પીરોજપુરા ગામે સર્જ્યો ઇતિહાસ: SIR કામગીરીમાં શંખેશ્વર તાલુકામાં પ્રથમ સ્થાન, બી.એલ.ઓનું સાલ ઓઢાડી સન્માન

રિપોર્ટર: દિલીપસિંહ જાડેજા, પાટણ

પાટણ જિલ્લાના શંખેશ્વર તાલુકાના પીરોજપુરા ગામે ફરી એક વખત રાષ્ટ્રીય હિતના કાર્યમાં આગેવાની લીધી છે. ચુંટણી પંચ દ્વારા ચાલી રહેલી SIR (Special Intensive Revision) કામગીરીમાં પીરોજપુરા ગામે પ્રથમ ક્રમ મેળવતા સમગ્ર તાલુકામાં ખુશીની લાગણી ફેલાઈ છે. SIRના માપદંડો અનુસાર દરેક મતદારની વિગતોનું સુધારણું અને ડિજિટલ મૅપિંગ જેવા મહત્વપૂર્ણ કાર્યો પીરોજપુરા દ્વારા સમય પહેલાં 100% પૂર્ણ કરવા માંડવામાં આવ્યાં હતાં.

1128 મતદાર ધરાવતું ગામ – વર્ષોનું પ્રામાણિક કાર્યનું ફળ

પીરોજપુરા ગામ 1128 મતદાર ધરાવતું મહત્વનું બુથ છે. અહીં છેલ્લા 10 વર્ષથી બી.એલ.ઓ તરીકે ફરજ બજાવતા અધિકારીએ સતત નેમ, નિષ્ઠા અને કાળજીત કાર્ય કરીને મતદાર યાદી સુધારણા ક્ષેત્રે ગામને અનોખી ઓળખ અપાવી છે.

કોરોનાકાળ દરમ્યાન પણ તેમણે વિશેષ સેવા આપી હતી—

1050 મતદારોમાંથી 1045 મતદારોને આધાર કાર્ડ સાથે લિંક કરાવવાનું કામ પૂર્ણ કર્યું હતું

જે સમયની મહામારીને ધ્યાનમાં લેવાતું તો એક અસાધારણ સિદ્ધિ માનવામાં આવે છે

આ જ કાર્યની અસર તરીકે આ વર્ષે SIR પ્રક્રિયામાં ગામે ઉત્તમ પ્રદાન કર્યું

100% કામ પહેલા પૂર્ણ, 99% ડિજિટલ મૅપિંગ

પીરોજપુરાના સરપંચ, ઉપસરપંચ, યુવા મતદારો અને ગ્રામીણજનો તેમજ ચુંટણી શાખાના અધિકારીઓએ સંપૂર્ણ સહકાર આપ્યો હતો.

સમય પહેલાં 100% SIR કામગીરી પૂર્ણ થઈ

99% ફોર્મ અને મતદાર ડિજિટલ મૅપિંગ સફળતાપૂર્વક કરાયું

આ કામગીરીએ તાલુકામાં પીરોજપુરાને પ્રથમ ક્રમે સ્થપિત કર્યું.

મામલતદારની ઉપસ્થિતિમાં સન્માન સમારોહ

આ સિદ્ધિને માન્યતા આપવા માટે શંખેશ્વર કચેરીમાં વિશેષ સન્માન સમારોહ યોજાયો હતો.

સમારોહમાં —

શંખેશ્વર કચેરીના મામલતદાર પ્રિયલબેન દેસાઈ

સુપરવાઈઝર આર.સી. ચાવડા સાહેબ

ઉપસ્થિત રહ્યા હતાં.

તેમની હાજરીમાં બી.એલ.ઓને સાલ ઓઢાડી સન્માનિત કરવામાં આવ્યા હતા. ગામની આખી ટીમે આ સન્માનને પીરોજપુરાના શિસ્તબદ્ધ કાર્ય અને મતદાર જાગૃતિ માટેનું પ્રતિબિંબ ગણાવ્યું.

પીરોજપુરા ગામે સતત વર્ષોથી બતાવેલી આગવી કાર્યશૈલી આજે જિલ્લા સ્તરે પણ ચર્ચામાં આવી છે. SIR કાર્યમાં મળેલું પ્રથમ સ્થાન ગામ માટે ગૌરવની બાબત બની રહ્યું છે.