samachardiary24x7.in

Category: રાષ્ટ્રીય

  • મહેસાણા અધિક જિલ્લા મેજિસ્ટ્રેટશ્રી દ્વારા પદયાત્રીઓની સુરક્ષા ધ્યાને લઈ જાહેરનામું બહાર પાડવામાં આવ્યું

    મહેસાણા અધિક જિલ્લા મેજિસ્ટ્રેટશ્રી દ્વારા પદયાત્રીઓની સુરક્ષા ધ્યાને લઈ જાહેરનામું બહાર પાડવામાં આવ્યું

    તા.૨૯/૮/૨૦૨૫ થી તા.૦૭/૯/૨૦૨૫ દરમ્યાન અંબાજી ખાતે ભાદરવી પુનમનો મહામેળો યોજાનાર છે. આ મેળામાં અંબાજી પગપાળા જવા માટે મોટી સંખ્યામાં પદયાત્રીઓ તથા સંઘો મહેસાણા જિલ્લાની હદમાંથી પસાર થઈ અંબાજી જતા હોય છે. સૌથી વધારે યાત્રીકોનો ધસારો મહેસાણા જીલ્લાની હદમાંથી વસઈ, વિસનગર, વડનગર, ખેરાલુ, સતલાસણાના માર્ગ ઉપર રહેતો હોય છે.

     

    આ સમય દરમ્યાન મોટા કોર્મશીયલ વ્હીકલો જેવા કે ટ્રક, ડમ્પર, લકઝરી બસ, આઈસર જેવા ભારે વાહક તથા પેસેન્જર વાહનોની અવર જવરથી અકસ્માત થવાની પુરેપુરી શક્યતા રહેલી છે. જેથી પદયાત્રીઓની સુરક્ષા ધ્યાને લઈ તેઓના જાનમાલની સાચવણી થઈ શકે તેમજ કાયદો-વ્યવસ્થા તથા સુખાકારી સગવડો જળવાઈ રહે તે માટે તા.૨૯/૮/૨૦૨૫ થી તા.૦૭/૯/૨૦૨૫ ૨૪:૦૦ કલાક સુધી નીચેના રૂટ ઉપર ભારે વાહનોને (કોર્મશીયલ વાહનો) ડાયવર્ટ કરતું મહેસાણા અધિક જિલ્લા મેજીસ્ટ્રેટશ્રી જશવંત કે.જેગોડા દ્વારા એક જાહેરનામું બહાર પાડવામાં આવ્યું છે.

     

    આ જાહેરનામા મુજબ (૧) ગાંધીનગર થી વિસનગર તરફ આવતા વાહનોને ડાભલા ચાર રસ્તાથી મહેસાણા રામપુરા ચોકડી થઇ પાલાવાસણા ચોકડી થઇ ભાન્ડુ-વાલમ તરફ જવું, (૨) વિજાપુરથી વિસનગર તરફ આવતા ભારે વાહનો વલાસણા, વડનગર તરફ જવુ, (3) ઉંઝા તરફ થી વિસનગર તરફ આવતા ભારે વાહનોને ભાન્ડ્રુ હાઇવેથી મહેસાણા તરફ જવું, (૪) વડનગર, ખેરાલુ તરફથી વિસનગર આવતા ભારે વાહનોને વડનગરથી ઉંઝા થઇ મહેસાણા તરફ જવું, (૫) મહેસાણા થી વિસનગર તરફ જતા-આવતા ભારે વાહનોને મહેસાણા થી પાલાવાસણા સર્કલ થઈ મહેસાણા બાયપાસ ભાન્ડુ-વાલમ રોડ થઈ વિસનગર તરફ જવું, (૬) વિસનગર, વડનગર તરફથી ખેરાલુ આવતા ભારે વાહનો સિધ્ધપુર ચોકડી(ખેરાલુ) થી સિદ્ઘપુર ખળી ચાર રસ્તા તરફ જવું, (૭) અંબાજી તરફથી આવતા ભારે વાહનો કોઠાસણા ચોકડીથી સુદાસણા, ડાવોલ, ડભાઠ, વૃંદાવન ચાર રસ્તા સિધ્ધપુર ખળી ચાર રસ્તા તરફ જવું, (૮) ખેરાલુના ડભોડા ચાર રસ્તાથી વરેઠા, જસપુર, રીછડા, ભાટવાસ, ભાલુસણા (બાયપાસ), કોઠાસણા ગામ થઈ કોઠાસણા ચાર રસ્તા તરફ જવું, (૯) ઉંઝા-મહેસાણા-પાટણ તરફ થી સીવાલા સર્કલ થઈ પાલાવાસણા તથા ઉંઝા ફતેપુરા સર્કલ, રાદનપુર સર્કલ, પાલાવાસણા, રામપુરા થઇ ગોઝારીયા, ગાંધીનગર તરફ જતા ભારે વાહનો નંદાસણ હાઇવે તરફ જવું.

     

    આ પ્રતિબંધિત હુકમના કોઈપણ ખંડનો ભંગ અગર ઉલ્લંઘન કરનાર શખ્સ ગુજરાત પોલીસ અધિનિયમ-૧૯૫૧ ની કલમ-૧૩૧ તથા ૧૩૫ તેમજ ભારતીય ન્યાય સંહિતા-૨૦૨૩ ની કલમ-૨૨૩ મુજબ શિક્ષાને પાત્ર થશે.

     

    આ હુકમ અન્વયે મહેસાણા જિલ્લામાં ફરજ બજાવતા પોલીસ સબ ઇન્સ્પેકટર કે તેનાથી ઉચ્ચ હોદો ધરાવનાર તમામ અધિકારીઓને આ હુકમનો ભંગ કરનાર ઈસમો સામે ગુજરાત પોલીસ અધિનિયમ-૧૯૫૧ ની કલમ-૧૩૧ હેઠળ તથા ભારતીય ન્યાય સંહિતા-૨૦૨૩ ની કલમ-૨૨૩ ઠેઠળ ગુનો દાખલ કરવા માટે અધિકૃત કરવામાં આવ્યા છે.

  • મહેસાણાના યુવાને પાવર લિફ્ટિંગમાં ગોલ્ડ મેળવી મહેસાણા નું નામ ઉજાળ્યું :– 53 કિગ્રા ના યુવાને 75 કીગ્રા ઊંચક્યું

    મહેસાણા ના જયેશ સુથાર નામના કોમ્પ્યુટર એન્જિનિયરિંગ માં ડિપ્લોમા કરતા યુવાને 5 દેશો ની વચ્ચે પોતાની તાકાત બતાવી છે.પાવર લીફ્ટિંગ ગેમમાં ગોલ્ડ મેળવી મહેસાણા નું નામ અનય દેશોમાં પણ ગુંજતું કર્યું.

    મહેસાણા ના વતની એવા જયેશ સુથાર કોમ્પ્યુટર એન્જિયરિંગ માં અભ્યાસ ની સાથે સાથે છેલ્લા એક વર્ષ થી પાવર લિફ્ટિંગ માં મહેનત કરે છે.નેપાળ ખાતે 15 થી 17 ઓગસ્ટ ના રોજ પાવર લિફ્ટિંગ ચેમ્પિયનશિપ યોજાઈ હતી જેમાં જયેશ સુથારે 53 કિગ્રા ની કેટેગરીમાં ભાગ લીધો હતો જયેશ સુથારે 53 કિગ્રા બોડીવેઇટ હેઠળ બેન્ચ પ્રેસમાં ભાગ લીધો હતો જેમાં ભારત સાથે શ્રીલંકા,નેપાળ,પાકિસ્તાન અને ઑસ્ટ્રેલિયા મળી કુલ પાંચ દેશો દ્વારા ભાગ લેવામાં આવ્યો હતો જેમાં 53 કિગ્રા જયેશ સુથારે 75 કીગ્રા વજન ઉઠાવ્યું હતું.75 કીગ્રા વજન ઉંચકી જયેશ સુથારે ગોલ્ડ મેડલ મેળવતા મહેસાણા નું નામ વિદેશમાં પણ ગુંજતું કરી દીધું છે.ગોલ્ડ મેડલ મેળવતા પરવારજનો તેમજ સ્નેહીઓએ અભિનંદન આપ્યા હતા.

  • નંદાસણ નવાપુરા ગામમાં રોડ મુદ્દે બે પક્ષો ના સામસામે આક્ષેપ :– સરપંચ ના પક્ષે આવ્યા ગ્રામજનો

    ગ્રામ સભામાં વિવાદ થતા મામલો બિચક્યો હતો

         મહેસાણા જિલ્લાના કડી તાલુકાના નંદાસણ નવાપુરા ગામમાં ગ્રામસભામાં મામલો બિચકતા ગામના બે પક્ષો સામસામે આવી ગયા છે.મામલો મારામારી સુધી પહોંચ્યો હતો અને પોલીસ ફરિયાદ નોંધાયા હતી જેમાં ફરિયાદી પક્ષે સરપંચ વિરુદ્ધ આક્ષેપ કરતા ગામના અન્ય લોકો સરપંચ ની તરફેણ માં આવ્યા હતા અને સામે વાળા વિકાસ ના કામ માં રોડા નાખી ખોટા આક્ષેપ કરી ગામનું વાતાવરણ તંગ કરતા હોવાનો આક્ષેપ કર્યો છે.

    15 મી ઓગસ્ટ ના રોજ કડી તાલુકાના નંદાસણ નજીક આવેલા નવાપુરા ગામમાં ગ્રામસભા નું આયોજન કરવામાં આવ્યું હતું જેમાં ગામના વિકાસ ના કામની ચર્ચા કરવામાં આવનાર હતી પરંતુ કેટલાક લોકોએ ગામનો જે મુખ્ય રસ્તો છે વિકાસ પથ બનાવવા અંગે હોબાળો મચાવતા મામલો બિચક્યો હતો અને ગામમાં જાહેરમાં માથાકૂટ ના દ્રશ્યો સામે આવ્યા હતા ત્યારબાદ પોલીસે મામલો થાળે પાડ્યો હતો પરંતુ સાંજના સમયે સરપંચ પક્ષ ના લોકોએ અન્ય પક્ષ ના યુવકને માર માર્યો હોવાની ફરિયાદ કરવા મોટી સંખ્યામાં ભાઈઓ અને બહેનો પોલીસ સ્ટેશન પહોંચી ગયા હતા અને નંદાસણ પોલીસ ની નબળી કામગીરી ના આક્ષેપ કરી પોલીસ વિરુદ્ધ છાજિયા લેતા મામલો ગરમાયો હતો જે મુદ્દે નંદાસણ પોલીસે ગુનો નોધી આગળ ની કાર્યવાહી હાથ ધરી હતી.સરપંચ પ્રકાશભાઇ રબારી ઉપર થયેલા આક્ષેપ મામલે ગામના અન્ય નાગરીકો સરપંચ ની તરફેણમાં આવ્યા છે અને સરપંચ સક્રિય હોવાનું અને વિકાસ લક્ષી કામો કરતા હોવાનું મીડિયા સમક્ષ જણાવ્યું હતું.સામે વાળા પક્ષ દ્વારા તેમના અંગત કારણોસર સરપંચ ઉપર આક્ષેપ કરતા હોવાનું ગ્રામજનોએ જણાવ્યું હતું.

  • શું કડી મામલતદાર પૈસા વિના નથી કરતા કામ ?? અરજદારે મામલતદાર મનમાની કરી ધક્કા ખવડાવતા હોવાની પ્રાંત અધિકારી ને મારી ફરિયાદ

          કડી તાલુકાના મામલતદાર કુમારી માધવી પટેલ મનમાની કરી મનસ્વી વર્તન કરતા હોવાની ફરિયાદ અરજદાર ખેડૂતે પ્રાંત અધિકારી ને કરતા સરકારી કચેરીમાં સોંપો પડી ગયો છે.

         

      કડી તાલુકામાં છેલ્લા કેટલાક સમય થી મામલતદાર કુમારી માધવી પટેલ મનફાવે તેવું વર્તન કરી અરજદારો ને હેરાન કરતા હોવાની બુમરાડ ઉઠવા પામી હતી પરંતુ મામલતદાર ની સત્તા સામે ફરિયાદ કરવા કોઈ આગળ નહોતું આવતું પરંતુ મૂળ ડરણ ગામના વતની અને હાલ અમદાવાદ રહેતા ખેડૂત સુરેશભાઈ પટેલ દ્વારા પ્રાંત અધિકારી ને મામલતદાર વિરુદ્ધ ફરિયાદ કરી છે.સુરેશભાઈ પટેલ દ્વારા મામલતદાર ઉપર ગંભીર પ્રકાર ના આક્ષેપ કરવામાં આવ્યા છે જેમાં તેઓ વ્યવહાર સિવાય કોઈ કામ કરતા નહીં હોવાનું તેમજ રાજકીય વગ ધરાવતા લોકોનું જ કામ કરે છે.અરજી નો સમય ચાર મહિનાથી વધારે સમય થયો હોવા છતાં અરજીઓની પૂરતી તપાસ કર્યા વિના મરજી મુજબ જવાબ આપી દે છે.સુરેશભાઈ એ બંકેરી બંધુઓ વિરુદ્ધ ખોટા ખેડૂત હોવાની પુરાવા સાથે રજૂઆત કર્યા હોવા છત તેમણે કોઈ પણ તપાસ કર્યા વિના ગોળગોળ જવાબ આપી રહ્યા છે

    .

  • નાની કડીમાં ગૌશાળા માટે દાનમાં અપાયેલી જગ્યામાંથી ટ્રસ્ટીઓ પૈસા કમાવા લાગ્યા :– પરવાનગી વિના શોપિંગ સેન્ટર તાણી બાંધ્યું

    ગૌશાળા માટે બક્ષિસ માં આપેલી જમીન ને વેપાર નું સ્થળ બનાવી દેતા વિવાદ

    મહેસાણા જિલ્લાના નાની કડી ખાતે વર્ષો પહેલા ગૌશાળા માટે બક્ષિસ આપવામાં આવેલી જમીન ઉપર ટ્રસ્ટીઓએ ધંધા રોજગાર ની જગ્યા બનાવી ખોટી રીતે બાંધકામ શરૂ કરી દેતા વિવાદ સર્જાયો છે.અરજદારે નાની કડી ગ્રામ પંચાયત સહિત ઉચ્ચ કક્ષાએ લેખિત ફરિયાદ કરતા ગ્રામ પંચાયત હરકતમાં આવી નોટિસ ફટકારી છે.

          નાની કડી ગામમાં ગોવિંદ ગૌશાળા આવેલી છે જ્યાં ગાયો પાળવામાં આવતી અને તેનું દૂધ ડી.જે.કન્યા વિધાલય ના છાત્રાલય માં અભ્યાસ કરતી દીકરીઓ ને પહોંચાડવામાં આવતું હતું પરંતુ ગોવિંદ ગૌશાળા ના ટ્રસ્ટીઓએ એકાએક ગૌશાળા બંધ કરી દઈ ગૃહ ઉધ્યોગ શરૂ કરી દીધો હતો ત્યાર બાદ કોઈ પણ જાતની પરવાનગી વિના દુકાન વાળું શોપિંગ સેન્ટર બનાવવાનું શરૂ કરતા વિવાદ સર્જાયો છે.

     નાની કડી ખાતે નવીન સર્વે નંબર 2935 અને 2936 વાળી જમીન હીરાબેન સોલંકીએ સને 1994માં ગોવિંદ ગૌશાળા ને બક્ષિસ તરીકે આપવામાં આવી હતી.ત્યાર થી જમીનમાં ગોવિંદ ગૌશાળા ચલાવવામાં આવતી હતી.રેવન્યુ રેકોર્ડ અને 7/12 ના ઉતારામાં જમીનના ઉપયોગમાં ઢોર નો ડબ્બો સહિતનો ઉલ્લેખ કરેલો છે તેમ છતાં ગોવિંદ ગૌશાળા ના ટ્રસ્ટીઓએ ગૌશાળા માં રાખવામાં આવતી ગાયો ને કાઢી ત્યાં ગૃહ ઉધ્યોગ શરૂ કરી આર્થિક કમાઈ શરૂ કરી હતી ત્યાર બાદ દુકાનો વાળું શૉપિંગ સેન્ટર નું બાંધકામ શરૂ કરી દેતા ઉચ્ચ કક્ષાએ અરજી કરવામાં આવી હતી જેમાં ગ્રામ પંચાયત ના તલાટીઓ કે ઉચ્ચ કક્ષાએ કોઈ પગલા લેવામાં આવતા નથી ફક્ત ને ફક્ત નોટિસ આપી સંતોષ માનવામાં આવે છે.

     

    સમગ્ર મુદ્દે જ્યારે ગોવિંદ ગૌશાળા ના મુખ્ય ટ્રસ્ટી ભીખાભાઇ પટેલ ના સંપર્ક કરતા તેઓએ બહાર હોવાનું બહાનું કાઢી સમગ્ર મામલે કઈ પણ બોલવા તૈયાર થયા નહોતા

    .

  • અંડર એજ ડ્રાઈવિંગ અને સ્કૂલ ટ્રાન્સપોર્ટેશન મુદ્દે RTO મહેસાણાની કડક કાર્યવાહી

    આ વર્ષે શૈક્ષણિક સત્રની શરૂઆતમાં જાગૃતિ માટે સ્પેશિયલ ડ્રાઈવ

       અંડરએજ ડ્રાઈવિંગ કરતાં બાળકોએ ટ્રાફિકના નિયમો જાણતા હોતા નથી તેમજ જવાબદારીની સભાનતાનો અભાવ હોઈ લાઈસન્સ વિના ડ્રાઈવિંગ કરી પોતાને તેમજ અન્યોને નુકશાન પહોંચાડે છે. જેથી એમના વાલીઓ અને બાળકોમાં આ બાબતે યોગ્ય જાગૃતિ ફેલાય એ માટે પ્રા.વા.વ્ય.કચેરી દ્વારા સ્પેશ્યલ ડ્રાઈવ કરી કાર્યવાહી કરવામાં આવે છે

        તા.17 જૂલાઇ અને 18 જૂલઈ ના રોજ પ્રા.વા.વ્ય.કચેરી, મહેસાણા દ્વારા 8 સ્કુલોમાં આકસ્મિક ચેકીંગ હાથ ધરાયું. જેમાં લાઈસન્સ વિના સ્કુલ/કોલેજમાં આવતા વિદ્યાર્થીઓ અને વાલીઓનું ચેકીંગ હાથ ધરાયું. 

       વહેલી સવારે પ્રા.વા.વ્ય.કચેરીના કુલ – 24 અધિકારીઓની 8 ટીમોએ આકસ્મિક ચેકીંગમાં  ચલણ ઈસ્યુ કરવામાં આવ્યા. જેમાં મોટર વ્હીકલ એક્ટ અંતર્ગત કુલ 120 વાહનોના 214 જેટલા ઓફેન્સ બુક કરવામાં આવ્યા. જેમાં કુલ – 507200 નો દંડ કરવામાં આવ્યો.સાથે જ તમામ શાળાઓમાં આચાર્ય શ્રીઓ સાથે પણ સંવાદ કરી આવા બાળકોના વાલીઓની મિટિંગ તેમજ જનરલ વાલીમીટિંગ માં પણ આ બાબતો પર ભાર આપવા જણાવાયું. RTO માં દંડ ભરવા આવનાર વાલીઓ અને બાળકોનું પણ કચેરી ખાતે કાઉન્સેલિંગ કરવામાં આવ્યું.

          આ ડ્રાઈવ અંતર્ગત મહેસાણા એ.આર.ટી.ઓ.શ્રી સ્વપ્નિલ એમ. પટેલએ જણાવ્યુ કે શાળાએ જતા બાળકોની સેફટી જળવાય એ માટેની વાલીઓએ વધારે જાગૃત રહેવાની જરૂર છે. ગત વર્ષે પણ આવા કેસોમાં વાલીઓ પર પોલીસ કાર્યવાહી કરવામાં આવેલી ત્યારે આ વર્ષે પણ આ બાબતે સંવેદનશીલ રહેવા વાલીઓને જિલ્લા તંત્ર વતી અપીલ કરવામાં આવે છે.

  • રખડતા ઢોરો ના ત્રાસ થી વિજાપુર ના લોકો અકળાયા:– મામલતદાર અને ટીડીઓ ને આવેદનપત્ર આપી ત્રાસમાંથી છોડાવવા રજૂઆત કરી

        વિજાપુર મણીપુરા ટીબી રોડ ઉપર બહાર આવી ગાયો છોડી જતા હોવાને કારણે રોડ ઉપર રખડતા ઢોરો ત્રાસ વધી જવા પામ્યો છે. તંત્ર ને અગાઉ ગ્રામજનો તેમજ સોસાયટી વિસ્તાર ના રહીશો મારફત રખડતા ઢોરો નો નિકાલ માટે તલાટી તેમજ તાલુકા ધારાસભ્ય સીજે ચાવડા સહિત તંત્ર ને વારંવાર જાણ કરવા મા આવી છે પરંતુ હજુ સુધી કોઈ નિકાલ કરવા મા આવ્યો નથી થોડા દિવસ અગાઉ મણીપુરા ગામની શાળા પાસે બે બાળકોને સિંગડું મારી ઈજાઓ પણ કરી હતી. જોકે બંને બાળકો ને ગાયો ના ચુંગળ માંથી છોડાવી સારવાર કરાવી હતી.આ રખડતા ઢોરો થી માનવ હિત ને કોઈ નુકશાન થાય તે પહેલાં પ્રશ્નો નો નિકાલ જરૂરી છે. ઘણી વખત રોડ ની વચ્ચે રખડતા ઢોરો ઉભા થઇ જતાં વાહન લઇને પસાર થવું મુશ્કેલ બને છે. જેને લઇ મણીપુરા ગામ ની મહિલાઓએ મામલતદાર શૈલેષ સિંહ બારીયા તેમજ તાલુકા વિકાસ અધિકારી ચૌધરી સમક્ષ પોહચી રોડ ઉપર રખડતી ગાયો ઢોરો નો નિકાલ કરવા આવેદન પત્ર આપી રજૂઆત કરી હતી. બંને અધિકારીઓએ પ્રશ્ન ના નિકાલ માટે દિલાસો આપ્યો હતો. આ અંગે ગામના સ્થાનીક આગેવાન ડાહ્યાલાલ પટેલે જણાવ્યું હતુ કે રખડતી ગાયો ના પ્રશ્ને અમોએ ધારાસભ્ય તેમજ પ્રાંત અધિકારી સહિત તંત્ર ને લેખીત મૌખિક બંને પ્રકારે રજૂઆત કરી છે. પરંતુ ઘણા દિલાસો આપી ને પણ આ રખડતા ઢોરો અને ગાયો નો હજુસુધી નિકાલ કરવા મા આવ્યો નથી જો આગામી દિવસોમાં પ્રશ્ન નો નિકાલ નહિ થાય તો ગાંધી માર્ગે જવાની પણ ચીમકી ઉચ્ચારાઇ હતી.

  • વિજાપુર મામલતદાર, ખાણ ખનીજ વિભાગ અને પોલીસ ટીમ ત્રાટકી – સાબરમતી નદીના પટમાંથી રેતી ચોરી કરતા અધધ વાહનો ઝડપાયા

         વિજાપુર તાલુકા મા સાબરમતી નદીના પટમાં નદી ની રેતી ની ચોરીઓ ની વ્યાપક ફરિયાદો બાદ સફાળી જાગી ઉઠેલ ખાણ ખનીજ વિભાગ ગાંધીનગર અમદાવાદ મેહસાણા અને તાલુકા મામલતદાર શૈલેષ સિંહ બારીયા તેમજ પોલીસ અધિકારી ને સાથે રાખી બુધવારે સંઘપુર તરફ ની નદી ના પટ મા રેડ કરી 19 ટરબા ત્રણ જેટલા હિટાચી મશીન અને એક નાવડી જપ્ત કરી પોલીસ મથકે લાવવા મા આવ્યા હતા. જોકે તંત્ર દ્વારા હજુ સુધી કાર્યવાહી પૂર્ણ થઈ નહિ હોવાથી કેટલો જપ્ત કરાયેલા મુદ્દામાલ ની તેમજ પકડાયેલ ટર્બો સહિત તંત્ર દ્વારા વિગતો હજુ જાહેર કરવા મા આવી નથી. સૂત્રો પાસેથી મળતી માહિતી મુજબ હજુ પણ કેટલીક સાધન સામગ્રી લાવવા ની બાકી હોવાથી હાલમાં મા ખાણ ખનીજ વિભાગ તેમજ પોલીસ કાફલા સાથે તપાસ ચાલુ રાખવા મા આવી છે.

  • કડી ના મલ્હારપુરા ના ચાર માળિયામાંથી મસમોટો દારૂનો જથ્થો ઝડપાયો :– બુટલેગર ના ત્યાં નોકરી કરતા બે સાગરિત ઝડપાયા

    ફરી એક વાર કડી પોલીસે લાખો રૂપિયાનો વિદેશી દારૂ ઝડપી પાડ્યો છે.

     

    કડી પોલીસને ફરી એકવાર મોટી સફળતા મળી છે જ્યારે થોડાક દિવસો અગાઉ કડી જીઆઇડીસી માંથી પોલીસ દ્વારા વિદેશી દારૂનો મોટો જથ્થો ઝડપી પાડવામાં આવેલો હતો જ્યાં ફરી એકવાર કડી પોલીસ દ્વારા કડીના મલ્હારપુરા મા આવેલ ચાર માળિયા ફ્લેટમાં વિદેશી દારૂનો જથ્થો સંતાડ્યો હોવાની માહિતી મળતાની સાથે જ પોલીસ દ્વારા રેડ કરવામાં આવેલી હતી અને બુટલેગર અને ત્યાં નોકરી કરતા બે ઈસમોને રંગે હાથ વિદેશી દારૂના જથ્થા સાથે ઝડપી પાડી પોલીસે કાર્યવાહી કરી ગુનો દાખલ કર્યો હતો.

     

       કડી પોલીસ સ્ટેશનના ડી. સ્ટાફ પીએસઆઇ રાઠવા, પરેશભાઈ, સંજયસિંહ, ભીમાભાઇ,રવિ કુમાર,નીતિનકુમાર, હરપાલસિંહ, રાજુભાઈ સહિત સ્ટાફના માણસો કડી પોલીસ સ્ટેશનના પીઆઇ એ એન સોલંકી ની સૂચનાથી કડી વિસ્તારમાં પેટ્રોલિંગ કરી રહ્યા હતા જે દરમિયાન ગુરુવારે મોડી સાંજે સ્ટાફના માણસો મલ્હારપુરા ચોકમાં આવતા સંજય સિંહ અને પરેશકુમાર અને માહિતી મળી હતી કે, મલ્હારપુરા મા આવેલ ચાર માળિયા ફ્લેટમાં કલાલ જાવેદ હનીફભાઈ વિદેશી દારૂનો જથ્થો સંતાડેલો છે અને દારૂનો વેપલો કરી રહ્યો છે જેવી હકીકત મળતાની સાથે જ પોલીસ સ્ટાફના માણસો માહિતી વાળી જગ્યા ઉપર પહોંચતા ફ્લેટમાંથી વિદેશી દારૂનો જથ્થો મળી આવ્યો હતો તેમજ જાવેદ મહેબૂબભાઈ કલાલ અને અબ્બાસ ભાઈ કલાલ બંને રહે મલ્હારપુરા, રાવળ વાસ કડી જગ્યા ઉપરથી પોલીસ દ્વારા ઝડપી પાડવામાં આવેલા હતા.

        પોલીસ દ્વારા ફ્લેટની તપાસ કરતાં ફ્લેટમાંથી વિદેશી દારૂની બોટલો તેમજ બિયરના ટીન કુલ. 1638 કિંમત રૂપિયા 4,84,360 /- મળી આવ્યો હતો તેમ જ સ્થળ ઉપરથી ઝડપાયેલ ઈસમોની પૂછતાછ કરતા કલાલ જાવેદ હનીફભાઈ રહે મલ્હારપુરા વાળાને ત્યાં બંને જણા નોકરી કરતા હતા અને જયુપીટર માં વિદેશી દારૂનો જથ્થો ભરી અલગ-અલગ ઓર્ડર પ્રમાણે વેચવા માટે જતા હતા જેવી કબુલાત કરતા પોલીસ દ્વારા ત્રણ ઈસમો વિરુદ્ધ ગુનો દાખલ કરવામાં આવેલો હતો તેમ જ પોલીસ દ્વારા કુલ રૂપિયા 5,89,360 નો મુદ્દામાલ જપ્ત કરી કાયદેસરની કાર્યવાહી હાથ ધરી હતી.

  • કડી શહેરના ફૂટપાથ બન્યા વેપાર નું સ્થળ :–ટ્રાફિક સમસ્યા અને અકસ્માત થી પ્રજા ત્રસ્ત

    ફૂટપાથ ઉપર દુકાનધારક તેમજ લારી ગલ્લા ના દબાણ થી લોકો ત્રાહિમામ થઈ ઊઠી છે

     દરેક શહેરમાં લોકોને અવરજવર કરવા માટે તંત્ર દ્વારા ફૂટપાથ બનાવમાં આવતા હોય છે પરંતુ મહેસાણા જિલ્લાનું એક એવું શહેર છે જ્યાં ફૂટપાથ લોકોને ચાલવા માટે નહીં પરંતુ વેપારીઓ અને લારી ગલ્લા વાળાઓ માટે ધંધો કરવા બનાવવામાં આવ્યા છે.જેનાથી ટ્રાફિક સમસ્યા પણ ઉદભવી રહી છે પરંતુ પાલિકા ના સત્તાધીશો નું પેટ નુ પાણી પણ હલતું નથી.

       સરકાર દ્વારા ફૂટપાથ બનાવવા માટે લાખો રૂપિયાની ગ્રાન્ટ આપવામાં આવી છે.લોકોને અવરજવર થઈ શકે અને શહેરમાં ટ્રાફિક ની સમસ્યા નિવારી શકાય તેના માટે ફૂટપાથ બનાવવામાં આવ્યા છે.કડી શહેરમાં બનાવવામાં આવેલા ફૂટપાથ ઉપર દુકાનધારકોએ અને લારી ગલ્લા વાળાઓ કબજો જમાવી લીધો છે.દુકાનધારકોએ પોતાની દુકાન ફૂટપાથ થી પણ આગળ રોડ સુધી મોટી કરી દીધી છે તેમજ કેટલાક દુકાનધારકોએ તો દુકાનનો માલ સમાન ફૂટપાથ ઉપર પાથરી દીધો છે તેમજ કેટલાક લારી ગલ્લા વાળાઓ ફૂટપાથ ઉપર પોતાના કેબિન અને લારી મૂકી અડિંગો જમાવી દીધો છે જેથી લોકો ભારે પરેશાની નો સામનો કરી રહ્યા છે.એક બાજુ ફૂટપાથ ઉપર કબજો જમાવી દેવાથી લોકોને રોડ ઉપર ચાલવું પડી રહ્યું છે તો દુકાન ધારક અને ગ્રાહકો પોતાના વાહનો રોડ ઉપર પાર્ક કરી દેતા હોય છે જેથી રોડ સાંકડો થઈ જાય છે અને ટ્રાફિક ની સમસ્યા લોકોના માથાનો દુખાવો બની ગઈ છે.

          કડી પાલિકા દ્વારા થોડા સમય અગાઉ દબાણ હટાવો ઝુંબેશ હાથ ધરી હતી જેનાથી ટ્રાફિક ની સમસ્યા પણ હળવી થઈ હતી પરંતુ પાલિકા ઉપર કોનું દબાણ આવ્યું પાલિકાએ દબાણ હટાવો ની કામગીરી ફક્ત એક જ અઠવાડિયામાં આટોપી લીધું.કડી શહેરમાં ટ્રાફિક ની સમસ્યાએ માઝા મૂકી છે અને અકસ્માત ની ઘટના વધી રહી હોવાથી શહેરની જનતા ત્રાહિમામ થઈ ઊઠી છે તેમ છતાં પાલિકાના સત્તાધીશો જાણે કુંભકર્ણ ની નિંદ્રામાં પોઢી રહ્યા છે.