રિપોર્ટર: પ્રિયંકા પ્રજાપતિ ગાંધીનગર
ગાંધીનગર જિલ્લામાં આવેલા નારદીપુર ગામમાં સરદાર વલ્લભભાઈ પટેલની 150મી જન્મજયંતિ નિમિત્તે એક અનોખો અને યાદગાર એવો “યુનિટી માર્ચ” કાર્યક્રમ યોજાયો હતો. એકતા, સંસ્કૃતિ અને ગામજનોના ઉમળકા સાથે યોજાયેલી આ પદયાત્રા નાર્દીપુરથી પ્રસ્થાન કરી મોખાસણ, ભાદોલ થઈ ધમાસણા સુધી પહોંચતા સમગ્ર વિસ્તારમાં ઉજાસ અને ઉત્સાહની લાગણી પ્રસરી ગઈ હતી.
ગણમાન્યોની ઉપસ્થિતિએ વધારી શોભા
આ પદયાત્રા કાર્યક્રમને વધુ ગૌરવપ્રદ બનાવતા અનેક આગેવાનો અને ગણમાન્યો હાજર રહ્યા હતા.
મુખ્ય અતિથિ તરીકે:
માનનીય ભુપેન્દ્રસિંહ ચુડાસમા,
કલોલ વિધાનસભાના ધારાસભ્ય લક્ષ્મણજી ઠાકોર (ઉર્ફે બકાજી),
ગાંધીનગર ભાજપ જિલ્લા મહામંત્રી પટેલ રાજેશકુમાર સેધાભાઈ,
નારદીપુર ગ્રામ પંચાયતના સરપંચશ્રી રચનાબેન દીપકકુમાર ઠાકોર,
ડેપ્યુટી સરપંચ પટેલ રાકેશભાઈ દશરથભાઈ
આ તમામ આગેવાનોની હાજરીએ પદયાત્રાને એક વિશેષ પ્રતિષ્ઠા પ્રાપ્ત થઈ હતી.
સંસ્કૃતિ અને પરંપરાનો રંગીન મહાકુંભ
પદયાત્રાનો માર્ગ માત્ર એકતા અને સંકલ્પનો સંદેશ જ ન હતો, પરંતુ સાંસ્કૃતિક સમૃદ્ધિનું પ્રતિબિંબ પણ હતો. નારદીપુરથી ધમાસણા સુધીના માર્ગ પર ગામે–ગામે વિવિધ સાંસ્કૃતિક, લોકકલાત્મક અને પરંપરાગત કાર્યક્રમોનું આયોજન કરવામાં આવ્યું હતું. આ કાર્યક્રમોમાં વડીલો, યુવા અને ખાસ કરીને વિદ્યાર્થીઓએ ઉત્સાહપૂર્વક ભાગ લીધો હતો.
યુનિટી માર્ચ દરમિયાન વિવિધ સ્થળોએ ગ્રામજનો દ્વારા સ્વાગત, સંગીત, નૃત્ય અને પરંપરાગત વાદ્યોથી મહેમાનોનું સત્કાર કરવામાં આવ્યું — જેને કારણે સમગ્ર વિસ્તાર એકતા અને ઉત્સવમૂર્તિથી છલકાઈ ઉઠ્યો.
યુવાનીના ઉત્સાહથી છલકાતી પદયાત્રા
આ યુનિટી માર્ચમાં યુવાનો અને વિદ્યાર્થીઓએ વિશેષ ઉત્સાહ દર્શાવ્યો. પ્રસંગે મોટી સંખ્યામાં યુવા વર્ગે ગામજનો સાથે જોડાઈ સરદાર પટેલના એકતાના સિદ્ધાંતને જીવન્ત કર્યો. પદયાત્રા દરમિયાન યુવાઓના સૂત્રો, ઉમળકા અને સેવાભાવથી કાર્યક્રમનું વાતાવરણ ઊર્જાવાન બની ગયું.
ગામજનોની ગૌરવગાથા – સંકલ્પથી સમર્પણ સુધી
આ પ્રસંગે સરદાર પટેલના 150મી જયંતિના અવસર પર ગામજનોના હૃદયમાં એક અનોખો ગૌરવ ભાવ જોવા મળ્યો. ગામે–ગામે લોકો રસ્તાઓ પર ઉભા રહી પદયાત્રાનું સ્વાગત કરતા નજરે પડ્યા. આ યુનિટી માર્ચ માત્ર એક કાર્યક્રમ ન રહી, પરંતુ એકતા, સંકલ્પ અને દેશનાયક સરદાર સાહેબ પ્રત્યેની શ્રદ્ધાનું જીવંત પ્રમાણ બની.
માહિતી આપનાર
આ સમગ્ર કાર્યક્રમ અને પદયાત્રા સંબંધિત માહિતી નારદીપુર ગામના ઉત્સાહી યુવાન શૈલેષ રમણભાઈ પ્રજાપતિ દ્વારા આપવામાં આવી હતી.
