિલ્લામાં આરોગ્ય વિભાગે હવે જાગૃત થઈને કડક કાર્યવાહી કરવી જરૂરી છે જેથી આવનારા સમયમાં કોઈ નિર્દોષ દર્દીનો જીવ આ પ્રકારની ગેરરીતિના કારણે જોખમમાં ન આવે.

  • ઊંઝામાં લોખંડી પુરુષ સરદાર પટેલની 150મી જન્મજયંતિ નિમિતે ભવ્ય લોકડાયરોનું આયોજન

    ઊંઝા..

    ભારત દેશના લોખંડી પુરુષ સરદાર વલ્લભભાઈ પટેલની 150મી જન્મજયંતિ નિમિતે ઊંઝા શહેરમાં એક અનોખો સાંસ્કૃતિક મહોત્સવ યોજાશે. શ્રી સરદાર પટેલ સેવાદળ (SPG ગ્રુપ) દ્વારા આ કાર્યક્રમનું આયોજન કરવામાં આવ્યું છે, જેમાં લોકકલાના રંગો સાથે રાષ્ટ્રપ્રેમ અને એકતાનો સંદેશ ગુંજશે.

    આ પ્રસંગે ઊંઝા શહેરમાં બનેલી નવિન શૈક્ષણિક લાયબ્રેરી બિલ્ડિંગના લાભાર્થે આ લોકડાયરો યોજવામાં આવ્યો છે. સાંસ્કૃતિક અને સામાજિક હેતુ જોડતો આ કાર્યક્રમ સ્થાનિક નાગરિકો, વિદ્યાર્થી મિત્રો અને કલા પ્રેમીઓ માટે પ્રેરણારૂપ બનશે.

    લોકસંગીતની રાત્રિ – ઉર્વશી રાદડિયા કરશે સૌને મંત્રમુગ્ધ

    આ ભવ્ય લોકડાયરોમાં લોકસંગીત જગતમાં લોકપ્રિય ઉર્વશી રાદડિયા તથા સાથી કલાકારો પોતાની મધુર અવાજમાં ગરબા, ડાયરાના ગીતો અને લોકગીતોની મનોહર રજૂઆત કરશે.
    તેમના ગીતો અને સૂર સાથે કાર્યક્રમમાં ઉપસ્થિત શ્રોતાઓ માટે અવિસ્મરણીય અનુભૂતિ સર્જાશે.

    31 ઓક્ટોબર ના રોજ રાત્રે 8 વાગે
    પાટણ રોડ ઉપર નવદુર્ગા નવરંગી ગ્રાઉન્ડ ખાતે કાર્યક્રમનું આયોજન થશે.

    આ કાર્યક્રમને શહેરના વિવિધ વિસ્તારોમાંથી મોટી સંખ્યામાં લોકો ઉપસ્થિત રહેવાની શક્યતા છે.
    સામાજિક સંગઠનો, વિદ્યાર્થીઓ અને સરદાર પ્રેમીઓ આ કાર્યક્રમમાં જોડાઈ સરદાર પટેલના વિચારોને નमन કરશે.

    સરદાર પટેલ…
    એકતા, સંઘર્ષ અને પ્રેરણાનું પ્રતિક
    સરદાર વલ્લભભાઈ પટેલે સ્વતંત્ર ભારતને એકતા અને અખંડિતતાની ડોરમાં બાંધવામાં મહત્વની ભૂમિકા ભજવી હતી.
    તેમના જન્મના 150મા વર્ષ પર દેશભરમાં વિવિધ કાર્યક્રમો યોજાઈ રહ્યા છે.
    ઊંઝા ખાતે યોજાનાર આ લોકડાયરો પણ એ જ સંદેશ આપશે

    “એકતા જ આપણી શક્તિ છે, સરદાર જ આપણી પ્રેરણા છે.”

    સમાજ (more…)

  • કડીમાં 7 વર્ષના ત્રાસ બાદ જોટાણા ની યુવતીને પતિએ આપ્યા ત્રણ તલાક.. કેન્દ્ર સરકાર ના કાયદા નો સરેઆમ ભંગ

    🔴કડી..

    કેન્દ્ર સરકાર ના કાયદા નો જાહેર માં ભંગ શું સરકાર કોઈ પગલાં લેશે ??? 

    કડી શહેરમાં લગ્ન જીવનના સાત વર્ષ થી ચાલી રહેલા શારીરિક અને માનસિક ત્રાસ બાદ પતિ દ્વારા પત્નીને ત્રિપલ આપવાની ચોંકાવનારી ઘટના સામે આવી છે.


    મળતી માહિતી મુજબ મૂળ જોટાણા ની રહેવાસી અને હાલ કડી ના અલકૌશર ફ્લેટ ખાતે રહેતી નસરીન બાનુ ઉં.26 વર્ષ છેલ્લા સાત વર્ષ થી તેના પતિ અશફાક હુસૈન મહેબૂબભાઈ ટાંક તથા સાસુ મહેરુનિશા બાનુ અને નણંદ રીજવાનું બાનુ તરફથી શારીરિક અને માનસિક ત્રાસ નો ભોગ બની રહી હતી.

    1 ઓગસ્ટ ના રોજ રાત્રિના સમયે આશરે 9 વાગ્યા ના સમયગાળામાં પતિ અશફાક હુસેન નસરીન બાનુ ના પિતાના ઘરે પહોંચી ગુસ્સામાં આવી ને તલ્લાક,તલ્લાક,તલ્લાક બોલીને ત્રિપલ તલાક આપી દીધા.

    આ દરમ્યાન પતિ દ્વારા નસરીન બાનુને જાન થી મારી નાખવાની ધમકી પણ આપવામાં આવી.

    ફરીયાદી બેનની ફરિયાદના આધારે કડી પોલીસ સ્ટેશનમાં ગુન્હો નોંધાયો છે.

    પોલીસે હવે આરોપીઓ સામે કાયદેસરની કાર્યવાહી શરૂ કરી છે અને વધુ તપાસ હાથ ધરી છે.

    સ્થાનિક લોકો અને નાગરિક સંગઠનો આ ઘટના અંગે ચકિત છે અને મહિલાઓ માટે સુરક્ષા સુનિશ્ચિત કરવા પોલીસની કડક કાર્યવાહીની માંગ કરી રહ્યા છે. કાયદાના દ્રષ્ટિકોણથી, ત્રિપલ તલાક જેવી ઘટના ગંભીર ગુનો ગણાય છે, અને મહિલાઓના હિત માટે કાયદાકીય પગલાં લેવામાં આવે છે.

  • ‘N.A.’ના નામે ‘નોટો’નો ખેલ: મહેસાણા કલેક્ટર કચેરીનો ક્લાર્ક ₹9 લાખની લાંચ લેતા ઝડપાયો!

    📍 અમદાવાદ / મહેસાણા

    મહેસાણા કલેક્ટર કચેરી ખાતે જમીન શાખામાં (N.A. ટેબલ) ફરજ બજાવતા રેવન્યુ ક્લાર્ક (વર્ગ-૩) વિશ્વજીત ખેંગારભાઈ કમલેકરને એન્ટિ કરપ્શન બ્યુરો (ACB)એ આજે જાહેર માર્ગ ઉપરથી રૂ. **૯,૦૦,૦૦૦/-ની લાંચ સ્વીકારતા રંગેહાથે ઝડપી લીધો છે.

    લાંચની માંગણી કેવી રીતે થઈ?

    ફરીયાદી એક જાગૃત નાગરિક છે, જેમની માલિકીની ખેતીની જમીન જોટાણા તાલુકાના ઇજપુરા (જેઠાજી) ગામે આવેલ છે. આ જમીનને બીનખેતી (N.A.) કરવા માટે ફરીયાદીએ મહેસાણા કલેક્ટર કચેરીમાં અરજી કરી હતી.
    જમીનનું N.A. કરવા માટે આરોપી કમલેકરે શરૂઆતમાં એક ચોરસફૂટ દીઠ રૂ. ૫૦/- પ્રમાણે કુલ રૂ. ૨૩ લાખની લાંચની માંગણી કરી હતી.

    ફરીયાદીએ વાંધો ઉઠાવતા આરોપીએ માગેલી લાંચની રકમ રૂ. ૧૨ લાખ સુધી ઘટાડીને અંતે રૂ. ૧૦ લાખ પર લાવી.આખરે બંને વચ્ચે રૂ.૯ લાખમાં સમજૂતી થઈ.

    પરંતુ ફરીયાદી લાંચ આપવાની ના પાડી ACBનો સંપર્ક કર્યો. ફરીયાદીની ફરિયાદને આધારે અમદાવાદ ACBની ટીમે સુચના પ્રમાણે ટ્રેપ ગોઠવ્યો.

    ટ્રેપ દરમ્યાનની કાર્યવાહી

    ૦૪/૧૦/૨૦૨૫ના રોજ, નક્કી થયેલી વાતચીત મુજબ આર.ટી.ઓ. સર્કલ નજીક, સુભાષ બ્રિજ, અમદાવાદ ખાતે ફરીયાદી અને આરોપી વચ્ચે મુલાકાત થઈ. આ સમયે આરોપીએ ફરીયાદી પાસેથી રૂ.૯ લાખની લાંચની રકમ સ્વીકારી લીધી.
    તુરંત જ હાજર ACBની ટીમે આરોપીને રંગેહાથે ઝડપી પાડી, તેના કબજામાંથી નાણાં જપ્ત કર્યા.

    જવાબદાર અધિકારીઓની ટીમ

    ટ્રેપીંગ અધિકારી: શ્રી એસ.એન. બારોટ, પોલીસ ઇન્સ્પેકટર, ફિલ્ડ-૩ (ઇન્ટેલિજન્સ વિંગ), ACB અમદાવાદ
    મદદમાં: શ્રી ડી.બી. મહેતા, પોલીસ ઇન્સ્પેકટર, ફિલ્ડ-૩ (ઇન્ટેલિજન્સ વિંગ), ACB અમદાવાદ
    સુપરવિઝન અધિકારી: શ્રી એસ.એન. બારોટ, ઇ.ચા. મદદનિશ નિયામક, ફિલ્ડ-૩ (ઇન્ટેલિજન્સ વિંગ), ACB અમદાવાદ

    ACBની કડક કાર્યવાહી

    ACB દ્વારા આરોપી સામે ભ્રષ્ટાચાર નિવારણ કાયદાની જોગવાઈઓ હેઠળ ગુનો દાખલ કરવામાં આવ્યો છે. આરોપીની ધરપકડ કરી કાયદેસરની કાર્યવાહી હાથ ધરવામાં આવી છે.

    ભ્રષ્ટાચાર સામેનો ચેતવણી સંદેશ

    આ ઘટના ફરી એકવાર સાબિત કરે છે કે રાજ્ય સરકારની એન્ટિ કરપ્શન બ્યુરો નાગરિકોની ફરિયાદોને ગંભીરતાથી લઈ કડક પગલાં ભરી રહી છે. જમીન જેવા સંવેદનશીલ મામલામાં અધિકારીઓ દ્વારા કરવામાં આવતી લાંચની માંગણી સામે હવે સામાન્ય નાગરિકો પણ જાગૃત થઈ આગળ આવી રહ્યા છે.

    “લાંચ લેશો તો હાથમાં કડકડી, નહીંતર સજા ભોગવવી પડશે” – એવો ચેતવણીસભર સંદેશ ACBએ આ સફળ ટ્રેપ દ્વારા આપ્યો છે.

  • ગુજરાતના રાજકારણ પર કાળો પડછાયો! વિધાનસભાથી લોકસભા સુધી મહિલા પ્રતિનિધિત્વમાં જબરજસ્ત ઘટાડો! ‘નમૂનારૂપ ગુજરાત’ના દાવાઓ સામે વિપરીત તસવીર!

    ગાંધીનગર: મહિલા સશક્તિકરણના મોટા-મોટા દાવાઓ વચ્ચે ગુજરાતના રાજકારણમાંથી એક ચિંતાજનક અહેવાલ સામે આવ્યો છે. વિધાનસભા અને લોકસભાની ચૂંટણીઓમાં મહિલા પ્રતિનિધિત્વનો ગ્રાફ સતત નીચે જઈ રહ્યો છે.

    અહેવાલો અનુસાર, ગુજરાતની રાજનીતિમાં મહિલાઓની ભૂમિકા હજી પણ ઘણી સીમિત છે.

    ગુજરાત વિધાનસભામાં મહિલા ધારાસભ્યોની સંખ્યા 10% થી પણ ઓછી રહી છે.

    તાજેતરમાં, લોકસભા ચૂંટણી 2024 બાદ ગુજરાતમાંથી મહિલા સાંસદોનું પ્રતિનિધિત્વ ઘટીને માત્ર 15% થઈ ગયું છે. (26 સાંસદોમાંથી માત્ર 4 મહિલા સાંસદો).

    વર્ષ 2019ની લોકસભા ચૂંટણીમાં આ આંકડો 23% હતો, જે સ્પષ્ટ દર્શાવે છે કે રાજકીય પક્ષો મહિલાઓને ઓછી તક આપી રહ્યા છે.

    વિપક્ષ અને સામાજિક સંગઠનો સવાલ ઉઠાવી રહ્યા છે કે, એક તરફ મહિલા અનામત બિલની વાતો થાય છે, ત્યારે ગુજરાત જેવા પ્રગતિશીલ રાજ્યમાં મહિલાઓને રાજકારણમાં યોગ્ય તક કેમ નથી મળી રહી? શું રાજકીય પક્ષો મહિલાઓને માત્ર વોટબેંક તરીકે જ જુએ છે?

    ગુજરાતની રાજનીતિમાં મહિલાઓની ઓછી ભાગીદારી રાજ્યની લોકશાહી પ્રક્રિયા માટે એક ગંભીર મુદ્દો છે. મહિલાઓના પ્રશ્નોને યોગ્ય રીતે વાચા આપવા માટે તેમનું પ્રતિનિધિત્વ વધારવું અત્યંત જરૂરી છે.

  • સર્વિસ સેક્ટરની દિવાળી: ગુજરાત સરકાર આપશે મોટી સબસીડી અને પ્રોત્સાહન! જુઓ નવી Industrial Policy ના મોટા લાભો || ટૂંક સમયમાં આવી શકે છે || !!!

    Samachar DiaryX24 

    ગાંધીનગર: ગુજરાત રાજ્યની અર્થવ્યવસ્થાને નવું પરિમાણ આપવા માટે રાજ્ય સરકાર ‘સેવા ક્ષેત્ર’ (Services Sector) માટે એક ક્રાંતિકારી નવી ઔદ્યોગિક નીતિનો મુસદ્દો તૈયાર કરવાના અંતિમ તબક્કામાં છે. આ નીતિનો મુખ્ય ઉદ્દેશ સેવા ક્ષેત્રને ઉત્પાદન ક્ષેત્ર (Manufacturing Sector)ની સમકક્ષ લાવીને વ્યાપક આર્થિક વૃદ્ધિ, રોજગાર સર્જન અને વડાપ્રધાન શ્રી નરેન્દ્ર મોદીના **’વોકલ ફોર લોકલ’** ના આહ્વાનને મજબૂત કરવાનો છે.

    નીતિના મુખ્ય લક્ષ્યો અને જોગવાઈઓ (સંભવિત)

    ગુજરાતના જીડીપીમાં હાલમાં સેવા ક્ષેત્રનો ફાળો આશરે 35.8% જેટલો છે. આ નવી નીતિ દ્વારા આ ક્ષેત્રને વધુ પ્રોત્સાહન આપી ગુજરાતને દેશનું સર્વિસ સેક્ટરનું મોડેલ રાજ્ય બનાવવાનું લક્ષ્ય છે.

    1. ‘ઉદ્યોગ’ તરીકેનો દરજ્જો અને સમાન પ્રોત્સાહનો

    • નવી પોલિસી હેઠળ, આઇટી (IT), પ્રવાસન (Tourism), હોટેલ, શિક્ષણ, આરોગ્ય, મીડિયા, કાનૂની અને નાણાકીય સેવાઓ જેવા વિવિધ સેવા ક્ષેત્રોને ઔદ્યોગિક એકમ જેવો દરજ્જો આપવામાં આવશે.
    • આનાથી તેમને મેન્યુફેક્ચરિંગ યુનિટ્સને મળતા તમામ સરળતાઓ અને લાભો પ્રાપ્ત થશે.
    • MSME (સૂક્ષ્મ, લઘુ અને મધ્યમ ઉદ્યોગ) કક્ષાની રાહત પણ સેવા ક્ષેત્રના નાના અને મધ્યમ કદના એકમોને પૂરી પાડવામાં આવશે.

    2. આર્થિક પ્રોત્સાહનો અને સબસિડી

    • મૂડી સબસિડી: નવા રોકાણ માટે કુલ રોકાણના અમુક ટકા (સંભવતઃ 35%) સુધીની કેપિટલ સબસિડી મળી શકે છે.
    • વ્યાજ સબસિડી: સેવા ક્ષેત્રના એકમો દ્વારા લેવામાં આવેલા ધિરાણ પર વ્યાજ સબસિડી આપીને મૂડી ખર્ચ ઘટાડવામાં આવશે.
    • અન્ય સહાય: ભાડામાં સહાય, ઇન્ટરનેટ અને સર્વર જેવા ટેકનિકલ ઈન્ફ્રાસ્ટ્રક્ચર માટે ખાસ સબસિડી અને કર્મચારીઓના **પીએફ (PF)**માં પણ સહાય મળી શકે છે.

    3. રોજગાર અને ‘વોકલ ફોર લોકલ’ પર ભાર

    • નીતિમાં એવા સેવા ક્ષેત્રના એકમોને વિશેષ પ્રોત્સાહન અપાશે, જે ઓછામાં ઓછા 10 કે તેથી વધુ લોકોને રોજગારી પૂરી પાડે છે.
    • સ્થાનિક સેવા પ્રદાતાઓને (જેમ કે રિપેરિંગ, મેઇન્ટેનન્સ, પેકેજિંગ, કલા અને સંગીત સ્ટુડિયો, હોલ માર્કિંગ સેન્ટર વગેરે) આર્થિક સહાય અને સરળ નિયમો દ્વારા પ્રોત્સાહિત કરવામાં આવશે, જે **’વોકલ ફોર લોકલ’**ના સૂત્રને સીધો ટેકો આપશે.
    • આનાથી ગ્રામ્ય અને શહેરી સ્તરે યુવાનો માટે રોજગારીની નવી તકોનું સર્જન થશે.

    નિષ્કર્ષ

    ગુજરાત સરકારની આ નવી નીતિ રાજ્યના અર્થતંત્રમાં વૈવિધ્યકરણ (Diversification) લાવશે અને મેન્યુફેક્ચરિંગ ક્ષેત્રને મજબૂત બનાવવા માટે સર્વિસ સેક્ટરનું પીઠબળ પૂરું પાડશે. દિવાળી પહેલા આ નીતિની જાહેરાત થવાની સંભાવના છે, જે નવા રોકાણ અને રોજગારીના દ્વાર ખોલશે.

  • ગુજરાત ભાજપને મળ્યા નવા સુકાની: જગદીશ વિશ્વકર્મા (પંચાલ) બનશે પ્રદેશ અધ્યક્ષ, બિનહરીફ વરણી નિશ્ચિત

    ગુજરાત ભાજપને મળ્યા નવા સુકાની: જગદીશ વિશ્વકર્મા (પંચાલ) બનશે પ્રદેશ અધ્યક્ષ, બિનહરીફ વરણી નિશ્ચિત

    2027 ની ચૂંટણી માં  ભાજપ ને જિતાડશે  “OBC ફેક્ટર”  ??? 

    ગાંધીનગર: ગુજરાતના રાજકારણમાંથી આજે સૌથી મોટા સમાચાર સામે આવ્યા છે. ભારતીય જનતા પાર્ટી (BJP) ના નવા પ્રદેશ અધ્યક્ષ તરીકે વર્તમાન રાજ્યકક્ષાના મંત્રી અને નિકોલના ધારાસભ્ય **જગદીશ વિશ્વકર્મા (પંચાલ)**નું નામ નિશ્ચિત માનવામાં આવી રહ્યું છે. તેઓએ આજે ગાંધીનગર સ્થિત ભાજપના મુખ્યાલય ‘કમલમ’ ખાતે વિજય મુહૂર્તમાં (બપોરે ૧૨:૩૯ વાગ્યે) ઉમેદવારી પત્ર ભર્યું છે.

    અત્યાર સુધીમાં આ પદ માટે અન્ય કોઈ નેતાએ ફોર્મ ન ભરતાં, તેમની બિનહરીફ વરણી થવાની પ્રબળ શક્યતા છે.

    મુખ્ય બાબતો:

    • નવા પ્રમુખ: જગદીશ વિશ્વકર્મા (જગદીશ પંચાલ)
    • સમાજ: તેઓ ઓબીસી (OBC) સમાજમાંથી આવે છે. ભાજપે ઓબીસી ચહેરાને પ્રમુખ પદ આપીને સ્થાનિક ચૂંટણીઓ પહેલાં મોટો સંદેશ આપ્યો છે.
    • નવું ગણિત: મુખ્યમંત્રી ભૂપેન્દ્ર પટેલ (પાટીદાર) અને પ્રદેશ પ્રમુખ જગદીશ વિશ્વકર્મા (ઓબીસી) – આ રીતે ગુજરાત ભાજપમાં અમદાવાદના નેતાઓનો દબદબો વધ્યો છે.
    • અનુભવ: જગદીશ વિશ્વકર્મા હાલમાં રાજ્ય સરકારમાં સહકાર, લઘુ, સૂક્ષ્મ અને મધ્યમ ઉદ્યોગો (MSME) જેવા મહત્ત્વના વિભાગોના રાજ્યકક્ષાના મંત્રી છે. તેઓ ભૂતકાળમાં અમદાવાદ શહેર ભાજપ પ્રમુખ તરીકે પણ સંગઠનમાં બહોળો અનુભવ ધરાવે છે.
    • સંગઠન પર પકડ: જગદીશ વિશ્વકર્મા અમદાવાદ શહેરના પ્રમુખ હતા, ત્યારે મુખ્યમંત્રી ભૂપેન્દ્ર પટેલ સ્ટેન્ડિંગ કમિટીના ચેરમેન હતા. બંનેની જોડીએ અમદાવાદ મહાનગર પાલિકાની ચૂંટણીમાં ભાજપને મોટી સફળતા અપાવી હતી. હવે આ જોડી રાજ્ય સ્તરે સંગઠન અને સરકારનું નેતૃત્વ કરશે.
    • અભિનંદનનો દોર: જગદીશ વિશ્વકર્મા દ્વારા ઉમેદવારી ફોર્મ ભરતા જ ભાજપના વરિષ્ઠ નેતાઓ અને કાર્યકરો દ્વારા તેમને અભિનંદન આપવાનો દોર શરૂ થઈ ગયો છે.

    ગુજરાત ભાજપના પૂર્વ પ્રદેશ અધ્યક્ષ સી.આર. પાટીલ કેન્દ્રમાં મંત્રી બન્યા પછી આ પદ ખાલી પડ્યું હતું. હવે જગદીશ વિશ્વકર્માના નેતૃત્વમાં ભાજપ આગામી સ્થાનિક સ્વરાજ્યની ચૂંટણીઓ અને ૨૦૨૭ની વિધાનસભા ચૂંટણી માટે આગળ વધશે. તેમની સત્તાવાર જાહેરાત આજે મોડી સાંજે અથવા આવતીકાલ સુધીમાં થવાની શક્યતા છે

    #SamacharDiaryX24 #BreakingNewsGujarat #ગુજરાત_બ્રેકિંગ #Viralnews

    #LatestNewsGujarat

  • ગાયકવાડી નગર કડીમાં સંઘ પરિવારનો વિજયાદશમી ઉત્સવ

     કડી…

      શતાબ્દી મહોત્સવની ઉજવણી અંતર્ગત ભવ્ય આયોજન

     

        કડી શહેરના ગાયકવાડી નગરમાં આ વર્ષે વિજયાદશમી ઉત્સવ વિશેષ ઐતિહાસિક બનવાનો છે. રાષ્ટ્રીય સ્વયં સેવક સંઘ (RSS)ની સ્થાપનાના શતાબ્દી મહોત્સવની રાષ્ટ્રીય સ્તરે ઉજવણી ચાલી રહી છે, ત્યારે તેના ભાગરૂપે કડી તાલુકામાં ભવ્ય કાર્યક્રમ યોજાશે.નાની કડી ખાતે સત્તાવીસ સમાજના મેદાનમાં અયોધ્યાનગર ની પાસે આ કાર્યક્રમ 4 ઓક્ટોબર સાંજે 5 વાગે યોજાશે.

    વિશિષ્ટ આયોજન

          સંઘના વરિષ્ઠ પદાધિકારીઓ અને કાર્યકરો પૂર્ણ ગણવેશમાં ઉપસ્થિત રહી શક્તિ પ્રદર્શન દ્વારા શિસ્ત અને અનુશાસનનું પ્રતિબિંબ રજૂ કરશે. વૈવિધ્યસભર કાર્યક્રમો મારફતે સંઘની સેવાકીય પ્રવૃત્તિઓ અને શતાબ્દી મહોત્સવના સંદેશને સમાજ સુધી પહોંચાડવાનો પ્રયત્ન કરવામાં આવશે.

       વક્તાઓની હાજરી

          આ ભવ્ય પ્રસંગે વિભાગ કાર્યવાહી શ્રી અમિતભાઈ પટેલ મુખ્ય વકતા તરીકે માર્ગદર્શન આપશે. સાથે સાથે યુવા કોલમલેખક અને પ્રિન્સીપાલ ડૉ. ધર્મેન્દ્રભાઈ પટેલ પણ પ્રાસંગિક પ્રવચન દ્વારા સમાજને પ્રેરણા આપશે.

     ગાયકવાડી નગરનું મહત્વ

         રાષ્ટ્રીય સ્વયં સેવક સંઘનું ઉત્તર ગુજરાત ક્ષેત્રનું હેડક્વાર્ટર ગણાતા કડીના ગાયકવાડી નગરમાં આ કાર્યક્રમને વિશેષ મહત્વ છે. અહીંથી જ ઉત્તર ગુજરાતમાં સંઘની અનેક સેવાકીય અને સામાજિક પ્રવૃત્તિઓનું સંચાલન થાય છે. શતાબ્દી મહોત્સવની ઉજવણીના પ્રારંભે વિજયાદશમી ઉત્સવનું આયોજન થવાથી સ્થાનિક કાર્યકરોમાં અદમ્ય ઉત્સાહ જોવા મળી રહ્યો છે.

     ઉત્સાહભેર તૈયારીઓ

          કાર્યક્રમને ગૌરવપૂર્ણ બનાવવા માટે શહેર અને તાલુકાના કાર્યકરો છેલ્લા ઘણા દિવસોથી તૈયારીમાં જોડાયેલા છે. કાર્યક્રમ સ્થળની સુશોભના, વ્યવસ્થાઓ અને જનસંપર્કના કાર્યમાં યુવાઓ ખાસ ઊર્જા સાથે ભાગ લઈ રહ્યા છે.

          આ રીતે, કડીના ગાયકવાડી નગરમાં યોજાનાર વિજયાદશમી ઉત્સવ માત્ર ધાર્મિક કે પરંપરાગત નહિ પરંતુ રાષ્ટ્રીય સ્વયં સેવક સંઘના શતાબ્દી મહોત્સવની ઉજવણીને વધુ ભવ્યતા અને પ્રેરણા આપનાર બનશે.