ધારીથી દલખાણીયા ચેકપોસ્ટ સુધી રૂ. 35 કરોડના નવા રોડનું ખાતમુહૂર્ત

અહેવાલ — પંકજ તેજાણી, ધારી

ધારી તાલુકાના દલખાણીયા ખાતે નવી રોડવેએના નિર્માણ કાર્યનો શુભારંભ; જિલ્લા આગેવાનો અને ગ્રામજનો મોટી સંખ્યામાં હાજર

ધારી તાલુકાના દલખાણીયા ખાતે ધારીથી દલખાણીયા ચેકપોસ્ટ સુધી રૂ. 35 કરોડના ખર્ચે બનેલા નવા રોડના નિર્માણ કાર્યનું ખાતમુહૂર્ત આજે કરવામાં આવ્યું હતું. આ રોડ તૈયાર થવાથી ધારી–દલખાણીયા માર્ગ પર પરિવહન વધુ સરળ, ઝડપી અને સુરક્ષિત બનશે.

કાર્યક્રમમાં જિલ્લા પ્રમુખ અતુલ કાનાણી, ધારી તાલુકા ભાજપ અધ્યક્ષ મૃગેશભાઈ કોટડીયા, જિલ્લા પંચાયતના આગેવાનો, પક્ષના હોદેદારો, પદાધિકારીઓ, કાર્યકર્તાઓ અને મોટી સંખ્યામાં ગ્રામજનો ઉપસ્થિત રહ્યા હતા.

નવા રોડના નિર્માણ બાદ ગ્રામ્ય વિસ્તારોના રોજિંદા સંચાર, વેપાર-વ્યવહાર અને વિકાસના કાર્યોને નવો વેગ મળશે એવી સ્થાનિક આગેવાનો દ્વારા આશા વ્યક્ત કરવામાં આવી હતી.