રીપોર્ટર: કુલદીપ ભાટીયા (સાબરકાંઠા)
સાબરકાંઠા જિલ્લામાં શાસન-વ્યવસ્થાના આર્થિક માળખાની કસોટી કરવાનો મહત્વપૂર્ણ દિવસ બન્યો છે. રાજ્ય નાણાં પંચના અધ્યક્ષ યમલ વ્યાસની અધ્યક્ષતામાં ચોથા રાજ્ય નાણાં પંચે જિલ્લા કલેકટર કચેરી ખાતે ઉચ્ચ સ્તરીય મુલાકાત લઈને નગરપાલિકાઓના આર્થિક મોડલ, આવકના સ્ત્રોત, વહીવટી વ્યવસ્થાની કાર્યક્ષમતા અને ખર્ચના માળખાની વિગતવાર સમીક્ષા કરી હતી.
જિલ્લાની પ્રોફાઈલ અને નગરપાલિકાઓની પરિસ્થિતિ પર પ્રેઝન્ટેશન
જિલ્લા કલેક્ટર લલિત નારાયણસિંહ સાંદુએ જિલ્લાની કુલ પ્રોફાઈલ, નગરપાલિકાઓની હાલની પરિસ્થિતિ, તેમની આવક-જાવક, જાહેર સેવાના ખર્ચ, સ્કીમની અમલવારી, તથા હાલના પડકારો વિશે વિગતવાર માહિતી આપી.સાબરકાંઠાની કુલ છ નગરપાલિકાઓની વિકાસ ગતિ, ઇન્ફ્રાસ્ટ્રક્ચર અને ફાઈનાન્સિયલ મેનેજમેન્ટ પર પણ પ્રેઝન્ટેશન રજૂ થયું.
નાણાં પંચ દ્વારા નગરપાલિકાઓની આર્થિક સ્થિતિની ઊંડાણપૂર્વક સમીક્ષા
અધ્યક્ષ યમલ વ્યાસેએ જણાવ્યું કે સંવિધાનની કલમ 243(i) હેઠળ નાણાં પંચની રચના આ મૂળ હેતુથી થઈ છે કે, સ્થાનિક સ્વરાજ્ય સંસ્થાઓની આર્થિક ક્ષમતાનું વિશ્લેષણ કરી તેમને મજબૂત કરવા માર્ગદર્શન આપવામાં આવે.
બેઠકમાં
નગરપાલિકાઓની આવક અંગેની વાસ્તવિક સ્થિતિ,
હાલ ચાલતા વિકાસ કાર્યો માટેની નાણાકીય જરૂરિયાત,
નોન-પ્લાન અને પ્લાન હેડ હેઠળના ખર્ચનું વિશ્લેષણ,
વેસ્ટ મેનેજમેન્ટ, વોટર સપ્લાય, સ્ટ્રીટલાઇટ, રોડવર્ક, ડ્રેનેજ જેવી સેવાઓના ખર્ચનું મૂલ્યાંકન
વિગતે ચર્ચાયા.
નગરપાલિકાઓને આત્મનિર્ભર બનાવવા માર્ગદર્શન
યમલ વ્યાસે ખાસ ભાર મૂક્યો કે:
નગરપાલિકાઓએ પોતાની આવક જનરેટિંગ મોડલ વધુ મજબૂત કરવો જોઈએ
અન્યત્ર ખર્ચને નિયંત્રિત કરી ફાઈનાન્સિયલ ડિસિપ્લિન લાવવી જરૂરી
પ્રોપર્ટી ટેક્સ, યુઝર ચાર્જ, લાયસન્સ ફી અને સર્વિસ ચાર્જ જેવા સ્ત્રોત મજબૂત કરવાથી નગરપાલિકાઓ વધુ સક્ષમ અને સ્વાવલંબન બને
ટેક્નોલોજી આધારિત મોડલ અપનાવી રેવન્યુ કલેકશનમાં પારદર્શિતા લાવવી
જિલ્લાની છ નગરપાલિકાઓ સાથે સીધી ચર્ચા
નાણાં પંચના સભ્યો દ્વારા જિલ્લા ની છ નગરપાલિકાઓના પ્રમુખો, ચીફ ઓફિસરો, સભ્યો સાથે સીધી વાતચીત કરી તેમની સમસ્યાઓ, આર્થિક પરિસ્થિતિ, વિકાસ રોકાણની જરૂરિયાત અને હાલના પ્રોજેક્ટ્સની પ્રગતિ અંગે વિસ્તૃત અભિપ્રાયો લેવાયા.
બેઠકમાં ઉપસ્થિત અધિકારીઓ
આ મહત્વપૂર્ણ સમીક્ષા બેઠકમાં—
જિલ્લા કલેક્ટર — લલિત નારાયણસિંહ સાંદુ
જિલ્લા વિકાસ અધિકારી — હર્ષદ વોરા
નિવાસી અધિક કલેક્ટર — કિષ્ણા વાઘેલા
નાણાં પંચના સભ્યો — જે.ડી. પટેલ, બી.પી. ચૌહાણ, સુનિલભાઈ સોલંકી, અભયસિંહ ચૌહાણ, બિપીન જાદવ
તમામ છ નગરપાલિકાના પ્રમુખો અને ચીફ ઓફિસર ઉપસ્થિત રહ્યા.
ચર્ચાઓ, વર્તમાન તંત્ર અને સામાન્યોને સુધારવા માટે જરૂરી સૂચનો આપી નગરપાલિકાઓને વધુ કાર્યક્ષમ બનાવવા દિશામાં આ મુલાકાત મહત્વપૂર્ણ બની.
