નંદાસણ પાસે પંચર પડેલી ગાડીનું ટાયર બદલતા સમયે જ ગઠિયો ગાડીમાંથી રૂપિયા અને લેપટોપ ઉઠાવી ગયો

કડી તાલુકાના નંદાસણ નજીક આવેલ ઉમા નગર પાસે પેટ્રોલ પંપ ની બાજુમાં કૈયલ ગામનો યુવક ઇનોવા ગાડીમાં પંચર પડતા ત્યાં પંચરની દુકાને પંચર કરાવી ટાયર બદલી રહ્યો હતો અને ગાડીમાં પડેલ પૈસા ભરેલો ઢેલો અને લેપટોપ ગઠીયો ઉઠાવી રફુચક્કર થઈ ગયો હતો. જ્યાં યુવકે કડી તાલુકાના નંદાસણ પોલીસ સ્ટેશનમાં ગુનો દાખલ કરાવતા પોલીસે ગુનો નોધી કાર્યવાહી હાથ ધરી હતી.

 કડી તાલુકાના કૈયલ ગામે રહેતા અને કલોલ બોરીસણા નજીક આર.વી ટ્રેડર્સ નામનો ધંધો વ્યવસાય કરતા વૈભવ પટેલ બુધવારે પોતાના ઘરેથી પોતાની માલિકીની ઇનોવા નંબર GJ 2 EK 4748 લઈ પોતાના ધંધા અર્થે કલોલ બોરીસણા ખાતે જઈ રહ્યા હતા જે દરમિયાન નંદાસણ નજીક આવેલ ઉમા નગર મેલડી માતાજીના મંદિરની બાજુમાં ચા પાણી કરવા તેઓ ગાડી ઉભી રાખી હતી અને ચા પાણી કરીને તેઓ ગાડી માં બેઠા હતા પરંતુ ગાડીમાં પંચર હોય તેવું માલુમ પડતાં તેઓ નીચે ઉતરી ટાયર ચેક કરતા ટાયરમાં ચેકો લાગ્યો હોય તેવું જોવા મળ્યું હતું, જ્યારે વૈભવ પટેલ પોતાના ઘરેથી નીકળ્યા ત્યારે ધંધાના રૂપિયા 5,70,000 અને એક લેપટોપ લઈ થેલામાં લઈ ગાડીમાં મુકેલા હતા.

 ચાની હોટલની બાજુમાં એક ટાયર પંચરની દુકાન હતી જ્યાં ટાયર પંચર ની દુકાન બંધ હોવાથી તેઓએ ટાયર પંચર ના દુકાનવાળાને ફોન કરીને બોલાવ્યો હતો જ્યાં થોડીક મિનિટો બાદ ટાયર પંચર વાળો ભાઈ આવી પહોંચ્યો હતો જ્યાં ત્યાંને ટાયર ચેક કરતા ટાયર અને ચીરો વાગેલ હતો અને ટાયર બદલવાનું કહેતા ટાયર બદલી રહ્યા હતા. ટાયર બદલી વૈભવ પટેલ ગાડીમાં બેસતા આગળની સીટ ઉપર પડેલ થેલો ગાયબ હતો જ્યાં તેઓએ તપાસ કરી હતી પરંતુ માલુમ ન પડતા તુરંત જ તેઓએ કડી તાલુકાના નંદાસણ પોલીસને જાણ કરવામાં આવેલી હતી જ્યાં ગાડીમાં પડેલ 5, 70,000 અને એક લેપટોપની ઉઠાંતરી કરી  છું મંતર થઈ ગયો હતો. જ્યાં નંદાસણ પોલીસ ઘટના સ્થળે દોડી આવી હતી અને આજુબાજુના સીસીટીવી તેમજ પેટ્રોલ પંપ ના સીસીટીવી ચેક કરતા એક નાનો છોકરો થેલો ઉપાડી લઈ જતો હોય તેવું નજરે ચડતા પોલીસે સીસીટીવીના આધારે તપાસ શરૂ કરી હતી.