મહેસાણા અમદાવાદ હાઇવે પર ભારે વરસાદને કારણે મોઢેરા ચોકડી થી શિવાલા સર્કલ સુધી આશરે ત્રણ કિલોમીટર જેટલો લાંબો ટ્રાફિક જામ સર્જાતા વાહન ચાલકોને ભારે હાલાકીનો સામનો કરવો પડ્યો હતો. પાલાવાસણા ચોકડી પાસે નવા બ્રિજનું નિર્માણ કાર્ય ચાલી રહ્યું હોવાના કારણે વાહનની અવર-જવર ધીમી પડી રહી છે.
મહેસાણા જિલ્લામાં પડેલા વરસાદને કારણે કેટલાક વિસ્તારોમાં રસ્તા ઉપર પાણી ભરાઈ ગયા હોવાથી પરિસ્થિતિ વિકટ બની છે તેમજ છેલ્લા ત્રણ કલાક કરતાં વધુ સમયથી હજારો વાહન ચાલકો ટ્રાફિક જામમાં ફસાયેલા જોવા મળી રહ્યા છે.
ટ્રાફિક પોલીસ દ્વારા પરિસ્થિતિને નિયંત્રણમાં લેવાના પ્રયાસો આ ધરવામાં આવ્યા છે પરંતુ એક બાજુ ભારે વરસાદને કારણે રસ્તા ઉપર પાણી ભરાઈ ગયા છે ત્યારે બીજી બાજુ બ્રિજ નું નિર્માણ કાર્ય શરૂઆતથી વાહનચાલકો મુશ્કેલીનો સામનો કરી રહ્યા છે
