ગુજરાત ATSનું સંયુક્ત ઓપરેશન
દેશની આંતરિક સુરક્ષા સામેના સંભવિત ખતરાને ધ્યાનમાં રાખીને ગુજરાત ATSએ ગુજરાત અને મધ્ય પ્રદેશમાં સંયુક્ત ઓપરેશન હાથ ધર્યું છે. આ કાર્યવાહી દરમિયાન પ્રતિબંધિત આતંકવાદી સંગઠન જૈશ-એ-મોહમ્મદ (JeM) સાથે સંકળાયેલા હોવાના શંકાસ્પદ 8 વ્યક્તિઓની ધરપકડ કરવામાં આવી છે.
ગુજરાતમાં નેટવર્ક મજબૂત કરવાનો પ્રયાસ
પ્રાથમિક તપાસ મુજબ ઝડપાયેલા આરોપીઓ જૈશ-એ-મોહમ્મદના સંપર્કમાં રહી ગુજરાતમાં સંગઠનનું નેટવર્ક મજબૂત કરવા અને દેશવિરોધી પ્રવૃત્તિઓને આગળ ધપાવવાના પ્રયાસમાં સક્રિય હોવાનું ATSને શંકા છે. આ સમગ્ર મામલે વધુ પૂછપરછ ચાલી રહી છે.
ટેકનિકલ સર્વેલન્સ બાદ દરોડા
ગુજરાત ATSને આતંકી મોડ્યુલ અંગે ચોક્કસ માહિતી મળ્યા બાદ ટેકનિકલ સર્વેલન્સ ગોઠવવામાં આવ્યું હતું. ત્યારબાદ ગુજરાત અને મધ્ય પ્રદેશના વિવિધ સ્થળોએ એકસાથે દરોડા પાડીને તમામ શંકાસ્પદોને ઝડપી લેવામાં આવ્યા હતા.
ધરપકડ કરાયેલા શંકાસ્પદોના નામ
- અહેમદ અબ્દુલ્લા ગાજીવાલા (ભાગળ, પાલનપુર)
- ઈબ્રાહીમ મોહમ્મદ હુસેન ઘાઘા (ભાગળ, પાલનપુર)
- મુદસ્સીર અબ્દુલ્લા ગાજીવાલા (ભાગળ, પાલનપુર)
- ઝકરિયા દુરાની મોહમ્મદ અમ્મર ઘાઘા (ખાડિયાસણી, સિદ્ધપુર)
- મુફ્તી ફૌજાન ઈસ્માઈલ દાઉવા (ખાડિયાસણી, સિદ્ધપુર)
- મોહમ્મદ અમીન શેરા (ખાડિયાસણી, સિદ્ધપુર)
- મોહમ્મદ અબ્દુલ રહેમાન સાવદી (અંભેટા, ચીખલી)
- બિલાલ દુરાની મોહમ્મદ અમ્મર ઘાઘા (વારસી નગર, દેવાસ, મધ્ય પ્રદેશ)
તપાસ હજુ ચાલુ
ATS દ્વારા તમામ આરોપીઓની પૂછપરછ ચાલી રહી છે. તપાસ એ દિશામાં પણ આગળ વધી રહી છે કે આ મોડ્યુલના અન્ય સભ્યો, ફંડિંગ, ડિજિટલ કનેક્શન અને સંભવિત આતંકી યોજનાઓ સાથે તેમનો કેટલો સંબંધ હતો. તપાસ પૂર્ણ થયા બાદ વધુ વિગતો જાહેર થઈ શકે છે.
