છેલ્લા ઘણા સમય થી લોકો સ્થાનિક સ્વરાજ્ય ની ચૂંટણી ની રાહ જોતા હતા અને ચૂંટણી યોજાઈ પણ ગઈ અને સરપંચ બનવા થનગની રહેલા લોકો ચૂંટણી જીતી ને સરપંચ બન્યા પણ ખરા અને કેટલાક ના ચૂંટણી હારી ને સરપંચ બનવા સપના ઉપર પાણી પણ ફરી વળ્યું.પરંતુ કદાચ પહેલી વાર મહેસાણા જીલ્લામાં એવો કિસ્સો સામે આવ્યો કે ફક્ત 20 વર્ષ ની યુવતી સરપંચ બની ગઈ.સરપંચ બનવા માટે ની લાયકાત 21 વર્ષ છે તેમ છતાં 20 વર્ષીય યુવતી સરપંચ પદે ઊભી પણ રહી અને સરપંચ બની પણ ગઈ.હવે આ સમગ્ર ઘટનામાં ભૂલ કોની સરપંચ બનનાર 20 વર્ષીય યુવતીની કે ફોર્મ ચકાસણી કરનાર ચૂંટણી અધિકારી ની.
મહેસાણા જિલ્લાના ગિલોસણ ગામની ચૂંટણી માં 20 વર્ષીય યુવતી અફરોજ પરમાર સરપંચ બની ગયા બાદ તંત્ર ના ધ્યાન ઉપર આવ્યું કે જે યુવતી સરપંચ બની છે તે હજી સરપંચ બનવા માટે ની પ્રાથમિક લાયકાત પણ ધરાવતી નથી.મહેસાણા તાલુકાના ગિલોસણ ગામમાં અફરોજ પરમાર નામની યુવતીએ સ્થાનિક સ્વરાજ્ય ની ચૂંટણીમાં સરપંચ પદ માટે ની ઉમેદવારી ફોર્મ ભર્યું તેમાં પણ તેણે છેડછાડ કરી 21 વર્ષ બતાવ્યા હતા પરંતુ તેની ઉમર હજી સુધી 20 વર્ષ જ થઈ હતી.જ્યારે સમગ્ર મુદ્દો ચર્ચામાં આવ્યો ત્યારે તંત્ર ને ખબર પડી કે યુવતીની ઉંમર હજી સરપંચ બનવા માટેની થઈ જ નથી.જ્યારે તપાસ થઈ ત્યારે માલૂમ થયું કે અફરોજ પરમાર ની ઉમર એલ સી અને આધારકાર્ડ માં અલગ અલગ છે.યુવતીની ઉંમર એલ સી માં 07 જાન્યુઆરી 2005 છે અને આધારકાર્ડ તેમજ ચૂંટણી કાર્ડ માં 8 ડિસેમ્બર 2004 છે.બંને ડોક્યુમેન્ટ માં જન્મતારીખ અલગ અલગ છે તેમ છતાં એકમાં પણ યુવતીની ઉંમર 21 વર્ષ થતા નથી. સમગ્ર મામલો બહાર આવતા તાલુકા વિકાસ અધિકારીએ તપાસ કરી અહેવાલ પ્રાંત અધિકારીને આપ્યો છે.અહેવાલમાં બે અધિકારીઓની ભૂલ સામે આવી છે જેમાં તત્કાલીન ચૂંટણી અધિકારી અને વિસ્તરણ અધિકારી નયન પ્રજાપતિ તેમજ મદદનીશ ચૂંટણી અધિકારી જીગ્નેશ સોલંકી ની ભૂલ સ્પષ્ટ પણે દેખાઈ આવે છે કેમ કે તેમણે ઉમેદવાર ના ડોક્યુમેન્ટ ની તપાસ કરવામાં કચાશ રાખી છે.ગિલોસણ ના સરપંચ બનેલી યુવતીની ની ઉમર 21 વર્ષ પૂર્ણ થવામાં હજી સુધી 6 થી 7 મહિના બાકી છે તેમ છતાં તેણે પણ વિગતો છુપાવી હોવાથી ચૂંટાયેલા સરપંચ વિરુદ્ધ કાર્યવાહી પણ થઈ શકે છે.પરંતુ આમાં ભૂલ કોની સરપંચ બનનાર યુવતીની કે ચૂંટણી અધિકારી ની કે બંને ની
??
