samachardiary24x7.in

Category: Today Focus

  • કડી નગરપાલિકાના પાપે બે નિર્દોષ યુવાનોએ જીવ ગુમાવ્યા

    કડી પાલિકા ના અણઘડ વહીવટ ના કારણે કડી તાલુકાના કરણનગર ગામના બે નિર્દોષ યુવાનોએ જીવ ગુમાવવાનો વારો આવ્યો છે.બે આશાસ્પદ નિર્દોષ યુવાનોએ જીવ ગુમાવતા તેમના પરિવારજનો કડી પાલિકાના સત્તાધીશો ઉપર રોષે ભરાયા હતા અને નક્કર કામગીરી કરવા અપીલ કરી હતી.

     

    કડી શહેરમાં રખડતા ઢોરો એ અડિંગો જમાવ્યો છે.જાહેર રોડ ઉપર અડિંગો જમાવી ને બેસી રહેતા ઢોરો ના કારણે કેટલાય નિર્દોષ લોકો અકસ્માત નો ભોગ બન્યા છે તો પણ કડી પાલિકાના ફાટીને ધુમાડે ગયેલા સત્તાધીશો નું પેટનું પાણી પણ હલતું ના હોય તેમ હજી સુધી કોઈ નક્કર કામગીરી નહીં કરાતા લોકોનો રોષ કડી પાલિકાના બની બેઠેલા સત્તાધીશો સામે ફૂટી નીકળ્યો છે જેથી ટૂંક સમયમાં કડી શહેરમાં કઈ નવા જૂની થવાના એધાણ વર્તાઈ રહ્યા છે.

     

    કડી તાલુકાના કરણનગર ગામના બે યુવકો કડિયા કામ જેવી છૂટક મજૂરી કરી પરિવાર નું ગુજરાન ચલાવી રહ્યા હતા.બંને યુવાનો દિવસે કામ અર્થે નીકળી પોતાના બાઇક ઉપર રાત્રે ઘેર આવી જતા.પરંતુ તેમને અને તેમના પરિવારજનોને ક્યાં ખબર હતી કે કડી પાલિકાના નિષ્ઠુર સત્તાધીશો ના કારણે તેમનો પરિવાર વિખેરાઈ જશે.રણજીત બજાણિયા અને અજય બજાણિયા બંને દિવસ ભર મજૂરી કરી ઘેર જવા નીકળ્યા ત્યારે કડી કરણનગર રોડ ઉપર રોડ ઉપર અડિંગો જમાવી ને બેસેલા આખલા સાથે અકસ્માત થયો જેમાં બંને યુવકો ગંભીર ઘાયલ થયા જેમાં એક યુવકનું તો ઘટનાસ્થળે જ ગંભીર મોત નીપજ્યું જ્યારે બીજાનું સારવાર દરમ્યાન મોત કરુણ મોત થયું.સમગ્ર મુદ્દે જ્યારે કડી પાલિકા ને પૂછવામાં આવ્યું ત્યારે તેઓ મોઢામાં આંગળા નાખી ને કઈ પણ બોલવા તૈયાર ના થયા પરંતુ કડી પાલિકાના સત્તાધીશો ની જ બેદરકારી થી બંને નિર્દોષ આશાસ્પદ યુવકોએ જીવ ગુમાવ્યો છે.

     

    મોટા ઉપાડે શરૂ કરાયેલ ઢોર પકડ અભિયાન કડી પાલિકાએ કોના આદેશ બંધ કરી દીધું…

     

    છેલ્લા છ મહિના પહેલા રોડ ઉપર અડિંગો જમાવી ને બેસતા રખડતા ઢોરો ને કારણે અકસ્માત ની ઘટના બની હતી જેથી લોકોમાં રખડતા ઢોરો ને પકડવા પાલિકા દ્વારા નક્કર પગલા લે તેવી આશા અને રોષ હતો અને નજીકમાં ચૂંટણી પણ આવી રહી હતી જેથી પાલિકાએ થોડા દિવસ ઢોર પકડ નું તૂતક ચલાવ્યું ત્યાર બાદ એકાએક છ મહિનાથી ઢોર પકડવાનું બંધ કરી દીધું.ભોગ બનનાર પરિવારજનો દ્વારા કડી પાલિકા દ્વારા છ મહિના થી ઢોર પકડવાનું બંધ કરી દીધું હોવાનો દાવો દાવો કર્યો હતો જે પણ એક સત્ય છે.પાલિકાએ શરૂ કરેલ ઢોર પકડ અભિયાન કોના આદેશ થી બંધ કરી દીધું તેવો એક મોટો સવાલ કડી ની જનતા ના મનમાં થઈ રહ્યો છે જે આગળ જતા એક વિકરાળ સ્વરૂપ પકડે તો નવાઈ નહીં.

  • જાણો કયા ધારાસભ્ય બાળકો સાથે ફિલ્મ જોવા પહોચ્યા થિયેટર

    મહેસાણા 

    અત્યારે હાલ બોલિવૂડ માં ફિલ્મ સ્ટાર આમીર ખાન ના સ્ટાર કાસ્ટ માં નાના બાળકો માટે “સિતારે જમીન ઉપર” નામની ફિલ્મ ટ્રેડિંગ માં છે જેમાં બાળકો ના જીવન આધારિત ફિલ્મ છે અને બાળકો માટે પ્રેરણા રૂપ ફિલ્મ ગણાય છે ત્યારે મહેસાણા ના લોકલાડીલા ધારાસભ્ય મુકેશભાઇ પટેલ નાના બાળકો સાથે ફિલ્મ જોવા માટે થિયેટર પહોંચ્યા હતા.મુકેશભાઇ પટેલે મહેસાણા ના દિવ્યાંગ બાળકો ના જીવન ઉપર આધારિત ફિલ્મ સિતારે જમીન ઉપર નિહાળવા માટે શહેરના દિવ્યાંગ બાળકો ને સાથે લઈ ફિલ્મ જોવા પહોચ્યા હતા.મુકેશભાઇ પટેલ ની સાથે સાંસદ મયંકભાઇ નાયક સહિત અન્ય નેતાઓએ પણ દિવ્યાંગ બાળકો સાથે ફિલ્મ નિહાળી હતી.ફિલ્મ નિહાળવા દિવ્યાંગ બાળકોમાં ભારે ઉત્સાહ જોવા મળી રહ્યો હતો.

  • 3 ઇંચ જેટલા વરસાદમાં કડી શહેર અસ્ત વ્યસ્ત :- જળબંબાકાર ની સ્થિતિ

    ભારે વરસાદ ની આગાહી ને પગલે મહેસાણા જિલ્લાના કડીમાં સવાર થી મેઘરાજ એ મહેર વરસાવી હતી. ધીમી ધારે વરસાદ શરૂ થયેલા વરસાદે થોડા સમય બાદ રૌદ્ર સ્વરૂપ ધારણ કર્યું હતું અને સતત ચાર કલાક કરતાં વધારે સમય થી વરસેલા વરસાદે કડી શહેરમાં મુશ્કેલી ઉભી કરી દીધી હતી.શહેરમાં એકાદ અઠવાડિયા થી શરૂ થયેલા વરસાદથી રોડ ઉપર પાણી ફરી વળ્યા હતા.

     

     

     કડી પંથકમાં રવિવારે બપોર દરમિયાન એકાએક ધમાકેદાર વરસાદની એન્ટ્રી થઈ હતી અને ત્રણ ઇંચ વરસાદ ખાબકતા ઠંડક પસરી ગઈ હતી. મુશળધાર વરસાદ પડતા ની સાથે જ કડીના કરણનગર રોડ ઉપર ઢીંચણ સમા પાણી ભરાઈ જતા લોકો અને વાહનચાલકો પરેશાન થઈ ઊઠ્યા હતા. દર ચોમાસાની જેમ કડીના કરણ નગર રોડ ઉપર સામાન્ય કે ભારે વરસાદ પડતાની સાથે જ પાણી ભરાઈ જવાની સમસ્યા ઉદભવતી હોય છે તેવું જ કડીના થોળ રોડ ઉપર આવેલ અન્ડર બ્રિજમાં પાંચ ફૂટ જેટલું પાણી ભરાઈ જતા અંડર બ્રિજ બંધ કરવાનો વારો આવ્યો હતો તેમ જ કડીના સુજાતપુરા રોડ ઉપર આવેલ રેલવે વિભાગ દ્વારા બનાવવામાં આવેલ અંડપ બ્રિજમાં પણ પાણી ભરાઈ જતા બ્રિજ બંધ કરવાનો વારો આવતા કડી શહેરમાં ટ્રાફિકના દ્રશ્યો જોવા મળ્યા હતા.

     

     એકાએક ધમાકેદાર વરસાદની એન્ટ્રી થતા ની સાથે જ કડી શહેરના માર્કેટિયા રોડ ભીમનાથ રોડ ભાગ્યોદય હોસ્પિટલ ની પાછળ સુજાતપુરા રોડ કરણનગર રોડ જેવા અનેક વિસ્તારોમાં પાણી ભરાઈ જતા લોકો તેમ જ વાહન ચાલકો હેરાન પરેશાન અને હાલાકી નો સામનો કરવો પડ્યો હતો.

     

    દર વર્ષની માફક આ વર્ષે પણ કડી પાલિકાની પ્રિ મોન્સુન કામગીરી નિષ્ફળ

    કડી પાલિકા ચોમાસા પહેલા તેમની તમામ કામગીરી પૂર્ણ કરી દે છે અને લોકો એવી આશા રાખી રહ્યા હોય છે કે આ વર્ષે ચોમાસામાં ઘરમાં પાણી નહીં ઘૂસે,રસ્તામાં પાણી ભરાવાથી ક્યાંય અટકવું નહીં પડે પરંતુ પાલિકાની કામગીરી ને પગલે દર વર્ષની માફક આ વર્ષે પણ નાગરિકોને હેરાન જ થવું પડ્યું.ઠેર ઠેર પાણી ભરાઈ જવાની સમસ્યા ના લીધે કડી પાલિકાની પ્રિ મોન્સુન કામગીરી પણ પાણીમાં ગઈ હોય તેવું અત્યારે તો લાગી રહ્યું છે.

  • છ મહિના અગાઉ ખાતમુર્હુત છતાં કડી નો કયો રોડ હજી ખખડધજ:- રાજકીય આંટીઘૂંટીમાં રોડ ફસાયો અને પ્રજા ત્રાહિમામ

    કડી શહેરનો મુખ્ય રસ્તો કહી શકાય કે જેનું ખાતમુર્હુત સ્વર્ગસ્થ પૂર્વ ધારાસભ્ય કરશન સોલંકી ના હસ્તે થયા ના છ મહિના ઉપરાંત નો સમય વીતી જવા છતાં રોડ રાજકીય આંટીઘૂંટીમાં એવો ફસાયો છે કે હજી રોડ નું કાર્ય પૂર્ણ થયું નથી અને શહેરની જનતા ત્રાહિમામ પોકારી ઉઠી છે.

     

    કડી શહેર ને એક રૂપકડું ઉપનામ આપવામાં આવેલું છે.” કડી એટલે સોનાની દડી” જેવા મસ્ત મજાના રાજ્યમાં માથું ઊંચું રાખીને વટભેર છાતી કાઢીને ફરતા શહેરના લોકો અત્યારે રાજકીય કાવાદાવામાં એવા ફસાયા છે કે ત્રાહિમામ પોકારી ઉઠ્યા છે.કડી ના વડવાળા હનુમાન મંદિર થી ભાગ્યોદય ચોકડી સુધીનો માત્ર 600 મીટર જેટલો રોડ ની હાલત બિસ્માર બની છે.શહેરમાં પ્રવેશવાના મુખ્ય માર્ગ ઉપર પડેલા મસમોટા ખાડાઓથી ત્રાહિમમાં જનતાએ રોડ ના નવીનીકરણ ની વારંવાર રજૂઆત કરતા રોડ ના નવીનીકરણ ની મંજૂરી પણ મળી ગઈ હતી પરંતુ શહેરની જનતા ને સારા રોડ રસ્તા ના ઉપયોગ માટે રાહ જોવાની તેમના ભાગ્યમાં લખેલી હશે જેથી સમય વિતવા છતાં હજી સુધી રોડ નું કામ અધૂરું રહ્યું છે.

     

    કડી પૂર્વ સ્વર્ગસ્થ ધારાસભ્ય કરશન સોલંકી અને પાલિકા ના હોદ્દેદારો રહિત ના આગેવાનોએ છ મહિના પહેલા રોડ નું ખાતમુર્હુત કર્યું હતું ત્યારે ડામર રોડ બનાવવામાં આવનાર હતો પરંતુ શહેરનો મુખ્ય માર્ગ અને માર્કેટ યાર્ડ હોવાથી તેમજ પાણી ભરાવાની સમસ્યા ના કારણે સીસી રોડ બનાવવાની દરખાસ્ત કરવામાં આવી ત્યારે અધિકારીઓએ 1 કરોડ ના ખર્ચે બનનાર રોડ ફ્કત 2 મહિનામાં પૂર્ણ થઈ જશે તેવું આશ્વાસન આપવામાં આવ્યું હતું પરંતુ છ મહિના ઉપરાંત નો સમય વિતવા છતાં ફક્ત સીસીટીવી રોડ નું કામકાજ પૂર્ણ થયું છે અને આગળ ની બાજુ હજુ ખાડાઓનું સામ્રાજ્ય જોવા મળી રહ્યા છે.ખાડાઓના કારણે અને ટ્રાફિક સમસ્યાથી ટ્રસ્ટ વેપારીઓ અને જનતા ત્રાહિમમાં પોકારી ઉઠી છે અને ક્યારે રોડ નું કાર્ય પૂર્ણ થાય તેની કાગડોળે રાહ જોઈ ને બેઠા છે.