કપડવંજ તાલુકાના ઘડિયા ગામમાં કાદવ–કીચડ અને બેદરકાર વ્યવસ્થા: R.C.C. માર્ગ અદ્રશ્ય, રોગચાળો ફાટી નીકળવાની ભીતિ

રિપોર્ટર: દિપક પરમાર, ઘડિયા

ખેડા જિલ્લાનો કપડવંજ તાલુકો અને ખાસ કરીને ઘડિયા ગામનું મુરાવત ફળિયું છેલ્લા ઘણા દિવસોથી દયનીય સ્થિતિમાંથી પસાર થઈ રહ્યું છે. અહીં આવેલ R.C.C. રોડ સંપૂર્ણપણે કાદવ, કીચડ અને પાણીથી ભરાઈ જતાં માર્ગ જાણે અદ્રશ્ય થઈ ગયો છે. ચાલવા તો દુર, બે-વ્હીલર પણ ફસાઈ જાય એવી ગંભીર પરિસ્થિતિ ઉભી થઈ છે. સ્થાનિકો જતાં કહે છે કે સ્થિતિ “કહેવા જેવી પણ નથી રહી”.

સ્થાનિક નાગરિકો દ્વારા સ્પષ્ટપણે જણાવવામાં આવ્યું છે કે—

“કીચડ અને ગંદકી એટલી વધી ગઈ છે કે ક્યારે રોગચાળો ફાટી નીકળે એ કહી શકાય નહીં. પરંતુ છતાં પણ પંચાયતની આંખ ખુલી નથી.”

ગ્રામજનોની માન્યતા મુજબ લાંબા સમયથી સમસ્યાની રજૂઆત છતાં કોઈ નોંધ લેતો નથી, જેને કારણે લોકોમાં ભારે રોષ ફેલાયો છે.

5 વર્ષ બાદ પણ વિકાસ શૂન્ય?

સ્થાનિક લોકોનું કહેવું છે કે સમગ્ર વોર્ડ નં.–1માં માર્ગોની સ્થિતિ ખરાબ છે, પરંતુ વોર્ડ સભ્ય પણ નથી—એથી સમસ્યા વધારે જટિલ બની છે.

ચૂંટણી બાદ પાંચ વર્ષ પૂરાં થવા આવ્યા છતાં કોઇ મોટા વિકાસકાર્ય હાથ ધરવામાં ન આવતા લોકો હવે ખુલ્લેઆમ પ્રશ્ન ઉઠાવી રહ્યા છે કે—

“જ્યાં જરૂર હોય ત્યાં કામ કેમ નથી થતું? અને જો રોગચાળો ફેલાય તો જવાબદાર કોણ?”

વોર્ડ નં.–1ના નાગરિકોને પીવાનું પાણી, સ્વચ્છતા અને મૂળભૂત સુવિધાઓ અંગે સતત મુશ્કેલીઓ આવી રહી છે. ગામના લોકોનું માનવું છે કે વિકાસના વચનો તો આપવામાં આવે છે, પરંતુ કામોની હકીકત જમીન પર દેખાતી નથી.

ગામમાં અસંતોષ: ‘પંચાયતને કોઈ ફરક જ નથી પડતો’

સ્થાનિક લોકોનો આક્ષેપ છે કે કેટલાય વખત મૌખિક અને લેખિત રજૂાતો કરવા છતાં પંચાયત તંત્ર નિષ્ક્રિય રહ્યું છે. R.C.C. રોડ પાણી અને કાદવમાં દટાઈ જતાં નાગરિકોની દૈનિક અવરજવર મુશ્કેલ બની છે, ખાસ કરીને બાળકો અને વડીલોને તો ભારે જોખમ ઊભું થાય છે.

રોગચાળો ફેલાવા જેવી પરિસ્થિતિ સર્જાઈ રહી હોય છતાં તંત્ર હલચાલ કરતું ન જોવા મળવું ખેદજનક ગણાઈ રહ્યું છે.