samachardiary24x7.in

Category: ગુનો

  • સર્વિસ સેક્ટરની દિવાળી: ગુજરાત સરકાર આપશે મોટી સબસીડી અને પ્રોત્સાહન! જુઓ નવી Industrial Policy ના મોટા લાભો || ટૂંક સમયમાં આવી શકે છે || !!!

    Samachar DiaryX24 

    ગાંધીનગર: ગુજરાત રાજ્યની અર્થવ્યવસ્થાને નવું પરિમાણ આપવા માટે રાજ્ય સરકાર ‘સેવા ક્ષેત્ર’ (Services Sector) માટે એક ક્રાંતિકારી નવી ઔદ્યોગિક નીતિનો મુસદ્દો તૈયાર કરવાના અંતિમ તબક્કામાં છે. આ નીતિનો મુખ્ય ઉદ્દેશ સેવા ક્ષેત્રને ઉત્પાદન ક્ષેત્ર (Manufacturing Sector)ની સમકક્ષ લાવીને વ્યાપક આર્થિક વૃદ્ધિ, રોજગાર સર્જન અને વડાપ્રધાન શ્રી નરેન્દ્ર મોદીના **’વોકલ ફોર લોકલ’** ના આહ્વાનને મજબૂત કરવાનો છે.

    નીતિના મુખ્ય લક્ષ્યો અને જોગવાઈઓ (સંભવિત)

    ગુજરાતના જીડીપીમાં હાલમાં સેવા ક્ષેત્રનો ફાળો આશરે 35.8% જેટલો છે. આ નવી નીતિ દ્વારા આ ક્ષેત્રને વધુ પ્રોત્સાહન આપી ગુજરાતને દેશનું સર્વિસ સેક્ટરનું મોડેલ રાજ્ય બનાવવાનું લક્ષ્ય છે.

    1. ‘ઉદ્યોગ’ તરીકેનો દરજ્જો અને સમાન પ્રોત્સાહનો

    • નવી પોલિસી હેઠળ, આઇટી (IT), પ્રવાસન (Tourism), હોટેલ, શિક્ષણ, આરોગ્ય, મીડિયા, કાનૂની અને નાણાકીય સેવાઓ જેવા વિવિધ સેવા ક્ષેત્રોને ઔદ્યોગિક એકમ જેવો દરજ્જો આપવામાં આવશે.
    • આનાથી તેમને મેન્યુફેક્ચરિંગ યુનિટ્સને મળતા તમામ સરળતાઓ અને લાભો પ્રાપ્ત થશે.
    • MSME (સૂક્ષ્મ, લઘુ અને મધ્યમ ઉદ્યોગ) કક્ષાની રાહત પણ સેવા ક્ષેત્રના નાના અને મધ્યમ કદના એકમોને પૂરી પાડવામાં આવશે.

    2. આર્થિક પ્રોત્સાહનો અને સબસિડી

    • મૂડી સબસિડી: નવા રોકાણ માટે કુલ રોકાણના અમુક ટકા (સંભવતઃ 35%) સુધીની કેપિટલ સબસિડી મળી શકે છે.
    • વ્યાજ સબસિડી: સેવા ક્ષેત્રના એકમો દ્વારા લેવામાં આવેલા ધિરાણ પર વ્યાજ સબસિડી આપીને મૂડી ખર્ચ ઘટાડવામાં આવશે.
    • અન્ય સહાય: ભાડામાં સહાય, ઇન્ટરનેટ અને સર્વર જેવા ટેકનિકલ ઈન્ફ્રાસ્ટ્રક્ચર માટે ખાસ સબસિડી અને કર્મચારીઓના **પીએફ (PF)**માં પણ સહાય મળી શકે છે.

    3. રોજગાર અને ‘વોકલ ફોર લોકલ’ પર ભાર

    • નીતિમાં એવા સેવા ક્ષેત્રના એકમોને વિશેષ પ્રોત્સાહન અપાશે, જે ઓછામાં ઓછા 10 કે તેથી વધુ લોકોને રોજગારી પૂરી પાડે છે.
    • સ્થાનિક સેવા પ્રદાતાઓને (જેમ કે રિપેરિંગ, મેઇન્ટેનન્સ, પેકેજિંગ, કલા અને સંગીત સ્ટુડિયો, હોલ માર્કિંગ સેન્ટર વગેરે) આર્થિક સહાય અને સરળ નિયમો દ્વારા પ્રોત્સાહિત કરવામાં આવશે, જે **’વોકલ ફોર લોકલ’**ના સૂત્રને સીધો ટેકો આપશે.
    • આનાથી ગ્રામ્ય અને શહેરી સ્તરે યુવાનો માટે રોજગારીની નવી તકોનું સર્જન થશે.

    નિષ્કર્ષ

    ગુજરાત સરકારની આ નવી નીતિ રાજ્યના અર્થતંત્રમાં વૈવિધ્યકરણ (Diversification) લાવશે અને મેન્યુફેક્ચરિંગ ક્ષેત્રને મજબૂત બનાવવા માટે સર્વિસ સેક્ટરનું પીઠબળ પૂરું પાડશે. દિવાળી પહેલા આ નીતિની જાહેરાત થવાની સંભાવના છે, જે નવા રોકાણ અને રોજગારીના દ્વાર ખોલશે.

  • પેટ્રોલપંપોનો નફાખોર ધંધો – ગ્રાહકોને ફરજિયાત સુવિધાઓથી વંચિત, અટકાવવા ફરિયાદ કરવી જરૂરી

    મહેસાણા…

     

       મહેસાણા જિલ્લામાં કડી, બેચરાજી, જોટાણા સહિતના વિસ્તારોમાં આવેલા અનેક પેટ્રોલપંપો ગ્રાહકોને લાયકાત મુજબની સુવિધાઓ આપવામાં નિષ્ફળ સાબિત થઈ રહ્યા છે. આજના સમયમાં ઈંધણ વપરાશમાં સતત વધારો થઈ રહ્યો છે, પરંતુ ગ્રાહકો માટે મફતમાં આપવાની ફરજિયાત સુવિધાઓ માત્ર કાગળો સુધી જ મર્યાદિત રહી છે.

    ફરજિયાત સુવિધાઓ હોવા છતાં અભાવ

      પેટ્રોલપંપનું લાઇસન્સ લેતી વખતે સંચાલકોને સરકાર તરફથી કેટલીક શરતો માનવી ફરજિયાત હોય છે. તેમાં મુખ્યત્વે –

    મફત પીવાનું શુદ્ધ પાણી

    વાહનોમાં મફત હવા ભરવાની સુવિધા

    સ્વચ્છ શૌચાલય (બાથરૂમ)

    પરંતુ મોટાભાગના પંપો પર આ સુવિધાઓ દેખાવ પૂરતી જ રહે છે.

    👉 પીવાનું પાણી ઘણીવાર ગંદુ હોય છે.

    👉 બાથરૂમ ગંદકીથી ભરેલા હોવાથી ગ્રાહકો તેનો ઉપયોગ કરવા હિંમત કરતા નથી.

    👉 હવા ભરવાના મશીનો ઘણીવાર બંધ હોય છે અથવા ખાલી દેખાવ માટે મુકાયેલા હોય છે.

    ગ્રાહકોને વધારાનો ભાર

      જ્યાં મફત સુવિધાઓ હોવી જોઈએ ત્યાં પંપ સંચાલકો ગ્રાહકોને પરોક્ષ રીતે વધારાનો ખર્ચ કરાવે છે. અનેક જગ્યાએ ટાયર-પંક્ચરની દુકાન પંપની બાજુમાં ભાડે આપવામાં આવી છે, જ્યાંથી ગ્રાહકોને હવા ભરાવવા કે નાની મરામત માટે રૂપિયા ચૂકવવા પડે છે. પરિણામે, નિર્દોષ ગ્રાહકો પર આર્થિક ભારણ વધે છે.

    ફરિયાદ ક્યાં કરવી?

    ગ્રાહકોને જો પેટ્રોલપંપ પર આ સુવિધાઓ ન મળે તો તેઓ સત્તાવાર રીતે ફરિયાદ કરી શકે છે.

    ગ્રાહક સુરક્ષા વિભાગ (Consumer Protection Office) – જિલ્લા કક્ષાએ કચેરી કાર્યરત છે.

    પુરવઠા મામલતદાર કચેરી – જિલ્લા/તાલુકા પુરવઠા મામલતદારને લેખિત ફરિયાદ કરી શકાય.

    Oil Marketing Companies (OMC) Helpline – IOC, BPCL, HPCL જેવી કંપનીઓના ટોલફ્રી નંબર અને વેબસાઇટ પર સીધી ફરિયાદ નોંધાવી શકાય.

    ગ્રાહક હેલ્પલાઈન 1800-11-4000 અથવા 14404 પર ફોન કરીને પણ માહિતી આપી શકાય.

    NCH (National Consumer Helpline) વેબસાઇટ અથવા મોબાઈલ એપ પર ઓનલાઈન ફરિયાદ નોંધાવી શકાય.

    તંત્રી સ્થાન..

         ઈંધણ વગર વાહન ચાલવું શક્ય નથી, એટલે રોજિંદા જીવનમાં પેટ્રોલપંપો પર લોકોની અવરજવર સતત રહેતી હોય છે. પરંતુ સુવિધાઓ વગરના આ પંપો ગ્રાહકો માટે મુશ્કેલી ઉભી કરે છે. હવે સરકાર અને સ્થાનિક તંત્રે કડક પગલાં લઈને આવી ગેરરીતિઓ સામે કાર્યવાહી કરવાની તાતી જરૂરિયાત છે.

  • બહુચરાજી યાત્રાધામમાં દશેરા પર્વે મા બહુચરનો ઐતિહાસિક નવલખો શણગાર

    બહુચરાજી (મહેસાણા):

     

     

      દશેરા પર્વે યાત્રાધામ બહુચરાજી ખાતે ભક્તિભાવ અને આસ્થાનો મહાપર્વ ઉજવાયો. જગતજનની મા બહુચરને પરંપરા મુજબ રૂ.300 કરોડના હીરા જડિત નવલખા હારથી શણગારવામાં આવ્યા. વર્ષો જૂની આ પરંપરાને નિહાળવા હજારો ભક્તો માતાજીના દર્શનાર્થે ઉમટી પડ્યા હતા.

     1839થી ચાલતી પરંપરા

      માતાજીનો આ અમૂલ્ય હાર ઈ.સ. 1839માં ગાયકવાડ શાસકે અર્પણ કર્યો હતો. “નવલખો હાર” તરીકે ઓળખાતો આ હીરા જડિત શણગાર માત્ર દશેરાના પવિત્ર દિવસે જ બહાર કાઢવામાં આવે છે. આખું વર્ષ આ હાર મંદિર દ્વારા નિયુક્ત કરવામાં આવેલા ખાસ વહીવટદારની કસ્ટડીમાં સુરક્ષિત રાખવામાં આવે છે.

      ભવ્ય પાલખી અને પોલીસ બંદોબસ્ત

       આ વર્ષે પણ દશેરા પર્વે વિશેષ પોલીસ બંદોબસ્ત વચ્ચે માતાજીની ભવ્ય પાલખી યાત્રા કાઢવામાં આવી. હજારો ભક્તોએ ઉમટી પડી માતાજીના દર્શનનો લાભ લીધો. ભક્તિભાવથી ઓતપ્રોત વાતાવરણમાં જયકારના નાદ ગુંજી ઉઠ્યા હતા

     ભક્તિભાવનું અનોખું આકર્ષણ

    દૂરદૂરથી આવેલા શ્રદ્ધાળુઓએ મા બહુચરના નવલખા શણગારના દર્શન કરી પોતાને ધન્ય માન્યા. મંદિર પરિસરમાં ભક્તિભાવ સાથે ભવ્ય સજાવટ કરવામાં આવી હતી. સ્થાનિકો સહિત રાજ્યભરમાંથી આવેલા ભક્તો માટે આ પ્રસંગ વિશેષ આકર્ષણનો કેન્દ્ર રહ્યો.

     પરંપરા અને આસ્થા

    દર વર્ષે દશેરાના દિવસે મા બહુચરના નવલખા શણગારની પરંપરા સમાજમાં આસ્થા, ભક્તિ અને સંસ્કૃતિને જીવંત રાખે છે. આ શણગાર અને પાલખી મહોત્સવને કારણે બહુચરાજી દશેરા પર્વે ગુજરાતભરમાં ચર્ચાનો વિષય બને છે.

     

    અહેવાલ…. પ્રદીપ ઠાકોર ( બહુચરાજી )

  • કડી તાલુકામાં મિનરલ ના નામે ઝેરી ફિલ્ટર પાણીનું વેચાણ – લોકોના આરોગ્ય સાથે ખીલવાડ, તંત્ર ઘોર નિંદ્રામાં

    કડી …

    મિનરલ વોટર ના નામે ઝેરી પાણી પીવડાવતા વોટર પ્લાન્ટ માં કોની છે ભાગીદારી ?? મોટો સવાલ તંત્ર ને, કાર્યવાહી ક્યારે ???

        કડી તથા આસપાસના વિસ્તારોમાં છેલ્લા કેટલાક સમયથી ટેમ્પા અને નાના વાહનો દ્વારા “ફિલ્ટર પાણી”ના નામે અસુરક્ષિત પાણીનું વેચાણ થતું હોવાનું બહાર આવ્યું છે. આ પાણીની ગુણવત્તા અંગે ગંભીર શંકાઓ ઉભી થઈ રહી છે. નાગરિકો દ્વારા આ મુદ્દે ચિંતા વ્યક્ત કરવામાં આવી છે અને તાત્કાલિક કાર્યવાહી કરવાની માંગ ઉઠી છે.

     

     

     લાઈસન્સ વિના ગેરકાયદેસર ધંધો

         મળતી માહિતી મુજબ આવા મોટા ભાગના પાણી વેચનારાઓ પાસે FSSAI લાઈસન્સ કે આરોગ્ય વિભાગનું કોઈ પ્રમાણપત્ર નથી. નિષ્ણાતોના જણાવ્યા મુજબ, આ Food Safety and Standards Act, 2006 તેમજ Prevention of Food Adulteration Act, 1954નો સીધો ભંગ છે. એટલે કે લોકોના આરોગ્ય સાથે સીધો ખીલવાડ થઈ રહ્યો છે.

     ડૉક્ટરોની ચેતવણી

       નિષ્ણાત ડોક્ટરો નું કહેવું છે કે, “અયોગ્ય રીતે ફિલ્ટર કરાયેલા પાણીમાં બેક્ટેરિયા, વાયરસ અને ઝેરી તત્ત્વો વધારે પ્રમાણમાં જોવા મળે છે. આવા પાણીનું સેવન કરવાથી ટાયફોઇડ, હેપેટાઈટિસ A અને E, કોલેરા જેવી જીવલેણ બીમારીઓ ફેલાઈ શકે છે.”

     કાનૂની જોગવાઈઓ

    કાયદા મુજબ આવા ગેરકાયદેસર ધંધા પર કડક સજા થઈ શકે છે:

    FSSAI Act, 2006 – કલમ 63 : લાઈસન્સ વિના પાણી વેચનારને 6 મહિના કેદ તથા રૂ. 5 લાખ સુધીનો દંડ થઈ શકે છે.

    IPC કલમ 272 અને 273 : ભેળસેળયુક્ત ખાદ્યપદાર્થ વેચવા બદલ 6 વર્ષ સુધીની કેદની સજા થઈ શકે છે.

    Gujarat Public Health Act : જાહેર આરોગ્યને જોખમકારક પ્રવૃત્તિઓ પર તાત્કાલિક પ્રતિબંધ મૂકવાની સત્તા છે.

     નાગરિકોની માંગ શું છે 

     “શુદ્ધ પાણી પીવાનું દરેકનો હક્ક છે”

    સ્થાનિક નાગરિકોએ નગરપાલિકા તથા આરોગ્ય વિભાગને તાત્કાલિક ચેકિંગ અને સેમ્પલ ટેસ્ટિંગ શરૂ કરવાની અપીલ કરી છે. તેઓએ ચેતવણી આપી છે કે જો નિયમિત દેખરેખ નહીં થાય તો નાગરિક સ્તરે આંદોલન કરવામાં આવશે.

     જાગૃત નાગરિક – “પાણી જીવન છે , શુદ્ધ પાણી પીવાનું દરેકનો હક્ક છે. બિનપ્રમાણિત પાણી વેચનારાઓ સામે કડક કાયદેસર પગલાં લેવાં જ જોઈએ.”

     

    પાણી માફિયાઓએ કેવું આપે છે પાણી. પીવાલાયક છે કે નહીં , પાણી ને 12 કલાક કરતાં વધારે સમય ઠંડું રાખવા કયું કેમિકલ ઉપયોગ થાય છે, જાણવા માટે જોતા રહો સમાચાર ડાયરી..

  • યાત્રાધામ બહુચરાજીમાં હત્યા : મજાક મજાકમાં મિત્રએ છરીના ઘા મારી મિત્રનો જીવ લીધો

    યાત્રાધામ બહુચરાજીમાં ચોંકાવનારી ઘટના

     

         મહેસાણા જિલ્લાના યાત્રાધામ બહુચરાજીમાં બનેલી એક દુઃખદ અને ચોંકાવનારી ઘટનાએ સમગ્ર જિલ્લામાં ચકચાર મચાવી છે. મજાક-મસ્તીમાં શરૂ થયેલો વિવાદ એટલો વિકરાળ બન્યો કે અંતે એક મિત્રે બીજા મિત્રની છરીના ઘા મારી હત્યા કરી નાખી.

    છાપરામાં બેઠા હતા બંને મિત્રો

       માહિતી મુજબ, ગઈ કાલે બપોરના સમયે મહેસાણા-બહુચરાજી હાઇવે પર જલિયાણ ધામની સામે આવેલા એક છાપરામાં ટીનાભાઈ દેવીપૂજક અને નરશીભાઈ દેવીપૂજક નામના બે મિત્રો બેઠા હતા. બંને વચ્ચે શરૂઆતમાં મજાક-મસ્તી ચાલી રહી હતી. પરંતુ વાતો દરમિયાન અચાનક ઝઘડો સર્જાયો.

    ગુસ્સામાં છરી વડે હુમલો – સ્થળ પર જ મોત

       ઝઘડાના તાવમાં આવેલા આરોપી નરશીભાઈએ પોતાની પાસે રહેલી છરી કાઢી મિત્ર ટીનાભાઈ પર હુમલો કર્યો. ગુસ્સામાં કરવામાં આવેલા આડેધડ છરીના ઘા એટલા ગંભીર હતા કે ટીનાભાઈ દેવીપૂજકનું ઘટનાસ્થળે જ મોત નિપજ્યું હતું.

    પરિવારજનોએ નોંધાવી ફરિયાદ – પોલીસની સક્રિયતા

     

    મૃતકના સગાઓએ બહુચરાજી પોલીસ મથકમાં ફરિયાદ નોંધાવતા પોલીસે તાત્કાલિક કાર્યવાહી હાથ ધરી છે. સૂત્રોના જણાવ્યા મુજબ, હાલ આરોપી નરશીભાઈ દેવીપૂજક ફરાર છે.બહુચરાજી પોલીસે ટેકનિકલ હ્યુમન રિસોર્સિસ (THR) માધ્યમે આરોપીનું લોકેશન ટ્રેસ કરવાની પ્રક્રિયા શરૂ કરી છે. પોલીસે પ્રાથમિક તપાસમાં આરોપી નજીકના વિસ્તારમાં જ છુપાયેલો હોવાની સંભાવના વ્યક્ત કરી છે અને ટૂંક સમયમાં તેને ઝડપી પાડવાની શક્યતા છે.

    વિસ્તારમાં ભય અને ચર્ચાનું માહોલ

         આ અણધારી હત્યા કાંડથી બહુચરાજી સહિત સમગ્ર વિસ્તારમાં ભય અને આશ્ચર્યનું માહોલ છે. સામાન્ય મજાકમાંથી જીવલેણ ઝઘડો સર્જાતા લોકોમાં ચર્ચા ચાલી રહી છે કે મિત્રતાની મસ્તીમાં પણ કાબૂ ગુમાવવાથી કેવી રીતે જીંદગી બલી ચઢી જાય છે

    અહેવાલ.. પ્રદીપ ઠાકોર ( બહુચરાજી )

  • બહુચરાજી શક્તિપીઠ ખાતે દશમનો ભવ્ય ઉત્સવ : 2 ઑક્ટોબરે મા બહુચરાજીને નવલખો હાર અર્પણ

    બહુચરાજી…

    નવરાત્રિ મહોત્સવના પાવન અવસર પર મહેસાણા જિલ્લાના બહુચરાજી શક્તિપીઠ ખાતે આ વર્ષે પણ દશમના દિવસે ભવ્ય ધાર્મિક ઉજવણી યોજાશે. 2 ઑક્ટોબર, ગુરુવારના રોજ મા બહુચરાજીને નવલખો હાર અર્પણ કરાશે.

    કાર્યક્રમોની રૂપરેખા:

    સવારે 7:30 કલાકે : નવરાત્રી (જવેરા) ઉખાણ વિધિ

    સવારે 10:30 કલાકે : ધજા નિશાન પૂજન

    બપોરે 4:00 કલાકે : દશેરાની પાલખી નીકળશે

    બપોરે 4:00 કલાકે જ : મા બહુચરાજીને નવલખો હાર અર્પણ

    નવલખો હાર અર્પણ કર્યા બાદ મંદિર ખાતે શમી વૃક્ષની પૂજા કરવામાં આવશે.

     ભક્તોમાં ઉત્સાહનો માહોલ

    દશેરાના દિવસે થનારા આ કાર્યક્રમને લઈ ભક્તોમાં ભારે ઉત્સાહ છે. સ્થાનિકો ઉપરાંત બહારગામથી મોટી સંખ્યામાં ભક્તો ઉમટી પડવાની શક્યતા છે.

     મંદિર પરિસરમાં વિશેષ વ્યવસ્થા

    ભક્તોની ભીડને ધ્યાનમાં રાખી પોલીસ તથા સેવાભાવી સંસ્થાઓ દ્વારા સુરક્ષા, પાણી, આરામ તથા માર્ગદર્શન જેવી સુવિધાઓ ઉભી કરવામાં આવી છે.

     ધાર્મિક માહોલમાં દિવ્ય ઉજવણી

    નવરાત્રિના આ પવિત્ર દિવસોમાં દરરોજ ભજન, કીર્તન અને આરતીના સ્વરો ગુંજતા રહે છે. દશેરાના દિવસે નવલખો હાર અર્પણ થતા માં બહુચરના ધામમાં દિવ્ય અને ભક્તિમય માહોલ સર્જાશે.

    અહેવાલ…પ્રદીપ ઠાકોર ( બહુચરાજી )

     

  • ઊંઝા ઉમિયાધામ ખાતે એકસાથે 1008 બહેનોએ કરી મહાઆરતી : દિવ્ય દ્રશ્યો સર્જાયા

    ઊંઝા: 

         નવરાત્રી મહોત્સવના પાવન અવસર પર ઊંઝામાં આવેલું પવિત્ર ઉમિયાધામ ધામ અનોખા ધાર્મિક કાર્યક્રમનું સાક્ષી બન્યું. મા ઉમિયાના ચાચર ચોક ખાતે બુધવારે આઠમના પર્વે એકસાથે 1008 બહેનોએ મહાઆરતી ઉતારી, જેના કારણે સમગ્ર વાતાવરણ ભાવભક્તિથી ઓતપ્રોત બની ગયું.

    ભક્તોની ઉમટી પડેલી ભીડ

    આ ભવ્ય પ્રસંગે ઉમિયાધામ ખાતે હજારોની સંખ્યામાં ભક્તો ઉપસ્થિત રહ્યા હતા. એકસાથે 1008 દીવાઓ પ્રગટાવી બહેનોએ જયારે આરતીનો આરંભ કર્યો, ત્યારે સમગ્ર ચાચર ચોક દિવ્ય પ્રકાશથી ઝળહળાઈ ઉઠ્યો હતો. આ અદ્ભુત દ્રશ્ય જોઈને ભક્તો ભાવવિભોર થઈ ગયા અને વાતાવરણમાં સતત “જય મા ઉમિયા” ના જયઘોષ ગુંજી ઉઠ્યા હતા.

     

    શ્રદ્ધા અને ભક્તિનો અનોખો પ્રતિક

    આ મહાઆરતીનું આયોજન મા ઉમિયા પ્રત્યેની ભક્તિ અને શ્રદ્ધાને વ્યક્ત કરવા માટે કરવામાં આવ્યું હતું. આ કાર્યક્રમ દ્વારા નવરાત્રીની ઉજવણીને એક અનોખો અને ઐતિહાસિક રંગ મળ્યો. એકસાથે બહેનોએ દીવાઓ પ્રગટાવી આરતી કરતા ઉમિયાધામનો ચાચર ચોક અનોખી ભક્તિભાવની અનુભૂતિ કરાવતો બન્યો.

    ભાગ્યે જ જોવા મળતો પ્રસંગ

    આ પ્રકારના પ્રસંગો ભાગ્યે જ જોવા મળે છે. બહેનો દ્વારા એકસાથે આરતી ઉતારવાની ઘટના હજારો ભક્તોના હૃદયમાં છાપ મૂકી ગઈ છે. ઘણા ભક્તોએ જણાવ્યું કે, “આવો દિવ્ય પ્રસંગ જીવનમાં એકવાર જોવા મળે છે. આ પળો અમર બની ગઈ.”

    ઉત્સાહ અને ઉમંગથી ભરપૂર નવરાત્રી

    નવરાત્રીના આઠમના પાવન અવસર પર યોજાયેલી આ ભવ્ય મહાઆરતીથી ઉમિયાધામમાં ઉજવણીનો માહોલ વધુ ઉમંગભર્યો અને દિવ્ય બન્યો હતો. મા ઉમિયાના ભક્તોએ આ કાર્યક્રમને ઐતિહાસિક ગણાવી પ્રસન્નતા વ્યક્ત કરી હતી.

  • બહુચરાજીમાં જીઆરડી જવાનની સતર્કતા કારણે ચોરીનો પ્રયાસ નિષ્ફળ, ચોર ઝડપાયો

    બહુચરાજી..

    ચોરી ના પ્રયાસ ને નિષ્ફળ બનાવવા બદલ પીઆઇ પી.એલ.વાઘેલાએ જીઆરડી જવાનનું સન્માન કર્યું

    મહેસાણા જિલ્લામાં બહુચરાજી ટાઉનમાં જીઆરડી યુનિટના જવાન બાબુભાઈ ખેંગારભાઈ રાઠોડની સતર્કતા અને બહાદુરીના કારણે બુધવારે રાત્રિના અંધકારમાં એક ચોરીનો પ્રયાસ નિષ્ફળ થયો હતો.

        પોલીસના સૂત્રો પાસેથી મળતી માહિતી પ્રમાણે, 29 – 30 સપ્ટેમ્બર ના રાતે લગભગ બે વાગ્યાની આસપાસ બાબુભાઈ રાઠોડ નાઇટ પેટ્રોલિંગ દરમિયાન ટાઉન વિસ્તારમાં ફરજ બજાવતા હતા. એ સમયે, ઠાકોર સેંધાજી નાથુજી, રહે.ઇન્દ્રપુરા, તાં. દેત્રોજ જી. અમદાવાદ, લોખંડની રોડ સાથે રાખી ટાઉન વિસ્તારમાં ૩ થી ૪ દુકાનના તાળાઓ તોડી ચોરી કરવાનો પ્રયાસ કરી રહ્યો હતો.જીઆરડી જવાન બાબુભાઈ રાઠોડે ચોરને રંગેહાથે પકડી, તેની ચોરીના પ્રયાસને નિષ્ફળ બનાવ્યો હતો. પોલીસે ચોર ઉપર ઝડપી કાર્યવાહી કરવામાં આવી છે અને અન્ય ચોરીઓ અંગે તપાસ ચાલી રહી છે.

        બહુચરાજી પોલીસ સ્ટેશન દ્વારા બાબુભાઈએ રાઠોડની નિષ્ઠા અને હિંમતની પ્રશંસા કરવામાં આવી છે. તેમના જાગ્રત રહેવાના કારણે ટાઉન વિસ્તારમાં સમાન્ય નાગરિકોની સુરક્ષા સુનિશ્ચિત થઈ અને ચોરીના પ્રયાસને સમયસર અટકાવવામાં આવ્યો છે.

    પોલીસ દ્વારા આ પ્રકારના ગુનાખોરીના કેસોમાં, નાગરિકો પણ સાવધ રહેવા અને કોઈ શંકાસ્પદ પ્રવૃત્તિ જણાય ત્યારે તાત્કાલિક પોલીસને માહિતી આપવાની અપીલ કરવામાં આવી છે.

  • કડીના કોઠારી વાસમાં ધારાસભ્ય રાજેન્દ્ર ચાવડા ગરબે ઘૂમ્યા – લોક સંપર્કનો અનોખો અંદાજ

    કડી.

        કડી શહેરમાં નવરાત્રી મહોત્સવની ધૂમધામ વચ્ચે ધારાસભ્ય રાજેન્દ્ર ચાવડાએ કોઠારી વાસ ખાતે ખેલૈયાઓની વચ્ચે ગરબા રમીને સૌનું દિલ જીતી લીધું. શહેરની પોળો અને ખડકીઓમાં આજે પણ પરંપરાગત નવરાત્રીનું આકર્ષણ જોવા મળે છે અને એ પરંપરાને જાળવી રાખવા ધારાસભ્યની ઉપસ્થિતિએ ઉત્સવને નવી ઊંચાઈ આપી.

      ધારાસભ્ય રાજેન્દ્ર ચાવડા સૌપ્રથમ માતાજીની આરતી ઉતારી અને ત્યારબાદ ખેલૈયાઓની વચ્ચે ઉતરીને ગરબે ઘૂમ્યા. સામાન્ય નાગરિકોની જેમ ખેલૈયાઓમાં સમાઈ જવાના તેમના આ સાદગીપૂર્ણ અંદાજે લોકહૃદયમાં એક અલગ છાપ ઊભી કરી. રાજકારણમાં ઘણી વાર આગેવાનો લોકોને દૂર લાગતા હોય છે, પરંતુ રાજેન્દ્ર ચાવડા જેવા લોકપ્રતિનિધિઓનો આ અંદાજ તેમને સીધા લોકોના હૃદય સુધી પહોંચાડે છે.

         આ પ્રસંગે કડીના નગરશેઠ દિલીપભાઈ પટેલ રાજા, રમેશ પટેલ આદુંદરા સહિતના અગ્રણીઓ ઉપસ્થિત રહ્યા હતા. આગેવાનોની ઉપસ્થિતિએ કાર્યક્રમને વધુ ભવ્યતા આપી, તેમજ સામાજિક-રાજકીય રીતે સંદેશ આપ્યો કે ઉત્સવમાં સૌ એકતા સાથે જોડાઈ રહ્યા છે.

     

    કડી શહેરની નવરાત્રીની વિશેષતા એ છે કે અહીં મોટા પંડાલ કે કલબ સાથેસાથે પોળો અને ખડકીઓમાં પણ ઉત્સવની રંગીન છટા જોવા મળે છે. કોઠારી વાસનો આ કાર્યક્રમ એ પરંપરા અને સંસ્કૃતિનો જીવંત દાખલો છે, જેમાં ધારાસભ્યની હાજરીએ ખેલૈયાઓનો ઉત્સાહ બેવડાયો હતો.

    રાજેન્દ્ર ચાવડાએ શહેરવાસીઓને નવરાત્રીની શુભેચ્છાઓ પાઠવી અને જણાવ્યું કે –. “નવરાત્રી એ માત્ર માધવની આરાધના જ નહીં, પરંતુ આપણી સંસ્કૃતિ અને એકતાનું પ્રતિક છે. ખેલૈયાઓ સાથે જોડાઈને મને અત્યંત આનંદ થયો છે. આવી પરંપરાઓ આપણને જોડતી રહે એ માટે સૌએ પ્રયાસ કરવો જોઈએ.”

        રાજકીય રીતે જોવામાં આવે તો ધારાસભ્ય દ્વારા જનસંપર્કનો આ અંદાજ તેમને લોકોમાં વધુ નજીક લાવતો સાબિત થઈ રહ્યો છે. તહેવારના માહોલમાં સીધા ખેલૈયાઓ સાથે જોડાવાથી તેઓએ લોકપ્રિયતા વધારવાનો સંકેત આપ્યો છે.

  • માદરે વતનનો મહિમા: ચુવાળ ડાંગરવા મુકામે ખપ્પર વાળી માતાજીના સાનિધ્યમાં આઠમનો દિવ્ય મહોત્સવ ઉજવાયો

    માદરે વતનનો મહિમા: ચુવાળ ડાંગરવા મુકામે ખપ્પર વાળી માતાજીના સાનિધ્યમાં આઠમનો દિવ્ય મહોત્સવ ઉજવાયો 

    ચુંવાળ ડાંગરવા:

    આસો માસની આઠમ… એટલે માત્ર એક તિથિ નહીં, પણ દેશ-વિદેશમાં વસતા ચુવાળ ડાંગરવા ગામના સંતાનો માટે માદરેવતન તરફ ખેંચી જતી એક શ્રદ્ધાની દોરી !!!

    વર્ષોની પરંપરાને જીવંત રાખતા, ચુવાળ ડાંગરવા મુકામે બિરાજમાન વર્ષો જૂની ખપ્પર વાડી માતાજીની માંડવી ખાતે ભવ્યાતિભવ્ય આઠમનો કાર્યક્રમ યોજાયો હતો.

    આ કાર્યક્રમમાં શ્રદ્ધા, સંસ્કૃતિ અને સંગઠનનો ત્રિવેણી સંગમ જોવા મળ્યો હતો.

    [the_ad id=”15601″]

    માદરેવતનની મમતા: દેશ વિદેશથી દોડી આવે છે સંતાનો….

    આઠમના આ પવિત્ર દિવસે, કડી, મહેસાણા, અમદાવાદ જેવાં મોટાં શહેરો અને અન્ય રાજ્યોમાં વસતા જ નહીં, પરંતુ વિદેશમાં સ્થાયી થયેલા ગામના પરિવારો પણ પોતાનું તમામ કામ પડતું મૂકીને માદરેવતન ની વાટપકડે છે .

    આ પાવનકારી અવસર પર સૌ ગ્રામજનોએ એકસાથે મળીને પોતાની કુળદેવી માતાજીને કાલાવાહલા કર્યા, ભાવભરી પ્રાર્થના કરી અને નૈવેદ્ય ધરાવ્યું.

    ભક્તિની સરવાણી અને દાતાઓની ઉદારતા

    સમગ્ર કાર્યક્રમનો મુખ્ય આકર્ષણનું કેન્દ્ર માતાજીની મહાઆરતી હતી. દેશી ઢોલ અને ઝાલરના નાદ સાથે થયેલી આ મહાઆરતીમાં દેશ-વિદેશથી આવેલા હજારો શ્રદ્ધાળુઓ જોડાયા હતા.

    હવામાં ગૂંજતા આરતીના સૂર અને ભક્તોના જયજયકારથી વાતાવરણ સંપૂર્ણપણે ભક્તિમય અને દિવ્ય બની ગયું હતું.

    આ ધાર્મિક ઉત્સવમાં ગામના દાતાઓએ પોતાની ઉદારતાનું ઉત્તમ ઉદાહરણ પૂરું પાડ્યું હતું. દર વર્ષની જેમ, આ વર્ષે પણ સેવા અને સમર્પણના ભાવ સાથે દાનની સરવાણી કરવામાં આવી હતી, જે ગામ પ્રત્યેની તેમની લાગણી અને જવાબદારીની ભાવના દર્શાવે છે. આ દાનનો ઉપયોગ ગામના ધાર્મિક અને સામાજિક કાર્યોમાં કરવામાં આવે છે.

    સદીઓ જૂની ધાર્મિક પરંપરા: “માતાજી બનવાની” વિધિ

    આ કાર્યક્રમનો સૌથી ગૌરવશાળી અને રોમાંચક ક્ષણ આરતી બાદની પરંપરાગત વિધિ હતી.

    જે ભક્તોએ વર્ષોથી માતાજીની માનતા લીધી હોય છે, તે લોકો ધાર્મિક વિધિ બાદ માતાજી બને છે. આ વિધિમાં ભક્તો વિવિધ પૌરાણિક પાત્રો – જેમ કે માતાજી, ઇન્દ્ર, ભૈરવ –નું સ્વરૂપ ધારણ કરે છે.

    આ પાત્રો દ્વારા અપાતા આશીર્વાદ અને તેમના દર્શન કરવા માટે દૂર-દૂરથી ભક્તો ખાસ આવે છે. આ દિવ્ય દૃશ્ય માત્ર એક ધાર્મિક નથી, પરંતુ ગામની સદીઓ જૂની સંસ્કૃતિ અને શ્રદ્ધાનો એક જીવંત વારસો છે.

    ચુવાળ ડાંગરવા ગામમાં આઠમના આ પર્વે એકતા, શ્રદ્ધા અને સંસ્કૃતિનો અનેરો માહોલ છવાયો હતો, જે આવનારી પેઢીઓ માટે પણ એક ગર્વની વાત છે.

    [the_ad id=”15324″]અમે આશા રાખીએ છીએ કે આ સમાચાર તમારી ચેનલ પર દર્શકોને ગમશે. આવા વધુ સમાચાર માટે જોતા રહો: Samachar Diary X 24 !!!

    [the_ad id=”15602″] (more…)