બારડોલીના વાંકાનેર ગામે એલ.સી.બી.ની ધમાકેદાર રેડ: વરલી મટકા જુગારખાનામાંથી 13 શખ્સ ઝડપાયા

રીપોર્ટર: તુષાર કમાણી, સુરત

સુરત જિલ્લા એલ.સી.બી.ની ટીમે બારડોલી તાલુકાના વાંકાનેર ગામના વાડી ફળીયા વિસ્તારમાં ચાલી રહેલા વરલી મટકા જુગાર પર સફળ રેડ કરી મોટી કાર્યવાહી અંજામ આપી છે. મુંબઈથી ચલાવાતું આ વરલી મટકા સર્કિટ અહીંથી ઑપરેટ થતું હોવાની માહિતીના આધારે પોલીસે છાપો મારી જુગાર રમાડનાર તેમજ જુગાર રમનાર સહિત કુલ 13 શખ્સોને ઝડપી પાડ્યા છે.

કાર્યવાહી દરમિયાન પોલીસે સ્થળ પરથી રોકડ રૂપિયા, મોબાઇલ ફોન, બાઈક, ટેબલેટ, લેપટોપ સહિત કુલ રૂ. 3,96,260 નો મુદામાલ કબજે કર્યો છે. પોલીસે તમામ આરોપીઓને ઝડપી વધુ તપાસ હાથ ધરી છે.