રિપોર્ટર: હસમુખભાઈ નાયક, કુણી – ખેડા ગળતેશ્વર
🔒 SBI એટીએમ રાત્રે બંધ – 🏃♂️ ગ્રાહકોને 8 કિમી લાંબી દોડ! 🚫 ઇમર્જન્સીમાં પૈસા ઉપાડવામાં ભારે મુશ્કેલી
ખેડા જિલ્લાના ગળતેશ્વર તાલુકાના કુણી ગામે આવેલા સ્ટેટ બેંક ઓફ ઇન્ડિયા (SBI) દ્વારા મુકાયેલ એટીએમ મશીન ફરી એકવાર ચર્ચાનો વિષય બન્યું છે. વર્ષોથી ચાલતી આવતી સમસ્યા છતાં આજે પણ રાત્રિના સમયે ગ્રાહકો એટીએમ સેવા મેળવી શકતા નથી, કારણ કે બેંક બંધ થાય ત્યારે એટીએમ કેબિનને પણ તાળા મારી દેવામાં આવે છે.
કુણી ગામમાં લાંબા સમય પહેલાં SBI દ્વારા એટીએમ મશીન મૂકવામાં આવ્યું હતું. પરંતુ તે સમયે એટીએમ બેંકની અંદર મુકાયેલ હોવાથી ગ્રાહકો માત્ર બેંકના સમય દરમિયાન જ પૈસા ઉપાડી શકતા હતા. ગ્રાહક રજૂઆતો બાદ એક વર્ષ પહેલાં એટીએમને બહારના કેબિનમાં મૂકવામાં આવ્યું હતું.
પરંતુ હાલ ફરી એક જેવી સમસ્યા ઊભી થઈ છે—
બેંક સાંજે બંધ થાય ત્યારે એટીએમ કેબિનને પણ તાળાબંધ કરી દેવામાં આવે છે, જેના કારણે રાત્રિ સમયે ઇમર્જન્સીમાં રૂપિયા ઉપાડવાની જરૂર પડે તો ગ્રાહકો મુશ્કેલીઓમાં મુકાય છે.
કુણી ગામના લોકોને રાત્રિ સમયે 8 કિલોમીટર દૂર થમૅલ, સેવાલિયા અથવા બાલાસિનોર સુધી જઈને પૈસા ઉપાડવા પડે છે, જે ખાસ કરીને વૃદ્ધો, મહિલાઓ અને દર્દીઓ માટે મોટી સમસ્યા છે.
સ્થાનિક ગ્રાહકોએ અનેક વખત બેંક મેનેજરને રજૂઆત કરી હતી. તેના જવાબમાં તેઓએ જણાવ્યું હતું કે:
“હાલ અમારી પાસે રાત્ર્રી સુરક્ષા વ્યવસ્થા (Security Arrangement) નથી. બેંક મેનેજમેન્ટ સુરક્ષા ગોઠવશે ત્યાર પછી એટીએમ રાત્રે ખુલ્લું રાખી શકાશે.”
પરંતુ લાંબા સમયથી બેંક દ્વારા કોઈ સુરક્ષા વ્યવસ્થા ગોઠવાઈ નથી.
અત્યારે પ્રશ્ન એ છે કે—
આ સમસ્યા ક્યારે દૂર થશે?
ગ્રાહકોને 24×7 એટીએમ સેવા ક્યારે મળશે?
