samachardiary24x7.in

Category: નવીનતમ સમાચાર

  • યાત્રાધામ બહુચરાજીમાં હત્યા : મજાક મજાકમાં મિત્રએ છરીના ઘા મારી મિત્રનો જીવ લીધો

    યાત્રાધામ બહુચરાજીમાં ચોંકાવનારી ઘટના

     

         મહેસાણા જિલ્લાના યાત્રાધામ બહુચરાજીમાં બનેલી એક દુઃખદ અને ચોંકાવનારી ઘટનાએ સમગ્ર જિલ્લામાં ચકચાર મચાવી છે. મજાક-મસ્તીમાં શરૂ થયેલો વિવાદ એટલો વિકરાળ બન્યો કે અંતે એક મિત્રે બીજા મિત્રની છરીના ઘા મારી હત્યા કરી નાખી.

    છાપરામાં બેઠા હતા બંને મિત્રો

       માહિતી મુજબ, ગઈ કાલે બપોરના સમયે મહેસાણા-બહુચરાજી હાઇવે પર જલિયાણ ધામની સામે આવેલા એક છાપરામાં ટીનાભાઈ દેવીપૂજક અને નરશીભાઈ દેવીપૂજક નામના બે મિત્રો બેઠા હતા. બંને વચ્ચે શરૂઆતમાં મજાક-મસ્તી ચાલી રહી હતી. પરંતુ વાતો દરમિયાન અચાનક ઝઘડો સર્જાયો.

    ગુસ્સામાં છરી વડે હુમલો – સ્થળ પર જ મોત

       ઝઘડાના તાવમાં આવેલા આરોપી નરશીભાઈએ પોતાની પાસે રહેલી છરી કાઢી મિત્ર ટીનાભાઈ પર હુમલો કર્યો. ગુસ્સામાં કરવામાં આવેલા આડેધડ છરીના ઘા એટલા ગંભીર હતા કે ટીનાભાઈ દેવીપૂજકનું ઘટનાસ્થળે જ મોત નિપજ્યું હતું.

    પરિવારજનોએ નોંધાવી ફરિયાદ – પોલીસની સક્રિયતા

     

    મૃતકના સગાઓએ બહુચરાજી પોલીસ મથકમાં ફરિયાદ નોંધાવતા પોલીસે તાત્કાલિક કાર્યવાહી હાથ ધરી છે. સૂત્રોના જણાવ્યા મુજબ, હાલ આરોપી નરશીભાઈ દેવીપૂજક ફરાર છે.બહુચરાજી પોલીસે ટેકનિકલ હ્યુમન રિસોર્સિસ (THR) માધ્યમે આરોપીનું લોકેશન ટ્રેસ કરવાની પ્રક્રિયા શરૂ કરી છે. પોલીસે પ્રાથમિક તપાસમાં આરોપી નજીકના વિસ્તારમાં જ છુપાયેલો હોવાની સંભાવના વ્યક્ત કરી છે અને ટૂંક સમયમાં તેને ઝડપી પાડવાની શક્યતા છે.

    વિસ્તારમાં ભય અને ચર્ચાનું માહોલ

         આ અણધારી હત્યા કાંડથી બહુચરાજી સહિત સમગ્ર વિસ્તારમાં ભય અને આશ્ચર્યનું માહોલ છે. સામાન્ય મજાકમાંથી જીવલેણ ઝઘડો સર્જાતા લોકોમાં ચર્ચા ચાલી રહી છે કે મિત્રતાની મસ્તીમાં પણ કાબૂ ગુમાવવાથી કેવી રીતે જીંદગી બલી ચઢી જાય છે

    અહેવાલ.. પ્રદીપ ઠાકોર ( બહુચરાજી )

  • બહુચરાજી શક્તિપીઠ ખાતે દશમનો ભવ્ય ઉત્સવ : 2 ઑક્ટોબરે મા બહુચરાજીને નવલખો હાર અર્પણ

    બહુચરાજી…

    નવરાત્રિ મહોત્સવના પાવન અવસર પર મહેસાણા જિલ્લાના બહુચરાજી શક્તિપીઠ ખાતે આ વર્ષે પણ દશમના દિવસે ભવ્ય ધાર્મિક ઉજવણી યોજાશે. 2 ઑક્ટોબર, ગુરુવારના રોજ મા બહુચરાજીને નવલખો હાર અર્પણ કરાશે.

    કાર્યક્રમોની રૂપરેખા:

    સવારે 7:30 કલાકે : નવરાત્રી (જવેરા) ઉખાણ વિધિ

    સવારે 10:30 કલાકે : ધજા નિશાન પૂજન

    બપોરે 4:00 કલાકે : દશેરાની પાલખી નીકળશે

    બપોરે 4:00 કલાકે જ : મા બહુચરાજીને નવલખો હાર અર્પણ

    નવલખો હાર અર્પણ કર્યા બાદ મંદિર ખાતે શમી વૃક્ષની પૂજા કરવામાં આવશે.

     ભક્તોમાં ઉત્સાહનો માહોલ

    દશેરાના દિવસે થનારા આ કાર્યક્રમને લઈ ભક્તોમાં ભારે ઉત્સાહ છે. સ્થાનિકો ઉપરાંત બહારગામથી મોટી સંખ્યામાં ભક્તો ઉમટી પડવાની શક્યતા છે.

     મંદિર પરિસરમાં વિશેષ વ્યવસ્થા

    ભક્તોની ભીડને ધ્યાનમાં રાખી પોલીસ તથા સેવાભાવી સંસ્થાઓ દ્વારા સુરક્ષા, પાણી, આરામ તથા માર્ગદર્શન જેવી સુવિધાઓ ઉભી કરવામાં આવી છે.

     ધાર્મિક માહોલમાં દિવ્ય ઉજવણી

    નવરાત્રિના આ પવિત્ર દિવસોમાં દરરોજ ભજન, કીર્તન અને આરતીના સ્વરો ગુંજતા રહે છે. દશેરાના દિવસે નવલખો હાર અર્પણ થતા માં બહુચરના ધામમાં દિવ્ય અને ભક્તિમય માહોલ સર્જાશે.

    અહેવાલ…પ્રદીપ ઠાકોર ( બહુચરાજી )

     

  • ઊંઝા ઉમિયાધામ ખાતે એકસાથે 1008 બહેનોએ કરી મહાઆરતી : દિવ્ય દ્રશ્યો સર્જાયા

    ઊંઝા: 

         નવરાત્રી મહોત્સવના પાવન અવસર પર ઊંઝામાં આવેલું પવિત્ર ઉમિયાધામ ધામ અનોખા ધાર્મિક કાર્યક્રમનું સાક્ષી બન્યું. મા ઉમિયાના ચાચર ચોક ખાતે બુધવારે આઠમના પર્વે એકસાથે 1008 બહેનોએ મહાઆરતી ઉતારી, જેના કારણે સમગ્ર વાતાવરણ ભાવભક્તિથી ઓતપ્રોત બની ગયું.

    ભક્તોની ઉમટી પડેલી ભીડ

    આ ભવ્ય પ્રસંગે ઉમિયાધામ ખાતે હજારોની સંખ્યામાં ભક્તો ઉપસ્થિત રહ્યા હતા. એકસાથે 1008 દીવાઓ પ્રગટાવી બહેનોએ જયારે આરતીનો આરંભ કર્યો, ત્યારે સમગ્ર ચાચર ચોક દિવ્ય પ્રકાશથી ઝળહળાઈ ઉઠ્યો હતો. આ અદ્ભુત દ્રશ્ય જોઈને ભક્તો ભાવવિભોર થઈ ગયા અને વાતાવરણમાં સતત “જય મા ઉમિયા” ના જયઘોષ ગુંજી ઉઠ્યા હતા.

     

    શ્રદ્ધા અને ભક્તિનો અનોખો પ્રતિક

    આ મહાઆરતીનું આયોજન મા ઉમિયા પ્રત્યેની ભક્તિ અને શ્રદ્ધાને વ્યક્ત કરવા માટે કરવામાં આવ્યું હતું. આ કાર્યક્રમ દ્વારા નવરાત્રીની ઉજવણીને એક અનોખો અને ઐતિહાસિક રંગ મળ્યો. એકસાથે બહેનોએ દીવાઓ પ્રગટાવી આરતી કરતા ઉમિયાધામનો ચાચર ચોક અનોખી ભક્તિભાવની અનુભૂતિ કરાવતો બન્યો.

    ભાગ્યે જ જોવા મળતો પ્રસંગ

    આ પ્રકારના પ્રસંગો ભાગ્યે જ જોવા મળે છે. બહેનો દ્વારા એકસાથે આરતી ઉતારવાની ઘટના હજારો ભક્તોના હૃદયમાં છાપ મૂકી ગઈ છે. ઘણા ભક્તોએ જણાવ્યું કે, “આવો દિવ્ય પ્રસંગ જીવનમાં એકવાર જોવા મળે છે. આ પળો અમર બની ગઈ.”

    ઉત્સાહ અને ઉમંગથી ભરપૂર નવરાત્રી

    નવરાત્રીના આઠમના પાવન અવસર પર યોજાયેલી આ ભવ્ય મહાઆરતીથી ઉમિયાધામમાં ઉજવણીનો માહોલ વધુ ઉમંગભર્યો અને દિવ્ય બન્યો હતો. મા ઉમિયાના ભક્તોએ આ કાર્યક્રમને ઐતિહાસિક ગણાવી પ્રસન્નતા વ્યક્ત કરી હતી.

  • બહુચરાજીમાં જીઆરડી જવાનની સતર્કતા કારણે ચોરીનો પ્રયાસ નિષ્ફળ, ચોર ઝડપાયો

    બહુચરાજી..

    ચોરી ના પ્રયાસ ને નિષ્ફળ બનાવવા બદલ પીઆઇ પી.એલ.વાઘેલાએ જીઆરડી જવાનનું સન્માન કર્યું

    મહેસાણા જિલ્લામાં બહુચરાજી ટાઉનમાં જીઆરડી યુનિટના જવાન બાબુભાઈ ખેંગારભાઈ રાઠોડની સતર્કતા અને બહાદુરીના કારણે બુધવારે રાત્રિના અંધકારમાં એક ચોરીનો પ્રયાસ નિષ્ફળ થયો હતો.

        પોલીસના સૂત્રો પાસેથી મળતી માહિતી પ્રમાણે, 29 – 30 સપ્ટેમ્બર ના રાતે લગભગ બે વાગ્યાની આસપાસ બાબુભાઈ રાઠોડ નાઇટ પેટ્રોલિંગ દરમિયાન ટાઉન વિસ્તારમાં ફરજ બજાવતા હતા. એ સમયે, ઠાકોર સેંધાજી નાથુજી, રહે.ઇન્દ્રપુરા, તાં. દેત્રોજ જી. અમદાવાદ, લોખંડની રોડ સાથે રાખી ટાઉન વિસ્તારમાં ૩ થી ૪ દુકાનના તાળાઓ તોડી ચોરી કરવાનો પ્રયાસ કરી રહ્યો હતો.જીઆરડી જવાન બાબુભાઈ રાઠોડે ચોરને રંગેહાથે પકડી, તેની ચોરીના પ્રયાસને નિષ્ફળ બનાવ્યો હતો. પોલીસે ચોર ઉપર ઝડપી કાર્યવાહી કરવામાં આવી છે અને અન્ય ચોરીઓ અંગે તપાસ ચાલી રહી છે.

        બહુચરાજી પોલીસ સ્ટેશન દ્વારા બાબુભાઈએ રાઠોડની નિષ્ઠા અને હિંમતની પ્રશંસા કરવામાં આવી છે. તેમના જાગ્રત રહેવાના કારણે ટાઉન વિસ્તારમાં સમાન્ય નાગરિકોની સુરક્ષા સુનિશ્ચિત થઈ અને ચોરીના પ્રયાસને સમયસર અટકાવવામાં આવ્યો છે.

    પોલીસ દ્વારા આ પ્રકારના ગુનાખોરીના કેસોમાં, નાગરિકો પણ સાવધ રહેવા અને કોઈ શંકાસ્પદ પ્રવૃત્તિ જણાય ત્યારે તાત્કાલિક પોલીસને માહિતી આપવાની અપીલ કરવામાં આવી છે.

  • કડીના કોઠારી વાસમાં ધારાસભ્ય રાજેન્દ્ર ચાવડા ગરબે ઘૂમ્યા – લોક સંપર્કનો અનોખો અંદાજ

    કડી.

        કડી શહેરમાં નવરાત્રી મહોત્સવની ધૂમધામ વચ્ચે ધારાસભ્ય રાજેન્દ્ર ચાવડાએ કોઠારી વાસ ખાતે ખેલૈયાઓની વચ્ચે ગરબા રમીને સૌનું દિલ જીતી લીધું. શહેરની પોળો અને ખડકીઓમાં આજે પણ પરંપરાગત નવરાત્રીનું આકર્ષણ જોવા મળે છે અને એ પરંપરાને જાળવી રાખવા ધારાસભ્યની ઉપસ્થિતિએ ઉત્સવને નવી ઊંચાઈ આપી.

      ધારાસભ્ય રાજેન્દ્ર ચાવડા સૌપ્રથમ માતાજીની આરતી ઉતારી અને ત્યારબાદ ખેલૈયાઓની વચ્ચે ઉતરીને ગરબે ઘૂમ્યા. સામાન્ય નાગરિકોની જેમ ખેલૈયાઓમાં સમાઈ જવાના તેમના આ સાદગીપૂર્ણ અંદાજે લોકહૃદયમાં એક અલગ છાપ ઊભી કરી. રાજકારણમાં ઘણી વાર આગેવાનો લોકોને દૂર લાગતા હોય છે, પરંતુ રાજેન્દ્ર ચાવડા જેવા લોકપ્રતિનિધિઓનો આ અંદાજ તેમને સીધા લોકોના હૃદય સુધી પહોંચાડે છે.

         આ પ્રસંગે કડીના નગરશેઠ દિલીપભાઈ પટેલ રાજા, રમેશ પટેલ આદુંદરા સહિતના અગ્રણીઓ ઉપસ્થિત રહ્યા હતા. આગેવાનોની ઉપસ્થિતિએ કાર્યક્રમને વધુ ભવ્યતા આપી, તેમજ સામાજિક-રાજકીય રીતે સંદેશ આપ્યો કે ઉત્સવમાં સૌ એકતા સાથે જોડાઈ રહ્યા છે.

     

    કડી શહેરની નવરાત્રીની વિશેષતા એ છે કે અહીં મોટા પંડાલ કે કલબ સાથેસાથે પોળો અને ખડકીઓમાં પણ ઉત્સવની રંગીન છટા જોવા મળે છે. કોઠારી વાસનો આ કાર્યક્રમ એ પરંપરા અને સંસ્કૃતિનો જીવંત દાખલો છે, જેમાં ધારાસભ્યની હાજરીએ ખેલૈયાઓનો ઉત્સાહ બેવડાયો હતો.

    રાજેન્દ્ર ચાવડાએ શહેરવાસીઓને નવરાત્રીની શુભેચ્છાઓ પાઠવી અને જણાવ્યું કે –. “નવરાત્રી એ માત્ર માધવની આરાધના જ નહીં, પરંતુ આપણી સંસ્કૃતિ અને એકતાનું પ્રતિક છે. ખેલૈયાઓ સાથે જોડાઈને મને અત્યંત આનંદ થયો છે. આવી પરંપરાઓ આપણને જોડતી રહે એ માટે સૌએ પ્રયાસ કરવો જોઈએ.”

        રાજકીય રીતે જોવામાં આવે તો ધારાસભ્ય દ્વારા જનસંપર્કનો આ અંદાજ તેમને લોકોમાં વધુ નજીક લાવતો સાબિત થઈ રહ્યો છે. તહેવારના માહોલમાં સીધા ખેલૈયાઓ સાથે જોડાવાથી તેઓએ લોકપ્રિયતા વધારવાનો સંકેત આપ્યો છે.

  • માદરે વતનનો મહિમા: ચુવાળ ડાંગરવા મુકામે ખપ્પર વાળી માતાજીના સાનિધ્યમાં આઠમનો દિવ્ય મહોત્સવ ઉજવાયો

    માદરે વતનનો મહિમા: ચુવાળ ડાંગરવા મુકામે ખપ્પર વાળી માતાજીના સાનિધ્યમાં આઠમનો દિવ્ય મહોત્સવ ઉજવાયો 

    ચુંવાળ ડાંગરવા:

    આસો માસની આઠમ… એટલે માત્ર એક તિથિ નહીં, પણ દેશ-વિદેશમાં વસતા ચુવાળ ડાંગરવા ગામના સંતાનો માટે માદરેવતન તરફ ખેંચી જતી એક શ્રદ્ધાની દોરી !!!

    વર્ષોની પરંપરાને જીવંત રાખતા, ચુવાળ ડાંગરવા મુકામે બિરાજમાન વર્ષો જૂની ખપ્પર વાડી માતાજીની માંડવી ખાતે ભવ્યાતિભવ્ય આઠમનો કાર્યક્રમ યોજાયો હતો.

    આ કાર્યક્રમમાં શ્રદ્ધા, સંસ્કૃતિ અને સંગઠનનો ત્રિવેણી સંગમ જોવા મળ્યો હતો.

    [the_ad id=”15601″]

    માદરેવતનની મમતા: દેશ વિદેશથી દોડી આવે છે સંતાનો….

    આઠમના આ પવિત્ર દિવસે, કડી, મહેસાણા, અમદાવાદ જેવાં મોટાં શહેરો અને અન્ય રાજ્યોમાં વસતા જ નહીં, પરંતુ વિદેશમાં સ્થાયી થયેલા ગામના પરિવારો પણ પોતાનું તમામ કામ પડતું મૂકીને માદરેવતન ની વાટપકડે છે .

    આ પાવનકારી અવસર પર સૌ ગ્રામજનોએ એકસાથે મળીને પોતાની કુળદેવી માતાજીને કાલાવાહલા કર્યા, ભાવભરી પ્રાર્થના કરી અને નૈવેદ્ય ધરાવ્યું.

    ભક્તિની સરવાણી અને દાતાઓની ઉદારતા

    સમગ્ર કાર્યક્રમનો મુખ્ય આકર્ષણનું કેન્દ્ર માતાજીની મહાઆરતી હતી. દેશી ઢોલ અને ઝાલરના નાદ સાથે થયેલી આ મહાઆરતીમાં દેશ-વિદેશથી આવેલા હજારો શ્રદ્ધાળુઓ જોડાયા હતા.

    હવામાં ગૂંજતા આરતીના સૂર અને ભક્તોના જયજયકારથી વાતાવરણ સંપૂર્ણપણે ભક્તિમય અને દિવ્ય બની ગયું હતું.

    આ ધાર્મિક ઉત્સવમાં ગામના દાતાઓએ પોતાની ઉદારતાનું ઉત્તમ ઉદાહરણ પૂરું પાડ્યું હતું. દર વર્ષની જેમ, આ વર્ષે પણ સેવા અને સમર્પણના ભાવ સાથે દાનની સરવાણી કરવામાં આવી હતી, જે ગામ પ્રત્યેની તેમની લાગણી અને જવાબદારીની ભાવના દર્શાવે છે. આ દાનનો ઉપયોગ ગામના ધાર્મિક અને સામાજિક કાર્યોમાં કરવામાં આવે છે.

    સદીઓ જૂની ધાર્મિક પરંપરા: “માતાજી બનવાની” વિધિ

    આ કાર્યક્રમનો સૌથી ગૌરવશાળી અને રોમાંચક ક્ષણ આરતી બાદની પરંપરાગત વિધિ હતી.

    જે ભક્તોએ વર્ષોથી માતાજીની માનતા લીધી હોય છે, તે લોકો ધાર્મિક વિધિ બાદ માતાજી બને છે. આ વિધિમાં ભક્તો વિવિધ પૌરાણિક પાત્રો – જેમ કે માતાજી, ઇન્દ્ર, ભૈરવ –નું સ્વરૂપ ધારણ કરે છે.

    આ પાત્રો દ્વારા અપાતા આશીર્વાદ અને તેમના દર્શન કરવા માટે દૂર-દૂરથી ભક્તો ખાસ આવે છે. આ દિવ્ય દૃશ્ય માત્ર એક ધાર્મિક નથી, પરંતુ ગામની સદીઓ જૂની સંસ્કૃતિ અને શ્રદ્ધાનો એક જીવંત વારસો છે.

    ચુવાળ ડાંગરવા ગામમાં આઠમના આ પર્વે એકતા, શ્રદ્ધા અને સંસ્કૃતિનો અનેરો માહોલ છવાયો હતો, જે આવનારી પેઢીઓ માટે પણ એક ગર્વની વાત છે.

    [the_ad id=”15324″]અમે આશા રાખીએ છીએ કે આ સમાચાર તમારી ચેનલ પર દર્શકોને ગમશે. આવા વધુ સમાચાર માટે જોતા રહો: Samachar Diary X 24 !!!

    [the_ad id=”15602″] (more…)

  • કડી સહિતના વિસ્તારોમાં પાર્ટીપ્લોટો માં કોમર્શિયલ ગરબા – ટિકિટ લેવાય છે પરંતુ ટેક્સ માં ગોટાળો કરનારા આયોજકો વિરુદ્ધ કાર્યવાહી કરવા માંગ

       મનોરંજન કર,જીએસટી સહિતના કરમાં કરી રહ્યા છે ચોરી

     કડી ..

          નવરાત્રીનો ઉત્સવ ગુજરાતની ઓળખ છે. પરંતુ કડી સહિતના વિસ્તારોમાં છેલ્લા કેટલાંક વર્ષોથી પાર્ટી પ્લોટોમાં થતા કોમર્શિયલ ગરબાને લઈને ગંભીર સવાલો ઉઠી રહ્યા છે. આયોજકો ઊંચા દરે ટિકિટ વેચે છે, પરંતુ Entertainment Tax, GST સહિતના કાયદેસર ટેક્સ ચૂકવ્યા વિના હજારો – લાખોની કમાણી કરે છે.

     ટિકિટનો ધંધો – ટેક્સનો ભંગ

        સ્થાનિક સૂત્રોના જણાવ્યા મુજબ   એક ટિકિટનો દર ₹300 થી ₹2000 સુધી વસૂલાય છે. VIP પાસ અને Sponsorship થી વધારાની કમાણી થાય છે છતાં મોટાભાગના આયોજકો કાયદેસર ટેક્સ જમા કરતા નથી.

    કાયદા અનુસાર નિયમો શું કહે છે?

    Gujarat Entertainment Tax Rules, 1977 મુજબ કોઈપણ કોમર્શિયલ ઇવેન્ટ (ગરબા, ડ્રામા, શો) પર 15% સુધી Entertainment Tax વસુલવો ફરજિયાત છે.

    GST Act, 2017 મુજબ ટિકિટ પર જો દર ₹250થી વધુ હોય તો 28% GST લાગુ પડે છે.

    Municipal Rules મુજબ પાર્ટીપ્લોટ પર કોમર્શિયલ ઈવેન્ટ માટે લાઈસન્સ ફી + ફાયર NOC + પોલીસ પરમિશન જરૂરી છે.

       કડી અને આસપાસના વિસ્તારોમાં મોટા ભાગના આયોજકો આ પૈકી કોઈપણ ટેક્સ ચૂકવતા નથી, જેના કારણે સરકારને દર વર્ષે લાખોનું નુકસાન થાય છે.

       નાગરિકોનો અવાજ

        “દુકાનમાં નાના બિલ પર પણ GST ભરવો પડે છે, પરંતુ પાર્ટીપ્લોટ આયોજકો કરોડો કમાઈને ટેક્સ ટાળી જાય છે. આ ન્યાય છે?” – કડી ના વેપારી.

    👉 “અમે પરિવાર સાથે ગરબા જોવા જઈએ તો ચાર જણાનો ખર્ચ હજારોમાં જાય છે. પરંતુ એમાંથી સરકારને એક રૂપિયો પણ નથી મળતો.” – કડીની ગૃહિણી.

    👉 “ગરબા હવે ભક્તિનો ઉત્સવ નહીં, પૈસાનો બજાર બની ગયો છે.” – કડીના યુવાનો.

    🚨 મુખ્ય ગોટાળા

    1.ટેક્સ વગર કમાણી – Entertainment Tax અને GST બંનેનો ભંગ.

    2.પરમિશન વિના કાર્યક્રમ – ઘણાં આયોજકો પાસે ફાયર NOC કે મ્યુનિસિપલ મંજૂરી જ નથી.

    3.અવાજ પ્રદૂષણ – Noise Pollution Rules, 2000 મુજબ રાત્રે 10 પછી ડી.જે. પર પ્રતિબંધ છે, છતાં પાર્ટીપ્લોટમાં 12 વાગ્યા સુધી શો ચાલે છે.

    4.ટ્રાફિક અને સુરક્ષા જોખમ – ભારે ભીડ છતાં પાર્કિંગ અને સિક્યુરિટી માટે નિયમોનું પાલન થતું નથી.

        ઉકેલ શું?

    1. ટિકિટ આધારિત ગરબાનો ઓડિટ ફરજિયાત – તમામ આયોજકોને આવક–ખર્ચ જાહેર કરવો પડે.

    2. GST અને Entertainment Tax કડક વસુલાત – Commercial GST વિભાગ અને મ્યુનિસિપલ ટીમો અચાનક ચેકિંગ કરે.

    3. પરમિશન વિના ઇવેન્ટ પર તાત્કાલિક રોક – પોલીસ અને મ્યુનિસિપલ સંયુક્ત કાર્યવાહી કરે.

    4. ટિકિટ રેટ પર અંકુશ – સામાન્ય નાગરિકોને ધ્યાનમાં રાખીને મહત્તમ ₹100–₹200 નક્કી થાય.

    5. નાગરિક ફરિયાદ સેલ – ઓનલાઇન પોર્ટલ/હેલ્પલાઈન દ્વારા તાત્કાલિક ફરિયાદ કરવાની સુવિધા.

    તંત્રી સ્થાને..

    કડી સહિતના વિસ્તારોમાં કોમર્શિયલ ગરબા ઉત્સવથી વધારે ટેક્સ ચોરીનો મોટો ધંધો બની ગયા છે. આયોજકો હજારો–લાખો રૂપિયાની કમાણી કરે છે, પરંતુ સરકાર સુધી એક પૈસો પણ પહોંચતો નથી.

    લોકોની સ્પષ્ટ માંગ..

    👉 “ગરબા દરેક માટે હોવા જોઈએ, પરંતુ ટેક્સ ચોરી અને કાળા ધંધો બંધ થવો જોઈએ.”

  • કડીમાં ગેરકાયદેસર ફટાકડાની દુકાન ખોલનાર વિરુદ્ધ થશે કાર્યવાહી

    કડી માં ગેરકાયદેસર ફટાકડાની હાટડીઓ ખોલનાર ની ખેર નથી

           કડી શહેર અને આસપાસ ના વિસ્તારોમાં દિવાળી તહેવાર ટાણે ફટાકડાની હાટડીઓ બિલાડીના ટોપ ની જેમ ખુલી જતી હોય છે. બે પાંચ પૈસા કમાવવાની લ્હાય માં નિર્દોષ લોકોના જીવ જોખમમાં મૂકતા હોય છે.મોટા ભાગની હાટડીઓ સુરક્ષા નિયમોનું પાલન કર્યા વિના જ ચલાવવામાં આવતી હોવાની માહિતી તંત્ર સુધી પહોંચી છે જેના પગલે આ વખતે સરકારે કડક વલણ અપનાવ્યું છે.વારંવાર થતી આગની ઘટનાઓના કારણે સરકાર તથા સ્થાનિક તંત્ર સાતેક થઈ ગયા છે .ગત વર્ષ બનાસકાંઠા ના ડીસા ખાતે આવેલી ફટાકડાની ફેક્ટરીમાં આગ લાગી હતી જેમાં 21 જેટલા મજૂરોના મોત થયા હતા અને સરકાર ની કામગીરી ઉપર આક્ષેપ થયા હતા.આ દુર્ઘટના પછી સરકારે ખાસ SOP (સ્ટાન્ડર્ડ ઓપરેટિંગ પ્રોસીજર) જાહેર કરી હતી જેમાં સુરક્ષા તથા આગ નિયંત્રણ ના નિયમો ફરજિયાત કરવામાં આવ્યા હતા.

    SOPના નિયમોનું કડક પાલન ફરજિયાત

       સરકારે સ્પષ્ટ જણાવ્યું છે કે SOP મુજબના નિયમોનું પાલન કર્યા વિના કોઈપણ વેપારીને હંગામી ફટાકડાના સ્ટોલ માટે લાયસન્સ આપવામાં આવશે નહીં. ખાસ કરીને આગ બુઝાવવાના સાધનો, પૂરતી અંતરવ્યવસ્થા, સલામતીના ઉપાયો તથા મંજૂરીયુક્ત સંગ્રહ જગ્યા હોવી ફરજિયાત ગણાશે.

    કડીમાં ગેરકાયદેસર સ્ટોલ અને ગોડાઉન

        કડીમાં દર વર્ષે દિવાળી નજીક આવતા જ ફટાકડાની દુકાનો સુરક્ષા નિયમોને અવગણીને ચાલવા લાગે છે. ગત વર્ષે કડી પોલીસે એક ગેરકાયદેસર ગોડાઉનમાંથી મોટા પાયે ફટાકડાનો જથ્થો ઝડપી પાડ્યો હતો. આ વર્ષે આવી ઘટનાઓ પુનરાવર્તિત ન થાય તે માટે પોલીસ, નગરપાલિકા તથા જિલ્લા પ્રશાસન સક્રિય બની ગયું છે.

    મંજૂરી વિના દુકાન લગાવનાર વિરુદ્ધ કડક કામગીરી

          પ્રશાસન તરફથી સ્પષ્ટ ચેતવણી આપવામાં આવી છે કે “પૂર્વ મંજૂરી વિના ફટાકડાનો સંગ્રહ કરનાર અથવા ગેરકાયદેસર રીતે સ્ટોલ ચલાવનાર વિરુદ્ધ તાત્કાલિક કાયદેસર કાર્યવાહી કરવામાં આવશે. લોકોની સલામતી સાથે સમજૂતી નહીં કરવામાં આવે.”

    સ્થાનિકોમાં ઉગ્ર રોષ

        તંત્રની આ કાર્યવાહીથી કડીમાં ગેરકાયદેસર દુકાન લગાવનાર વેપારીઓમાં ચિંતા જોવા મળી રહી છે, જ્યારે સ્થાનિક નાગરિકો સરકારના નિર્ણયનું સ્વાગત કરી રહ્યા છે. નાગરિકોનું કહેવું છે કે સુરક્ષાના અભાવે થતા આગના બનાવોમાં માનવીય જાનહાનિ અટકાવવા માટે આ પગલું અત્યંત જરૂરી છે. લોકોમાં આવા પૈસા પાછળ દોડતા વેપારીઓ સામે ઉગ્ર રોષ જોવા મળી રહ્યો છે.

    ફટાકડાની દુકાનો માટે ફરજિયાત સલામતી નિયમો

    1. આગ બુઝાવવાના સાધનો (Fire Extinguisher) હોવા જોઈએ

    2. દુકાનો વચ્ચે પૂરતું અંતર રાખવું ફરજિયાત

    3.વીજ વાયરિંગ યોગ્ય રીતે ફીટ કરેલું હોવું જોઈએ

    4. ફટાકડાનો જથ્થો મંજૂરીયુક્ત મર્યાદા કરતાં વધારે ન હોવો જોઈએ

    5.સ્ટોલમાં ખુલ્લી અગ્નિ (દીવો, સિગારેટ, સ્ટોવ) સંપૂર્ણ પ્રતિબંધિત

    6.સ્ટાફને પ્રાથમિક અગ્નિશામક તાલીમ આપવી જરૂરી

    7. દુકાનદાર પાસે જરૂરી લાયસન્સ તથા દસ્તાવેજો હોવા ફરજિયાત

  • મહેસાણા અર્બન કો-ઓપરેટિવ બેંકના CEO વિનોદ પટેલની ધરપકડ CID ક્રાઈમ દ્વારા કાર્યવાહી, રૂ.64 કરોડ લોન કૌભાંડની તપાસ શરૂ

    મહેસાણા:

    મહેસાણા અર્બન કો-ઓપરેટિવ બેંકના CEO વિનોદ પટેલને CID ક્રાઈમ દ્વારા ધરપકડ કરવામાં આવી છે. બેંકમાંથી બિજલ મહેતા અને તેની પત્ની અમન મહેતાની માલિકીની કંપનીઓ – બાગેશ્રી ઇન્ફ્રા અને ઓમ ઇન્ફ્રાના નામે કરોડો રૂપિયાની લોન મંજૂર કરવામાં આવી હોવાનું સામે આવ્યું છે.

    2016 થી 2023 દરમ્યાન લેવામાં આવી 64 કરોડની લોન

    આરોપ મુજબ વર્ષ 2016 થી 2023 દરમ્યાન બેંકમાંથી કુલ રૂ.64 કરોડની લોન આપવામાં આવી હતી. આ લોન મંજૂરી દરમિયાન RBIની ગાઇડલાઇનનો ભંગ કરવામાં આવ્યો હોવાનો આક્ષેપ છે.

    મેળાપીપણામાં આપી લોન

    CEO વિનોદ પટેલે બિજલ મહેતા સાથેના મેળાપીપણાના કારણે લોન મંજૂર કરી, એવો આરોપ છે. જેના કારણે બેંકના નિયમો તથા પ્રક્રિયાનો ભંગ થયો હોવાની જાણકારી બહાર આવી છે.

    વધુ ધરપકડો

    આ કેસમાં ગાંધીધામ શાખાના મેનેજર પી.ટી. પટેલની પણ ધરપકડ કરવામાં આવી છે. હાલ સમગ્ર કૌભાંડની CID ક્રાઈમ તપાસ કરી રહી છે.

  • જોટાણા તાલુકા પંચાયત ના વિરોધ પક્ષના નવા નેતા ચિરાગ પટેલ સાંથલ | કોંગ્રેસ પક્ષનો મોટો નિર્ણય

     

            મહેસાણા જિલ્લાના જોટાણા તાલુકા પંચાયતમાં કોંગ્રેસે મોટો દાવ ખેલ્યો છે.આગામી સમયમાં આવનાર ચૂંટણી ને ધ્યાનમાં લેતા પાટીદાર યુવા નેતા ચિરાગ પટેલ ને વિરોધ પક્ષના નેતા તરીકે કમાન સોંપતા કોંગ્રેસી કાર્યકરોમાં ઉત્સાહ જોવા મળી રહ્યો છે.

     

    જોટાણા તાલુકા પંચાયત ની સાંથલ સીટ માં સૌથી નાની ઉમરે ઉમેદવારી કરી કોંગ્રેસ ના તાલુકા સદસ્ય તરીકે ચૂંટાઈ આવેલા ચિરાગ પટેલ જોટાણા પંથકમાં નામચીન ચહેરો છે. વ્યવસાયે વકીલ અને બિલ્ડર એવા ચિરાગ પટેલ ઉદાર દાનવીર પણ છે.ગરીબો અને બેસહારા લોકોને મદદ કરવા અડધી રાત્રે પણ પહોંચી ગયા હોવાના કેટલાય કિસ્સા લોકોમાં ચર્ચાઈ રહ્યા છે.ગરીબો અને વંચિતો માટે લડનાર ચિરાગ પટેલ ને નવી જવાબદારી મળતા હવે જોટાણા તાલુકા કોંગ્રેસમાં નવા પ્રાણ પુરાયા છે.હવે આગામી સમયમાં ચિરાગ પટેલ તાલુકાની જનતા ના હિત માટે કેવા કાર્યો કરે છે તે ઉપર લોકોની નજર છે.કોંગ્રેસ પક્ષના નવા નિર્ણય ના કારણે અત્યારે હાલ તો તાલુકા ના લોકો અને કોંગ્રેસ પક્ષમાં કાર્યકરોમાં ખુશી ની લાગણી જોવા મળી રહી છે.