રિપોર્ટ: હસમુખભાઈ નાયક – ખેડા, ગળતેશ્વર
ખેડા જિલ્લાનું ગળતેશ્વર તાલુકું આજે દેશભક્તિના રંગે રંજાયું હતું. અખંડ ભારતના શિલ્પી, લોખંડી પુરુષ અને રાષ્ટ્રને અદ્વિતીય એકતાનીભાવના આપનાર શ્રી સરદાર વલ્લભભાઈ પટેલની 150મી જન્મજયંતિને અનુસંધાને ઠાસરા વિધાનસભા ક્ષેત્ર દ્વારા “સરદાર @ 150 — યુનિટી માર્ચ”નું ભવ્ય આયોજન કરવામાં આવ્યું. આ પદયાત્રાની શરૂઆત ગાયત્રી મંદિર થર્મલથી થઈ હતી, જે સેવાલિયા સુધી આશરે 8 કિમી સુધી ઉત્સાહી જનસમૂહ સાથે આગળ વધતી રહી.
આ પદયાત્રામાં જુદી જુદી વયના લોકો, યુવા દળો, મહિલાઓ, સ્થાનિક સંગઠનો અને રાજકીય આગેવાનોનો ઉત્સાહપૂર્વક જોડાણ જોવા મળ્યો. એકતા, શાંતિ અને દેશહિતનો સંદેશ આપતા સૂત્રોચ્ચારો સાથે સમગ્ર માર્ગ દેશભક્તિના ઉચ્ચારોમાં ગુંજી ઉઠ્યો હતો.
મહત્વપૂર્ણ આગેવાનોની હાજરીથી પદયાત્રામાં ઉમંગ દ્વિગુણો
આ પદયાત્રા માત્ર ધાર્મિક અને રાષ્ટ્રીય ભાવનાની ઉજવણી નહીં પરંતુ સમાજને એકતા અને વિકાસ માટે પ્રેરક સંદેશ પણ આપી રહી હતી. કાર્યક્રમમાં પ્રભારી મંત્રી તથા કેબિનેટ મંત્રી શ્રી રમણભાઈ સોલંકી, ધારાસભ્ય શ્રી યોગેન્દ્રસિંહ પરમાર મુખ્ય ઉપસ્થિત રહ્યા હતા. ઉપરાંત, પ્રાંત અધિકારી, વિવિધ સંગઠન મંડળોના પ્રમુખો, મહામંત્રીઓ, જિલ્લા અને તાલુકા પંચાયતના સભ્યગણ સહિત વહીવટી તંત્રના અધિકારીઓ પણ સાથે ચાલતા જોવા મળ્યા.
ઠાસરા વિધાનસભાના ભારતીય જનતા પાર્ટીના કાર્યકરો મોટાપાયે જોડાયા હતા. સમગ્ર માર્ગમાં સરદાર પટેલના વિચારો, તેમની દેશસેવા, રાષ્ટ્રીય એકતાના કાર્ય અને ભારતના એકીકરણમાં આપેલા યોગદાનના પોસ્ટરો તથા બેનરો સૌનું ધ્યાન ખેંચતા હતા.
એકતાનું પ્રતિક — સામાજિક સમરસતા અને દેશભક્તિને મજબૂત બનાવતી પદયાત્રા
આ યુનિટી માર્ચ માત્ર સ્મરણાર્થ કાર્યક્રમ નહોતો, પરંતુ યુવા પેઢીને રાષ્ટ્રીય એકતાનો પાઠ ભણાવવાનો પ્રયાસ હતો. પદયાત્રા દરમ્યાન વિવિધ સ્થળોએ આવકાર સમિતિઓ દ્વારા આગેવાનો અને પદયાત્રીઓને આવકાર અપાયો. ગ્રામજનો દ્વારા પાણી, નાસ્તો અને સેવા કાર્યો કરવામાં આવ્યા. સ્થાનિક લોકોમાં ઉત્સાહ એવો હતો કે તેઓ પણ પદયાત્રામાં જોડાઈ જતા હતા.
સરદાર પટેલના વિચારોને જીવંત રાખવા અને દેશને એકતાની કડીથી જોડતા મેસેજને ગામગામ પહોંચાડવા માટે આ પ્રકારની પહેલની જરૂરિયાત આજે વધુ અનુભવી રહી છે. પદયાત્રા અંતે સેવાલિયામાં સમાપન સભા યોજાઈ હતી, જ્યાં રાષ્ટ્રનિર્માણ, વિકાસ અને સંકલિત સમાજ વિશે સંદેશ આપવામાં આવ્યો.
