મહેસાણા…
મહાકાલી જ્વેલર્સમા લકી બારોટનું આગમન
માતાના પ્રયાસ અને તેમની હિંમતથી આજે હું આ સ્થાન ઉપર પહોંચી છું : લકી બારોટ
મિસ યુનિવર્સ ગુજરાત બનેલી મહેસાણાની લકી બારોટ મહેસાણાના આંગણે આવી હતી. મહાકાલી જ્વેલર્સમાં પહોંચેલી લકી બારોટે કહ્યું કે, તમે તમારું સ્વપ્ન પૂરું કરવા અર્થાગ મહેનત કરો સફળતા તમને ચોક્કસ મળશે. ગુજરાતમાં પ્રેમ મળ્યો તેવો જ પ્રેમ ભારત ભરમાં મળે તે માટે ગુજરાતનું પ્રતિનિધિત્વ કરીને મિસ ઈન્ડિયામાં જવાની તૈયારી કરી રહી છું.
મહેસાણા રાધનપુર રોડ ઉપર આવેલ મહાકાલી જ્વેલર્સની મહેમાન બનેલ મિસ યુનિવર્સ ગુજરાત લકી બારોટે કહ્યું કે, મને ગુજરાતી હોવાનો ગર્વ છે. ગુજરાતીઓ હાલમાં અર્થતંત્રની સાથોસાથ રાજકીય રીતે પણ ભારતનું અભિન્ન અંગ છે. ગુજરાતી ભાષા માટે કહેવાય છે કે ગુજરાતની બાર ગામે બોલી બદલાય.. આપણી બોલી બદલાય છે પરંતુ ભાવ બદલાતો નથી. ભાષામાં ક્યારેય અહંકાર આવતો નથી.
મિસ ગુજરાત બનવા પાછળ મુખ્ય શ્રેય પોતાની માતાને આપતા લકી બારોટે કહ્યું કે, આ શ્રેય માત્ર એક વ્યક્તિનો નહીં પરંતુ દરેક વ્યક્તિનો છે જેમને મારા ઉપર વિશ્વાસ મૂક્યો મારા માટે અતૂટ પ્રાર્થનાઓ કરી. મારી માતાનું આ સિદ્ધિ પાછળ ખૂબ મોટું યોગદાન છે. મિસ મિસ યુનિવર્સ ગુજરાતના અંતિમ પડાવમાં પણ મારી માતાએ મને હિંમત આપી હતી. આ તાજ માત્ર મારો નથી પરંતુ આ તાજ જીવનમાં કંઈક બનવા માગતી દીકરીઓનો છે, તમામ ક્ષેત્રમાં આગળ વધવા માગતી મારી બહેનોનો છે. આ તાજ તેમનું છે કે જે પોતાના તમામ સપનાઓને સાકાર કરવા માટે પુરુષાર્થ કરી રહ્યા છે.દુનિયાની તમામ કપરી પરિસ્થિતિઓનો સામનો કરે તેમને ચોક્કસ સફળતા મળે તેવું મારું માનવું છે. મિસ યુનિવર્સ ગુજરાત બનેલ લકી બારોટે મહેસાણા ની ગણપત વિદ્યાલયમાં આઇટી સાઇબર સિક્યુરિટીનો અભ્યાસ કર્યો છે. બાળપણથી તે યુનિવર્સ સ્પર્ધાઓ જોતી હતી જેમાં પ્રિયંકા ચોપરાને મિસ યુનિવર્સ બનતી ટીવીમાં જોઈ લખીએ મનમાં નિર્ણય કર્યો હતો કે હું પણ આ ક્ષેત્રમાં આગળ વધીશ. ત્યારબાદ તેને ક્યારેય પણ પાછું વળીને જોયું નથી. હાલમાં તે મિસ ઇન્ડિયા બનવા માટે મહેનત કરી રહી છે. નોંધનીય છે કે, લકીની પ્રેરણામૂર્તિ એવા તેની માતા મહેસાણા સિવિલ હોસ્પિટલમાં ડોક્ટર છે. અને તેમના શબ્દોમાં કહીએ તો દીકરીને કહ્યું હતું કે પહેલા અભ્યાસ પછી કારકિર્દી… તેને કરી બતાવ્યું. મહેસાણાની આ દિકરીને ગુજરાતી પ્રેમ આપ્યું છે અને આગામી સમયમાં ભારતભરમાંથી પણ તેને પ્રેમ મળી રહેશે તેવી પ્રાર્થના છે મારી.
મિસ મહાકાલી બની ભાવિની પટેલ
મહાકાલી શોરૂમ દ્વારા અહીં મિસ મહાકાલીનું પણ આયોજન કરવામાં આવ્યું હતું. જેમાં કેટવોકની સાથો સાથે જનરલ નોલેજ લગત સવાલ પૂછાયા હતા .જેમાં મહેસાણાની મિસ મહાકાલી ભાવિની પટેલ બની હતી.
