અહેવાલ : મેહુલ પટેલ, ભરૂચ
ભરૂચ જિલ્લાના ઔદ્યોગિક વિસ્તારમાં ઓગસ્ટ 2022માં ડ્રગ્સ ઉત્પાદના કેસથી ચર્ચામાં આવી ગયેલી પાનોલી GIDCની Infinity Research & Development કંપનીને લઈને એક નવો ખુલાસો સામે આવ્યો છે. બેંક લોન ભરપાઈ ન થતા કંપનીને હરાજીમાં વેચી દેવામાં આવી હતી અને હાલમાં આ કંપની નવા નામે ફરી કાર્યરત છે.
2022માં પકડાયું હતું ₹2400 કરોડનું ડ્રગ્સ
પાનોલી GIDCનાં પ્લોટ નં. 2924/3-4 (ફેઝ-3) સ્થિત ઇન્ફીનીટી કંપનીમાં NCB અને ભરૂચ SOG દ્વારા ઓગસ્ટ 2022માં બે અલગ ગુનાઓ નોંધાયા હતા.
NCBએ ₹700 કરોડનો ડ્રગ્સ મુદામાલ જપ્ત કર્યો હતો
SOGએ ₹1382 કરોડનો મુદામાલ ઝડપી લીધો હતો
કુલ મળીને લગભગ ₹2400 કરોડના નશીલા પદાર્થીઓ પકડાયા હતા.
આ અંગે અંકલેશ્વર રૂરલ પોલીસ સ્ટેશનમાં NDPS એક્ટ હેઠળ ગંભીર ગુનાઓ દાખલ થયા હતા.
અરજદારોએ ધરપકડ — કેસ મુંબઈ સ્પેશિયલ NDPS કોર્ટમાં પેન્ડિંગ
ડ્રગ્સ ઉત્પાદનના ભયાનક ગેરકાયદેસર કૃત્યમાં નીચેના આરોપીઓની ધરપકડ કરવામાં આવી હતી:
ચિંતન રાજુભાઈ પાનશેરીયા (અંકલેશ્વર)
જયંત જીતેન્દ્રકુમાર તિવારી
હરેશ ભીમજીભાઈ વાલાણી (સુરત)
રામેન્દ્રકુમાર ગીરીરાજ કીશોર દિક્ષીત (ભરૂચ)
પ્રેમપ્રકાશ પારસનાથ સિંહ (મુંબઈ)
હાલ તમામ આરોપીઓ જેલમાં છે અને કેસ મુંબઈ સ્પેશિયલ NDPS કોર્ટમાં ચાલી રહ્યો છે.
બેન્ક લોન ન ભરાતા કંપની બેંક કબ્જામાં — 4 વખત ઓક્શન
બેંક ઓફ કર્ણાટકારે ઇન્ફીનીટી કંપનીને આપવામાં આવેલી લોનની ભરપાઈ ન થતા કંપનીને કાયદેસર રીતે કબ્જે લીધી હતી.
બેંકે કંપનીના 4 હરાજી પ્રયાસ કર્યા:
1️⃣ 26 સપ્ટેમ્બર 2023
2️⃣ 5 ફેબ્રુઆરી 2024
3️⃣ 30 માર્ચ 2024
4️⃣ 25 એપ્રિલ 2024
છેલ્લી ચોથી હરાજીમાં સફળતાપૂર્વક ખરીદી પૂર્ણ થઈ.
₹13.48 કરોડમાં કંપની ખરીદી — હવે નવી ઓળખ: Zentika Pharma India Pvt Ltd
ચોથી હરાજીમાં નીચેના વ્યક્તિઓએ કંપની ખરીદી લીધી:
અવિનાશ દિનેશકુમાર પટેલ
ઉમંગ હસમુખભાઈ પટેલ
ધર્મા ભરતભાઈ મિસ્ત્રી
પ્રિયંકા ચૌધરી
કંપનીની કિંમત રાખવામાં આવી હતી ₹13.48 કરોડ, જેમાં નવા ખરીદદારોે સફળ બિડ કરી કંપની હાથ ધરેલી.
હાલમાં કંપનીનું નવું નામ છે —
Zentika Pharma India Pvt. Ltd.
તથા અહીં કાયદેસર દવાઓનું ઉત્પાદન કરવામાં આવે છે.
ભરૂચ જિલ્લા પોલીસની તપાસથી ખુલ્યું સત્ય
આ પ્રશ્ન ચર્ચામાં હતો કે આટલી મોટી ડ્રગ્સ ફેક્ટરી ફરી કેવી રીતે શરૂ થઈ?
ભરૂચ જિલ્લા પોલીસે તપાસ બાદ સ્પષ્ટ કર્યું કે કંપનીને બેંકે હરાજીમાં કાયદેસર વેચી હોવાથી, નવા માલિકો સંપૂર્ણપણે અલગ છે અને તેઓ ફક્ત દવાઓના કાયદેસર ઉત્પાદન સાથે કંપની ચલાવે છે.
અર્થાત્, નવા માલિકો અને અગાઉના ડ્રગ્સ કેસનો કોઈ સંબંધ નથી.
