samachardiary24x7.in

Category: રાજ્ય

  • તોડબાજ પીએસઆઇ સસ્પેન્ડ – વડનગર પોલીસ સ્ટેશનના PSI એસ. એમ .પરમાર જુગાર કેસ મુદ્દે કરાયા સસ્પેન્ડ

    રેન્જ આઇજી ની તપાસમાં ડબ્બા ટ્રેડિંગ નો કેસ જુગાર નો બતાવી 15 લાખનો તોડ કર્યો હતો

     

        વડનગર પોલીસ સ્ટેશનમાં ઘણા સમય થી કેટલાક પોલીસ કર્મચારીઓ તોડ પાણી કરતા હોવાની ફરિયાદ ઉઠવા પામી હતી પરંતુ કોઈ ખુલી ને બોલવા તૈયાર નહોતું.વડનગર પોલીસ સ્ટેશનમાં કાળા રંગની થાર ગાડીમાં ફરતા PSI એસ એમ પરમાર નો વટ પણ જોવા જેવો હતો.પોતે ગર્ભ શ્રીમંત હોવાની વાત કરી લાખો રૂપિયાની ગાડીમાં ફરતા PSI એસ એમ પરમાર નો દાવ ઊંધો પડતા રેન્જ આઇજી ની તપાસમાં તેમણે 15 લાખ રૂપિયાનો તોડ કર્યો હોવાની વિગતો સામે આવતા PSI ને અત્યારે હાલ તો સસ્પેન્ડ કરી દેવામાં આવ્યા છે.

     

     

    વડનગર ના કહીપુર માં PSI પરમાર ની ટીમ દ્વારા રેડ કરવામાં આવી હતી જેમાં ડબ્બા ટ્રેડિંગ કરતા નવ ઇસમો ઝડપાઈ ગયા હતા. ડબ્બા ટ્રેડિંગ ના ગુનામાં જલ્દી જામીન મળતા નથી તેવામાં PSI પરમાર નો તોડબાજ જીવ ચમક્યો અને ઝડપાયેલા આરોપીઓને ડર બતાવી ડબ્બા ટ્રેડિંગ ના બદલે જુગાર નો કેસ બતાવી દીધો અને તેમના મોંઘા મોબાઈલ પરત આપી તેમની પાસે થી 15 લાખ રૂપિયાનો તોડ કરી લીધો.15 લાખ રૂપિયા નો તોડ કરી PSI પરમાર મસ્ત નિંદ્રા માણી રહ્યા હતા તેવામાં કોઈએ રેન્જ આઇજી વીરેન્દ્ર યાદવ સમક્ષ તોડ ની માહિતી આપી દીધી જેથી રેન્જ આઇજી દ્વારા LCB ના પીઆઇ એન.આર.વાઘેલા ને સમગ્ર વિગત ની તપાસ સોંપતા પરમાર દ્વારા 15 લાખ રૂપિયાનો તોડ કર્યો હોવાની વાત પુરવાર થઈ જતા પરમાર ને સસ્પેન્ડ કરી દેવામાં આવ્યા હતા.

  • રાજપુર ઇન્દ્રાડ રોડ ઉપર જુગાર રમતા સાત ઇસમો ઝડપાયા

    ખેતરમાં ખુલ્લી જગ્યામાં હારજીત નો ચાલી રહ્યો હતો જુગાર

       કડી તાલુકાના નંદાસણ પોલીસે રાજપુર ઇન્દ્રાડ રોડ ઉપર વિશાલ કન્ટેનર કંપનીની સામે ખેતરમાં જુગાર રમતા સાત જુગારીયાઓ ને રંગે હાથ ઝડપી પાડવામાં સફળતા મેળવી છે.નંદાસણ પોલીસે સાત જુગારિયા ઓ સહિત રૂ.13200 નો મુદ્દામાલ જપ્ત કર્યો છે.

     

    ઝડપાયેલા જુગારીઓ 

     1.રજબમિયા ઉર્ફે રજુ રહીમ મીયા કુરેશી

    2. અતાઉલ્લાહ ખાન કાલુખાન પઠાણ

    3. આરીફ મિયાં નાસીરમીયા શેખ

    4. નિયાજ મીયા સરફૂ મીયા કુરેશી

    5. અબ્દુલ મીયા કાલુ મીયા કુરેશી

    6. ઇમરાન મીયા મુમરેજ મીયા કુરેશી

    7. અયુ મીયા ફરીજ મીયા કુરેશી 

    8. સુલતાન બાદર મીયા મલેક

    તમામ રહે.રાજપુર

  • કડી વિસ્તારના બે બ્રિજ અકસ્માત ની જોઈ રહ્યા છે રાહ :- રોજના હજારો લોકો કરે છે અવરજવર

    નિર્દોષ લોકોના ભોગ બાદ તંત્ર હરકતમાં આવશે કે શું ??

    વડોદરા અને આણંદ વચ્ચે આવેલ મહીસાગર નદી ઉપર નો આશરે 45 વર્ષ જુનો ગંભીરા બ્રિજ ના બે ટુકડા થઈ જતા આશરે 15 જેટલા નિર્દોષ લોકોએ જીવ ગુમાવ્યો હતો.બ્રિજ તૂટી પડવાની દુર્ઘટના થી અંગે ગુજરાત તેમજ દેશની અંદર ચકચાર મચી ગઇ છે.

     

    બ્રિજ તૂટી પડવાની ઘટના થી સરકાર ઉપર માછલા ધોવાઈ રહ્યા છે તેવામાં વર્ષો થી કેટલાય બ્રિજ સમારકામ ની રાહ જોઈ રહ્યા છે.ગંભીરા બ્રિજ ની દુર્ઘટના બાદ કદાચ તંત્ર જાગશે કે નહીં તે મોટો સવાલ છે ત્યારે અત્યારે પણ કડી વિસ્તારના બે બ્રિજ એવા છે જે એટલી ખરાબ હાલતમાં છે કે ગમે ત્યારે દુર્ઘટના ઘટી શકે છે.

    1.રંગપુરડા અને બોરીસણા વચ્ચે આવેલો નર્મદા કેનાલ નો બ્રિજ

     

    કડી થી સાણંદ વાળા હાઈવે ઉપર બોરીસણા અને રંગપુરડા વચ્ચે સૌરાષ્ટ્ર શાખાની નર્મદા કેનાલ ઉપર આવેલો બ્રિજ બિસ્માર હાલતમાં છે.વર્ષો પહેલા બનેલા નર્મદા વિભાગ દ્વારા બનાવવામાં આવેલા બ્રિજ ની નીચે સળિયા દેખાઈ રહ્યા છે તેમજ બ્રિજ નો એક છેડો બેસી ગયો છે તેમજ બ્રિજ પ્રોટેક્શન દિવાલ પણ તૂટી ગયેલી હાલત માં જોવા મળી રહી છે.બ્રિજ ની ખરાબ હાલત બાબતે કેટલીય વાર સરકારી ઓફિસો માં રજૂઆત થઈ છે પરંતુ નર્મદા કે અન્ય વિભાગ ના અધિકારીઓ ઘોર નિંદ્રામાં પોઢી રહ્યા છે.

     

    2.કડી થી દેઉસણા જવાનો નર્મદા કેનાલ ઉપર નો ઓગળનાથ પાસેનો બ્રિજ

      કડી શહેર થી દેઉસણા જવા ના રસ્તા ઉપર ઓગળનાથ મહાદેવ ની બાજુમાં નર્મદા કેનાલ ઉપર નો બ્રિજ પણ ખખડધજ હાલતમાં છે.બ્રિજ ઉપર સળિયા દેખાઈ રહ્યા છે તેમજ બ્રિજ માં જગ્યા હોવાનું તેમજ તિરાડો જોવા મળી રહી છે. લોકો અત્યારે બ્રિજ ઉપર થી નીકળતા ડરી રહ્યા છે પરંતુ કમને ત્યાંથી પસાર થવા મજબૂર બન્યા છે.

  • હત્યાના પાંચ અને દુષ્કર્મ નો એક એમ કુલ છ બાળ આરોપી ગાર્ડ ને ધક્કો મારી થયા ફરાર

    દોઢ વર્ષમાં મહેસાણા બાળ ઓબ્ઝર્વેશન હોમમાંથી બાળ ગુનેગારો ભાગી જવાની ત્રીજી ઘટના

    મહેસાણા શહેર ખાતે આવેલા બાળ ઓબ્ઝરવેશન હોમમાંથી હત્યાના પાંચ અને દુષ્કર્મ ના ગુનાનો એક આરોપી મળી કુલ છ આરોપી ગાર્ડ ને ધક્કો મારી ભાગી જવાની ઘટના સામે આવતા કેટલાય સવાલો પેદા થયા છે.

       શહેરના રાધનપુર ચોકડી નજીક આવેલા બાળ ઓબ્ઝર્વેશન માંથી બાળ ગુનેગારો ભાગી જવાની દોઢ વર્ષમાં આજે ત્રીજી ઘટના છે. બુધવારે સવારે હોમનો દરવાજો ખુલતા છ બાળ ગુનેગારો સિક્યુરિટી ને ધક્કો મારી મગપરા ના રસ્તે ભાગી છૂટ્યા હતા.ગંભીર ગુનામાં ઝડપાયેલા બાળ ગુનેગારો ભાગી જતા સ્થાનિક પોલીસ તંત્ર દોડતું થઈ ગયું હતું.

        મહેસાણા ના બાળ ઓબ્ઝર્વેશન માંથી બાળ આરોપીઓ ભાગવાનો સિલસિલો અત્યારનો નથી છેલ્લા દોઢ વર્ષમાં ત્રણ વખત આરોપીઓ સિકયુરિટી ને થાપ આપી ભાગી છૂટ્યા છે તેનું એક માત્ર કારણ છે સિકયુરિટી કંપનીની અણઆવડત.મહેસાણા બાળ ઓબ્ઝર્વેશન ખાતે 60 બાળ આરોપીઓને સુધારણા માટે રાખવામાં આવેલા છે જેની સિક્યુરિટી જવાબદારી વીર સિકયુરિટી નામની ખાનગી એજન્સી પાસે છે પરંતુ વીર સિકયુરિટી ના કારણે ગણતરીના સમયમાં ત્રણ ઘટનાઓ સામે આવતા સિકયુરિટી એજન્સી સામે પણ સવાલો પેદા થઈ રહ્યા છે.

    વીર સિકયુરિટી એજન્સી નું માલિક કોણ ?? નિષ્કાળજી છતાં અત્યાર સુધી કોઈ પગલા કેમ નથી લેવાતા ??

       મહેસાણા બાળ ઓબ્ઝર્વેશન માંથી છેલ્લા દોઢ વર્ષમાં ત્રણ વખત ગંભીર ગુનાના બાળ આરોપીઓ ભાગી છૂટવાની ઘટના સામે આવી છે.ગુનાઓમાં ઝડપાયેલા આરોપીઓને અહીં સુધારણા માટે રાખવામાં આવેલા છે પરંતુ સિકયુરિટી ની નિષ્કાળજી થી સમયાંતરે આરોપીઓ ભાગી જવાની ઘટના બને છે અને સ્થાનિક પોલીસ મહામહેનતે આરોપીઓને શોધી ને લાવે છે.આટઆટલી નિષ્કાળજી છતાં અત્યારસુધી કેમ વીર સિકયુરિટી સામે કોઈ પગલા લેવાયા નથી કે તેનો કોન્ટ્રાક્ટ રદ કરવામાં આવ્યો નથી.આ વખતે સમાજ સુરક્ષા અધિકારીએ એજન્સી રદ કરવાની વાત તો કરી છે પરંતુ અત્યાર સુધી કેમ કોઈ પગલા લેવાયા નથી તે મોટો પ્રશ્ન છે.શું વીર એજન્સી માં એવા કોઈ વગદાર માલિક કે ભાગીદાર છે કે અત્યાર સુધી તેના ઉપર કોઈ એકશન લેવામાં આવી નથી.

  • કડી શહેરમાં લોકોના જીવ જોખમમાં :– મેડિકલ માફીયાઓ કડી શહેરમાં બન્યા બેફામ

      કડી શહેરમાં વધુ એક વાર મેડિકલ માફીયાઓ બેફામ બન્યા હોવાના દ્રશ્યો સામે આવ્યા છે.સામાન્ય લોકોના જીવ સાથે ચેડા કરતા આવા ઇસમો સામે કડક કાર્યવાહી ની લોકમાંગ ઊઠી છે

       સમગ્ર ઉત્તર ગુજરા કડી શહેર ની ગણના વિકાસશીલ શહેર તરીકે થઈ રહી છે.કડી શહેરમાં આરોગ્ય,શિક્ષણ,વેપાર ની પુષ્કળ સુવિધાઓ મળી રહે છે જેથી કડી,બહુચરાજી,જોટાણા,વિરમગામ દેત્રોજ સહિતના તાલુકાના ગામડાના લોકો ધીમધીમે કડી શહેરમાં વસવાટ માટે આવી રહ્યા છે પરંતુ કેટલાક ઇસમોના લીધે શહેરનો માહોલ બગડી રહ્યો છે.કડી શહેર આરોગ્ય માટે પણ જાણીતું છે અહીં મોટી મોટી હોસ્પિટલ અને ખ્યાતનામ તબીબો ની કીર્તિ સમગ્ર ઉત્તર ગુજરાતમાં જાણીતી છે.

       કડી શહેરમાં થોડા સમય થી મેડિકલ માફીયાઓ બેફામ બન્યા હોવાના દ્રશ્યો સામે આવી રહ્યા છે.વધુક એક વાર મેડિકલ વેસ્ટ કચરાના ઢગલામાંથી મળતા આરોગ્ય વિભાગ ની કામગીરી શંકાસ્પદ દેખાઈ રહી છે.કડી શહેરના બસ સ્ટેન્ડ નજીક વિવિધ દવાખાના આવેલા છે જેને ડોક્ટર હાઉસ તરીકે ઓળખાય છે.થોડા સમય અગાઉ ડોક્ટર હાઉસ પાસે કચરાના ઢગલામાંથી મેડિકલ વેસ્ટ મળી આવ્યો હતો ત્યારબાદ ફરીવાર ડોક્ટર હાઉસમાંથી કચરાના ઢગલામાંથી મેડિકલ વેસ્ટ મળી આવ્યો છે.કચરાના ઢગલામાંથી મોટી માત્રામાં દવાઓની બાટલીઓ,ઉપયોગમાં લેવાયેલા ઇન્જેક્શન મળી આવ્યા છે.

       સરકાર દ્વારા મેડિકલ વેસ્ટ ના નિકાલ માટે પરિપત્ર બહાર પાડી SOP બનાવવામાં આવી છે પરંતુ કેટલાક મેડિકલ માફિયા પોતાના અંગત આર્થિક ફાયદાસારુ મેડિકલ વેસ્ટ નો નિકાલ કરવાની જગ્યાએ જ્યાં ત્યાં કચરાના ઢગલામાં ફેકી લોકોના જીવ સાથે રમત કરી રહ્યા છે.આવા લોકો સામે કડક કાર્યવાહી કરવા કડી શહેરમાં લોકમાંગ ઉઠવા પામી છે.

    સામાન્ય લોકોના જીવ સાથે રમત કરતા મેડિકલ માફિયા સામે કાર્યવાહી ક્યારે ???

       કડી શહેરમાં જાહેરમાં કે કચરાના ઢગલામાંથી મેડિકલ વેસ્ટ મળી આવવો તે સામાન્ય બાબત બની ગઈ છે.મેડિકલ માફિયાઓએ પોતાના નજીવા રૂપિયા બચાવવા લોકોના જીવન સાથે ચેડા કરવાનું પણ ચૂકતા નથી.આરોગ્ય વિભાગ અને વહીવટી તંત્ર ની બિન અસરકારક કામગીરી ના કારણે આવા મેડિકલ માફીયાઓ બેફામ બન્યા છે.સમયાંતરે જાહેર માં મેડિકલ વેસ્ટ ફેકી લોકોના જીવન સાથે રમત કરતા માફિયાઓએ સામે કડક કાર્યવાહી થશે કે આરોગ્ય વિભાગ અને શહેરનું વહીવટીતંત્ર ફક્ત તપાસ નું નાટક કરી આવા ઇસમોને છાવરી લેશે તે તો જોવાનું રહ્યું.

  • Caught Liquer By Kadi Police:- બંધ ગોડાઉનમાં રાખેલો લાખો રૂપિયાનો વિદેશી દારૂ ઝડપી પાડતી કડી પોલીસ

    પીઆઈ એ એન સોલંકી ના સઘન પેટ્રોલિંગ થી તહેવારો માં વિચાર અર્થે રાખેલો જથ્થો ઝડપાયો

    કડી શહેર સમગ્ર જિલ્લામાં ક્રાઈમ હબ તરીકે ઓળખાય છે અને કડી પંથકમાં અસમાજિક ઇસમો દરરોજ કંઈક નવા ગુનાઓ આચરતા હોય છે એટલેજ કડી પોલીસ મથક એ જિલ્લામાં સૌથી વધુ વ્યસ્તતા વાળું પોલીસ મથક કહેવાય છે.ક્રાઈમ નુ હબ ગણાતા કડી શહેરમાં પીઆઈ એ એન સોલંકી ની નિમણૂક બાદ ક્રાઇમ રેટ ઓછો થઈ રહ્યો હોવાનું સ્પષ્ટ દેખાઈ રહ્યું છે તેનું કારણ છે પીઆઇ એ એન સોલંકી ની કડકાઈ અને સઘન પેટ્રોલિંગ.

          કડી પીઆઈ એ એન સોલંકી દ્વારા કડી પંથકને ક્રાઈમ ફ્રી બનાવવાનો ભગીરથ પ્રયાસ હાથ ધરવામાં આવ્યો છે જે અંતર્ગત દિવસ અને રાત્રિ નું સઘન પેટ્રોલિંગ,પોલીસ કર્મચારીઓ ને ફરજિયાત પણે વિસ્તારમાં પેટ્રોલિંગ ના લીધે કડી પંથકમાં ધીમે ધીમે ક્રાઈમ ઓછો થઈ રહ્યો છે અને અસામાજિક તત્વો કડી શહેર છોડીને અન્યત્ર જતા રહ્યા છે.કડી પોલીસ ના સઘન પેટ્રોલિંગ ના લીધે કડી પોલીસે તહેવારો નિમિતે વેચાણ માટે એકઠો કરાયેલો વિદેશી દારૂનો જથ્થો ઝડપી પાડી અસરકારક કામગીરી કરી છે.વિગતો અનુસાર કડી પીઆઈ સહિતનો સ્ટાફ પેટ્રોલિંગ માં હતો ત્યારે કડી છત્રાલ રોડ ઉપર આવેલ બુડાસણ આઇકોન ઇન્ડસ્ટ્રીયલ પાર્કમાં આવેલા 7 માં ગોડાઉન વિદેશી દારૂનો જથ્થો સંગ્રહ કરી રાખ્યો હોવાની ખાનગી માહિતી કડી પોલીસના રાકેશસિંહ અને દેવદ્રસિંહ ને મળી હતી જે અંતર્ગત તેઓએ રેડ કરી ગોડાઉનમાં સંગ્રહ કરી રાખેલો વિદેશી દારૂની 1764 નંગ બોટલ કી.રૂ.23,67,600/– નો જથ્થો ઝડપી પાડ્યો હતો.

       કડી પોલીસે વિદેશી દારૂનો જથ્થો જપ્ત કરી કોના દ્વારા વિદેશી દારૂ નો જથ્થો લાવવામાં આવ્યો હતો તે અંગે તપાસ કરી વિદેશી દારૂના વેચાણમાં સંકળાયેલા ઇસમોને ઝડપી પાડવા કવાયત હાથ ધરવામાં આવી છે.

    બંધ ગોડાઉનમાંથી ઝડપાયેલો વિદેશી દારૂનો જથ્થો કડી શહેરના બુટલેગર નો હોવાની ચર્ચા

       કડી પોલીસે બુડાસણ આઇકોન ઇન્ડસ્ટ્રીયલ પાર્ક ના 7 માં નંબર ના ગોડાઉનમાં તહેવારો નિમિતે વેચાણ માટે સંગ્રહ કરી રાખેલો લાખો રૂપિયાનો જથ્થો ઝડપી પાડી અજાણ્યા ઇસમો સામે ગુનો નોધી વિદેશી દારૂનો જથ્થો તો જપ્ત કરી લેવામાં આવ્યો છે પરંતુ વિદેશી દારૂનો જથ્થો કડી શહેરમાં વેચાણ કરતા બુટલેગર નો હોવાની ચર્ચા સમગ્ર શહેરમાં અત્યારે તો ચાલી છે.નામચીન બુટલેગર પણ પોતાનું નામ આ જથ્થા માં ના આવે તેના માટે હવાતિયા મારી રહ્યો છે .

  • કડી ની ગાર્ડન વિલા સોસાયટીમાં લીલાછમ વૃક્ષો કપાતા વૃક્ષપ્રેમીઓ લાલઘૂમ

    ચોમાસા દરમ્યાન વૃક્ષોને કાપી શકાતા નથી

    કડી છત્રાલ હાઈવે ઉપર આવેલી ગાર્ડન વિલા સોસાયટીમાં આવેલા લીલાછમ વૃક્ષો સોસાયટીના વહીવટી મંડળે કપાવી દેતા પર્યાવરણ પ્રેમીઓમાં રોષ ભભૂકી ઉઠ્યો છે.

     

     

    પૃથ્વી ઉપર ગ્લોબલ વોર્મિંગ વધી રહ્યું છે ત્યારે સરકાર દ્વારા વધુમાં વધુ વૃક્ષો ઉછેરવા ઉપર ધ્યાન આપી રહી છે ઉપરાંત પરિપત્ર બહાર પાડી ઝાડ કાપવા માટે ની મંજૂરી લેવાની ફરજિયાત કરાઈ છે તેમાં પણ ચોમાસા દરમ્યાન એટલે કે 15 જૂન થી 15 ઓક્ટોબર સુધી ઝાડ કાપવા ઉપર પરિપત્ર બહાર પાડી સ્પષ્ટ પ્રતિબંધ મૂકી દેવામાં આવ્યો છે તેમ છતાં કડી છત્રાલ હાઈવે ઉપર આવેલી ગાર્ડનવિલા સોસાયટીમાં લીલાછમ ઝાડ અગમ્ય કારણોસર સોસાયટીના વહીવટીમંડળે કપાવી દેતા પર્યાવરણ પ્રેમીઓ લાલઘૂમ જોવા મળી રહ્યા છે.

     

          કડી છત્રાલ હાઈવે ઉપર આવેલી ગાર્ડનવિલા સોસાયટી બની ત્યારે સોસાયટીના બિલ્ડર દ્વારા ઝાડ વાવવામાં આવ્યા હતા પરંતુ સમય જતા સોસાયટીનો વહીવટ કરતા મંડળે ઝાડ બિન જરૂરી હોવાનું અને એની ઝાડ નું વાવેતર કરવાનું હોવાનું છુલ્લક કારણ આપી ઝાડ ઘણા બધા ઝાડ કપાવરાવી દીધા હતા.ઝાડ કપાવરાવી દેતા વૃક્ષપ્રેમીઓ રોષે ભરાઈ ઊઠ્યા હતા અને લીલાછમ ઝાડ કયા કારણસર કાપવામાં આવ્યા અને સરકારના પરિપત્ર મુજબ અત્યારે ઝાડ કાપવાની મંજૂરી આપવામાં આવતી નથી તો કોની મંજૂરી બાદ ઝાડ ને કાપવામાં આવ્યા છે

     

     

    મંજૂરી વિના ઝાડ કાપી નાખ્યા :– તંત્ર ગુનો દાખલ કરશે કે તે મોટો સવાલ

     

    કડી ની ગાર્ડનવિલા સોસાયટીમાં ઘણા સમય થી ઊભેલા લીલાછમ સપ્તપદી ના ઝાડ સોસાયટીના વહીવટી મંડળે કપાવી દેતા ચોમાસા દરમ્યાન ઝાડ કાપવાની મંજૂરી ઉપર સવાલ ઊભા થયા છે.સરકારી પરીપત્ર મુજબ નડતરરૂપ ઝાડ મંજૂરી બાદ કાપી શકાય છે પરંતુ ગાર્ડનવિલા સોસાયટી દ્વારા ઝાડ કાપવા પૂર્વે આવી કોઈ મંજૂરી લેવામાં આવી નહીં હોવાની સોસાયટીના પ્રમુખ નો સંપર્ક કરતા જાણવા મળ્યું છે તો મંજૂરી વિના ઝાડ કપાવનાર લોકો સામે તંત્ર પગલા ભરશે કે લીલાછમ ઝાડ ના નિકંદન બાદ પણ તંત્ર ઘોર નિંદ્રામાં સુતેલું રહેશે ?? તેવા પ્રશ્નો અત્યારે તો પર્યાવરણ પ્રેમીઓમાં સતાવી રહ્યો છે.

  • દારૂના દૂષણ ને દૂર કરો :– બહુચરાજી ના રૂપપુરા ગામને દારૂના દૂષણમાંથી છોડાવવા ગ્રામજનો મેદાને

    બહુચરાજી તાલુકાના રૂપપુરા ગામમાં દારૂનું દૂષણ દૂર કરવા ગ્રામજનોએ મોરચો માંડ્યો છે

     

     

     

    રૂપપુરા ગામની દેશી દારૂ ની ભઠ્ઠીઓ ઉપર થી આસજોલ, કરણપુરા, ધનપુરા,ચડાસણા,ઈન્દ્રપ,મરતોલી,રાંતેજ સહિતના ગામોમાં દારૂ થાય છે સપ્લાય..

     

     

     

     

    શક્તિપીઠ બહુચરાજી તાલુકાના કેટલાક ગામડાઓમાં દેશી વિદેશી દારૂનું દૂષણ વધી રહ્યું છે.ગુજરાતમાં દારૂબંધી ફક્ત કાગળ ઉપર હોવાનું અને બહુચરાજી તાલુકામાં ધમધોકાર દારૂ વેચાઈ રહ્યો હોવાનું અને પીવાઈ રહ્યો હોવાનું ગ્રામજનોના હોબાળા બાદ વધુ એક વખત સામે આવ્યું છે.રૂપપુરા સહિતના ગામડાઓમાં દારૂ તેમજ જુગાર ની પ્રવૃતિઓએ માઝા મૂકી છે અને દારૂના રવાડે ચડી ગયેલા લોકો નાની ઉમરમાં મોતના ભેટતા હોય છે જેથી નાની ઉમરના લોકોના મૃત્યુ આંકમાં વધારો,ચોરી સહિતની અસમાજિક પ્રવૃતિઓમાં વધારો થયો છે તેવામાં રૂપપુરા ગ્રામજનોએ બહુચરાજી મામલતદાર અને પોલીસ સ્ટેશન ખાતે દારૂ જુગાર નુ દૂષણ દૂર કરવા આવેદનપત્ર આપી મોરચો માંડ્યો છે.

     

    ગ્રામજનોએ આપેલા આવેદનપત્રમાં જણાવ્યું છે કે રૂપપુરા ગામમાં વર્ષો થી દેશી દારૂ તથા જુગાર ની પ્રવૃતિઓ થી રૂપપુરા – લીલાપુરા ગામમાં કેટલીય બહેનો નાની ઉમરમાં વિધવા થઈ છે અને તેમના સંતાનો ના શિક્ષણ ઉપર ખરાબ અસર પડી રહી છે.અસામાજિક તત્વો સરકારી પ્રાથમિક શાળા ની મિલકતને નુકશાન પહોંચાડે છે ગામમાં શાંતિ ડહોળે છે જેથી આવા તત્વો ઉપર અંકુશ લગાવવો જરૂરી છે.દીકરીઓ ને અસમાજિક તત્વોના ડર થી અભ્યાસ કરવો મુશ્કેલ બન્યો છે અને રૂપપુરા ગામની દેશી દારૂની ભઠ્ઠીઓ વાળા આસજોલ, કરણપુરા,ધનપુરા,ઈન્દ્રપ,મરતોલી અને રાંતેજ સહિતના વિસ્તારોમાં નજીકની કંપનીઓમાં ખુલ્લેઆમ દારૂનું સપ્લાય કરી રહ્યા છે.

     

     

     

     

     

    દારૂના દૂષણ સામે ગ્રામજનો તો જાગ્યા પરંતુ પોલીસ ક્યારે જાગશે તે એક મોટો સવાલ ???

    ગાંધીના ગુજરાતમાં દારૂબંધી છે પરંતુ તે ફક્ત કાગળ ઉપર છે.દારૂબંધી નુ પાલન કરાવનાર પોલીસ જ હપ્તરાજમાં રાચી દારૂના વેચાણ અને પીવા ઉપર અંકુશ નહીં મૂકતા ખુલ્લેઆમ દારૂ વેચાઈ રહ્યો છે અને પીવાઈ રહ્યો હોવાની હકીકત સ્પષ્ટ છે.દારૂના દૂષણ સામે હવે ગ્રામજનો એ મોરચો માંડી અવાજ ઉઠાવ્યો છે પરંતુ પોલીસ તંત્ર ક્યારે જાગશે તે એક મોટો સવાલ તંત્ર સામે પેદા થઈ રહ્યો છે.

  • સરકારી તંત્રનો વધુ એક છબરડો આવ્યો સામે :– પાલજ માં બિન હરીફ સભ્યની દરખાસ્ત કરનાર ની સહી ખોટી

    મહેસાણા 

    ઉમેદવારે ફોર્મ ભર્યું ત્યારે દરખાસ્ત કરનાર સાથે નહોતા 

    મહેસાણા જિલ્લા કલેકટરને કરાઈ લેખિત રજૂઆત 

     

       

     

     

     

    ગ્રામ પંચાયતની ચૂંટણીમાં સભ્યતરે અવનવા છબરડા પ્રકાશમાં આવી રહ્યા છે ત્યારે મહેસાણાના પાલજ ગામે યોજાયેલી વોર્ડ નંબર 7ના બિન હરીફ બનેલ સભ્યની દરખાસ્ત કરનાર વ્યક્તિએ સહી કરી જ ન હોવાનો મુદ્દો ઉઠ્યો છે. ગામના યુવાને જિલ્લા કલેકટરને આ સંબંધે લેખિત ફરિયાદ આપી છે. 

        પાલજ ગામના જયેશકુમાર બળદેવભાઈ રબારીએ મહેસાણા જિલ્લા કલેકટરને આપેલા લેખિતે ચર્ચાઓ જગાવી છે. જેમાં તાજેતરમાં આયોજિત ગ્રામ પંચાયતની ચૂંટણીમાં તેમના પાલેજ ગામે વોર્ડ નંબર ચારના ઉમેદવાર આનંદીબેન અમૃતભાઈ પટેલ વોર્ડ નંબર સાતમાં સભ્ય તરીકે ઉમેદવારી નોંધાવી હતી અને તે સમયે તેઓએ ફોર્મમાં દરખાસ્ત કરનાર તરીકે ગામના ગોપાલજી સોનાજી ઠાકોરને રાખેલા. પરંતુ આ ગોપાલજી ઠાકોરે દરખાસ્ત કરનાર તરીકે સહી કરી જ નથી અને તે ઉપજાવી કાઢેલ છે તેમજ ખોટી સહી ઉમેદવારના પતિ પાસે કરાવેલ હોવાનો ઉલ્લેખ લેખિતમાં કર્યો છે. 

       આ ઉપરાંત જયેશભાઈ રબારીએ એવો પણ આક્ષેપ કર્યો છે કે, સભ્યપદની ચૂંટણીમાં દરખાસ્ત કરનાર ઠાકોર ગોપાલજી સોનાજી જાણતા જ નથી અને તેમને દરખાસ્ત ફોર્મમાં સહી પણ કરેલ નથી સદર સભ્ય સામે કોઈ ઉમેદવારે ફોર્મ ભરેલ ન હોવાથી તેમને બિનહરીફ સભ્ય તરીકે જાહેર કરવામાં આવેલ છે. ચૂંટણી અધિનિયમની જોગવાઈ મુજબ જ્યારે સભ્ય કે ઉમેદવાર ફોર્મ ભરે ત્યારે દરખાસ્ત કરનાર સાથે હોવો જોઈએ પરંતુ આ કામના સભ્યએ સદર ગોપાલજી સોનાજી ઠાકોરને સાથે રાખેલ નથી કે તેઓને કોઈપણ પ્રકારની જાણ પણ કરેલ નથી અને ખોટા દસ્તાવેજ ઉપર સહી કરી દરખાસ્ત કરેલ અને ફોર્મ ભરેલ હોય ઘટતી કાર્યવાહી કરવી તેવો ઉલ્લેખ કરેલ છે.

  • FRAUD WITH BANK :- બેંકે ગોલ્ડ લોન માટે વેલ્યુઅર રાખેલા સોનીએ જ લોકો સાથે મળી બેંકનું કરોડો નું કરી નાખ્યું

    કડી તાલુકાના મેડા આદરજ ગામમાં આવેલી બેન્ક ઓફ ઈન્ડિયા દ્વારા ગોલ્ડ લોનના વેલ્યુઅર તરીકે રાખેલા સોની અને બનાવતી (નકલી) સોના ઉપર લોન લેનાર 37 લોકો સામે રૂ.4.54 કરોડ ની છેતરપિંડી ની ફરિયાદ નોંધાવતા હડકંપ મચી જવા પામ્યો છે.

     

     

     

     

    બેંકો લોકોને ગોલ્ડ લોન આપતી હોય છે જેમાં બેંક લોન લેનાર પાસેથી ગોલ્ડ(સોનું) લેતી હોય છે અને તેને બેંકે રાખેલા ગોલ્ડ વેલ્યુઅર સોની પાસે ચકાસણી કરાવી તેનું પ્રમાણપત્ર મેળવી તેના આધારે લોકોને સોના ઉપર લોન (ગોલ્ડ લોન) આપતી હોય છે પરંતુ અહીં તો બેંકે રાખેલા સોની એ જ લોકો સાથે મળી બેંક ને નકલી દાગીના(સોનુ)પધરાવી બેંક સાથે કરોડો ની છેતરપિંડી કરી દીધી જ્યારે બેંક ના ધ્યાને આ વાત આવી ત્યારે બેંકે ગોલ્ડ વેલ્યુઅર તરીકે રાખેલા થોળ ના સોની સહિત લોન લઈ બેંક સાથે છેતરપિંડી કરનાર 37 જેટલા લોકો સામે ગુનો નોંધતા પંથકમાં હડકંપ મચી જવા પામ્યો છે.વિગતમાં જોવા જઈએ તો મહેસાણા જિલ્લાના કડી તાલુકાના મેડા આદરજ ગામમાં બેંક ઓફ ઈન્ડિયાની શાખા આવેલી છે.બેંક ઓફ ઈન્ડિયા દ્વારા સોના સામે લોન (ગોલ્ડ લોન) લોકોને આપવામાં આવે છે.પરંતુ બેંક ઓફ ઈન્ડિયા ની મેડા આદરજ શાખા દ્વારા ગોલ્ડ લોન માટે નિમણૂક કરેલા થોળ ગામના સોની મૌલિક દિનેશભાઈ એ કાવતરું રચી આજુબાજુના ગામના લોકોને વિશ્વાસમાં લઈ 37 જેટલા લોન ધારકો પાસે બનાવતી દાગીના ગીરવે મુકાવી તે સાચા હોવાની પ્રમાણપત્ર આપી બેંક સાથે રૂ.4.54 કરોડ ની છેતરપિંડી કરી હોવાનું બેન્ક ના જાણમાં આવતા બેન્કની ઝોનલ ઓફિસના ચીફ મેનેજરે ફરિયાદ નોંધાવતા પંથકમાં હડકંપ મચી જવા પામ્યો છે.

     

        બેંક દ્વારા નિમણૂક કરાયેલા સોનીએ મેડા આદરજ ગામની આસપાસ ના ગામો જેવા કે ઝાલોડા,થોળ, મુલસણ, વડાવી , કણઝરી,આંબલીયારા, રાઁચરડા સહિતના ગામોમાંથી ગોલ્ડ લોન મેળવવા ઈચ્છતા અરજદારો પાસે ગોલ્ડ લોન ના નામે બનાવટી સોનાના દાગીના ગીરવે મુકાવી બનાવટી દાગીના નું સાચા તરીકે વેલ્યુએશન પ્રમાણપત્ર આપી રૂ.4.54 કરોડ ની છેતરપિંડી આચરી હતી.

     

    કેવી રીતે બહાર પડ્યું ભોપાળું

     

    બેંક દ્વારા 11 એપ્રિલના રોજ એનપીએ ખાતેદાર મેડા આદરજ ગામના ઠાકોર મગનજી શંભુજી અને તેમની પત્ની કૃષ્ણા બેન દ્વારા ગીરવે મુકાયેલા સોનાના દાગીનાની હરાજી કરી લોનની રકમ વસૂલાતની કાર્યવાહી કરાઈ હતી જેમાં બેંક ની લીગલ ટીમ સામે લોન સામે મુકાયેલા દાગીના નકલી હોવાનું સામે આવતા બેંકના લીગલ પેનલ ના કર્મીઓ ચોંકી ઉઠ્યા હતાં અને વેલ્યુઅર મૌલિન દિનેશભાઈ સોની દ્વારા આપવામાં આવેલ પ્રમાપત્રો વાળા સોનાની ચકાસણી કરાતા તેમાં 37 જેલ લોકોને નકલી સોના સામે લોન અપાવવામાં વેલ્યુઅર સોની દ્વારા ભાગ ભજવી રૂ.4.54 કરોડ ની છેતરપિંડી કરી છે જે મામલે બેંકના ઉચ્ચ અધિકારીઓએ વેલ્યુઅર થોળ ના મૌલીન સોની સહિત 37 જેટલા લોન ધારકો સામે બાવલું પોલીસ સ્ટેશનમાં ફરિયાદ નોંધાવતા વિસ્તારમાં હડકંપ મચી જવા પામ્યો છે.બાવલું પીઆઈ એસ.આર.ચૌધરીની તપાસમાં ચોંકાવનારી વિગતો બહાર આવેતો નવાઈ નહીં

    બેંકે આટલા ઇસમો સામે નોંધાવી ફરિયાદ..

     

    -મૌલિક દિનેશભાઈ સોની રહે થોળ, કડી 

    -મગનજી શંભુજી ઠાકોર રહે મેડા આદરજ, કડી 

    -કનુજી જોઈતાજી ઠાકોર રહે કડી 

    -ક્રિષ્નાબેન મગનજી ઠાકોર રહે મેડા આદરજ, કડી 

     -સુજલ ભાઈ રાયમલભાઈ દેસાઈ રહે માલુસણા, કલોલ 

    -ધરમશી ધુળાજી ઠાકોર રહે કડી  

     -ભાવેશજી મણકાજી ઠાકોર રહે થોળ,કડી 

    -રતનજી મંગાજી ઠાકોર રહે થોળ કડી

     -હરેશકુમાર જગદેવજી ઠાકોર રહે બાવલુ,કડી 

    -અનિકેત અમૃતભાઈ રાવળ રહે નદાણ, કડી 

     -અતુલ કુમાર વિષ્ણુસિંહ ઠાકોર રહે નદાણ,કડી 

    -પ્રતાપજી ડાયાજી ઠાકોર રહે વડાવી, કડી 

    -નટવરજી ઈશ્વરજી ઠાકોર રહે બાવલુ,કડી 

     -અર્જુન જયંતીજી ઠાકોર રહે કડી 

    -વિક્રમજી ભીખાજી ઠાકોર રહે વડાવી કડી

     -વિજય ગાભાજી ઠાકોર રહે કડી

    -રાહુલ કુમાર રમેશભાઈ રાવળ રહે કણઝરી, કડી 

    -દીપકજી હમુજી ઠાકોર રહે થોળ, કડી 

    -વિપુલ ગણપતજી ઠાકોર રહે ઝાલોડા, કડી 

    -અક્ષય રોહિતભાઈ રાવળ રહે થોળ, કડી 

    -વિશાલ વિક્રમજી ઠાકોર રહે ઝાલોડા, કડી 

    -નટુજી રામાજી ઠાકોર રહે થોળ, કડી

    -વાસંતીબેન નટુજી ઠાકોર રહે થોળ,કડી

    -રેશમા દશરથજી ઠાકોર રહે થોળ, કડી 

    -શૈલેષ ગાભાજી ઠાકોર રહે થોળ, કડી 

    -ચેતન બાબુજી ઠાકોર રહે થોળ, કડી

    -રાજેશ અમરસંગ ઠાકોર રહે આંબલીયારા, કડી 

    -ગફુરજી બાબુજી ઠાકોર રહે થોળ, કડી 

    -રોહિતજી જીવણજી ઠાકોર રહે થોળ, કડી 

    -પીન્ટુજી અમૃતજી ઠાકોર રહે થોળ, કડી 

    -દિનેશ મુકાજી ઠાકોર રહે કણઝરી, કડી 

    -સુનિલ ગિરીશજી ઠાકોર રહે થોળ, કડી

    -અલ્પેશ સતિષજી ઠાકોર રહે રાચરડા, કલોલ 

    -સંજય રૂમાલજી ઠાકોર રહે ઝાલોડા, કડી 

    -સુશીલ પ્રયાગભાઈ ચંદ્રવંશી રહે થોળ, કડી

    -વિશાલ જગાનંદભાઈ ઉપાધ્યાય રહે થોળ, કડી

    -અજયજી રૂમાલજી ઠાકોર રહે ઝાલોડા, કડી 

    -પીન્ટુજી જયંતીજી ઠાકોર રહે ઝાલોડા, કડી