અહેવાલ: કુલદીપ ભાટીયા, સાબરકાંઠા
ભિલોડા ત્રણ રસ્તા પર રીક્ષામાં ૨.૪૬ લાખના ગાંજા સાથે બે ઇસમો ઝડપાયા
ઇડર: ભિલોડા ત્રણ રસ્તા પાસે ઇડર પોલીસે ગાંજાની મોટી હેરાફેરીમાં સફળ કાર્યવાહી કરી છે. પોલીસને મળેલી બાતમી અનુસાર, બે શંકાસ્પદ ઇસમો રીક્ષામાં ગેરકાયદેસર ગાંજો લઈ જઈ રહ્યા હતા.
પોલીસે વાહન ચેકિંગ દરમિયાન રીક્ષા નં. GJ 02 YY 9907ને રોકી તપાસ શરૂ કરી. તપાસ દરમિયાન રીક્ષાની સીટ નીચે 4.920 કિગ્રા ગાંજો, રીક્ષા કિંમત રૂ. 45,000, અને મોબાઈલ નંગ 2 (રૂ. 45,000) મળી કુલ રૂ. 3.36 લાખનો મુદ્દામાલ જપ્ત કર્યો.
ગિરફત કરાયેલા ઇસમોમાં છે:
યોગેશ રમેશભાઈ ચૌહાણ – હાલ અમદાવાદ, મૂળ રાજસ્થાન
રાહુલ રમેશભાઈ પરમાર – અડાલજ, ગાંધીનગર, મૂળ લુખાસણ, તાલુકા સિદ્ધપુર, જી. પાટણ
આ ઉપરાંત, ગાંજો વેચાણ કરનાર વિષ્ણુ તિલરવા વિરુદ્ધ પણ ગુન્હો નોંધાયો છે. આગળની કાર્યવાહી ઇડર પોલીસ સ્ટેશનના PSI પી.એમ. ઝાલા દ્વારા હાથ ધરવામાં આવી છે.
આ કાર્યવાહી દ્વારા ઇડર પોલીસે ગેરકાયદેસર ગાંજાના વહન અને વેચાણને રોકવા મહત્વપૂર્ણ પગલું ભર્યું છે.
