samachardiary24x7.in

Category: આંતરરાષ્ટ્રીય

  • નેપાળમાં હવે ₹200 અને ₹500ની ભારતીય નોટ માન્ય, પ્રવાસીઓ અને વેપારીઓને મળશે મોટી રાહત

    ભારતીય કરન્સીને નેપાળમાં મળી મંજૂરી
    ભારત જનાર પ્રવાસીઓ અને વેપારીઓ માટે રાહતના સમાચાર છે. નેપાળ સરકારે ભારતીય ₹200 અને ₹500ની નોટોને સત્તાવાર રીતે સ્વીકારવાની મંજૂરી આપી છે.
    આ અંગે નેપાળ રાષ્ટ્ર બેન્ક (Nepal Rastra Bank) દ્વારા રાજપત્રમાં સૂચના પ્રકાશિત કરવામાં આવી હતી. નવા નિયમ મુજબ ભારતીય અને નેપાળી નાગરિકો નિર્ધારિત મર્યાદા સુધી ભારતીય ચલણ સાથે રાખી શકશે અને તેનો ઉપયોગ કરી શકશે.
    ₹25 હજાર સુધીની ભારતીય કરન્સી રાખી શકાશે
    નેપાળ સરકારના નિયમો અનુસાર ભારતીય તેમજ નેપાળી નાગરિકો ₹25,000 સુધીની ભારતીય કરન્સી સાથે રાખી શકશે.
    નેપાળ રાષ્ટ્ર બેન્કના જણાવ્યા મુજબ આ મંજૂરી માત્ર ભારતીય ચલણ માટે છે. અન્ય દેશોની કરન્સી અંગે હાલના નિયમો યથાવત રહેશે.
    2016 બાદની નોટો જ રહેશે માન્ય
    નિયમ મુજબ 2016ની નોટબંધી બાદ બહાર પાડવામાં આવેલી ₹200 અને નવી શ્રેણીની ₹500ની નોટો જ માન્ય રહેશે.
    જ્યારે 2016 પહેલાંની જૂની ₹500 અને ₹1,000ની નોટો પહેલાની જેમ અમાન્ય જ રહેશે.
    પ્રવાસન અને વેપારને મળશે પ્રોત્સાહન
    આ નિર્ણયથી ભારત અને નેપાળ વચ્ચે પ્રવાસ કરતા લોકો માટે રોકડ વ્યવહાર સરળ બનશે. બંને દેશો વચ્ચે દર વર્ષે લાખો લોકો અભ્યાસ, રોજગાર, વ્યવસાય અને ધાર્મિક પ્રવાસ માટે અવરજવર કરે છે.
    વેપારીઓને પણ સરહદી વિસ્તારોમાં વ્યવહારો સરળ બનવાની આશા વ્યક્ત કરવામાં આવી રહી છે.
    ભારત સાથેના આર્થિક સંબંધો વધુ મજબૂત બનશે
    ભારત અને નેપાળ વચ્ચે લાંબા સમયથી આર્થિક અને સાંસ્કૃતિક સંબંધો છે. સરહદી વિસ્તારોમાં ભારતીય ચલણનો ઉપયોગ અગાઉ પણ થતો હતો, પરંતુ હવે ₹200 અને નવી શ્રેણીની ₹500ની નોટોને પણ સત્તાવાર સ્વીકૃતિ મળતાં વેપાર અને પ્રવાસનને વધુ વેગ મળશે.
    ભૂતાનમાં પણ ભારતીય ચલણનો ઉપયોગ થાય છે
    નેપાળ ઉપરાંત ભારતના પડોશી દેશ ભૂતાનમાં પણ ભારતીય રૂપિયાનું વ્યાપક સ્વીકાર છે. બંને દેશો વચ્ચેના વેપાર અને પ્રવાસનને કારણે ભારતીય ચલણનો ઉપયોગ સામાન્ય રીતે જોવા મળે છે.

  • 🔥 जंतर-मंतर पर युवाओं की ऐतिहासिक जीत! विरोध प्रदर्शन के आगे धर्मेंद्र प्रधान ने मानी हार, दिया इस्तीफा!

    नई दिल्ली:

    देश के युवाओं और Gen-Z के अटूट हौसले के आगे आखिरकार तंत्र को झुकना ही पड़ा! दिल्ली के जंतर-मंतर पर लगातार चल रहे विरोध प्रदर्शन, धरने और जन-आंदोलन के भारी दबाव के बाद केंद्रीय शिक्षा मंत्री धर्मेंद्र प्रधान ने अपने पद से इस्तीफा दे दिया है।

    प्रदर्शनकारी छात्रों के बुलंद नारों और आक्रोश के आगे उन्होंने अपनी हार स्वीकार की। सूत्रों के मुताबिक, उन्होंने माना कि व्यवस्था में भ्रष्टाचार हुआ था और देश के मासूम बच्चों व युवाओं के भविष्य के साथ खिलवाड़ किया गया था।

    • 36 दिनों से जंतर-मंतर पर डटे थे छात्र एवं युवा संगठन।

    • परीक्षा धांधली और 21 छात्रों की आत्महत्या के बाद पूरे देश में था भारी आक्रोश।

    • धर्मेंद्र प्रधान ने पीएम मोदी को भेजा अपना त्यागपत्र।

    • देश के Gen-Z और युवाओं ने दिखाई एकजुटता की मिसाल।

    “देश का युवा जीत गया, देश का Gen-Z जीत गया!”

    इस इस्तीफे की खबर आते ही पूरे देश के छात्रों में खुशी की लहर दौड़ गई है। यह सिर्फ एक इस्तीफा नहीं, बल्कि देश के युवाओं की एकजुटता की बड़ी जीत है, जिसने देश को एक नई उम्मीद और दिशा दिखाई है।

    Report By: Vikas Patel, Samachar Diary 24X7

  • 🔥 જંતર મંતર પર યુવાનોની ઐતિહાસિક જીત! વિરોધ પ્રદર્શન સામે ધર્મેન્દ્ર પ્રધાને સ્વીકારી હાર, આપ્યું રાજીનામું!

    નવી દિલ્હી :

    દેશના યુવાનો અને Gen-Z ની તાકાત સામે આખરે ઝૂકવું પડ્યું! દિલ્હીના જંતર-મંતર પર દિવસોથી ચાલી રહેલા ભારે ધરણાં, આંદોલન અને વિરોધ પ્રદર્શન બાદ કેન્દ્રીય શિક્ષણ મંત્રી ધર્મેન્દ્ર પ્રધાને પોતાના પદ પરથી રાજીનામું આપી દીધું છે.

    વિદ્યાર્થીઓ અને દેશના યુવાનોના ઉગ્ર આક્રોશ સામે તેમણે પોતાની હાર સ્વીકારી છે. સૂત્રોના જણાવ્યા અનુસાર, તેમણે સ્વીકાર્યું કે સિસ્ટમમાં ગડબડ અને ભ્રષ્ટાચાર થયો હતો, જેના કારણે દેશના કરોડો બાળકોના ભવિષ્ય સાથે ચેડાં થયાં હતાં.

    “દેશનો યુવાન જીતી ગયો, દેશનો Gen-Z જીતી ગયો!”

    આ રાજીનામા સાથે જ સમગ્ર દેશમાં ખુશીનો માહોલ છે અને લાખો વિદ્યાર્થીઓમાં એક નવી આશાનું કિરણ જાગ્યું છે. યુવાનોએ સાબિત કરી દીધું કે જો દેશનો વારસો અને ભવિષ્ય જોખમમાં હોય, તો Gen-Z એક થઈને પરિવર્તન લાવી શકે છે.

    સમાચાર સતત અપડેટ કરી રહ્યાં છીએ….

    રિપોર્ટ: વિકાસ પટેલ Samachar Diary 24X7, Ahmedabad

  • આર્જેન્ટિના સતત બીજી વખત વર્લ્ડ કપ ફાઇનલમાં, ઇંગ્લેન્ડને 2-1થી હરાવ્યું;

    આર્જેન્ટિનાએ સતત બીજી વખત ફાઇનલમાં જગ્યા બનાવી
    ડિફેન્ડિંગ ચેમ્પિયન આર્જેન્ટિનાએ ફિફા વર્લ્ડ કપ 2026ની સેમિફાઇનલમાં ઇંગ્લેન્ડને 2-1થી હરાવીને સતત બીજી વખત ફાઇનલમાં પ્રવેશ કર્યો છે. આ સાથે જ આર્જેન્ટિના ફૂટબોલ ઇતિહાસમાં સાતમી વખત વર્લ્ડ કપની ફાઇનલમાં પહોંચ્યું છે. ટીમ અગાઉ 1930, 1978, 1986, 1990, 2014 અને 2022માં ફાઇનલમાં પહોંચી હતી. હવે 2026માં ફરી એકવાર વિશ્વ ચેમ્પિયન બનવાની તક તેની સામે છે.
    ઇંગ્લેન્ડે લીડ લીધી, પરંતુ આર્જેન્ટિનાએ જોરદાર વાપસી કરી
    મેચના પ્રથમ હાફમાં બંને ટીમો વચ્ચે આક્રમક રમત જોવા મળી હતી, પરંતુ કોઈ ટીમ ગોલ કરી શકી નહોતી. બીજા હાફની 55મી મિનિટે એન્થોની ગોર્ડને ગોલ કરીને ઇંગ્લેન્ડને 1-0ની સરસાઈ અપાવી. એક ગોલથી પાછળ હોવા છતાં આર્જેન્ટિનાએ હાર માની નહીં. લિઓનેલ મેસ્સીના નેતૃત્વમાં સતત હુમલા ચાલુ રાખ્યા. 85મી મિનિટે એન્ઝો ફર્નાન્ડિઝે શાનદાર ફિનિશ કરીને સ્કોર 1-1થી બરાબર કર્યો. ઇન્જરી ટાઈમની 92મી મિનિટે માર્ટિનેઝે હેડર દ્વારા નિર્ણાયક ગોલ ફટકારી આર્જેન્ટિનાને 2-1ની ઐતિહાસિક જીત અપાવી.
    મેસ્સીના પાસથી બદલાઈ ગઈ મેચ
    મેચ દરમિયાન લિઓનેલ મેસ્સીએ અનેક આક્રમક મૂવ્સ બનાવ્યા. 69મી મિનિટે તેમના કોર્નર પરથી નિકોલસ ગોન્ઝાલેઝે હેડર માર્યો હતો, પરંતુ ઇંગ્લેન્ડના ગોલકીપર જોર્ડન પિકફોર્ડે અદ્ભુત સેવ કરીને ગોલ બચાવ્યો. અંતે મેસ્સીના જ સુંદર પાસ પરથી એન્ઝો ફર્નાન્ડિઝે બરાબરીનો ગોલ નોંધાવ્યો અને મેચનો રૂખ બદલાઈ ગયો.
    મેચ બાદ બેલિંગહામ અને બાર્કો વચ્ચે ઘર્ષણ
    અંતિમ સીટી વાગ્યા બાદ ઇંગ્લેન્ડના સ્ટાર મિડફિલ્ડર જુડ બેલિંગહામ નિરાશ ઉભા હતા. આ દરમિયાન આર્જેન્ટિનાના ખેલાડી વેલેન્ટિન બાર્કોએ તેમની પાસે જઈને કંઈક ટિપ્પણી કરી હોવાનું કહેવાય છે. ત્યારબાદ બેલિંગહામે ગુસ્સામાં બાર્કોના માથા પર ટપલી મારી દીધી. બાર્કોએ પણ જવાબમાં બેલિંગહામને ધક્કો માર્યો, જેના કારણે બંને ટીમોના ખેલાડીઓ વચ્ચે થોડીવાર માટે તંગદિલી સર્જાઈ હતી. રેફરી અને સપોર્ટ સ્ટાફે વચ્ચે પડીને મામલો શાંત પાડ્યો. આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે.
    ફોકલેન્ડ બેનરથી રાજકીય વિવાદ
    મેચ પૂર્ણ થયા બાદ આર્જેન્ટિનાના કેટલાક ચાહકો અને સપોર્ટ સ્ટાફે સ્ટેડિયમમાં “Las Malvinas son Argentinas” લખેલું બેનર પ્રદર્શિત કર્યું. આર્જેન્ટિના ફોકલેન્ડ ટાપુઓને “માલવિનાસ” તરીકે ઓળખે છે અને તેના પર પોતાનો દાવો કરે છે. 1982માં આ ટાપુઓને લઈને બ્રિટન અને આર્જેન્ટિના વચ્ચે યુદ્ધ થયું હતું. ફિફાના નિયમો મુજબ મેદાનમાં રાજકીય સંદેશા દર્શાવવા પર પ્રતિબંધ હોવાથી આ ઘટનાએ પણ વિવાદ ઉભો કર્યો છે.
    પ્રથમ હાફમાં ફૂટબોલ કરતાં અથડામણ વધુ જોવા મળી
    મેચની શરૂઆતથી જ બંને ટીમો વચ્ચે કડક ટક્કર જોવા મળી હતી. ત્રીજી જ મિનિટે ખેલાડીઓ વચ્ચે બોલાચાલી થઈ હતી. N37મી મિનિટે મેસ્સી પર ફાઉલ કરવા બદલ ઇલિયટ એન્ડરસનને યલો કાર્ડ મળ્યો હતો. 42મી મિનિટે જુડ બેલિંગહામની જર્સી ખેંચવા બદલ લિસાન્ડ્રો માર્ટિનેઝને પણ યલો કાર્ડ બતાવવામાં આવ્યો હતો.
    આર્જેન્ટિના હવે ખિતાબથી માત્ર એક જીત દૂર
    ઇંગ્લેન્ડ સામેની યાદગાર જીત બાદ આર્જેન્ટિના હવે સતત બીજી વખત વર્લ્ડ કપ જીતવાના સપનાથી માત્ર એક મેચ દૂર છે. ટીમના અનુભવ, મેસ્સીના નેતૃત્વ અને મજબૂત ટીમ વર્કને કારણે ફાઇનલમાં પણ તેની પાસેથી મોટી અપેક્ષાઓ રાખવામાં આવી રહી છે.

  • રશિયા પાસેથી તેલ ખરીદનારા દેશો પર અમેરિકાનો મોટો પ્રહાર! ભારત-ચીન સહિત 5 દેશો પર 100% ટેરિફનો પ્રસ્તાવ

    રશિયન તેલ ખરીદનારા દેશો સામે અમેરિકાનો કડક વલણ
    અમેરિકાએ રશિયા પર આર્થિક દબાણ વધારવા માટે વધુ એક મોટું પગલું ભરવાની તૈયારી શરૂ કરી છે. અમેરિકી સેનેટમાં રજૂ થયેલા નવા બિલમાં ભારત, ચીન સહિત પાંચ દેશો પર 100 ટકા સુધીનો ટેરિફ લગાવવાનો પ્રસ્તાવ કરવામાં આવ્યો છે.
    જો આ બિલ કાયદો બનશે તો અમેરિકા પહેલીવાર માત્ર એટલા માટે કોઈ દેશના આયાતી માલ પર ભારે ટેરિફ લગાવશે કે તે દેશ રશિયા પાસેથી તેલ ખરીદીને તેની અર્થવ્યવસ્થાને ટેકો આપી રહ્યો છે.
    ભારત સહિત કયા દેશો પર લાગુ પડી શકે છે ટેરિફ?
    પ્રસ્તાવિત બિલ મુજબ નીચેના દેશોમાંથી અમેરિકા આવતા માલ પર 100 ટકા સુધી ટેરિફ લગાવી શકાય છે.
    • ભારત
    • ચીન
    • હંગેરી
    • સ્લોવાકિયા
    • અઝરબૈજાન
    આ ઉપરાંત બિલમાં રશિયાના ઊર્જા ક્ષેત્ર, બેન્કિંગ સિસ્ટમ, સંરક્ષણ ઉદ્યોગ અને અન્ય આર્થિક સંસ્થાઓ સામે નવા પ્રતિબંધોની પણ જોગવાઈ કરવામાં આવી છે.
    500%થી ઘટાડીને 100% ટેરિફનો પ્રસ્તાવ
    બિલના શરૂઆતના ડ્રાફ્ટમાં 500 ટકા સુધી ટેરિફ લગાવવાની જોગવાઈ હતી.
    પરંતુ ચર્ચા બાદ તેને ઘટાડીને 100 ટકા કરવામાં આવ્યો છે.
    અમેરિકી ધારાસભ્યોનું માનવું છે કે આ દર પણ રશિયા પાસેથી તેલ ખરીદતા દેશો પર આર્થિક દબાણ બનાવવા માટે પૂરતો છે.
    15 યુરોપિયન દેશોને મળશે રાહત
    આ બિલમાં 15 યુરોપિયન દેશોને 100 ટકા ટેરિફમાંથી મુક્તિ આપવામાં આવી છે.
    તેનું કારણ એ છે કે આ દેશો રશિયા પાસેથી 15 ટકા કરતાં ઓછો કુદરતી ગેસ ખરીદે છે અને ધીમે ધીમે પોતાની નિર્ભરતા પણ ઘટાડી રહ્યા છે.
    ડેમોક્રેટ સેનેટર રિચાર્ડ બ્લુમેન્થલે જણાવ્યું હતું કે આ બિલ યુરોપિયન સહયોગીઓ વિરુદ્ધ નથી, પરંતુ માત્ર તે દેશો સામે છે જે હજુ પણ રશિયાના તેલ વેપારને સૌથી વધુ આર્થિક ટેકો આપી રહ્યા છે.
    રશિયા સામે વધુ કડક પ્રતિબંધોની તૈયારી
    બિલમાં માત્ર ટેરિફ જ નહીં પરંતુ રશિયાના અનેક મહત્વના ક્ષેત્રોને નિશાન બનાવવામાં આવ્યા છે.
    તેમાં સામેલ છે.
    • ઊર્જા ઉદ્યોગ
    • બેન્કિંગ અને નાણાકીય સંસ્થાઓ
    • સંરક્ષણ ઉદ્યોગ
    • મોટા વેપારીઓ
    • રાષ્ટ્રપતિ વ્લાદિમીર પુતિન સામે વધારાના પ્રતિબંધો
    રિપબ્લિકન અને ડેમોક્રેટ બંનેનું સમર્થન
    આ બિલને અમેરિકામાં બંને મુખ્ય રાજકીય પક્ષોનું સમર્થન મળ્યું છે.
    રિપબ્લિકન અને ડેમોક્રેટ બંને પક્ષના સેનેટરો બિલના સમર્થનમાં છે, જેના કારણે તેના આગળ વધવાની સંભાવના વધી ગઈ છે.
    જોકે બિલ હજુ કાયદો બન્યું નથી.
    તેને આગળ વધવા માટે નીચેની પ્રક્રિયા પૂર્ણ કરવી પડશે.
    • સેનેટની મંજૂરી
    • હાઉસ ઓફ રિપ્રેઝન્ટેટિવ્સની મંજૂરી
    • અંતે અમેરિકી રાષ્ટ્રપતિની સહી
    ત્યારબાદ જ તે કાયદા તરીકે અમલમાં આવશે.
    લિન્ડસે ગ્રેહામનું અંતિમ મહત્વનું બિલ
    આ બિલ સૌપ્રથમ રિપબ્લિકન સેનેટર લિન્ડસે ગ્રેહામ અને ડેમોક્રેટ સેનેટર રિચાર્ડ બ્લુમેન્થલે એપ્રિલ 2025માં રજૂ કર્યું હતું.
    અત્યાર સુધીમાં 26 સેનેટરો તેનો ટેકો જાહેર કરી ચૂક્યા છે.
    11 જુલાઈએ લિન્ડસે ગ્રેહામનું અવસાન થયું હતું.
    મૃત્યુના એક દિવસ પહેલાં તેમણે યુક્રેન પ્રવાસ દરમિયાન જણાવ્યું હતું કે રાષ્ટ્રપતિ ડોનાલ્ડ ટ્રમ્પ આ બિલને આગળ વધારવા માટે સહમત થયા છે.
    ટ્રમ્પે પણ કહ્યું હતું કે આ બિલ ગ્રેહામના સન્માનમાં આગળ વધારવામાં આવશે અને તેના કાયદો બનવાની સારી સંભાવના છે.
    અમેરિકા આ પગલું કેમ ભરી રહ્યું છે?
    1. યુક્રેન યુદ્ધ માટે મળતું ભંડોળ અટકાવવું
    અમેરિકાનું માનવું છે કે રશિયાને તેલ અને ગેસની નિકાસમાંથી મળતી આવક યુક્રેન યુદ્ધ ચલાવવાનો મુખ્ય આર્થિક આધાર છે.
    2. રશિયાની ઊર્જા આવક પર પ્રહાર
    રશિયાના બજેટનો મોટો હિસ્સો તેલ અને ગેસની નિકાસમાંથી આવે છે.
    આથી અમેરિકા ઊર્જા ક્ષેત્રને સૌથી મોટું લક્ષ્ય બનાવી રહ્યું છે.
    3. ભારત-ચીન જેવા ખરીદદારો પર દબાણ
    અમેરિકા ઈચ્છે છે કે ભારત, ચીન જેવા મોટા ખરીદદારો રશિયન તેલની ખરીદી ઘટાડે, જેથી મોસ્કોની આવકમાં ઘટાડો થાય.
    4. શાંતિ વાટાઘાટો માટે દબાણ
    બિલના સમર્થકોનું કહેવું છે કે આર્થિક દબાણ વધવાથી રશિયા યુક્રેન સાથે શાંતિ વાટાઘાટો માટે તૈયાર થઈ શકે છે.
    ભારત પર શું અસર થઈ શકે?
    જો આ બિલ અંતે કાયદો બને અને ભારત તેના દાયરામાં આવે તો અમેરિકામાં ભારતીય નિકાસ પર 100 ટકા સુધીનો ટેરિફ લાગી શકે છે, જે વેપાર, નિકાસકારો અને કેટલાક ઉદ્યોગો માટે પડકારરૂપ બની શકે છે.
    જોકે હાલમાં આ માત્ર પ્રસ્તાવિત બિલ છે અને હજી તે અમેરિકી કોંગ્રેસમાંથી પસાર થયું નથી તેમજ કાયદા તરીકે અમલમાં આવ્યું નથી.

  • એમિરેટ્સ ફ્લાઇટ ટિકિટ EMI પર બુક થશે, 36 મહિના સુધી હપ્તામાં ચૂકવણીની સુવિધા

    ભારતીય મુસાફરો માટે એમિરેટ્સની નવી સુવિધા
    પ્રખ્યાત ઇન્ટરનેશનલ એરલાઇન્સ **એમિરેટ્સ (Emirates)**એ ભારતીય મુસાફરો માટે નવી EMI આધારિત ટિકિટ બુકિંગ સુવિધા શરૂ કરી છે. હવે મુસાફરોને ફ્લાઇટ બુક કરતી વખતે એકસાથે સંપૂર્ણ રકમ ચૂકવવાની જરૂર નહીં રહે. તેના બદલે તેઓ સરળ માસિક હપ્તા (EMI) દ્વારા ટિકિટનું પેમેન્ટ કરી શકશે.
    આ નવી સુવિધાથી ખાસ કરીને મધ્યમ વર્ગના લોકો માટે વિદેશ પ્રવાસનું આયોજન વધુ સરળ અને બજેટ-ફ્રેન્ડલી બનશે.
    3થી 36 મહિનાના હપ્તામાં પેમેન્ટ
    એમિરેટ્સના નેટવર્કમાં આવતા વિશ્વના આશરે 140થી વધુ ડેસ્ટિનેશન માટે હવે ભારતીય મુસાફરો EMI પર ટિકિટ બુક કરી શકશે.
    મુસાફરો પોતાની અનુકૂળતા મુજબ 3 મહિના, 6 મહિના, 9 મહિના, 12 મહિના અને મહત્તમ 36 મહિના સુધીના હપ્તાનો વિકલ્પ પસંદ કરી શકશે.
    આ સુવિધાનો લાભ એમિરેટ્સની સત્તાવાર વેબસાઇટ પરથી ટિકિટ બુક કરતી વખતે મળશે.
    12 મોટી ભારતીય બેંકો સાથે ભાગીદારી
    EMI સુવિધા માટે એમિરેટ્સે ભારતની 12 અગ્રણી બેંકો સાથે ભાગીદારી કરી છે.
    આ બેંકોમાં સામેલ છે:
    • SBI
    • HDFC Bank
    • ICICI Bank
    • Axis Bank
    • Bank of Baroda
    • Kotak Mahindra Bank
    • IndusInd Bank
    • RBL Bank
    • YES Bank
    • IDBI Bank
    • HSBC
    • Standard Chartered Bank
    ગ્રાહકો તેમના ક્રેડિટ કાર્ડ દ્વારા EMI પસંદ કરી શકશે. વ્યાજદર અને પ્રોસેસિંગ ફી સંબંધિત બેંકના નિયમો અનુસાર લાગુ પડશે.
    વિદેશ પ્રવાસનું આયોજન બનશે સરળ
    એમિરેટ્સ એરલાઇન્સના ભારત અને નેપાળ માટેના વાઇસ પ્રેસિડેન્ટ મોહમ્મદ સરહાને જણાવ્યું કે, આ ફ્લેક્સિબલ પેમેન્ટ સોલ્યુશન ભારતીય ગ્રાહકો માટે ગેમ-ચેન્જર સાબિત થશે.
    તેમના જણાવ્યા મુજબ, મુસાફરો હવે પોતાના બજેટ મુજબ સરળ હપ્તામાં ચુકવણી કરીને લાંબા સમયથી આયોજન કરેલી રજાઓ બુક કરી શકશે અથવા પોતાની મુસાફરીને અપગ્રેડ કરી શકશે.
    કોણ લઈ શકશે લાભ?
    આ સુવિધાનો લાભ એવા ભારતીય ગ્રાહકો લઈ શકશે, જેમની પાસે ભાગીદાર બેંકોનું માન્ય ક્રેડિટ કાર્ડ હશે અને તેઓ એમિરેટ્સની ઓફિશિયલ વેબસાઇટ પરથી ટિકિટ બુક કરશે.

  • ‘મેલબોર્ન મીટ્સ મોદી’ વિવાદ: આયોજકોનો કોંગ્રેસને જવાબ, કહ્યું- લોકોને પૈસા આપી બોલાવવામાં આવ્યા નહોતા

    ‘મેલબોર્ન મીટ્સ મોદી’ કાર્યક્રમને લઈને રાજકીય વિવાદ
    વડાપ્રધાન નરેન્દ્ર મોદીના ઓસ્ટ્રેલિયા પ્રવાસ દરમિયાન મેલબોર્નમાં યોજાયેલા ‘મેલબોર્ન મીટ્સ મોદી’ કાર્યક્રમને લઈને રાજકીય વિવાદ ઊભો થયો છે. કાર્યક્રમના આયોજકોએ સ્પષ્ટ કર્યું છે કે કાર્યક્રમમાં હાજરી આપવા માટે લોકોને કોઈપણ પ્રકારની ચૂકવણી કરવામાં આવી નહોતી.
    આ અગાઉ કોંગ્રેસના નેતા પવન ખેડાએ સોશિયલ મીડિયા પર વીડિયો શેર કરીને આરોપ લગાવ્યો હતો કે કાર્યક્રમમાં મોટી સંખ્યામાં લોકોને પૈસા આપીને અને ચાર્ટર્ડ ફ્લાઇટ દ્વારા લાવવામાં આવ્યા હતા.
    આયોજકોની કોંગ્રેસને માફીની માંગ
    મીડિયા અહેવાલો મુજબ, કાર્યક્રમના આયોજકોએ કોંગ્રેસ અધ્યક્ષ મલ્લિકાર્જુન ખડગે અને લોકસભામાં વિપક્ષના નેતા રાહુલ ગાંધીને પત્ર લખીને આ આરોપો પાછા ખેંચવા અને જાહેર માફી માંગવાની માંગ કરી છે.
    આયોજકોનું કહેવું છે કે આવા નિવેદનોથી ભારતીય-ઓસ્ટ્રેલિયન સમુદાયનું અપમાન થયું છે. તેમણે એ પણ સ્પષ્ટ કર્યું કે કાર્યક્રમનો ખર્ચ ન તો ભારતીય જનતા પાર્ટી, ન ભારત સરકાર અને ન ઓસ્ટ્રેલિયા સરકારે ઉઠાવ્યો હતો.
    ‘ચાર્ટર્ડ ફ્લાઇટની તૈયારી મહિનાઓથી ચાલી રહી હતી’
    આયોજકોના જણાવ્યા અનુસાર, ચાર્ટર્ડ ફ્લાઇટની વ્યવસ્થા માટે મહિનાઓ અગાઉથી આયોજન કરવામાં આવ્યું હતું. મુસાફરોનું સંકલન, વહીવટી પ્રક્રિયા અને આયોજનમાં અનેક સ્વયંસેવકોએ પોતાનો સમય અને વ્યક્તિગત સંસાધનો ખર્ચ્યા હતા.
    તેમણે જણાવ્યું કે કોઈને હાજરી આપવા માટે પૈસા આપવામાં આવ્યા નહોતા અને સમગ્ર કાર્યક્રમ સમુદાયના સહયોગથી યોજાયો હતો.
    કોંગ્રેસે શું આરોપ લગાવ્યો હતો?
    11 જુલાઈએ કોંગ્રેસના નેતા પવન ખેડા સહિત કેટલાક નેતાઓએ સોશિયલ મીડિયા પર પોસ્ટ કરીને દાવો કર્યો હતો કે વડાપ્રધાન મોદીના સ્વાગત માટે હજારો એનઆરઆઈને પૈસા આપીને કાર્યક્રમમાં લાવવામાં આવ્યા હતા.
    મેલબોર્નમાં પીએમ મોદીનું સંબોધન
    9 અને 10 જુલાઈ દરમિયાન ઓસ્ટ્રેલિયાના પ્રવાસે ગયેલા વડાપ્રધાન મોદીએ મેલબોર્નમાં ભારતીય સમુદાયને સંબોધિત કરતાં **’ઓપરેશન સિંદૂર’**નો ઉલ્લેખ કર્યો હતો. તેમણે કહ્યું હતું કે ભારતની સંરક્ષણ ક્ષમતાનો પડઘો સમગ્ર વિશ્વમાં સંભળાયો છે અને દેશની ફાર્મા તથા ડિફેન્સ ક્ષેત્રની વિશ્વસનીયતા સતત વધી રહી છે.
    કાર્યક્રમ દરમિયાન તેમણે ઉપસ્થિત લોકોને ઓસ્ટ્રેલિયાના વડાપ્રધાન એન્થોની અલ્બેનીઝના સન્માનમાં મોબાઇલની ફ્લેશલાઇટ ચાલુ કરવાની અપીલ પણ કરી હતી.
    ભારત-ઓસ્ટ્રેલિયા વચ્ચે મહત્વપૂર્ણ કરારો
    આ પ્રવાસ દરમિયાન ભારત અને ઓસ્ટ્રેલિયા વચ્ચે યુરેનિયમ સપ્લાય સહિત સંરક્ષણ, વેપાર, ઊર્જા, અવકાશ અને ક્રિટિકલ મિનરલ્સ ક્ષેત્રે અનેક મહત્વપૂર્ણ કરારો થયા હતા. બંને દેશોએ ક્રિટિકલ મિનરલ્સ કોરિડોર વિકસાવવાની અને કોકોસ (કીલિંગ) ટાપુ પર સ્પેસ ટ્રેકિંગ ટર્મિનલ સ્થાપવાની પણ જાહેરાત કરી હતી.

  • જોટાણા મામલતદાર કચેરી કે લાંચિયા અધિકારીઓનો અડ્ડો? ભાજપના જ સિનિયર નેતાના સનસનીખેજ આક્ષેપથી ખળભળાટ!

    જોટાણા:

      મહેસાણા જિલ્લાની જોટાણા મામલતદાર કચેરી હાલ ભ્રષ્ટાચારનો ગઢ બની ચૂકી હોય તેવા ગંભીર દ્રશ્યો સામે આવ્યા છે. ભાજપના જ એક સિનિયર આગેવાને પોતાની જ સરકારના વહીવટીતંત્રની પોલ ખોલી નાખતા સમગ્ર પંથકમાં ભારે ખળભળાટ મચી ગયો છે. ભાજપના તાલુકા પંચાયત સદસ્યના પતિ અને સિનિયર નેતા દિલીપસિંહ સોલંકીએ વહીવટીતંત્ર પર ગંભીર આરોપ લગાવતા ખુલ્લેઆમ જણાવ્યું છે કે, “આ કચેરીમાં પૈસા આપો તો જ કામ થાય છે, બાકી ધક્કા ખાવા સિવાય કોઈ આરો નથી!”

    લાંચ ન આપતા ભાજપ નેતાની જ જમીનની એન્ટ્રી રદ કરી, બાબુઓની દાદાગીરી!

      મળતી માહિતી મુજબ, સરકારી બાબુઓની હિંમત એટલી વધી ગઈ છે કે તેઓ હવે સત્તાધારી પક્ષના નેતાઓને પણ નથી ગણકારતા. દિલીપસિંહ સોલંકીએ આક્ષેપ કર્યો છે કે લાંચની રકમ ન ચૂકવતા સરકારી બાબુઓએ પોતાની દાદાગીરી બતાવીને તેમની જમીનની કાચી એન્ટ્રી રદ કરી નાખી હતી.

    કચેરીમાં ચાલી રહેલા કાળાબજારની વિગતો આપતા તેમને જણાવ્યું કે, એકત્રીકરણના નામે જૂના હુકમોને જાણીજોઈને લટકાવી રાખવામાં આવે છે. બીજી તરફ, જે નવી અરજીઓમાં અંડર ટેબલ ‘વહીવટ’ (પૈસા) થઈ જાય છે, તેને ફટાફટ મંજૂરી આપી દેવામાં આવે છે!

    સર્કલ ઓફિસર પર સીધો આરોપ, મામલતદારનું ભેદી મૌન!

      આ સમગ્ર કૌભાંડમાં સર્કલ ઓફિસર સહદેવભાઈ સામે સીધો આંગળી ચીંધવામાં આવી છે. આક્ષેપ છે કે સહદેવભાઈને મનધારી રકમ ન મળતા તેમણે કામ બગાડ્યું હતું. આટલું જ નહીં, આ ગંભીર બાબતે જ્યારે મામલતદારને રજૂઆત કરવામાં આવી, ત્યારે જવાબદાર અધિકારીએ કોઈ પગલાં લેવાના બદલે ‘ભેદી મૌન’ ધારણ કરી લીધું હતું, જે ક્યાંક ને ક્યાંક મોટા આશીર્વાદ હોવાની શંકા જન્માવે છે.

    *મોટો સવાલ*: 

        જો સત્તાધારી પક્ષના સિનિયર નેતાઓ પાસે પણ સરકારી બાબુઓ આ રીતે ખુલ્લેઆમ લાંચ માંગતા હોય, તો પછી બિચારી સામાન્ય જનતાની હાલત કેવી થતી હશે? સામાન્ય નાગરિકો તો આ કચેરીમાં પીસાઈ રહ્યા છે.

    *મુખ્યમંત્રી સુધી પહોંચશે ફરિયાદ*

      જોટાણા તાલુકાને આ ભ્રષ્ટાચારના અડ્ડામાંથી મુક્ત કરાવવા અને બેફામ બનેલા લાંચિયા બાબુઓ પર કડક કાનૂની સકંજો કસવા માટે હવે છેક મુખ્યમંત્રી સુધી લેખિત રજૂઆત કરવાની તૈયારીઓ કરી લેવામાં આવી છે. હવે જોવાનું એ રહેશે કે આ સનસનીખેજ ખુલાસા બાદ ગાંધીનગરથી કોઈ કડક પગલાં લેવાય છે કે પછી ભ્રષ્ટાચારનો આ ખેલ આમ જ ચાલતો રહેશે?

  • ચીને યુનાનમાં 5000 KM રેન્જનું LPAR રડાર કર્યું સક્રિય, ભારત માટે વધી વ્યૂહાત્મક ચિંતા

    ચીને યુનાનમાં લાંબા અંતરનું LPAR રડાર તૈનાત કર્યું
    ભારત-ચીન વચ્ચે ચાલી રહેલા વ્યૂહાત્મક તણાવ વચ્ચે ચીને મ્યાનમાર સરહદ નજીક આવેલા યુનાન પ્રાંતમાં લાંબા અંતરની ક્ષમતા ધરાવતું Large Phased Array Radar (LPAR) કાર્યરત કર્યું હોવાના અહેવાલો સામે આવ્યા છે. દાવો કરવામાં આવી રહ્યો છે કે આ રડારની રેન્જ 5,000 કિલોમીટરથી વધુ છે અને તે ભારતના મિસાઈલ પરીક્ષણો તેમજ હિંદ મહાસાગરના વિશાળ વિસ્તાર પર નજર રાખી શકે છે.
    બેલિસ્ટિક મિસાઈલને દૂરથી ટ્રેક કરવાની ક્ષમતા
    રિપોર્ટ્સ અનુસાર, આ LPAR રડાર દૂરથી જ બેલિસ્ટિક મિસાઈલ શોધી શકે છે, તેની ઉડાનને ટ્રેક કરી શકે છે અને મહત્વપૂર્ણ ટેકનિકલ માહિતી એકત્રિત કરી શકે છે. આ ક્ષમતાના કારણે ચીન ભારતના પૂર્વીય ક્ષેત્ર, બંગાળની ખાડી અને હિંદ મહાસાગરના મોટા ભાગ પર સતત નજર રાખી શકે તેવી શક્યતા વ્યક્ત કરવામાં આવી રહી છે.
    અબ્દુલ કલામ દ્વીપના મિસાઈલ ટેસ્ટ પર પણ નજર
    ઓડિશા સ્થિત ડો. એ.પી.જે. અબ્દુલ કલામ દ્વીપ પરથી ભારત અગ્નિ-5, કે-4 સહિતની આધુનિક મિસાઈલોનું પરીક્ષણ કરે છે. સુરક્ષા વિશ્લેષકોના મત મુજબ, જો આવા પરીક્ષણોની ઉડાન સંબંધિત માહિતી કોઈ અન્ય દેશને મળે તો તે પોતાની સંરક્ષણ વ્યવસ્થા વધુ મજબૂત બનાવી શકે છે.
    હિંદ મહાસાગરમાં ચીનની સર્વેલન્સ ક્ષમતા વધશે
    યુનાનમાં આ રડારનું સ્થાન એવું છે કે તે બંગાળની ખાડી અને હિંદ મહાસાગરના મોટા વિસ્તારમાં નજર રાખવામાં મદદરૂપ બની શકે છે. હિંદ મહાસાગર ભારત માટે વ્યૂહાત્મક રીતે અત્યંત મહત્વનો વિસ્તાર છે, જ્યાં ભારતીય નૌસેનાની સક્રિય હાજરી છે અને વિશ્વના અનેક મહત્વપૂર્ણ વેપારી જળમાર્ગો પસાર થાય છે.
    સત્તાવાર પુષ્ટિ હજુ બાકી
    ચીન પાસે અગાઉથી શિનજિયાંગ અને કોરલા વિસ્તારમાં પણ લાંબા અંતરના રડાર કાર્યરત હોવાનું માનવામાં આવે છે. યુનાનમાં નવા LPAR રડારની તૈનાતી અંગે વિવિધ અહેવાલો સામે આવ્યા છે, પરંતુ ભારત અથવા ચીનની સરકાર તરફથી હજુ સુધી કોઈ સત્તાવાર પુષ્ટિ અથવા નિવેદન જાહેર કરવામાં આવ્યું નથી.

  • બ્રિટનમાં હિન્દુ મંદિરનું સપનું તૂટ્યું! ચર્ચને મળી 999 વર્ષની લીઝ, હિન્દુ સંગઠનમાં રોષ

    હિન્દુ સમુદાયને મોટો આંચકો
    બ્રિટનના કેમ્બ્રિજશાયરમાં વસતા હિન્દુ સમુદાયને મોટો ઝટકો લાગ્યો છે. વર્ષોથી પ્રથમ હિન્દુ મંદિર બનાવવાના પ્રયાસો વચ્ચે સ્થાનિક કાઉન્સિલે ધાર્મિક પ્રવૃત્તિઓ માટે અનામત જમીન હિન્દુ સંગઠનને નહીં, પરંતુ ચર્ચ નેટવર્કને 999 વર્ષની લાંબી લીઝ પર ફાળવવાનો નિર્ણય કર્યો છે. આ પ્રોજેક્ટમાં એક મુસ્લિમ સંગઠનને પણ નમાજ અને ધાર્મિક શિક્ષણ માટે અલગ જગ્યા આપવામાં આવશે.
    શું છે સમગ્ર વિવાદ?
    આ મામલો નોર્થસ્ટો શહેરનો છે, જ્યાં ઝડપથી વસતી વધી રહી છે. સાઉથ કેમ્બ્રિજશાયર ડિસ્ટ્રિક્ટ કાઉન્સિલે આશરે 0.25 હેક્ટર જમીન નોર્થસ્ટો ચર્ચ નેટવર્ક (NCN)ને લાંબા ગાળાની લીઝ પર આપવાનો નિર્ણય કર્યો છે. આ જ જમીન માટે ‘હિન્દુ સમાજ નોર્થસ્ટો’ (HSN)એ પણ અરજી કરી હતી.
    હિન્દુ સંગઠન અહીં મંદિર સાથે ઇન્ટરફેથ સેન્ટર અને વેલનેસ સેન્ટર ઉભું કરવા માગતું હતું, જેથી તમામ સમુદાયના લોકો તેનો લાભ લઈ શકે.
    ગુણાંકના આધારે ચર્ચનો પ્રસ્તાવ પસંદ
    કાઉન્સિલની મૂલ્યાંકન સમિતિએ ચર્ચ નેટવર્કના પ્રસ્તાવને 81 ટકા ગુણ આપ્યા હતા, જ્યારે હિન્દુ સમાજ નોર્થસ્ટોને 65 ટકા ગુણ મળ્યા હતા. આ મૂલ્યાંકનના આધારે ચર્ચના પ્રસ્તાવને અંતિમ મંજૂરી આપવામાં આવી.
    સમગ્ર વિસ્તારમાં એક પણ હિન્દુ મંદિર નથી
    હિન્દુ સમુદાયના જણાવ્યા મુજબ સમગ્ર કેમ્બ્રિજશાયરમાં એક પણ હિન્દુ મંદિર નથી. ધાર્મિક વિધિઓ અને તહેવારો માટે લોકોને બર્મિંગહામ અથવા વેમ્બલી સુધી લાંબી મુસાફરી કરવી પડે છે. મહાશિવરાત્રી, ગણેશોત્સવ જેવા તહેવારો દરમિયાન યોગ્ય જગ્યા ન મળતાં ઘણીવાર મૂર્તિઓ લોકોને પોતાના ઘર અથવા ગેરેજમાં રાખવી પડે છે.
    હિન્દુ સંગઠન કરશે અપીલ
    હિન્દુ સમાજ નોર્થસ્ટોના પ્રમુખે નિર્ણય સામે નિરાશા વ્યક્ત કરતાં પસંદગી પ્રક્રિયાની પારદર્શિતા પર સવાલ ઉઠાવ્યા છે. સંગઠન હવે આ નિર્ણય સામે અપીલ કરવાની તૈયારી કરી રહ્યું છે. સાથે જ બ્રિટનમાં ઉછરી રહેલી નવી પેઢી પોતાની ધાર્મિક અને સાંસ્કૃતિક ઓળખથી દૂર થઈ જશે તેવી ચિંતા પણ વ્યક્ત કરવામાં આવી છે.
    કાઉન્સિલ અને મુસ્લિમ સંગઠનનો જવાબ
    નોર્થસ્ટો મુસ્લિમ સંગઠનનું કહેવું છે કે શહેરમાં આશરે 200 મુસ્લિમ પરિવારો રહે છે અને તેમને નમાજ માટે કાયમી સ્થળની જરૂર હતી, તેથી તેઓ આ પ્રોજેક્ટમાં જોડાયા છે. ચર્ચ નેટવર્કે જણાવ્યું છે કે સંકુલ તૈયાર થયા બાદ નિયમો મુજબ અન્ય સામાજિક સંગઠનોને પણ તેનો ઉપયોગ કરવાની તક મળશે.
    કાઉન્સિલર ડૉ. લીસા રેડરપે જણાવ્યું કે તમામ અરજીઓનું મૂલ્યાંકન અગાઉથી નક્કી કરાયેલા માપદંડોના આધારે કરવામાં આવ્યું હતું અને સમગ્ર પ્રક્રિયા નિષ્પક્ષ તથા પારદર્શક રહી છે.