વી એલ ગેલાણી વિદ્યાલયના વિદ્યાર્થીઓનું ઉત્કૃષ્ટ પ્રદર્શન:
બાબરા તાલુકા ખેલ મહાકુંભમાં વિવિધ રમતોમાં સ્થાન મેળવ્યું
બાબરામાં તાલુકા કક્ષાનો ખેલ મહાકુંભ પંચશીલ શાળા અને કમળશી હાઈસ્કૂલમાં પાંચ દિવસ સુધી યોજાયો હતો. આ
સ્પર્ધામાં તાલુકાની ખાનગી અને સરકારી શાળાઓના વિદ્યાર્થીઓએ વિવિધ રમતો અને એથ્લેટિક્સમાં ભાગ લીધો હતો.
આ ખેલ મહાકુંભમાં વી. એલ. ગેલાણી વિદ્યાલયના ધોરણ ૯ અને ૧૦ ના વિદ્યાર્થીઓએ રસાખેંચની સ્પર્ધામાં ભાગ લીધો હતો અને દ્વિતીય સ્થાન પ્રાપ્ત કર્યું હતું. આ ઉપરાંત, શાળાની ધોરણ ૯ ની વિદ્યાર્થીની ઝાપડીયા હર્ષિતાએ ૧૦૦ મીટર દોડમાં બીજો ક્રમાંક મેળવ્યો હતો.
તાલુકા કક્ષાના આ ખેલ મહાકુંભમાં વી. એલ. ગેલાણી વિદ્યાલયના વિદ્યાર્થીઓના શ્રેષ્ઠ પ્રદર્શન અને ક્રમાંક પ્રાપ્ત કરવા બદલ શાળા પ્રમુખ કાળુભાઈ ગેલાણી, આચાર્ય ઇલાબેન મારકણા, કેમ્પસ ડાયરેક્ટર દિનેશભાઈ કુબાવત અને સુપરવાઈઝર દયાબેન કરકર દ્વારા તમામ વિજેતા વિદ્યાર્થીઓને શુભેચ્છાઓ પાઠવવામાં આવી
હતી.
અહેવાલ:- મહેશભાઈ મેવાડા નો બાબરા થી ખેલ વિશેષ અહેવાલ
