🔥 નવો વળાંક: સરકારી દમન સામે ‘કાળો દિવસ’! વિપક્ષનું મહાઆંદોલન!

“ગુજરાતનું શાસન બ્રિટિશર્સ કરતાં પણ ગયું ગુજરી!”- AAP નો આક્રોશ, ખેડૂતોએ હાથ પર બાંધી કાળી પટ્ટી!

બોટાદ હિંસાના વિરોધમાં આજે ‘કાળો દિવસ’ જાહેર! ભાજપ સરકાર સામે આખા ગુજરાતના ખેડૂતો રસ્તા પર ઉતરશે, AAPનો વળતો પ્રહાર!

સમાચાર ડાયરી 24 x 7 :બોટાદના હડદડ ગામે ખેડૂત મહાપંચાયત પર પોલીસ દ્વારા થયેલા ‘બર્બર હુમલા’ના વિરોધમાં આમ આદમી પાર્ટી (AAP)એ આજે (૧૩ ઓક્ટોબર, ૨૦૨૫) સમગ્ર ગુજરાતમાં ‘કાળો દિવસ’ મનાવવાની જાહેરાત કરી છે. AAP પ્રદેશ મહામંત્રી મનોજ સોરઠીયાએ આક્ષેપ કર્યો છે કે, “ભાજપ સરકારે પોલીસનો દુરુપયોગ કરી વિરોધી અવાજને કચડી નાખવાનો લાંબો ઇતિહાસ રચ્યો છે, જે નિંદનીય છે.”

આજે AAP કાર્યકરો અને ખેડૂતો કાળી પટ્ટી બાંધીને રાજ્યભરમાં પોતાનો આક્રોશ અને વિરોધ નોંધાવી રહ્યા છે. આ ઘટના બાદ રાજકીય માહોલ સંપૂર્ણપણે તંગ બન્યો છે.

AAPના નેતાઓ ખુલ્લેઆમ ચેતવણી આપી રહ્યા છે કે, “જો રાજુ કરપડા સહિતના ખેડૂત નેતાઓને જેલમાં રાખવામાં આવશે, તો ગુજરાતના તમામ ખેડૂતો રસ્તા પર ઊતરી આવશે અને આ ‘ત્રાસનો હિસાબ’ ખેડૂતોની સરકાર બનશે ત્યારે લેવામાં આવશે!”

આ લડાઈ હવે ખેડૂતોના અધિકારથી આગળ વધીને શાસનના દમન વિરુદ્ધનું મોટું રાજકીય યુદ્ધ બની ગઈ છે!