પીઆઈ પરમારના કાર્યભાર બાદ લાંઘણજ વિસ્તારમાં વધી પોલીસની સક્રિયતા — ટુંડાલી ગામની સીમ અને લાંઘણજ જૈન દેરાસર નજીક રેડ — રૂ. 25,000થી વધુ રોકડ સાથે 11 ઈસમો ઝડપાયા
લાંઘણજ..
પોલીસની સક્રિય કામગીરીથી જુગારિયા ઓમાં ફફડાટ
મહેસાણા જિલ્લાના લાંઘણજ પોલીસ મથક હેઠળ છેલ્લા કેટલાક સમયથી જુગાર તથા અન્ય અસામાજિક પ્રવૃત્તિઓમાં વધારો થતો હતો. પરંતુ પીઆઈ પરમારના આગમન બાદ પરિસ્થિતિમાં મોટો બદલાવ જોવા મળી રહ્યો છે. હવે પોલીસની સતત કાર્યવાહીથી અસામાજિક તત્વોમાં ડરનો માહોલ છે.
બે સ્થળે દરોડા — 11 જુગારીઓ ઝડપાયા
લાંઘણજ પોલીસ સ્ટાફ પેટ્રોલિંગ દરમિયાન બાતમીના આધારે ટુંડાલી ગામની સીમમાં જુગાર રમતા છ ઈસમોને રૂ. 25,000થી વધુ રોકડ રકમ અને જુગારના સાધનો સાથે ઝડપી પાડ્યા.થોડી જ વારમાં લાંઘણજ ગામના જૈન દેરાસર નજીકથી પાંચ જુગારીઓને પણ ઝડપી પાડવામાં આવ્યા. બંને સ્થળે રોકડ રકમ, પત્તાની ગડીઓ અને અન્ય જુગારના સાધનો જપ્ત કરવામાં આવ્યા.
ઝડપાયેલા ઈસમોના નામ:
જુનેદ સમસુદ્દીન સૈયદ (નાગલપુર)
ઇસ્માઇલ સાહેબખાન પઠાણ (મંડાલી)
નેચુમ અનવર ખાન પઠાણ (ખોરજ)
જાવેદ મોહમ્મદખાન પઠાણ (ટુંડાલી)
ફિરોઝ સોરબખાન પઠાણ (ટુંડાલી)
વજેસિંહ હરજી ઠાકોર (ટુંડાલી)
અન્ય પાંચ ઈસમો સામે પણ કાયદેસરની કાર્યવાહી હાથ ધરાઈ છે.
કાયદેસર કાર્યવાહી શરૂ
લાંઘણજ પોલીસે જુગાર અધિનિયમ હેઠળ ગુનો નોંધ્યો છે. રોકડ રકમ અને જુગારના સાધનો પુરાવા તરીકે જપ્ત કર્યા છે. બંને કિસ્સામાં કાયદેસર કાર્યવાહી ચાલુ છે.
પોલીસની આ સતત કાર્યવાહીથી વિસ્તારના અસામાજિક તત્વોમાં ફફડાટ ફેલાયો છે. સ્થાનિક રહેવાસીઓએ જણાવ્યું કે “લાંઘણજ પોલીસની સતત હાજરી અને સક્રિયતા ગામમાં કાયદો-સુવ્યવસ્થા જાળવવામાં મહત્વપૂર્ણ સાબિત થઈ રહી છે.”
અંતિમ ટિપ્પણી..
લાંઘણજ પોલીસ મથકના પીઆઈ પરમારના નેતૃત્વ હેઠળ વિસ્તારની શાંતિ માટે આ કાર્યવાહી મહત્વપૂર્ણ છે. પોલીસની લાલ આંખથી હવે સ્પષ્ટ સંદેશ ગયો છે કે અસામાજિક પ્રવૃત્તિઓ માટે લાંઘણજ માં કોઈ જગ્યા નહીં રહે.
